@@ بنوتـــآاآأآت وحريمــآاآأآت.... حيـــآكمــ الرحمــــن.... @@

العضوة الشرفية

اهلا لبنات ان شاء الله تكونو كامل بخير انتوما وعايلاتكم كاملين
اختي اسيا بالشوية عليك والبنات اللي ما فهموش العصعص واش معناها هو اسفل المأخرة انتاعنا حفضكم الله ويا آسيا مازال عضامك ما تلموش عليها راكي موجوعة والقعدة تجيك صعبة لازم تدفاي وما تتعرايش ربي معاك حنونتي وتهلايلنا في مرييومتنا الشابة انتاعنا

اختي وفاء الله يشفي عبدو من كل مرض وان شاء الله الييوم يعدي الموعد انتاعو على خير وتسمعو خبار الخير عليه وطمنينا حنونتي

مشرفة القسم الإسلامي

ربي يخليك أختي سهاد و يحفظلك أولادك

سهاد حنونة حبيت نسقسيك على لي مول الصغار تاع القاطو منين تشريهم

عضو مميز

السلام والرحمة
وشراكم يا لبنات توحشتكم كامل
موقبيلة وانا نقرا فالردود تاعكم والله يا حبيباتي نحيتولي الغمة على قلبي
ربي يفرحكم انشاله
اسيا وعلاه مديريش الحلويات التقليدية تاعنا خير
يتعرفو على تقاليدنا
المهم اتهلاي فيهم باش يهزو نظرة مليحة على المسلمين
وعلى الجزائريين
راني منخافش عليك بوسيلي مريومة على جبينها

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

ادارة المنتدى

اهلللللا سهاد كنت نخمم فيك طولتي الطلة علينا واش اخبارك انت والاولاد ومول البيت
ان شاء الله تكونو بخير
فيفي ربي يجيب الخير اختي ما تخافيش
تيتومة ربي يهنيك
والبقية ارواحو هنا وين رحتووووووووووووو

نوووووووووووووورة منورة حبيبتي

العضوة الشرفية

أم عبدو كتب:: ربي يخليك أختي سهاد و يحفظلك أولادك

سهاد حنونة حبيت نسقسيك على لي مول الصغار تاع القاطو منين تشريهم

اهلا وفا انا هادا وين شفت سؤالك راني نطير من موضوع لموضوع فالمنتدى كي النحلة هههههههههه
شوفي انا نشري من كل مكان كاش نهار نوريلكم ادواتي الي شريتهم واللي استعملتهم واللي مازال قيد الانتظارهههه
نشري من المحلات الكبرى ولا من السوق وفيه كثير اللي جبتهم من الجزاير الا راكي تهدري على ليمول اللي شفتيهم في المدونة انتاعي هادوك كامل من الجزاير لكن واش انقلك عندي واحد اخرين اشريتهم منا [ندعوك للتسجيل في المنتدى أو التعريف بنفسك لمعاينة هذه الصورة]

مشرفة القسم الإسلامي

إيه يا سهاد هادوك الصغار اللي شفتهم في المدونة حبيت نطبق شوية بصح حصلت في لي مول رحت للسوق حوست و حوست ما كانش و رحت لواحد الحانوت تركي قالي ما يبيعهمش

واشنو هما اللي تشريهم منا و منين تشريهم شكرا حنونة

ميمي تقوليلنا وين راكم من بعد تروحي ههههههههه

تيتومة واش راكي حبيبتي ريحتي من فمك ولا مازالو

العضوة الشرفية

ادارة المنتدى كتب:: اهلللللا سهاد كنت نخمم فيك طولتي الطلة علينا واش اخبارك انت والاولاد ومول البيت
ان شاء الله تكونو بخير
فيفي ربي يجيب الخير اختي ما تخافيش
تيتومة ربي يهنيك
والبقية ارواحو هنا وين رحتووووووووووووو

نوووووووووووووورة منورة حبيبتي

تعيشي حنونتي والله راني هنا دايما انطل نطمن عليكم ونخرج بلا ما نعلق لاني نكون تعبانة وكيما يقولوا لبنات المورال انتاعي هابط فما يكونش ليا النفس باش تكتب
يسقسي عليك الخير حنونتي هاد اليومين رانا لباس الحمد لله

