@@ بنوتـــآاآأآت وحريمــآاآأآت.... حيـــآكمــ الرحمــــن.... @@

عضو مميز

سلاااام خوخة
العرس في الصحاورية بصح العروسة بين دوز وبوهني مانعرفش مليح هاذوك الجوايه ههه
ويونس رجع من العرس مريض الحلاقم + كرشه تخلطت عليه بصح يلا كتب ربي بعد الولادة
مباشرة بإذن الله نحيليه الحلاقم يريح و نريح معاه
و الإسم مازلت حاصلة في أنس قلت موالم ليونس و ثاني خفيف ربي يوفق برك و يحسن خلقه
و خلقه
مازال ماخملت حتى حقيبة المستشفى ماعرفت منين نبدا مادابيك منين يكون عندك الوقت ذكريني بالضروري
و الدواء نزيد المساء إن شاء الله نسالك عليه و يلاعندك الكروية ثاني سمعت مفيدة جربيها على الله
ربي يشافيك

مراقبة عامة للمنتدى

اختي سوسو ربي يشفي يونس مسكين وما دابيك كيما قلتي كي تزيدي وتريحي نحيله الحلاقم با ترتاحي وه يرتاح
والعروسة بلاك من يعلو ههههههههههه
الحقيبة انا ما نعرفش خاطرش هنا كي تروحي تولدي ما تدي معاك والو تدس غسر قشك وقش البيبي لي تخرجي فيه برك
انا دايما نروح يديا فارغين هههههههههه كلشي موجدينه في المستشفى حتى ليكوش نتاع البيبي ونتاعك كلشي واجد
سقسي ام زسنب تخبرك ولا كاش وحدة تعرفيها نجرب الكروية ونشوف على ري ان شاء الله

مشرفة ركن الطبخ

اهلا سوسو كيفك
واقيله راني زعفانه منا ههههه
كيفاه ماسقسيناش عليك
عاودي اقري الردود تلقاي قلت بلي راكي ولدت ولا المدير نحالك المكرو ههههههه
الله يسهلك و بصحتك العرس

عضو مميز

أهلا زيزي شفت كيفاش فقتيلي هههه
يلا ماسالناش على بعضانا كيفاش نتسماو أخوات هذا أقل واجب المفروض
كيفاش راكي و الأولاد وكاش توجاد ؟
إيه قريت ردك و الميكروا لوكان ينحيهلي نجمع يدي خاطر خدمتنا كامل بيه
وولادتي مازال بعض الأسابيع ربي يسلكها على خير برك

عضو مميز

مبروك الحمل ام هند
اسيا اختي العسل ديري شوية في ديك المنطقة كل يوم
ام مصعي ايه اديت اية للطبيب وقال من الفاكسا الي درتها لها

عضو مميز

سلام يا غاليات قلبي
كيف حالكم
الحمد لله اطمنا عليك سوسو
والبقية راكم تغيبو انا جيت ههههههههههههههههههههه
خوخة هند عندها ولد بربي ان شاء الله حابة تسميه ساجد زوجها الي اختار الاسم

ادارة المنتدى

سلام يا لبنات وينكم
ام هند الف مبروك لبنتك
زيزي رح نغلق المنتدى كما قلتي
ههههههههههههههههههه

مشرفة ركن الطبخ

هههههه يا سوسو
فقت ليك صح .
انا كنت عالابالي بلي النيت ماعندكش
يا اختي ديري النيت في الدار ، و لا نقولك كي تولدي اجمعي الدراهم الباروك هههههههه و اشري بيهم مكرو ههههههههه نعرف ندبر
ربي يشفي يونس
تعرفي انا سلسبيل بالاك عندها اللحمات حكمت موعد قالي لازم ديريلها في الليل واحد الماسك يسجل نبضات تاع القلب و كيفاه تشخر ههههه
قلت له انعم سيدي الطبيب كي وصل الموعد ماحبيتش نروح ، قررت بلي تقعد بيهم خفت
كي تنحيهم تصرالها مكروه ،،،،،
ام هند مبروك علي هند
مومنه الله يشفي ايه
ميمي كيفك واقليه نديرو مسابقه للعضوات لتدخل بزاف نديرولها كادو هههههههههههه

عضو مميز

سلام
تسجيل حضور من بعد نرجع
ام يونس من بعد نقلك واش تدي معاك ف الكابة تاع المشفى
مشغووووووووووووووووووووووولة

ادارة المنتدى

سلام كيفكم يا احلى عضوات
راني صورتلكم رحلتي تاع قالمة شوفوها في ركن السياحة

مراقبة عامة للمنتدى

سبحان من جعل الأخوة بيننا ..

