&& استقبالنا لسنة الهجرية الجديدة و فرحتنا بالمولودة الجديدة { جود } مرحبا يا لبنات &&

ههههههه صح فطورك
والله ما زال ما نزلت الصور من الموبايل

غدوة زوجي يروح يخدم ونتلهى بعمر
ونزل الصور عمر هو اللي راه مهبلني

ضرك انا نكتب وهو في حجري

hahaha yakhoukha
saha ftourek
metwelfich omar
ena m3a selsabeel ghir darb

تقبل الله صيامكن حبيباتي

وربي يتقبل الدعاء يارب

السلام عليكم حبيباتي
يومكن مبارك طيب سعيد
الله يفتحها بوجوهكم في هذا اليوم المبارك يااارب
ويقضي حاجاتكم ويفرج عن كل مهمموة فيكن يااااااااااااااارب

السلام عليكم
أسعد الله صبااااااااااااحكن
كي راكم لبنات ؟
صح صيااامكم ربي يتقبل من الجميع إن شاء الله
ميمي سلامة الحاجة طهور إن شاء الله
خداوج مبروك البنووتة ربي يتمم على خير و يجعلها وعمر من الصالحين
أم زينب مبروك عليك أنت ثاني ربي يكملك بالخير شعال عندك 2 * 2 ؟
أنا حتى يوم السبت رحت للطبيب كنت إضراب عليه قالي كملت 3 أشهر بإذن الله نحسب
من 18 نبدأ الشهر الجديد و أعطاني تحاليل بالغذ إن شاء الله نديرهم .
أنا والله ماهامني بنت ولا ولد المهم السلااااك والصفة الكاملة ويخرجوا صالحين ياارب
زمرد أهلا بيك هذه غيبة غير الخير
أم مصعب لما شفت منامك البيض أكيد ذراري يعني راح تزيدي على سلسبيل ومصعب إن شاء الله
جيجي خليك من التكاسل وألحقي بنا ببنوتة مع وليداتك
و البقية لكم مني أجمل تحية

salam alikom*
wach rakom akhawati
tahiyati likom

ahlan mimi wach raki w alf salam ala khalti om awrassiya rabi yahfadha
om younes lah yssalmak kima golti mohim nassalko w rabi yasslah halna wa wladna
rabi ytamam alina b l khir
akiba l mimi w wafaa w om mossaab w jiji bach naamroo l osra b drari

سلام عليكم اخواتي كيفككم اليوم لباس
وفاء والله البارح شفنت عليك منام وفي داك المنام نعرفك مليح وكنتي حامل في شهرك الخامس وعندك بنت
ولكن توفت في بطنك وانت قلتيلي ربي ما كتبهاش قدر الله وما شاء فعل وقلتيلي كنت رايحة نسميها أمنار او منار

منعرت واش معناته

السلام عليكم حبيباتي
كيف راكم ان شاء الله لباس عليكم
خدوجة راكي غير مع لمنامات ربي يجعالوا خير

زيزي فينك
جيجي
مسلمة
سناء
سوسو مرحبا بيك
ام زينب هذه مدة كيف حالك
انا اليوم ما قعدتش نهار كامل مع شغل البيت والغسيل ورحت عند يما للمستشفى لقيت خواتاتي ريحنا تم اكثر من ساعة ورجعت للدار كملت الغسيل هذا وين قدرت نطل عليكم ورايحة ندير لعشا

اهاين ميمي كيفك اختي الله يعينك على شغل البيت مع النهار راه قصير بلخف يفوت الوقت

كيفها الوالدة ريحت شوية

[size=24][/السلام عليكن اخواتي

أنا راً< هنا دخلت الصباح رايحه نكتب رساله ، جو ولادي يتقابضوا
طفيتو ونضت
هههههه يا أم يونس وأم زينب رقم ديرو حمله لارتفاع المواليد في الأسره ههه
أنا منجيبش أن شاء الله ، عندي 2 هبلوني ، زيد راني مع حبوب منع الحمل ههه ربي يكمل حملكم
فيفي ضحكتيني هههه وش من تحواس خصنا غير الخرجه
زوجي في عطله راهو غير في الدار
غدوة قرة نخرج رايحه نفد من الدار
خوخة وأنا منمتي ولو عليا هه
ميمي سلمي علي الوالده قلها قالت ليك
أم مصعب ربي يشفيك
و قولها تدعيلي هههه
علابلك والله البارح نمت هههه ،،، نمت حطيتي موضوع مثبت في ركن الطبخ هههههه هههه بصح نسيت وش هو ههههه ههههههه
جيجي درت كسكسي بالعصبان يممممم
البقيه سلامي اليكن size]

ههههه ياميمي
راني نسنا في الجلبانه تعك ،، توحشت تع بلادي
هنا مش مليحه قعده قد الحبه تاع العدس هه
فيفي ههههه مصورتوش راني مديقوتيه معيني في ولو هه
حتي أنت فاده،،،،، أنا رايحه نهبل أفففففف
موالفين الوقت هدا رانا في البلاد