العضوة الشرفية

أم عبدو كتب:: إيه يا سهاد هادوك الصغار اللي شفتهم في المدونة حبيت نطبق شوية بصح حصلت في لي مول رحت للسوق حوست و حوست ما كانش و رحت لواحد الحانوت تركي قالي ما يبيعهمش

واشنو هما اللي تشريهم منا و منين تشريهم شكرا حنونة

ميمي تقوليلنا وين راكم من بعد تروحي ههههههههه

تيتومة واش راكي حبيبتي ريحتي من فمك ولا مازالو

هادوك اللي شفتيهم في مدونتي كامل شريتهم من الجزائر وما تلقايهمش هنا في فرنسا غير عن طريق الانترنات بصح يبيعوهم غاليين كيتهبطي لبلاد اشريهم احسنلك

العضوة الشرفية

انخليكم يا حلوات في آمان الله وحفظه الي وقت آخر الا حب ربي
وهادي بوسة ليكم كامل [ندعوك للتسجيل في المنتدى أو التعريف بنفسك لمعاينة هذه الصورة]

مشرفة القسم الإسلامي

بارك الله فيك سهاد في أمان الله

عضو مميز

ميمي

ام عبدو

مزال كيما راهو ملقيتلوش حل
عندنا قشور الرمان كيما قالتلي خوخة درك نديرو
درت الشب كيما قاتلي سوفية حبيبتي
زاد تضبط عليا
اذا نتنحاش روح للطبيب والله نخاف من الطبة اخر
Suspect

نحبكم كامل

مراقبة عامة للمنتدى

اللهم// اجعل في قلبي نورا......
وفي بصري نورا....
وفي سمعي نورا.....
وعن يميني نورا......
وعن يساري نورا......
وأمامي نورا وخلفي نورا....

العضوة الشرفية

titoma كتب:: ميمي ام عبدو
مزال كيما راهو ملقيتلوش حل
عندنا قشور الرمان كيما قالتلي خوخة درك نديرو
درت الشب كيما قاتلي سوفية حبيبتي
زاد تضبط عليا
اذا نتنحاش روح للطبيب والله نخاف من الطبة اخر

نحبكم كامل

مسائكم خير ومسك يا احلى بنات على شبكة النات ........ راكم تشوفو وليت نشعر ههههههه

وشبيك طيطومة حبيبتي سلامتك من كل شر شوفي مافيش احلى من العسل الحر تعمليه على شكل مضمضة لفمك
علبالك هومثل المضاد الحيوي ومعقم طبيعي ماكان ما احسن منو جربيه وشوفي واذا كان عندك الم الاسنان او الضوروص عليك بلعسل الحر وخلطيلو القرفة راح باذن الله يحبسولك الالم

العضوة الشرفية

نورة الجزائرية كتب:: اللهم// اجعل في قلبي نورا......
وفي بصري نورا....
وفي سمعي نورا.....
وعن يميني نورا......
وعن يساري نورا......
وأمامي نورا وخلفي نورا....

اللهم آمين يا رب العالمين ويحفضك من كل شر انت وكل عايلتك يا رب

مشرفة ركن الطبخ

اهلا سهاد كيفك و كيفها هبه وكتاه هابطه للبلاد
فيفي طمنينا عن عبدو يا رب نسمع اخبار مليحه عليه
و البقيه نجود ،ميمي ،جيجي، خوخه، سوفيه .مومنه ، تومه ، نور الامان ، ام زينب ،نوره ،، سوسو، احلى سلام

عضو مميز

ضرك اندير يا سهاد اختي السطر الي قتلني راني نبات قاعدة وضرني حتى راسي و وذني
جداتي عندها شوية عسل حر
وعندنا القرفة ضرك انجرب
حبيبتي ربي ينورلكدنيتك واخرتك
انا سنية لباس بيهم جامي حكمتني سوسة
اللحم تاع سنية هو علتي

عضو مميز

السلام عليكم ورحمة الله تعالى وبركاته كيراكم ان شاء الله بخير وصحة وسلامة

مشرفة ركن الأزياء

اهلين بنات كيفكم حبيباتي زيزي اليوم مبنتيش وين كنتي ههههههه
تيتومة حبيبتي ربي يشفيك جربتي البيكاربونات

عضو مميز

ضضضضضضضضضضوووووووررررررررككككك انجربها
يا نجود
المهم يتنحا السطر
ربي يعيشك
ام مصعب حبيبتي
راكي مجوبتنيك على الكيكة تاعك