رب القلوب مقسم الأرزاق ..
مني إليكم تحية ممزوجة ..
بمحبة من داخل الأعماق ..
يا رب أنت خلقتنا وجمعتنا ..
فاجعل لنا بعد الفراق تلاقي ..
في مجلس ذكر بل في جنة ..
بين الرياض وفي النعيم الباقي

اهلا بنات واشراكم لاباس انا راني عيانة كل يوم عند عجوزتي ربي

يشفيها راها في حالة و الخياطة تاع العملية راها ضارتها و زيد الظغط و السكر و الربو

الله يشفيها و يشفي جميع المسلمين

خوخة راني خايفة ما يوصلنيش الوقت للخياطة هههههههه علابالك قبيلة عيطتلي زكية

في الفيكس ملقاتنيش في الدار رد عليها ولدي كنت عند عجوزتي لازم كل يوم روح عندها

راكي تعرفي و الله العظيم اليوم نتاعي راه يروح هاك لا خياطة لا شغل البيت اااااااااااه

يا رب ادعولها تريح باش نقعد في داري

تهلاو في رواحكم روح ريح راني عاية و راسي يوجعني ايا سلااااام لكل الحبيبات

مراقبة عامة للمنتدى

ام فريد كتب:: اهلا بنات واشراكم لاباس انا راني عيانة كل يوم عند عجوزتي ربي

يشفيها راها في حالة و الخياطة تاع العملية راها ضارتها و زيد الظغط و السكر و الربو

الله يشفيها و يشفي جميع المسلمين

خوخة راني خايفة ما يوصلنيش الوقت للخياطة هههههههه علابالك قبيلة عيطتلي زكية

في الفيكس ملقاتنيش في الدار رد عليها ولدي كنت عند عجوزتي لازم كل يوم روح عندها

راكي تعرفي و الله العظيم اليوم نتاعي راه يروح هاك لا خياطة لا شغل البيت اااااااااااه

يا رب ادعولها تريح باش نقعد في داري

تهلاو في رواحكم روح ريح راني عاية و راسي يوجعني ايا سلااااام لكل الحبيبات

حبيبتي ام فريد

ربي يشااافي عجوزتك
وربي يثبت لك الاجر
وربي يفرح قلبك باولادك يا غالية
اصبري وتصبري يا غالية
كلللللللللله باجره والله ربي ما يضيع عنك شيئ
خلي بالك من نفسك ومن زوجك
ومن عيالك يا حبيبة
وربي يثبت لك الاجر
احبك في رب محمد
قلبي معك

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

اللهم يا فاتح الابواب , ومنزل الكتاب وجامع الاحباب ارزق مستلم الرساله رزقا كالامطار حين تصب , واجمعه بكل من يحب ، وهون عليه كل صعب ، واجعل ايامه عيدا ، ويومه سعيدا ،وعمره مديدا ،واجعل له من كل هم فرجا ،ومن كل ضيق مخرجا

اللهم يا عزيز يا جبار اجعل قِلوبنا تخشع من تقواك واجعل عيوننا تدمع من خشياك واجعلنا يا رب من أهل التقوى وأهل المغفرة وارزقنا الهدى والتقى والعفاف

يا رب الذي يرسل هذا الدعاء اجعله في زمرة خير الأحباب المصطفى صلى الله عليه

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

عاهدتكم أحبتي ما دمت حيا ..
فاني على دار الوفاء سأبقى ..
فإن باعدتنا الليالي دهوراً ..
إلا أن حبكم في الله يرقى ..
أجوب بذكريات الإخاء ..
وهل مثل إخائكم يوما سألقى؟