السلام عليكم حبيبات قلبي الغاليات


ربي يفتحها عليكن يا رب
ب وعليا ههههههههه
اختي وفاء تسلحي بالصبر والايمان وربي يفرج عليك وتقدري تغيري سكنك الى بلدك او اي بلد اسلامي يااااااااااااااااارب

السلام عليك اخواتي
كيفكم ليكم وحشة
وفاء ان شاء الله يكون منام تاع خير ولازم اختي تصبري مع زوجك بلاما ربي فرج والله قاع رانا كارهين العيشة في بلاد الكفر لكان جات بلادنا مسقمة والله ما نقعد هنا الله غالب
زيزي مازال تور تاعك في المنام هههههههههههههههه
ميمي كيفك اختي موفقة ان شاء الله
جيجي كيراكي كاش جديد تاع الخياطة لكان تصوريلنا موديلات جديدة
سوسو وسنك ماراكيش تدخلي بزاف واش راه يونس

والبيقة كيفكم لكم احلى تحية

اهلا زيزي رانيث هنا كنت فالكوزينة درت شخشوخة الظفر امممم تاع قسنطينة راني صورتها وباذن الله نحطها في اقرب وقت
خديجة حبيبتي واش راكي اديري راني نستنى فالرقاق والجاجة محمرة وينهم

جيجي فينك
فيفي
سوسو
سناء اذخلي راكي فوق كرسي الاعتراف روحي جاوبي

هههه يا خوخة
راني نسنا في دلتي تع منام أزربي هه
اااه يا ميمي والله راهي في بالي الشخشوخه ناويه ندير 2 كسرات ونقعد نشخشخ ،، من القلقله والفده
يممممم ماتبكينيش يا ميمي فكرتيني في البلاد
البقيه أروحو نحكيو ههه ،، بين فيكم مورال تعكم طالع ماشاء الله هه
عليها متبانوش

سلام حبيباتي كيف حالكمن توحشتكم
ودخلت والنت بطييييييييء جدا عييت نكتب
ككتبت بزاااف وذكرت الاسماء وراح كل شيء [ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم
اسيا الله الله ماتنومينيش بالحمل انا تان نلحق السادس ههههههههههه تخيلو انا بالحمل وخايفة الحمل خايفة كي نولد نرفد الحمل
ام مصعب الكسكس ديروه بالعصبان لي نعرفو انا تاع المارن والحميصة انا مادقتش هاد الاكلة ونموت على العصبان
ميمي اسكتي برك تعياي انت كرهتي الكوزينة موش كيما انامليييييت الطبخ وغسيل الماعن هههههههههه بصح ماكاش الهربة كون يشوف راجلي واش راني نكتب يتزوج عليا هههه

أم زينت تحياتي
ربي يسهل أختي ويعاونك
أنا ما عنديش قضيان بزاف
درك خرجت شويا لحم مرحي غادي نعمر بيه الملفوف والبطاطا

اهلا باختي زمرد منرورة توحشناك الف مبروك لاختك

ام زينب ربي يتمم حمنلك على خير يارب وتشةوفيهم صالحين

وش راكم يا بنات
أم هند وش أخبارك
أم زينب ههههه رحلك الكسكسي بالعصباًن يمممم
حنا نديروه هكدا يمم
متخافيش ميذوش عليك راجلك هههه رنا كامل كارهين الكوزينه
زمرد مبروك عليك العرس تع أختك ربي يتم أن شاء الله
البقيه وينكم

سلام بنات واش راكم
أنا الله غالب اليوم بالصباح رحت نعمل تحاليل من 7 و نصف حتى ل12 باش كملناهم
الطبيب عطاني نتاع السكر و تحاليل أخرى و لازم نعمل وحدين و بعد ساعات نكمل لخرين
المهم خرجوا نصفهم الصبااح و الحمد لله بقاو لخرين
يونس الحمد لله لاباس عليه
تحياتي للجميع

اهلا بالحبايب
اهلا زمرد مبروك لاختك ربي يهنتيها يارب
اهلا ام زينب ما تخافيش ما يقدرش انا را ندير اضراب على الكوزينة

زيززي المرة الجابية صوريلنا طبخاتك
زمرد تاني لازم توريلنا واش اطيبي

سلام لبنات كيلراكم ما شاء الله راكم ملمومين

انا المورال اليوم راه تحت الصفر ملقري خرجت برا
بصح راه هابط واش يطلعه
الجو برا كئيب ظلمة ثلج الشوارع فارغة [ندعوك للتسجيل في المنتدى أو التعريف بنفسك لمعاينة هذه الصورة]
والله قريبة نبكي

wech rakoum ya bnette
chkoun li hna

oum rima rabi yechfi khou zawjek wa rabi y3inek
khoukha ena teni moral -0

مفهمتش يا أم ريما هه وش قلتي
ميمي أكيد تنجحي أن شاء الله
متنسايش طمنينا