مشرفة ركن الأزياء

اهلين نور الامان كيفك حبيبتي نورتي قعدتنا [ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

ههههههههههههههه وشنو هادي تيتومة ضضضضضضضضضضوووووووررررررررككككك انجربها
هههههههههههه وليتي حقل تجارب

مشرفة ركن الطبخ

هههههههه يا نونو كيفك انا اليوم ماقعدتش ،كانت المعلمه تع مصعب تشكي هبلها ههههه
و مباعد خرجت رحت المركز تجاري درت و شريت صابو هههههههههه هنا الصيف
و انت كيفهم الاولاد عندكم السخانه واش حوال الشبت
تيتومه روحيللطبيب راهي بالاك ضرسه العقل ولا انفيكسيون في ضرسه ، درك نروح نشوف واش سقسيتي
نور الامان منوره البيت

عضو مميز

هههههههههههههه
تيتومة حتى انا راح نقلك جربي اوراق الزيتون ينفعو لالم اللتة والحب لي يدير في الفم و لي زافت
امضغي اوراق الزيتون بعد لي تشليهم صح هو مر لكن نتايجه اروع
وانا موالف نديرو حتى لاولادي
ما عليك شر اختي وربي يشفيك

مشرفة ركن الأزياء

يسقسي عليك الخير حبيبتي الاولاد راهم مهبليني هدا وين عطيت طريحة لدودي ووسيم راحو حكمو بلايسهم
الجو عندنا راهو ربيعي هايل
بصحتك الصابو

عضو مميز

ايه ولات كيما قالت ام مصعب بالاك ضرس العقل ولا انفاكسيون ما تلعبيش بروحك اختي على بالك بلي الفم كي يمرض المعدة راح اتوماتيكمون تمرض
بلا مانخوفك روحي للطبيب
معافاة ان شاء الله

مشرفة ركن الطبخ

ههههههههههههههه يا ام زينب قتلتي بالضحك واش هدا اوراق الزيتون كملتي علىتيتومه هههههههه
لي يجي يجرب فيها
نجود الله يسلمك ولعقوبه ليك صابو جديد

مشرفة ركن الأزياء

اهلين زينوبة وشراكي وشراهم الاولاد والكتكوت عبدو راهو مليح
وانت ريحتي شوية رتاح الجرح

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]
دعـــاء

[ندعوك للتسجيل في المنتدى أو التعريف بنفسك لمعاينة هذه الصورة]
==============================
[ندعوك للتسجيل في المنتدى أو التعريف بنفسك لمعاينة هذه الصورة]

لن يأخذ من وقتك أكثر من [ندعوك للتسجيل في المنتدى أو التعريف بنفسك لمعاينة هذه الصورة] دقيقة

وإذا أنت بخلت على نفسك بدقيقة
فلا حول ولا قوة إلا بالله
لا تنسونا بصالح الدعاء

الدعاء

اللهم إني أستغفرك
لكل ذنب خطوت إليه برجلي [ندعوك للتسجيل في المنتدى أو التعريف بنفسك لمعاينة هذه الصورة] ..
أو مددت إليه يدي [ندعوك للتسجيل في المنتدى أو التعريف بنفسك لمعاينة هذه الصورة] ..
أو تأملته ببصري [ندعوك للتسجيل في المنتدى أو التعريف بنفسك لمعاينة هذه الصورة] ..
أو أصغيت إليه بأذني [ندعوك للتسجيل في المنتدى أو التعريف بنفسك لمعاينة هذه الصورة] ..
أو نطق به لساني [ندعوك للتسجيل في المنتدى أو التعريف بنفسك لمعاينة هذه الصورة] ..
أو أتلفت فيه ما رزقتني [ندعوك للتسجيل في المنتدى أو التعريف بنفسك لمعاينة هذه الصورة] ..
ثم استرزقتك على عصياني .. فرزقتني