المشرفة العامة للمنتدى

السلام عليكم حبيباتي
اسعد الله يومكن
كيف حالكم
نورة اختي ربي ينورها في وجهك دنيا واخرة
جيجي ربي يشفي عجوزتك ويريح بالك
يا لبنات نوضو واش هذا الكسل راني راح نغرمكم كامل ههههههههههههههههه
ارواحو طلوااااااااااااااا

عضو مميز

السلام عليكم اخواتي الحبيبات
كيف حالكم
توحشتكم بالزاف
اسمحولي كان عندي ظروف
المهم راني جيت نطل عليكم ونطمن عليكم ونقولكم احبكن في الله
الف مبروك اختي اسيا وام زينب
ربي يعيشلكم اولادكم ويحفظكم

عضو مميز

السلام عليكم ورحمة الله
أسعد الله صباحكم بكل خير

اقتباس :: و لا نقولك كي تولدي اجمعي الدراهم الباروك هههههههه و اشري بيهم مكرو ههههههههه نعرف ندبر

هههههههه يازيزي يعطيك النو تشمخك ضحكتيني المشكل ماشي في الدراهم ولا في الميكروا
عندي ميكروا في الدار مستغله برك يونس مع الجو المشكل ماكانش الفيكس في كارتينا عاد منا وهاك الحي عاد جديد بالنسبة ليهم بالرغم عنده 10 سنين راكي عارفة بلادنا
و الباروك يا لالا هنا الأكثرية يخرجوا بالكادوا عيب يذخلوا يديهم فارغين يعني بلا باروك ههه
سمسم راني نسنا فيك ختي لما تفرغي خليني نتوكل على الله و نبدا
سلاااام للجميع

عضو مميز

اهلا اختي ام يونس
ربي يسلكك على خير ونفرحو بيك كما الاخرين ان شاء الله وجبيلنا انوس ليونس ههههههههههه
حنا يمدو الدراهمن واخرين ليكادو كل واحد واش يجيه ساهل يدير

عضو مميز

أهلا بيك أم البنات واش راكي و البنيتات إن شاء الله بخير
ربي يجازيك على الدعوة ولازم ثكثروا منها و تقولوا قليل
أحنا الدراهم قليييييل الأكثرية لي كادوا و الدراهم غير تكون قليلة ماعندهاش يحبوا يعاونوها
بصح تشوفي الدراهم خييير ههههه يعاونوك خصوصا ضرك الملومة واش عليا تنقام كثير
بصح الكادوات كاين ماينستغلوش خسارة بااطل

عضو مميز

ههههههههههه عندك الحق حبيبتي ام يونس
ربي يتمملك على خير
احنا غير الي تنفس وتكمل تشري الذهب تشري القش غير من لباروك
المهم تسلكي على خير هذيك هي
وين راحت زيزي ولات هي لهلال هههه
وخدوجة
والبقية راهم غايبات

مراقبة عامة للمنتدى

السلام عليكم اخواتي
يا لبنات زغرتو ام البنات وصلت
يا بنيتي وين كنتي راكي طولتي الغيبة علينا هذي المرة واش راكي حبيبتي
سوسو كي صبحتي اليوم وما قلتيليش وينتا تدي عطلة نتاع الامومة وينتا ترجعي تانيك للخدمة لازم نعرف ههههههههههههه
ميمي كيف حالك كي ف اصبحتي اليوم
نورة ربي ينورها في وجهك يا رب على الادعية الجيملة ربي يحفظك اختي
تمتم ونجود و وفاء ما ظهرو ش وينهم
جيجي اختي ما دابيا تخدميلي البدعيات بصح ايلا ما كفاكش الوقت معليش وربي يشفي عجوزتك
والبقية احلى سلامي ليكم
زيزي
سهاد
دوسة
نور الامان
ام ريما
زكية راهي في السماء طير هههههههههه
اسيونة
ولي نسيتها تسمحلي

