بيت الاخوة يجمعنا بفرحة قدوم مريم

ادارة المنتدى

السلام عليكم اخواتي
نفتح بيتنا من جديد وفرحة قدوم مريم ابنة اختنا خديجة
الف الف مبرو والعاقبة لكل الي مازالو
[ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

الف مبروك البيت الجديد الي في خاطر الكتكوتة مريومة ربي يحفضها [ندعوك للتسجيل في المنتدى أو التعريف بنفسك لمعاينة هذه الصورة]

عضو مميز

نجود راكي هنا و أنا نحوس عليك من جهة أخرى، ههههة، ربي يحفضك أختي على دعاء، شوفي راني شفت واش درتي هدية ل مريم راكي غيرتيني ، بلاك ما ديريليش هدية شابة كيما كيفها راني نزعف، [ندعوك للتسجيل في المنتدى أو التعريف بنفسك لمعاينة هذه الصورة] ، بصح أنا على ما أظن عندي ولد ، زهر المعوج مايكونش فيه ألوان كيما هدو راهم عجبوني بزاف ، ربي يسترك عندك مداق ما شاء الله.

مشرفة ركن الأزياء

حبيبتي زكية يا وجه الخير غالي والطلب رخيس انشاء الله لما تولدي بخير انديرلك هدايا خير من تاع اسيا
لاه عندنا 10 زكية هى فرد وحيدة [ندعوك للتسجيل في المنتدى أو التعريف بنفسك لمعاينة هذه الصورة]

مشرفة القسم الإسلامي

السلام عليكم بارك الله فيك ميمي على فتح البيت في خاطر مريومة ربي يحفظها و يشفي أمها في أقرب وقت

كيف حالك يا ميمي توحشناك يا أختي
زكية بارك الله فيك كي نقلتينا أخبار خوخة و جبتيلنا البشارة و إن شاء الله عن قريب راح تجيبلنا هي البشارة تاعك لما تولدي و تقومي بالسلامة بإذن الله ربي يسهل عليك و على أم يونس

مراقبة عامة للمنتدى

الف مبروك البيت الجديد الي في خاطر الكتكوتة مريومة ربي يحفظها [ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الطبخ

السلام عليكم بنات
ميمي شكرا على افتتاح البيت الجديد
في خاطر بنت خديجه

بصح مانيش فاهمه وين اكتب ههههههههه

مشرفة ركن الأزياء

اهلين حبيبتي ام عبدو عاش من شاف اسمك اسيدي راكي تغبرتي واش احوالك توحشتك بزاف عندي شحال مقصرتش معاك
نوارتنا منورة حبيبتنا [ندعوك للتسجيل في المنتدى أو التعريف بنفسك لمعاينة هذه الصورة]

مبروك البيت الجديد و مبروك مزيودتنا مريومة

عقبال البقية ان شاءالله

ميمي واش اخبارك حبيبتي لاباس نونو * زكية * فيفي * زيزي *نوارة * احلى سلام

مشرفة القسم الإسلامي

هههههههه يا نجود شابة هادي تاع تغبرتي هههههه يا أختي ما تغبرت ما تبحرت راني ندخل نقرا بصح يدي راهي تقيلة على الكتابة هادا ماكان هههههه واش راكي و واش راهم الدراري كاش حرب معاهم و لا مازالك تعطيهم في لي فيتامين ههههه
جيجي أنا منين ندخل للأمسن ما نلقاكش تحطي ميساج و تهربي هههههههه
نورة زيزي أهلا بكما

مشرفة ركن الأزياء

هههههههههههههه الحرب كينا كينا هدا وين كنت نتقاتل معاهم ميقدروش ايعيشو بلا فيتامينات ههههههههه
وانت واش اخبارك واش احوال الاولاد وكيما تقول اسيا مول الخيمة
اهلين حبيبتي ام فريد وشراكي وشراهي عجوزتك

