&& استقبالنا لسنة الهجرية الجديدة و فرحتنا بالمولودة الجديدة { جود } مرحبا يا لبنات &&

العضوة الشرفية

هلا يا احلى اخوات

تسلمو يا رب ويخليلكم اطفالكم يا رب

ويرزق كل محروم

ان شاء الله بحاول انزل صور البنوته

المشرفة العامة للمنتدى

يا زيزي كنت فالخدمة يما عندي اسبوعين ما شفتهاش رغم انها على بعد امتاااار مني
الله غالب الخدمة والدار
والله توحشتها

فيفي انا الخبز عندي استثناء موالبفة نخبز لانو عجوزتيي ما تحبش الخبز
بالصح كي نخدم الصباح ولعشية ما نقدرش ديرو

وهذه صورة جود بعتتهالي سناتاء رابط وفتحتو
ماشاء الله عليها سمو وصلوا على النبي

[ندعوك للتسجيل في المنتدى أو التعريف بنفسك لمعاينة هذه الصورة]

عضو نشيط

السلام عليكم و رحمة الله تعالى و بركاته

وشراكم يا غاليين ...توحشتكم بزاف

ماشاء الله...و اللهم صلي على النبي محمد و اهله و صحبه الكرام ...

تتربى في عزكم ان شاء الله و ربي يجعلها من الذرية الصالحة يا رب.

المشرفة العامة للمنتدى

اهلللللللللين حنين اهلت الانوار كنتي ببالي قلت اليوم ما دخلتش تسلم علينا
لكن التمس لك العذر انك مع الدراسة ربي يوفقك ويجعلك من الناجحات المتفوقات ياااااااااارب
ونفتخرو بيك

مشرفة القسم الإسلامي

السلام عليكم

يا الله بسم الله ....ما شاء الله .....و تبارك الخالق الله يحفظك يا جود من كلّ سوء و مكروه ...آمين

أوراسية ربي يكون في عونك مع اللي عجوزتك ما تحبش خبز لبرّا scratch

حنين وين رحتي أرواحي نقصرو شويا المورال راه هابطلي من مقبيل و زوجي يقولي وشبيك و أنا نقولو ما علاباليش راه دايخ هههههههه واقيل ما يفهمش واش معناها الغربة و الصماطة Neutral

وين راكم يا أخوات واحدة ما راهي هنا Suspect

عضو مميز

السلام عليكم ورحمة الله تعالى وبركاته

صباح الانوار اخواتي يومكن مبارك وسعيد

يا الله بسم الله ....ما شاء الله .....و تبارك الخالق الله يحفظك يا جود من كلّ سوء و مكروه ...آمين يارب العلمين
تتربى في عزكم ان شاء الله و ربي يجعلها من الذرية الصالحة يا رب.
سلامي للجميع

مشرفة القسم الإسلامي

السلام عليكم و رحمة الله

أسعد الله صباحكن و طيب أوقاتكن و فتح عليكن و على أزواجكن أبواب الرزق و جعل يومكن حافلا بالطاعات و عامرا بذكر الله عز و جل

المشرفة العامة للمنتدى

السلام على الاحبة في الله
اهلا مسلمة كيف حالك اختي
وفاء ان شاء الله تكون اليوم نفسيتك احسن ربي يكون معاك ويثبتك ويهون عليك غربتك
ليست الغربة غربة الاوطان بل انها غربة الافكار فالحمد لله انك وزوجك تحملون نفس الفكار ونفس الاتجاه ونف الاهتمامات
فعليك بالصبر والثبات
انت وكل الاخوات

عضو مميز

السلام عليكم اخواتي الف مبروك اختي سناء
بسم الله ما شاء الله ربي يحفظها ويخليلك اياها
حبيباتي كيف حالك توحشتكم
وينكم
زيزي
فيفي
ميمي
جيجي
دوسة
ام البنات
وكل الغاليات تحية طيبة
اختي مسلمة اجمل تحية

عضو مميز

السلام عليكم
واش اخباركم يا حلوات
اهلا ام هند رانا كيفي كيف هههههههههههههههههه
زيزي
ميمي
جيجي
خوخة
دوسة
فيفي
حنين عودة مسيمونة فرحتينا برجوعك
مسلمة كيف حالك
كاش اخبار على نورة؟
وكل الاخوات تحية عطرة زكية ازفها لكن