عضو مميز

أهلا خوخة صبااحك أسعد
يلا كتب ربي مانتقلقش على العطلة حتى مع الزياادة خاطر في يونس تقلقت و بقيت في الدار
13 يوم باش زيدت ندمت حتى الطبيبة قالتلي لوكان خليتيهم تستغليهم من بعد
يعني لا كتب ربي و زيدت في جوان حسبي 3 أشهر و أسبوع يعني 98 يوم و زيدي شهر
نتاع العطلة نتاعي نتاع هذا العام و زيدي 25 يوم العطلة الي بقاتلي نتاع العام الي فات
هههه يعني بحول الله العيد الصغير و العيد الكبير في داري حتى يقرب عام 2011 هههههههه
بإذن الله

عضو مميز

اهلا خوخة حبيبتي الله ليغيبك حنونة توحشتك والله ماشي بيدي
سوسو راح تغيبي علينا بالزاف هكذا ما نعدوش نشوفك
لازم تديري حل

مشرفة ركن الطبخ

or=blue]]السلام عليكن يا انايمات يا بنات
وينكم واش هدا الكسل مازال الصيف بعيد
طل القمر يا سلام كيفك حنونه ام البنات و كيفهم البنات كاينه الرابعه ولا لا ههههه
سوسو عندك حق الدراهم احسن تعرفي انا صديقتي كي زيدت شرات ماشينه تاع الغسيل هههه و درك ناويه على عجانه هههه
انت تاني ديري كيفها
خوخه كيفك وكيفها مريومه راهي ترقد في الليل
جيجي كيفك الله يشفي عجوزتك تعرفي هي على الاقل كبيره و اللاعمار بيد الله ، عندي زوجه عمي صغيره في عمرها 36 سنه مسكينه جاها المرض الخبيث في صدرها وزاد ولالها في الكبده الله يشفيها و يسترنا امين يا رب
فيفي وينك واش ديري بلا مكرو هههه
ميمي انت تاني راكي تغيبي
نوره
ام زينب
ام هند
زكيه
مومنه
سوفيه
ام ريما
نور الامان
ا م بلال
ساجده بخشوع طلوا علينا و لو بكلمه[/size]

عضو مميز

السلام عليكم اهلا اهلا اهلا زيزي واش راكي ههههه لارابعة ولاهم يحزنون 3 يكفووووو هههههههههههههههههههههههه

مشرفة ركن الطبخ

انا الحمد لله يسال عليك الخير
هههههههههه واش بيك تخلعتي ههههه
البنات عاقلين على الدكور بالاك في الرابع يكون طفل هههه
انا نايضه ندي مصعب للمدرسه باه نتهني ساعتين من الزمان ،
مباعد نرجع
السلام عليكم

مراقبة عامة للمنتدى

يا سوسو راكي رايحة تقعدي بزاف عطلة غادي طولي علينا وكيفاش نديرو باه نشوفوك في المنمتدى هههههههههههه
ام البنات مرة اخرى ما تغيبيش علينااكثر من هاك هههههه ولا نقول لميمي تعاقبك
زيزي كيف راكي اليوم مريم مسكينة ترقد في الليل علامة تنوض ترضع وترجع ترقد لكان غير تبقى هاك ههههههههههههه الله يدومها نعمة

عضو مميز

السلام عليكم
ام يونس شوفي
اشري للبيبي تريكو تاع جلد بلا اكمام وب نص كم اشري 2 من كل نوع تاع المولود الجديد ما تكتريش راح يكبر بلخف
و لبسة تاع قطينة تكون تاع صيف
ليكوش تاع مولود جديد وننصحك تشريلو ماركة كونبيبي ماركة هايلة