مشرفة ركن الطبخ

صح يا فيفي تغيرتي هههه
كيفك و كيفو عبدو و مريا
واشبيك ماتبانيش ، وكتاه هابطه للبلاد ولا زوجك بدل رايو هههههههههه،، مافيهمش لامان

مشرفة القسم الإسلامي

جبتيها يا زيزي ما رانيش حابطة للبلاد و ماشي زوجي اللي بدل رايو أنا اللي بدلتو و إن شاء الله خير

الدراري راهم لاباس يا نونو برك عبدو مخرجني من عقلي شوية ما علاباليش علاش تبدلو طبايعو على ضربة و ما رانيش قادرة نتفاهم معاه و ما نحبش نضربو

عضو مميز

سلام يا بنات. خوخة مسلمة عليكم بزاف بزاف، و تقولكم راني دعيت ليكم وحدة وحدة، أم عبدو ، زيزي، نجود ميمي، جيجي راكي هدرتي معها كانت فرحانة بزاف، أم فريد، هديك هي البدعية ألي قلت لك عليها، يا درى عجبتك ، ول لالا،

مشرفة ركن الطبخ

يا نجود وانا نسيتيني واع واععععععععع
ماعليش حنونه كيفهم ناس قالمه ههههه
فيفي اللي فيه الخير يجيبوا ربي ،ماعليش ماش كاتبه
انت تشكي من عبدو و انا من مصعب و الله هبلني ، انا تاني مالقيتش ليه حل ، لالقيتو حل مدوهولي قبل ما انتحر
جيجي كيفك
نوره منوره المنتدى

مشرفة ركن الطبخ

يازكيه راني كنت نعيط بصح ماتهزش و علاه نزيد نهبلك

عضو مميز

نسيت به نقولك زيزي كانت حابة تسميها زينب، عيطت ليها عجوزثها من جزائر ، قالت ليها بدلي سميها مريم ، قالت لي ، قولي لزيزي متزعفش مني ، ياخي راكي ، تعرفي عجايز دزاير ،

مشرفة ركن الطبخ

يآلبنات راني عيطت لخوخه درك راهي تسلم عليكم كآآآآآآآمل
كانت ميته بالفرحه ، و الله صوتها كيما توقعته يا سبحان الله ، راهي غير تضحك ههههههههههههههههههه
هههههههههههههه يا زكيه ماعليش العجايز صعاب هههههههههه
راهي قالت لي المره الجايه نسمي زينب هههههههههههه
الله يحفظك زكو

عضو مميز

خسارة يا زيزي ضيعتي عليا المهمة تعي، درك واش هي خدمتي، كنت مليحة فال poste، ديالي ،

دبريلي خدمة،!!!!!!!؟؟؟؟؟؟

ساعي البريد ، خلاص ديتوهالي، هههه خليني بعد 02 يومين خوخة ترجع لدارها و تجيب ليكم هي خبارها و أنا نبدل نشوف منصب أخر، ههه

مشرفة ركن الأزياء

ههههههههههههههههههه يا لبنات وليتو كامل ساعي البريد بقيت فيها غير انا ههههههه
ربي يجازيكم خير كفو والله

ادارة المنتدى

ما شاء الله يا لبنات راكم زهيتو البيت
ان شاء الله قدوم مريومة يكون فال خير على الكل
الله يسلمكم ويخليكم انا تاني توحشتكم بالصح مازال شوية المورال هابط
ادعولي انا بحاجة لدعائكن

مشرفة القسم الإسلامي

واشبيك يا ميمي ربي يفرج همك و يفك كربك خصاتك بزاف الراحة يا أختي و الله تعبتي بزاف الأيام اللي فاتو راني حاسة بيك و قلبي معك حبيبتي

مشرفة ركن الأزياء

ربي يصبرك ويكون معاك ويقدرك على فعل الخير حبيبتي اوراسية

اعلا بنات كيراكم وفاء من ندخل المسن ما نلقاش نخليلك رسالة برك

زيزي الحمدالله حبيبتي يعيشك و انت واش اخبارك و اخبار الاولاد

نونو عجوزتي ريحت و عاودت تحزمت لي وين ماروح عندها دكني بالكلام يا رب اهديها

زكية كيراكي حبيبة لاباس البدعية عجبتني ان شاءالله نعملها في قماش الصيف و نوريهالك