ثم استعنت برزقك على عصيانك .. فسترته علي
وسألتك الزيادة فلم تحرمني
ولا تزال عائداً علي بحلمك وإحسانك
يا أكرم الأكرمين..
اللهم إني أستغفرك من كل سيئة
ارتكبتها في بياض النهار وسواد الليل
في ملأ وخلاء ، وسر وعلانية
وأنت ناظر إلي ..
اللهم إني أستغفرك من كل فريضة
أوجبتها علي في آناء الليل والنهار
تركتها خطأ أو عمدا ؛ أو نسيانا أو جهلا
وأستغفرك من كل سنة من سنن
سيد المرسلين وخاتم النبيين
سيدنا محمد [ندعوك للتسجيل في المنتدى أو التعريف بنفسك لمعاينة هذه الصورة] صلى الله وآله وسلم
تركتها غفلة أو سهوا ؛ أو نسيانا أو تهاونا أو جهلا
أو قلة مبالاة بها
أستغفر الله .. وأتوب إلى الله.. مما يكره الله..
قولا وفعلاً .. وباطنا وظاهراً

ملحوظة : تخيل لو انك نشرت [ندعوك للتسجيل في المنتدى أو التعريف بنفسك لمعاينة هذه الصورة] هذه الرسالة بين عشرة

من اصدقاءك على الأقل؟؟

وكل صديق منهم فعل كما فعلت أنت وهكذا ؟؟

ولكل واحده منهم حسنة [ندعوك للتسجيل في المنتدى أو التعريف بنفسك لمعاينة هذه الصورة] والحسنة بعشر أمثالها

انظر كم كسبت من الحسنات في دقيقة واحدة أو دقيقتين !!!!

انشرها [ندعوك للتسجيل في المنتدى أو التعريف بنفسك لمعاينة هذه الصورة] ولا تبخلِ على نفسك بالحسنات؟؟

مشرفة ركن الطبخ

يسعد صباحكن يا بنات
يا رب يكون يوم جميل ليكم
انا ديت مصعب للمدرسه و راني رفي رحمه ربي

هيا نوضوا

مراقبة عامة للمنتدى

السام عليكم اسعد الله صباحكم اخواتي كيفكم راكم راقدين حنا راهي عندنا 10
يللا لازم شوية نشاط زيزي راكي مبكرة ما شاء الله الله يدومها نعمة ههههههههه
كيفك واش بيه مصعب حتى تهنيتي منه
تيتومة حبيبتي ربي يشفيك اختي روحي للطبيب احسن ما تظليش تخلطي في الاعشاب ممكن ديرلك حاجة
والبقيى تحياتي و سلامي ليكم

مشرفة ركن الطبخ

اهلا خوخه انت راكي فحله مبكره مالاك خلاتك مريومه ترقدي
انا كي كنت نافس ببنتي نصبح راقده حتى 11سا تولي عجوزتي تشوف فيا الدوبل هههههههه
مصعب كي يقد هنا يهرجني هبلني البارح تشكي منه المعلمه قالت قاعد يتمسخر في القسم هههه قالي مصعب جاتيني الضحكه ماحبتش تروح هههههههههه
و انت كيفو عمر ، ماكيش هابطه للبلاد

مراقبة عامة للمنتدى

السام عليكم اسعد الله صباحكم اخواتي كيفكم راكم راقدين حنا راهي عندنا 10
يللا لازم شوية نشاط زيزي راكي مبكرة ما شاء الله الله يدومها نعمة ههههههههه
كيفك واش بيه مصعب حتى تهنيتي منه
تيتومة حبيبتي ربي يشفيك اختي روحي للطبيب احسن ما تظليش تخلطي في الاعشاب ممكن ديرلك حاجة
والبقيى تحياتي و سلامي ليكم

مشرفة ركن الطبخ

???????????''''''''''

مراقبة عامة للمنتدى

واش بيك زيزي غيل الخير
???????????''''''''''

مشرفة ركن الطبخ

هههههههههه ياخوخه هههههههههههههه
انت واقيله تعبانه تاع الصح
راكي تعاودي في التعليق 2 مرتين ههههههههه

عضو مميز

السلام عليكم
زيزي والله ما نتمسخحر بتيتومة والله غير صح اوراق شجرة الزيتون مفيدة لامراض الفم وان نجربقها وعموما جهتنا كامل يداويو بيها الفم كي يمرض
ويكفي انها شجرة مبركة ومذكورة فيالقران وحتى الدكتور عبد الباسط تكلم عليها بزاف قال بلي هي كما المضاد الحيوي