وراكي عارفة الفراشيات والدرا
وليبات تاع قطينة يكونو خفاف
ام يونس انا راني نقلك على حساب ما ديت ف زينب هي ولدتها ف الصيف ما كترتلهاش احوايج خاطرش السخانة كنت نلبسلها برك كيلوت وتريكو د بو
و استعملت غير التريكاوات تا الجلد
ليبات خفاف
بالنسبة للتواليت اشري حليب منظف للاطفال و GANT ومنشفة خاصة بيه و عطر اطفال EAU DE COLOGNE
LINGETTE تستعمليهم على الاقل ف الاسبوع الاول تكوني عيانة متقدريش تغسللو فكل تبديلة للكوش
شامبو
ام يونس ادي معاك تريكوات تاع الجلد وكوش واللبسة و حطيلهم طرف قماش باس يمسحو لولدك خاطر مايدوشولهمش عندنا هههههه فنيانين
وانت ادي ليكوش هاذوك الكبار راكي عارفتهم يجو كما اوان بصح كبار
وملابسداخلية يكونو قطن
بيجاما تان قطن
ننصحك بالقطينة على جال تشرب العرق وما تسخنش
والتواليت تاعك ادي
ريحة ومشط ههههانا ديت كل شيء تقول عروسة وتقول حاجة درتها رجعتهم هكداك
من قبل كنت غير نزيد ونريح نروح للحمام نغسل ونبدل ونتعطر ونقعد ف فراشي
وهاد المره ههههه ملي زيدت وانا فوق البونك ماكنتش نقدر نمشي وتان لا شعر مشطتو ولا عطر ولا والللوووو كون شفتيني تموتي بالضحك كنت كي الغولة ههههه
المهم
ادي البدلة ليك بلاك تتقاس لبستك تبدلي
وادي دراوات
ام يونس اعطيني العنوان تعاع دارك نجي نخملك اني خابفة تنساي كاش حاجة هههههههه وتلوميني
ان شاء الله ربي يعطيك وقفة ساهلة وربي يسلكك على خير وتطمئني بشوفت ولدك انوس بجنب ولدك يونس
وكون غير تمديي هاتفك باش نتواصل معاك كي تدي العام تاع العطلة هههههه هاذ بروفيتاج ف الدولة موش عطلة امومة ههههه
نقصر معاك ربي يريح بالك ويهنيك ويسر لك امورك
وكي نتفكر كاش حاجة نقلك

مراقبة عامة للمنتدى

خمسة آيات من القرآن لفك الكرب ..!!

بسم الله الرحمن الرحيم
السلام عليكم و رحمة الله و بركاته
أخواني وأخواتى في الله
هناكَ خمسة آيات ذكرها التابعي الجليل:
ألإمام البصري رضي الله عنه

خمس آيات غفل عنها المسلمون في فك الكرب
و يتجهون للمشعوذين و الدجالين و القبور و نسوا ما قاله الله
أجدني لا احناج لشرحها فهي أوضح من أن أشرحها
[ندعوك للتسجيل في المنتدى أو التعريف بنفسك لمعاينة هذه الصورة]
قال الإمام البصري:
عجباً لمكروب غفل عن خمس آيات من كتاب الله عز وجل
وعلم فوائدها. قال تعالى:
• "وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ . الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ . أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ " [البقرة 157:155]
- صلوات: تزكية وثناء ومغفرة منه تعالى -
[ندعوك للتسجيل في المنتدى أو التعريف بنفسك لمعاينة هذه الصورة]
• " وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ . فَوَقَاهُ اللَّهُ سَيِّئَاتِ مَا مَكَرُوا وَحَاقَ بِآلِ فِرْعَوْنَ سُوءُ الْعَذَابِ " [غافر 44]
- نهاية الحوار الرائع بين مؤمن آل فرعون وقومه -
[ندعوك للتسجيل في المنتدى أو التعريف بنفسك لمعاينة هذه الصورة]
• " الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ . فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ " [آل عمران 173]
هذا كان فى غزوة حمراء الأسد بعد غزوة أحد مباشرة
[ندعوك للتسجيل في المنتدى أو التعريف بنفسك لمعاينة هذه الصورة]
• وقال تعالى ليونس عليه السلام:
" وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ . فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ " [الأنبياء 8]
[ندعوك للتسجيل في المنتدى أو التعريف بنفسك لمعاينة هذه الصورة]
• " وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِين فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ " [الأنبياء 83]
[ندعوك للتسجيل في المنتدى أو التعريف بنفسك لمعاينة هذه الصورة]
اللهم اجعل اخر كلامي في الدنيا لا اله الا الله محمد رسول الله
اللهم ما كان من خير فمن الله و حده .. و ما كان من شر فمني او من الشيطان
اللهم لا تجعلنا ممن ضل سعيهم في الحياة الدنيا وهم يحسبون انهم يحسنون صنعا