مراقبة عامة للمنتدى

السلام عليكم اخواتي كيفكم توحشتكم
بسم الله ماشاء اللهم بارك في جود يارب ربي خليهالك اختي سناء تهبل
زيزي اختي شكون اللي نفسني اكيد ننفس وحدي ان شاء اللله ربي يسهل عليا الولادة يارب

والبقية كيفكم اين انتم

ادارة المنتدى

السلام عليكم ورحمة الله وبركاته
كيفكم؟؟؟

عضو مميز

السلام عليكم ورحمة الله وبركاته

مساء الخير اخواتي

دعاء للوالدة

اللهم يا ذا الجلال و الإكرام يا حي يا قيوم ندعوك
باسمك الأعظم الذي
إذا دعيت به أجبت! ! ! ، أن تبسط على والدتي من بركاتك
ورحمتك ورزقك
اللهم ألبسها العافية حتى تهنأ بالمعيشة ، واختم لها
بالمغفرة حتى لا
تضرها الذنوب ، اللهم اكفها كل هول دون الجنة حتى
تُبَلِّغْها إياها ..
برحمتك يا ارحم الراحمين
اللهم لا تجعل لها ذنبا إلا غفرته ، ولا هما إلا فرجته
، ولا حاجة من
حوائج الدنيا هي لك رضا ولها فيها صلاح إلا قضيتها, اللهم
ولا تجعل لها
حاجة عند أحد غيرك
اللهم و أقر أعينها بما تتمناه لنا في الدنيا
اللهم إجعل أوقاتها بذكرك معمورة
اللهم أسعدها بتقواك
اللهم اجعلها في ضمانك وأمانك وإحسانك
اللهم ارزقها عيشا قارا ، ورزقا دارا ، وعملا بارا
اللهم ارزقها الجنة وما يقربها إليها من قول اوعمل ،
وباعد بينها
وبين النار وبين ما يقربها إليها من قول أو عمل
اللهم اجعلها من الذاكرين لك ، الشاكرين لك ، الطائعين
لك ، المنيبين
لك
اللهم واجعل أوسع رزقها عند كبرسنها
اللهم واغفر لها جميع ما مضى من ذنوبها ، واعصمها فيما
بقي من عمرها،
و ارزقها عملا زاكيا ترضى به عنها
اللهم تقبل توبتها ، وأجب دعوتها
اللهم إنا نعوذ بك أن تردها إلى أرذل العمر
اللهم واختم بالحسنات أعمالها..... اللهم آمين
اللهم وأعنا على برها حتى ترضى عنا فترضى ، اللهم اعنا
على الإحسان
إليها في كبرها
اللهم ورضها علينا ، اللهم ولا تتوفاها إلا وهي راضية
عنا تمام
الرضى ، اللهم و اعنا على خدمتها كما ينبغي لها علينا،
اللهم اجعلنا
بارين طائعين لها
اللهم ارزقنا رضاها ونعوذ بك من عقوقها
اللهم ارزقنا رضاها ونعوذ بك من عقوقها
اللهم ارزقنا رضاها ونعوذ بك من عقوقها
اللهم آمين
اللهم آمين
اللهم آمين
وصلى الله على نبينا محمد وعلى آله و صحبه ومن تبعهم

بإحسان إلى يوم الدين

المشرفة العامة للمنتدى

بارك الله فيك اختي مسلمة
وبارك لنا في والداتنا
اهلا خدجة وين راكي مع الحمل
زيزي وينك اليوم
وفاء
جيجي
والبقية اين انتن
حنيييييييييييييييين؟

عضو نشيط

[b]السلام عليكم بناتى واخواتى
كل سنة وانتن طيبين وبخير يا رب يجعل مساعدتكم للاخوات
ووقوفكم جنب بعض فى ميزان حسنات
جزاكم اللة كل خير حبايبى I love you

مشرفة القسم الإسلامي

السلام عليكم و رحمة الله

أهلا بالغاليات على قلبي

يا أوراسية المشكل كي تكوني في غربة و الناس يكملو عليك ما بقاش لمان في هاذ الزمان

كلّ واحد نفسي نفسي و المصيبة أنو الشر دائما من الناس اللي تعملي معاهم الخير ربي يحفظنا نفسيتي اليوم أحسن و الحمد لله و فعلا بذكر الله تطمئن القلوب و يهون المصاب