مراقبة عامة للمنتدى

ههههههههههههههههههه يا زيزي انامعاودة التعليق وحاسباتك انت راكي [ندعوك للتسجيل في المنتدى أو التعريف بنفسك لمعاينة هذه الصورة]
ههههههه مريومة عاقلة والله نرقد عادي نوض مرتين نرضعها ونبدللها لا كوش وتعاود ترقد اليوم نضت على الثمانية بصح ما زلت نعسانة
عمر راه مريض لا غريب راهي فيه ولراني خايفةلا يعدي اخته
البلاد ما زال ما قررتش وينتا نهود الله اعلم بصح اذا رحت راح نبقى 3 اشهر ما نزيدش نروح نقعد شهر برك ولات ما تكفينيش

مشرفة ركن الطبخ

هههههههههههههههههه يا ام زينب باينه شفتيني في المنام هههههههههههه
عالابالي بلي مفيده جدآآا
ضحكتيني كي كملتي على البنات ،واحده تقول لها ديري الشب ، و الاخرى، الرمان ، و الاخرى عسل وووووووو.......... مسكينه راهي حقل تجارب ههه

مشرفة ركن الطبخ

ربي يشفي عمر داويه قبل مايحكم الفراش ، حتى سلسبيل مقرييبيه
ادهنيه بالزيت زتون مع الثوم روووووعه انا مجربته
البلاد رانا كامل و شهر مآيكفيش، انا ادعي معايا ربي مانيش حابه اهبط في الصيف السخآنه بزاف

مراقبة عامة للمنتدى

ههههههههههههه اي زيزي السخانة قوية في الصيف وزيد الذباب بزاف ما يخليكش ترتاحي ههههههههه
انا لا رحت في اواخر رمضان ولا بعد رمضان والله اعلم

عضو مميز

ههههههههههه
لا والله ما شفتك في المنام
عندك الصح لازم تروح للطبيب تعرفي وقتنا رجع الواحد يخاف من كل مرض ربي يشفي تيتومة
ونصيحة مني تيتومة ما ديريش اوراق الزيتون ان سحبت تجربتي هههههه

مراقبة عامة للمنتدى

اهلين سامية واش راكي اختي واش راه عبدو راكي ترضعيه صدرك ولا بيبرونة
ما قلتليش شعال كان وزنه لما زاد؟؟؟؟؟؟؟؟؟

عضو مميز

واش راكي خوخة
انا الحمد لله برك شوي قلق حاكمني اعوذ بالله من الشبطان الرجيم عندي 3 ايام راني بدمعتي
المهم
عبدو الحمد لله نرضعو صدري وضرك راني نكتب ونرضع هههههه
و وزنه زاد 4.500كلغ منتفخ بزاف وضرك بعد الفاكسان تاع شهر لقيتو 4.100 هبط
وميريامة ترضع تان منك ولا فنيانة انت

عضو مميز

صباح الخير يا الغاليات
هههههه يا زينوبة ضحكتيني
راكم تسقسيو عليا وتعاودو هههههه ربي يفرحكم ويعطيكم ما تتمناو
انا راني رايحا للحمام نتحمم وروح للطبيب
في المساء نقولكم

عضو مميز

اهلا تيتومة مخبر الاسرة هههههههه ياك ماتزعفيش نقصر معاك
بصحتك الحمام وربي يشفيك يا غالية
وخبرينا واش قال لك الطبيب

مراقبة عامة للمنتدى

واش بيك حبيبتي سامية والله مرات تجي ديك القنطة وكيما قلتي الدمعة غيل وحدها تسيل حتى انا تاني
لا مريم راني نرضعها صدري مادابيا ترضع مني ما نيش حابة نعكيخا البيربونة
وعبدو الله يبارك وزنه كبير ما كانش عندك سكر الحمل منين كنتي حالمة خاطرش ةهو اللي ينفخ البيبي
نروح نرضع مريم ونرجع
المهم ربي يحفظهم
تمتم حبيبتي روحي عند الطبيب ربي يشفيك

عضو مميز

السلام عليكم ورحمة الله تعالى وبركاته

صباح الخيراخواتي واش راكم

[ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الطبخ

ههههههههههههههههههههههه يا زينب ضحتيني انا تاني اسحب تجربتي عن قشور الرمان ههههه
ههههههههههه يا خوخه ماتخافيش الدباب مايقدرش يقعد في السخانه
اهلين تومه صحه الحمام رانا نسناو واش يقول الطبيب
مسلمه كيفك و كيف الاولاد