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

السلام عليييييكم يا غاليااااات

والله لكم وحششششششة كبيرة جداا
سااامحوننننني عن قلة دخولي للمنتدى
اني ادخل على قدر ما ادخل
وحشتوووووووني كل واحدة باسمها
دعواتكن لي بالتوفيق
احببببببببببكن في ربي

عضو مميز

الله يوفقك نوارة ويفتح عليك ابواب الخير ويبارك لك في اهلك ويرزقك خير الدارين
تحياتي ليك وقبلاتي لاولاد دليلة
احبك

عضو مميز

وين راكم
حشومة البيت راه مهجور
ادخلو

مراقبة عامة للمنتدى

سلام عليكم يا لبنات وينكم راكم تاركين البيت مهجور كيما هاك حرام عليكم زعمل قلناالمشرفات يقومو بيها ههههههههههه
والله قول عين ضربتكم ههههههههه
نورة ربي يوفقك حبيبتي وينورها في وجهك
اختي سامية واش هذي اليستة لي درتيها لسوسو غادي كي تدخل وتشوفها تتغاشا على البيرو نتاعها ههههههههههه
بزاف حوايج راكم تدوهم معاكم للمستشفى

مشرفة ركن الطبخ

السلام عليكم يا بنات
راكم كامل تستحقوا عقاب كبير يقدر بغرامه ماليه قدرها 1000 د.ج
ابتداأ من المديره الى المشرفات الى العضوات ههههه راكم غايبات عن المنتدى مسكين
سوسو كيفاه عطله عام كامل هههه ياسعد لي يخدم زيك لازم ديري حل باه تشاركي معانا
ام زينب راكي معوله سوسو ترحل الدار هههه واش هدا كل ههههه
خوخه كيفك راكي مرتاحه و كيفو عمر مازال غاير
و البقيه احبكن في الله

العضوة الشرفية

اهلا بلبنات وسهرتكم وليلتكم سعيدة نحبكم كامل بدون ذكر اسماء مع انايا وحدة نسايا هههههههه
وينكم كل ما ندخل ما نلقى حتى وحدة ههههههه موقبيلة دخلت لقيت روحي غير انا وواحد اسمو سيدي علي 18 الا مانسيتش اسمو لازم الرقابة تراقب ملييح [ندعوك للتسجيل في المنتدى أو التعريف بنفسك لمعاينة هذه الصورة]هههههههه والراجل اللي يدخل تعملو حصار وتخرجو من المنتدى
والله توحشتكم وحتى وحدة فيكم ما تفكرتني ولااطل عليا في مدوناتي [ندعوك للتسجيل في المنتدى أو التعريف بنفسك لمعاينة هذه الصورة] ما توحشتونيش
فاش فاش [ندعوك للتسجيل في المنتدى أو التعريف بنفسك لمعاينة هذه الصورة]عليكم كلكم
ههههههههه تهلاو في رواحكم

مشرفة ركن الطبخ

ههههههههههه يا سهاد كيفك حنونه و الله ديما في البال
على المدونه تاعك البارح برك و انا فيها
بصح قوليلي كيفاه نعلق كتبولي لازم نسجل في جوجل هههه
هدا الراجل لي دخل يا ويلو درك نحاوزوه هههه

العضوة الشرفية

الله يسهل وقفتك اختي ام يونس وما تكتريش اعليك ادي معاك غير اللازم انا نقلك هاكدا وتشوفي واش ندي معايا تخلعي تقولي مسافرة ههههههه علخاطش نقعد 10 ايام فندي ليا بزاف البسة ولولاجي تاني كنت نديلهم معايا لانو زوجي مايعلرف يدير والو لا يغسل ولا ينضفلي حوايج البيبي فناخد معايا بالزيادة دايما ولكن انتيا اكيد فيه ماليك معاك يعاونوك واللي تنسايها يجيبوهالك حنونتي الله يسهل وقفتك

اختي ام فريد ربي يشفي عجوزتك من كل شر وتبرالكم والله يجازيك كل خير على تعبك معاها
هادا واش يدي الواحد منا غير دعوة خير اللي تنفعنا في اخرتنا الله يعينك

العضوة الشرفية

هههههههههههه حنونتي زيزي لوكان برك خليتوني عليه لوكان كليتو راجل بيننا يا ويلنا ههههه