العضوة الشرفية

اهلا اختي الغزاوية والف الف مبروك عليكي وعلينا الحلوة جود تتربى في عزكم يا رب

المشرفة العامة للمنتدى

اهلين اختي سفر منورة الللمة حبيبتي سعداء بوجودك معنا
اختي وفاء ربي يثبتك ويثبتنا اجمعين واتقي شرمن احسنت اليه لكن الحمد لله لازم نعملوا الخير من اجل نيل رضا الله
الحمد لله انك اليوم احسن
اهلا سهاد واش اخبارك اختي وينك خليتي الكرسي يستنى فيك

مراقبة عامة للمنتدى

سلام اخواتي كيفكم
اهلين اختي سفر عرفينا عليك هههههههههه انا فضولية نحب نعرف جميع العضوات

انا مارانيش نجم نقعد عند البيسي عمر راه مجننني كي يشوفني قاعدة عنده يجي ويبدا يخرب وتكمل بدبزة من بعد

مشرفة القسم الإسلامي

أهلا آسيا يا ختي ماراكيش تباني و أم مصعب و أم فريد تان ما بانوش يا درى واش بيهم

خلعتيني بالدبزة يا ختي روحي غير بلعقل ههههههههه هادو هما الدراري أنا تان مارية لاصقة فيا و نكتب بالسيف

واش حوال البيبي راه يخبط شويّا هههه نورمالمون حتى هو راه يضرب بالدبزة من داخل هههههههه

مراقبة عامة للمنتدى

ههههههههههههههه فيفي اختي غيل اسكتي راه مهبلني وزاد بوه ادا عطلة مرضية
حتى الاثنين الجاي باه يخدم

البيبي راه مليح ويسلم عليك كيما قلتي حتى هو راه من الداخل بالكوتبيي ههههههههههههههه

وانت كيراكي مع ماريا يادرا كاش ما لقيتيلها حل تاع الرضاعة وجربتي لي قتلك عليه

المشرفة العامة للمنتدى

اهلا خدوجة امالة راكي غير مع الدبزة لبرة وللداخل ههههههههههه
ربي معاك اختي
زيزي اليوم ما بانتش
وجيجي وقيلة النت تقطع عندها من بعد نتصل بيهها
ربي يردهم بالسلامةذ
ودوسة تاني ما بانتش اليوم
وحنيني

عضو نشيط

[ندعوك للتسجيل في المنتدى أو التعريف بنفسك لمعاينة هذه الصورة] [size=18[ندعوك للتسجيل في المنتدى أو التعريف بنفسك لمعاينة هذه الصورة] [/size] اهلا خواتى بشكرك اختى الاراسيية
جدا على يد العون والمساعدة
وبشكر كمان اختى الى باين عليها انها شقية قوى
(....اسيا....)عايزانى اعرفك على نفسى
انا جزائرية بس متزوجة مصرى من 13سنة
ومن يومها مرجعتش للجزائر
مشفتهاش خالص عشان كدة حبيت اشارك معاكم
ممكن انا مش حنفعكم بحاجة لانى ضعيفة فى الكمبيوتر
لاحعرف ابعتلكم صور ولا رشامات
انا كبيرى اكتبلكم كلمتين بس
وارجو ان يكون صدركم واسع ليا
ومكنش ضيفة ثقيلة
وانا بحبكم واللة

عضو نشيط

[ندعوك للتسجيل في المنتدى أو التعريف بنفسك لمعاينة هذه الصورة] [size=18[ندعوك للتسجيل في المنتدى أو التعريف بنفسك لمعاينة هذه الصورة] [/size] اهلا خواتى بشكرك اختى الاراسيية
جدا على يد العون والمساعدة
وبشكر كمان اختى الى باين عليها انها شقية قوى
(....اسيا....)عايزانى اعرفك على نفسى
انا جزائرية بس متزوجة مصرى من 13سنة
ومن يومها مرجعتش للجزائر
مشفتهاش خالص عشان كدة حبيت اشارك معاكم
ممكن انا مش حنفعكم بحاجة لانى ضعيفة فى الكمبيوتر
لاحعرف ابعتلكم صور ولا رشامات
انا كبيرى اكتبلكم كلمتين بس
وارجو ان يكون صدركم واسع ليا
ومكنش ضيفة ثقيلة
وانا بحبكم واللة

