&& استقبالنا لسنة الهجرية الجديدة و فرحتنا بالمولودة الجديدة { جود } مرحبا يا لبنات &&

زائر

ههههههههههههه ربنا يوفقك يا رب

مشرفة القسم الإسلامي

ههههه بصحتك الخرجة ام مصعب و بالعكس أنا راني نشوف في النها قصير بزاف و ما فيهش بركة
قوليلي تعيشي كيفاش نقدر نزل صور في المنتدى عييت م مراكز التحميل هادو و ما خرجوش الصور
أهلا بيك أم وائل آه لازم أوراسية ديرلكم بالوحدة كرسي إعتراف ههههه هكاك نتعرفو على الأخوات الجدد

مشرفة ركن الطبخ

نورتينا يا أم وايل

كيف حالك

http://www.upislam.كوم/
هدا مركز التحميل
كي تخرج ليك الصوره في الصفحه تعه
ديري كوبي كولي
تجيك الصوره مباشره

مشرفة ركن الطبخ

http://www.upislam.com/

HEDA HOUWA FIFI

مراقبة عامة للمنتدى

سلام لبنات واش راكم ان مادام الحال برد المورال يبقى تحت الصفر
والله وحد التخفيضات راهم دايرنها وبغيت نخرج كاش ما نشري

البرد حبسني في الدار والله غيل كرهت هدي البلاد
باردة بزاااااااااااااااااااااااااااف اليوم -18 درجة كرهة تاع الصح

زيزي بصحتك الخرجة راني نشوف في بالي نجي نساميك في جنيف انت ولا وفاء
البون الاني هنا ما فاتلهمش مليح
قالك واحد احنبي قتل 5 فلنديين وزاد قتل روحو هههههههههه والعنصريين جاتهم سفة في العسل
ناضوا قالك مالازمش الاجانب يقعدو معانا عندهم شوية تاع اجانب نصهم رواسة راهم مخلوعين لكان
جاو كيما فرنسا منعرت واش يقولو

معليش لبنات فرغت واش في قلبي هدا غيل شوية قلبي رته معمر تاع الصح
هههههههههههههه صدّعتكم

المشرفة العامة للمنتدى

السلام عليكم
منورين يا بنات
اهلا اختي ام وائل

راني مشغولة شوية من بعد نرجع باذن الله

مشرفة القسم الإسلامي

السلام عليكم واش راكي آسيا ما راناش كامل نشوفوك تدخلي دقيقة و تهربي هههه خلينا نشبعو منك حنونة و حتى أوراسية قريب تولي للعمل و ما شبعناش من بعضانا ربي يعينكم

مشرفة ركن الطبخ

selem 3alaykoum les filles
mimi wekteh le resultat????
khoukkha ferghi qelbek ,, gloubna kemel m3emrine , heta men kebda te3na hahahahhhhhhhhhhhhhhhhh
hna chemsse raw33a
, erwahi qedemi ya khoukha beh noukhorjou l park hahahhhhhh
fifi raki nachta bereh et lyoum rabi yberek
les autres win rakoum

عضو مميز

اهلا بنات كيف حالكم مالكم دايما مديقوتييييين
ارواحو هنا تنحيو على بالكم حبيباتي

منين نجي نلقى روحي وحدي

مشرفة القسم الإسلامي

أهلا ام البنات للأسف أنا تان منين ندخل ما نلقى حتى وحدة ما راناش متفاهمين على وقت ههه

آسيا واش راكي أحكي معانا شوية ختي واش راكي دايرة مع البرد اللي عندك حنا اليوم شباب الشمس طلت ما شاء الله واش راه داير عمر

المشرفة العامة للمنتدى

اهلا فيفي حبيبتي ربي يخليك علابالك كي قريت ردك انك ما شبعتي مني تمنين تكوني قدامي واحضنك بشدة واقبلك على راسك
انه شعور رائع ان يحبك اخرون وانت لا تراهم انه الحب في الله
والله يا بنات احس حقاااااااااا انكن اخواتي حقيقيات واحن اليكن ولا اقوى على فراقكن وسابقى معكن دائما ولا يفرقنا الا الموت
[ندعوك للتسجيل في المنتدى أو التعريف بنفسك لمعاينة هذه الصورة]

مشرفة القسم الإسلامي

بعيد الشر عليك حنونة بعد عمر طويل بإذن الله و شكون ما يحبكش يا أوراسية و الله قليل الناس اللي كيما انت ربي يحفظك إن شاء الله يبقى يجمعنا هذا المنتدى على الحب في الله و بإذن الله سنلتقي قريبا و من يدري فيعلم الله كم أريد الإلتقاء بك و بباقي الأخوات