اختي ام مصعب ساهل كيتحبي تعلقي لازم تدخلي بلادريس ايمايل انتاعك ولا تكتبي في خانة مجهول يعني بلا والو تكتبي على طول برك في الاخير تقدري تقولي اختك ام مصعب باش نعرف بلي انت اللي علقتي

مشرفة ركن الطبخ

مفهوم يا سهاد درك نحاول درك لا ماصلحتش ديري لنا حل

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

العضوة الشرفية

ههههههههههه مايكون غير خاطرك حنونتي ساهل باش تعلقي
نخليك ونقلك ليلة سعيدة راني نرقد فلولادتصبحو على خير

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

السلام عليكم ورحمة الله وبركاته

[ندعوك للتسجيل في المنتدى أو التعريف بنفسك لمعاينة هذه الصورة]

لأول وهلة شاهدت هذه الصورة شدتني !

أمعنت النظر فيها فآلمتني ..!

تعمقت فيما تعبر عنه فأخذتني بعيداً وتفرعت بي لمتاهات يصعب وصفها !

أوقاتنا كمااضعناهافي سراب ؟!

أوقاتنا كم أودعناها للضياع !

كم هي معبرة هذه الصورة !

هي بلا شك تعبر عن واقعنا المؤلم اليوم

كم من أوقات أُغرقت وكم من ساعات وأدها صاحبها ..!

وكم من دقائق أهدرت فيما لا خير فيه ولا نفع لا في الدنيا ولا في الآخرة !

كم من وقت فاضل أهملناه ؟

كم من ساعة مباركة أضعناها ؟

كم صلينا بدون خشوع على عجل لأجل اللحاق بأمر دنيوي

كم قدمنا قراءة رواية او قصة على قراءة القرآن الكريم !

كم من مسلسلة شاهدناها وأخرنا لأجلها الصلوات

واحزناه على أوقات مضت في غير طاعة الله سبحانه وتعالى

وأسفاه على أوقات أنقضت في سفاسف وسخافات وأمور تافهة !

أخذتنا الدنيا بزخرفها وشغفتنا ببريقها

فأنستنا ما خلقنا لأجله !

سعينا وراء الملذات ومحاولة كسب المال

وتناسينا السعي لأجل نيل رضى ربنا ,

أضعنا أعمارنا في تفاهات وسفاسف ان لم تكن في محرمات

ونسينا يوم أن نقف بين يدي الله فيسألنا عن أوقاتنا فيما ابليناها وعن اعمارنا فيما افنيناها !

كما جاء في الحديث قال الرسول صلى الله عليه وسلم :

( ما تزال قدما عبد يوم القيامة حتى يسأل عن أربع

عمره فيما أفناه وعن شبابه فيما أبلاه

وعن ماله من أين اكتسبه وفيما أنفقه وعن علمه ماذا عمل فيه ؟)

كم وقت أمضيته جالساً لا تعمل شي سوى انك تفكر

ربما في أمر لا يستحق حتى ان تلتفت إليه ! ( تهوجس يعني )

كم وقت أضعته في الإنتظار اما في مستشفى او دائرة حكومية ؟

فأشغلته بالنظر في الذاهب والآتي !

ولم تشغله في ذكر الله ولا في قراءة القرآن او حتى في قراءة كتاب مفيد !

أوقاتنا هي أعمارنا ,,

وأعمارنا هي عبارة عن مجموعة أوقات

فلا تضع أوقاتك فيضيع عمرك !

اشغلي وقتك بطاعة مولاك

اشغلي وقتك بما يفيدك ويرتقي بك في دنياك ويعينك للعمل لآخرتك

من الآن

أعزمي وبادري

أعزمي على ترك كل أمر يلتهم أوقاتك بغير فائدة تعود عليك بالنفع

وبادري باشغال وقتك بما يرضي خالقك ,,

بادري لجمع الحسنات والإرتقاء بنفسك .

وأغتنم عمرك قبل فوات الآوان .

الموضوع منقول لروعته

لاتنسوني من صالح دُعائكم[ندعوك للتسجيل في المنتدى أو التعريف بنفسك لمعاينة هذه الصورة]