مشرفة ركن الأزياء

الف مبروك تتربى في عز والديها
الله ايخليها و يحميها و يسترها
مبروك

المشرفة العامة للمنتدى

اهلا اهلا اختي الحبيبة
منورة والله ومرحبا بيك يا اخية
وما يهمش انك تنزلي صور او اي شيء الي يهمنا انك تستفيدي معنا وتعجبك لمتنا
وان شاء الله نكون اخواتك
واحنا صدورنا وقلوبنا مفتوحة ليك
وياريت ما تحرمينا تواجدك معنا
ذاهلا وسهلا ولا شكر على واجب اختي
انت بين اخواتك واهلك

المشرفة العامة للمنتدى

اهلا اختي نجود منورة لمتنا
مرحبا بيك والله يبارك فيك نيابة عن الاخت سناء
والعاقبة ليك ان شاء الله هههههههههههه اذا حابة تزيدي
على فكرة سناء اتصلت بيا وما عندهاش نت انقطع عنها بتسلم عليكم

مشرفة القسم الإسلامي

ههههههه يا آسيا راكي تسوفري لبرا و لداخل ربي يكون في العون و الله أجمل إحساس عند المرآة الحامل لمّا تحس الجنين يتحرك في بطنها نعمة محروم منها الرجال هههههههههه

أختنا سفر أهلا و مرحبا بيك أختي و ما تعاوديش هاذ الكلام مستحيل أنك تكوني ضيفة ثقيلة فأنت بين أخواتك نورتينا و الله

المشرفة العامة للمنتدى

اهلا وفاء راكي هنا واش طيبتي اليوم هههههههههه
انا طيبت شربة فريك ورحت عند يما لقيتها دايرؤة مرقة بالزيتون والبطاطا باللحم جبت معايا فطوري ههههههههههه
دبرتها على الجهتين

مشرفة القسم الإسلامي

مرحبا أوراسية

درت روز بالإسكالوب تاع داند و الصوص كوري زوجي يحب هذا الطبق بصح أنا ما نحبوش و ما نحبش الرز أصلا
و السلاطة و قعدت شوية لوبية من لغدا

بصحتك الشربة و الزيتون علاش كنتي صايمة مالا ؟؟؟

المشرفة العامة للمنتدى

الله يسلمك وفاء نعم كنت صايمة
وكي رحت عند يما صايمة اعطاتلي لعشا ههههههههههه
بصحتكم الارز انا تاني ما نحبوش بزاف نحبو بالزيتون وكي يكون فالفور

مشرفة القسم الإسلامي

تقبل الله منك أخية

راهو قريب عاشوراء و نصومو

المشرفة العامة للمنتدى

اللهم آمين يارب
نعم عاشوراء يوم الاحد يعني الصيام السبت والاحد
لن ارد ان تغفر ذنوبه ولم يغتنم عرفة فهذه عاشوراء

مع السلامة راني نايضة نصلي العشا ونعشي اهل بيتي
في امان الله

مشرفة القسم الإسلامي

و أنا تان رايحة نحطلهم لعشا

بصحتكم حنونة في أمان الله

مراقبة عامة للمنتدى

سلام اخواتي منين جيت انا انتما رحتو تتعشوا انا تعشيت اليوم درت مرقة حمرة بالماقارون ملي كنت عزبة ما كليتهش واليوم سخفت عليها جات تهبل خاصة مع البرد ههههههههههه
هدي هي الشخشوخة تاع الغرب ميمي

وفاء والله غيل ضحكتيني ا نعمة محروم منها الرجال هههههههههه

والله غيل صح هذا الحمل الثاني والله منين يتحرك نفرح

اختي سفر والله غيل مرحبا بيك معنا وياريت كل يومة نشوفوك ونتعرفو عليك اكثر اكيد رايحة تحبيبنا ان شاء الله وتفرحي معانا وتلقاي راحتك معانا

زيزي وينك وين رحتي اليوم ما بنتيش
جيجي تانيك خير باينة النت دارها بيها

ام هند وام البنات راكم متفاهمين تدخلو في رحبة وتخرجو في رحبة واقيلا ساكنين مع بعض