مراقبة عامة للمنتدى

سلام لبنات كيفكم واش هدا المشاعر الطيبة
والله يا ميمي كما قالتلك وفاء شكون اللي ما يحبكش والله كلنا نحبوك ة المنتدى بلا بيك 0
والله نحسك كيما اختي الكبيرة اللي ترشدنا دايما لطريق الصح ربي يخليك لينا دايما

وفاء كيفك حنونة والله لكان نحكيلك تخافي رانا مسجونين في البيت وعمر من الكمبيوتر ما يوخرش
راه مقلقني بزاف و زيد الحمل والتعب نتاعه غيل اسكتي برك

اليوم درت ميل فاي من بعد نحطلكم الصور ههههههههههه وليت باتيسييره ههههههه

اهلا ام البنات واش راكي ماراكيش تدخي بزاف كي زمان

زيزي راح نتصل بيك عندي بعض استفسارات راني حابة نهجر من دي البلاد

مشرفة القسم الإسلامي

إييييييييه يا آسيا أرواحي قدامي واش دّاك لجنيف ههههه راكي فحلة بسرعة نزلي صور الميل فاي مممممممممم
بالنسبة لعمر يا آسيا ما تخليهش بزاف مقابل الميكرو أنا وليدي هكا بكري كنت نخليه غير يتفرج الرسوم المتحركة حتى خسرو طبايعو و ندمت يولي يعيش غير في هاذاك العالم أما الآن نحيتلو كلش يشوف رسوم وحدة في اليوم من بعد يلعب شوية في إيكس بوكس من بعد للغرفة تاعو يلعب بقراوجو مع ختو سينو نعلمو شوية النطق و القرآن لازملهم نظام هاد الدراري ربي يعينا على تربيتهم

سهاد و أم البراء و أم فريد ما بانوش توحشتهم
و الغزاوية هربت من الكرسي هههه

المشرفة العامة للمنتدى

حبيبتي آسيا ربي يخليكي ويهنيك ويحفظ لك عمر وحتى أنتو ماشاء الله وتتحبو وبلا بيكم المنتدى ما عندو حتى قيمة [ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

والله غيل عندك الحق يا وفاء ضرك راه يبكي قالك خليني نخرب فيه
نروح نصلي العشاء ونولي

مساء الخير على الحلوات واشراكم لاباس انا البارح و اليوم الديقوتاج راه

داير فيا حااااااااااااااااالة الله يستر كرهت و عييت قبيلة رحت شوية لدارنا و لقيت خالتي

فاجيتها عليا شويا و جيت جبت معايا شوية خضر باش درت العشاء و جبت تاني الموبايل تاع

اختي سلفتهولي باش صورتلكم وصفة الي درتها لعشائنا اليوم و خرجت لذيذة تاع الصح

نتمنى تجربوها درك نحطها

ادارة المنتدى

اهلا جيجي
الله ينحي عليك الضيق اختي وربي يفرجها عنك اختي
رانا نستناو فالوصفة تاعك اكيد راح تكون بنينة ممن يديك

مشرفة القسم الإسلامي

أهلا أم فريد واش بيه هاذ الديقوتاج ما حبش يخطيك راه بدا يقلق فيا و دورك نجي نعطيه طريحة هههه ربي يعينك هوني عليك ختي شوفي أهلك قراب ليك و كي تضيق بيك الحالة تروحيلهم و تنحي على خاطرك شكون كيفك حنونة
يالله راني نستنى في الوصفة أكيد لذيذة بارك الله فيك

المشرفة العامة للمنتدى

راكم ساهرين يا لبنات يادرى زيزي واش بيها اليوم ما دخلتش
راني كتبتلك على الخاص زيزي كي تدخلي جاوبنيني

وفاء
جيجي
وكل البنات الموجودات تصبحوا على خير ان شاء الله
راني رايحة نرقد غدوة نرجع للخدمة [ندعوك للتسجيل في المنتدى أو التعريف بنفسك لمعاينة هذه الصورة]

مشرفة القسم الإسلامي

في أمان الله حبيبتي تصبحين على خير و ما تنسايش تنوميني منام شباب هههه

زيزي تكون تضارب مع مصعب ولّا راحت تحوس هههه إن شاء الله تكون بخير

الله يسلمكم حبيبتي ميمي تصبحي على خير و ربي يعاونك في الخدمة

فيفي ضحكتيني ههههههههه تعطيني طريحة و الله الا الطريحة تنحيلي الديقوتاج راني نرحب

بيها ااااااااااااااااااه يا فيفي الحمدالله على كل الاحوال و ربي يهون علينا و يفرجها على كل مهموم

فيفي حبيبتي تصبحي على خير غذوة التبكار ههههههههه الاولاد يقراو

بصح نحاول ندخل الصباح باش نشوف الاراء وين وصلت في القضية تاع .........