مساء الخير حبيباتي واشراكم لاباس

ميمي حبيبتي ربي يخليك على المسج ماكانش عندي رصيد باش نجاوبك دخلت نرد عليك

البنات الي سقساو عليا تحياتي لكنّ فيفي >> زيزي >> و خوخة >>ربي يحفظكم نحبكم

و نموت عليكم كل بنات المنتدى النت مازال مادارهاش مازال ما قطعوهش بلاك شفيتهم

ههههههههههههه بصح هاذوا يومين راني مريضة شوية كيما يقولوا جسديا و ذهنيا

جسديا بالقولون العصبي و ذهنيا كرهت من الدنيا و ربي يسامحني و لا تنسوني بالدعاء

في هذه الايام المباركة ربي بخليكم ليا الا قدرت غذوة ندخل نتلاقاو ان شاءالله

في امان الله و حفظه ربي يخليكم و يفرج على كل مغبونة و مهمومة يا رب

مشرفة ركن الطبخ

[size=18][صباح الخير يا بنات
والله توحشتكم
سنا بنتك تهبل الله يحفظها وتربي في عزكم
بوسيهالي والله سخفتيني في البيبي
باللك نجيب وأنا واش ورايا هههه،،، فارغه شغل في هذ الغربه المره

بنتي شويه مريضه زادت طاحت البارح من فوق الفوتاي
والله مت بالخلعه صح الدم من شاربها درك فمها كامل منفوخ
ميمي ربي يتقبل منك سخفتيني تروحي عند يماك ربي يخليهالك أن شاء الله
خوخة حتي أنا رجلي كونجي ههه غير الدبزه

فيفي وش راكي حنونه
وكتاة تجي طلي عليا

جيجي ربي يشفيك حنونه
سفر منوره البيت أختي
راكي بين اخواتك أن شاء الله تزوري البلاد
دوسه ،سهاد واش مديرين في الغربه
نجود والفميلة هههه واش راكم /size]

عضو نشيط

السلام عليكم و رحمة الله و بركاته

صباح النور و كل شئ جميل لاحلى امهات و اخوات في اللمة الحلوة هذه...

نتمنى تكونوا كامل بخير انتم و عائلاتكم الكريمة .....توحشتكم بزاااااااااف

راه البرد داير حاله و لاني نحبه هو تاني حبني و ردلي حب ماله مثيل و ضربني ضربة مافي مثلها ....البارح مانضتش كامل و اليوم راني شوي مليحة بصح راني بلا صوت .هههههههه....راني مع زيت الزيتون و الاعشاب الطبيعية لانه احسن من الادوية الكيمياوية ...

ما نوصيكمش ردوا بالكم على صحيحاتكم و ان شاء الله ما تشوفوا شر...

اهلا وسهلا بسفر راكي في بيتك و رايحة تحسي بالدفء بين احلى ناس ....

اهلين ام البنااااات توحشتك و الله و كيفهم اخواتي ...؟؟؟

و مرحبا بام مصعب و ام فريد و اسيا و الغزاوية....

يا ام عبدو راكي بزاف مقلقة ....الغربة صعيبة بصح الي يهون عليكي انك بين عيلة و هي متغربة ....و زوجك الله يعينه هههههههههه...ربي يصبرك حبيبتي و بالعكس استغلي الفترة هذه و اخدمي اعمال تفكرك بالبلاد و الجو الي في البيت اكيد جزايري و رايحة ديما تلقاينا معاك اذا مش هنا فبالادعية...و ربي يبارك في عمر احلى عبدو و يكون ذخر للاسلام و يكون من حفظة القران....اللهم امين

استاذتي الاوراسية توحشتك و توحشت اسيونتي الحلوة ....ربي لا يحرمني منكم يا غاليين ....و ان شاء الله تكوني و كل العيلة بخير ...