هههههههههه و يا ريت تعملي الاستخارة انت بما انّ ميمي في عطلة

مشرفة القسم الإسلامي

لالالالالالالالالالالالالالا يا جيجي الطريحة ماشي ليك حاشا قلتلك نعطيها لهاذ الديقوتاج اللي ما حبش يخطيك هههههه
تعرفي أم فريد الله من نهار هدرت معايا سهاد كي شغول عطاتني صفعة فيقتني من الحزن اللي كنت عايشة فيه ربي يجازيها خير و الله كاين بزاف أمور اللي تخلينا نفرحو و نعيشو مهنيين أما الأمور اللي تعكر صفو الحياة ما علينا إلا نسيانها أو تناسيها حتى يفتح ربي الله معك حنونة

مشرفة القسم الإسلامي

تصبحين على خير يا أحلى أم فريد مواااااه

عضو مميز

السلام عليكم
روعة لمتكم و قصرتكم
انا راني مهمومة من اخ زوجي والله راه القلب تاعي يتقطع عليه راه بعيد علينا هنا راه ف وهران قلت للغد ان شاء الله نروح ليه ترجيت زوجي يديني وهو ماحبش قال لي راكي مريضة وماتريسكيش حتى هو قالو رد بالك تجيبها تنضر من الطريق وانا بكيت وندبت حتى قال لي خلاص يوم الاتنين نديك
لبنات راه عزيز عليا بزاف تعرفو عرسي وعرسو كان ف نهار واحد وعشنا مع بعض مدة 9سنوات ناكلو مع بعض واولادنا ترباو مع بعض وبنا سكنة هنا معانا والمسكين سكن فيها عام واشهر وطاح ف المرض والله غير راه مغبون ربي يفيه ويخليه
عجوزتي قالت لي راه يقلهم سامية اختي مش زوجة اخي تعرفو والله معاملته لي كيما اخته ربي يخليه
احيانا نكون متضاربة مع راجلي تعرفو نحكيلو وهو ينصحني وعمر ما حسسني بلي هو اخوه وانا زوجة اخوه
تعرفو راني نكتب ونبكي والله راه قاسم قلبي وقلت ندخل نشوفكم ونقلكم احوالي وتحملوني ودعولو بالشفاء ف صلاتكم تعيشو والله راه ف امس الحاجة لدعاءكم
تحياتي وسلامي واحترامي ليكم

عضو مميز

السلام عليكم
صبااح الخيرات على أغلى الأخوات واش راكم ؟
ماشاء الله على اللمة و المشاعر الفيااضة ههه ربي يقويها و يدومها محبة و أخوة في الله
و يلاقينا بالدنيا على حبه و طاعته و بالآخرة بأعالي جنانه
أما بالنسبة لبون آني و الغيفييون ماتحيروش والله راكم في بلاد نتاع هذا الأمور أرواحوا هنا
ليلة الجمعه و شوفوا و الله عجب البلاد قليل جدا لي يمر عليك ماحامل بيده لابيش أو تارت
الله لا يفرحهم و نسا و رجال و كطاين بالاك بعضهم كاري ولا نهار يخدم ونهار لا
و الله تحيرو بلا السهرات و زيد تكرهي حياتك... الله يجيب الخير و يكاكينا و يكاكيهم
سااامية ربي يشافي حماك و يعافيه وهو وحده قادر على رفع بلاه يارب و أكيد أنت إنسانة مليحة بزاف وفيك الخير ربي يخليك و يخليلك كل عزيز و مايحرمك من حد
تحية طيبة للجميع

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

» &&& بيت جديد في خاطر التليتلي تاع فيفي .......جوزوا يا لبنات ههههههه&&&
» فستان بصدر كروشي حصريا ومن ايديا لبنات الاسرة الاعزاء
» @@مرحبا .. تفـــظلن للدفئ ...حول نـــار الحطب...الجو باااارد..@@