تحيــــــــــــــــــــــــــــــــــــــــــــــــــــــآتي

يوم هادئ و سعيد

مشرفة القسم الإسلامي

السلام عليكم و رحمة الله و بركاته

أم مصعب أنا ما عنديش طوموبيل أرواحي نتي طلّي عليا

لحظة حنين ربي يخليك يا أختي و كيما قلتي ندير حاجة تفكرني بالبلاد راني نحوس كاش مركز يتعلمو فيه لخياطة ولّا الحلوى راني شاحنة على هاد الزوج و زيد باش نعمر وقت الفراغ و نتعلم صنعة ربي يسهل
سهاد كيف حالك راكي طلّي على الكرسي و تروحي ههههههه

أوراسية وينك اليوم و آسيا و أم فريد و أم البراء وين راكم

سلامي لجميع عضوات المنتدى

المشرفة العامة للمنتدى

سلام الله عليكم حبيباتي
حنين اهلا بيك يا غالية ما تشوفي شر ربي يشفيك حنونة دفي رةحك مليح
زيزي
جيجي اهلا الحمد لله الي مازال النت ربي يشفيك حبيبتي وهني عليك القلق ماشي مليح
وفاء انا اليوم كااامل فالخدمة ما روحتش على 12 رحت عند اختي تسكن بحذا وين نخدم خطوات برك وكيعاد نخرج على 12 نرجع على 1 وداري بعيدة رحت عندها لقيتها مدايرة محاجب بردت قلبي هههههههههههههههههههه

مشرفة القسم الإسلامي

هههههه انتي أوراسية راكي تروحي عندهم غير باش تاكلي ههههههههههه راني فقتلك هههههه البارح الزيتون عند يماك و اليوم لمحاجب عند أختك و غدوة يا درى واشنو ههههههههه بصحتك حنونة تاكلي و تزيدي و ربي يعينك في العمل

و الله نسيت نقولك ربي يشفيك يا حنين هذا هو اللي يحب البرد تحبو لاقريب هههه

و أم فريد نقولك ختي ماكانش اللي راه مهني ربي يفتح علينا و عليك

المشرفة العامة للمنتدى

هههههه يا وفاء راني نروح غي باش ناكل
لو كن تعرفي دار اختي من تقريبؤشهر ما دخلتهاش مع انها بجنبي فالخدمة منين نخرج نرجع للدار نجري لاولادي وعجوزتي ةزوجي
ودار يما كيف كيف غير البارح واليوم رحت لقيت الماكلة ههههه
رغم انو فالخدمة دارولنا لغدا فضلت نروح لعند اختي من جهة نحكيو ومن جهة لمحاجب

وقليييييييييييييييييل وين ناكل برة داري لخطرش كي نخطيهم يضيعو زوجي ما يحبش حتى يسخن الاكل غير ليماه والاولاد يشريلهم الواجد باش ما يتعبش روحو وانا نادرا وين ما نكونش وقت الماكلة فالدار

مشرفة القسم الإسلامي

إيه أوراسية صعيب الحال و مليح كي تروحي عند أختك كيما يقولو حجّة وفرجة هههههه من جهة تاكلي و من جهة تزوري أختك و تنحي على خاطرك معاها لوكان أنا منك راني كل يوم عندها هههههه و نخلي زوجي يدبر راسو مع الدراري

الأخوات راهم غايبين على المنتدى Neutral

ربي يجعل خير

العضوة الشرفية

اهلا خوتاتي وشراكم كامل لباس
الله يكون معاك حنونتي ام فريد والله يبسطلك الرزق ويشفيلك راجلك والله يشفيك من القلون وهادا ينوض من القلق لازم تصبري وتطلبي ربي قادر في يوم ولليله يتبدل كلش ونشوفوك زاهية وفرحانة يا رب

حنونتي ام مصعب وينك وههههههههه امالة سخفتي تزيدي صغير زيدي واحد ولا وحدة تفرحينا بيه

اختي ام عبدو يا احلى ام عبدو ما تتقلقيش يا الغالية شوفي حنونتي كي تتقلقي راح يتأثر كل المحيطين بيك ولادك وزوجك وجو البيت كلو يكون مكهرب يعني طمني روحك واستغفري وهادا هو حال الغربة لينا كامل بصح انقولو الحمد لله هكدا ولا اكتر واحسن شيء انك تشغلي روحك بهواية اللي تحبيها كيما قلتي الخياطة او عمل الحلويات والله معاك

اختي ميمي يسقسي عليك الخير حنونتي وتفرحيني كينلقا رد ليك في مدونتي وزيد اليوم شفت تعليقك في مدونة بنتي لاني نهار كامل ما دخلتش للنت الصباح خرجت وكنت بزاف عيانة كيرجعت من القضيان وحاسة بلفشلة والتعب عملتلهم لغدا ورقدت حتى الربعة انتاع لعشية نضت وشربت قهوتي و ضربت طلة شفت تعليقك بديت نضحك وحدي راجلى بدا يخزر فيا يقول من مقبيل وهي تشكي ومريضة ودرك راهي تضحك وقيلة هبلت لمرا هههههههه الله معاه ومعايا ومع جميع المومنين

المشرفة العامة للمنتدى

لبنات زيزي وخوخة وينكم اليوم
حنين طمنينا عنك
جيجي ان شاء الله تكوني مليحة اليوم
دوسة تسلم عليكم النت مقطوع عندها
هههههههههه يا يهاد انا كل يوةم نطل على المدونة تاعك باش نشوف جديدك فالطبخ
وطليت على تاع هبة وشفت صورها الله يبارك
ربي يخليك حبيبتي حتى انا نفرح كي نشوفك معنا

مشرفة القسم الإسلامي

يعطيك الصحة يا سهاد و صح كيما قلتي الواحد كي يكون مقلق يتكهرب جو البيت ربي يرزقنا الصبر

مشرفة ركن الطبخ

selem ya bnette
ya rab tkounou bkhir
mimies wech rakoum
fifi khoukha jiji souhad dousa,, hanin et les autr

مراقبة عامة للمنتدى

سلام يا غاليات كيفكم والله من الصباح ندخل نطل وما نقدرش نكتب عمر ولدي راه مهبلني ولا يصرخ بزاف

ضرك راني نكتب بالغفلة ولا مدمن على الكمبيوتر كي يشوفني قاعدة عنده يجي ويبقى يخرب وما يخليني ندير والوا
راني قريب نسوطي منه
ميمي ان شغلتك تسخفينا هذي شخشوخة وهذا رقاق واليوم محاجب آآآآآآآآآآآه انا الاحد ان شاء الله ندير لرقاق ونشوف

جيجي ربي يشفيك اختي ما تقلقيش روحك هدي الدنيا ما تسوا شي
زيزي كيفاش طاحت سلسبيل من الفوتاي راهي كبيرة خوفتيني على عمر يضل ينقز من فوقه
فيفي اممالا راكي تحوسي على دورة تاع طبخ ولا خياطة تتعلميها ممممممم اهنا ماكان والو في دي البلاد
ان شاء الله ربي يسهل علينا ونخرج منها نجي مجيهتكم

سهاد كيفك اختي وكيفها هبة الصغيرة
دوسة غزاوية توحشناكم
سوسو توحشتها بزاف ميمي ولا جيجي يا ريت تبعثولي رقم الهاتف نتاعها
في المسن
حنين ربي يشفيك اختي هذا هو وقتها

والبقية لكم احلى تحية

مشرفة ركن الطبخ

ههه يا خوخة
لازم متولفيش عمر علي pc
أشغليه بحاجه أخري
أنا مصعب كان مهبلني علي الالعاب
حكمو باباه أعطاه طريحه من تمه ولا ميدورش ههه
وش نقولك بنتي وولدي نهار كامل هما يسوتيو
مصعب يعلم فيها زعمه كي بات مان

جبدت المخاد وحطتهم فوق بعضهم
ونقزت،،،، نسمع غير في الخبطه مت بلخلعه
الحمد لله جات سلامات
متخليش عمر يتفرج بات مان ههههه

المشرفة العامة للمنتدى

هخخخخخخخخخخخ يا لبنات ضحكتوني
اولادكم ولا باتماناتههههههههههههههههههه
زيزي اجبديل لمصعب شخصية اخرى وخليه يتاثر بيها على الاقل ما فيهاش تنقاز
خديجة ما تولفيش عمر فالميكرو لهيه بحاجة اخرى
اشبريلو لابتوب تاع اللعب كاينة هنا فلبلاد ويتعلوا بيه حروف عربية وايات وادعية كان جيتي قدامي نبعتلك واحد

» &&& بيت جديد في خاطر التليتلي تاع فيفي .......جوزوا يا لبنات ههههههه&&&
» فستان بصدر كروشي حصريا ومن ايديا لبنات الاسرة الاعزاء
» @@مرحبا .. تفـــظلن للدفئ ...حول نـــار الحطب...الجو باااارد..@@