وقتاش تجي لوهران راني نستنى فيك لازم تزوريني او ازورك لاثنين مع بعض

ميمي واش اخبارك حبيبتي صح العيا ولا عليك و زيدي الدار فرغت و كلش الحمدالله

تهلاي في روحك و في اولادك

مشرفة ركن الأزياء

ههههههههههههههههههههههههه ضحكتيني حبيبتي ام فريد واش اديري اصبري وخلاص مرا كبيرة ماعندك ما دريلها هادو هوما العجائز ميقدروش يعيشو من دون ما ينكدو على العروس كبري قلبك وشوفي لوجه راجلك

زيزي و زكية هادو موديلات خدمتهم هاد السمانة الي فاتت

يعني تاع الدار تاع كل يوم ماشي حاجة همة كيما نقولو
[ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

هايلة حبيبتي ام فريد والله غير روعة يسلمو يديك

[ندعوك للتسجيل في المنتدى أو التعريف بنفسك لمعاينة هذه الصورة]

عضو مميز

سلام و أحلى تحية صباحية ليكم، جيجي ربي يسترك ، ايدين يتلفوا فالحرير ، ما شاء الله، تعرفي ، البارح حكمتني القنتة ، درو تخفيض فال، ´billet، d´avion، هلسنكي الجزائر ، 250 euros، ماي، و جوان ، aller retour، باطل باطل باطل باطل

أول مرة شفناه مداري نهودو ، b 1200 euros، تعرفي هبلت حبيت نهبط ، بصح الله غالب، راني حامل ما نقدرش ، مور الولادة إن شاء الله في أكتوبر بلاك ، ما عليا غير قلت لخوخة و عيط زوجي لزوجها و أنا حكيتها في قلبي ،

بصح يا جيجي وعد مني إن شاء الله كي نجي رنا نشوفو بعض، أكيد ، درك ندي عليك كامل البدعيات، الحمرة روعة ، و طحتي لي في نقطة ضعفي لوني المفضل

، بصح عقلي عليهم برك بلاك تنسي ،

صباح الخير حبيباتي كي صبحتوا لاباس

زكية غير ارواحي نخيطلك واش تبغي حبيبة ربي يخليك على المجاملة
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

زكية و زيزي ها هوما البدعيات و ان شاءالله كي

نزيد نخيط نوريلكم الصور

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بنات نخليكم في امان الله من بعد ان شاءالله

مشرفة ركن الطبخ

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليك بنات
كيفكم
ميمي الله يكون معاكم و يفك كربكم ، تعرفي عندي جدتي في 1994 جات ضيفت عندنا مسكينه ماتت في دارنا عليها راني حاسه بيكم مليح خاصه بعد التعزيه ،، و حنا مصيبتنا مانقولكش 3 او 4 .لاحول و لا قوه الا بالله
تعرفي كي ديناها لقالمه باه ندفنوها في رايك ويش صرا ، ...............
جاو السراق و سرقوا دارنا خلاو غ ير الحيوط الله لا تربحهم
و لا نسامح من كان سبب في موت جدتي و باقي المشاكل .
فيفي كيفك
زكيه ماعليش راكي تبقاي في العمل تاعك ماكش مطروده هههه قولي لي خوخه الهاتف لي عيطت بيه راهو تاع الدار ماخرجش الرقم تاعو خاطر رانا مدايرينوا في القائمه السوداء هههههههههه ، و البورتابل تاعي درك نبعت ليها ميساج هههههههههه
نجود كيفك كيفاه ماتسقسيش
اه يا جيجي واش نقولك و الله رووووووووووووووووعه ما نليقت واش نقولك هدا هو اللباس تاعي نحب نلبس هكدا
كيفاه تخيطيلي راني هابطة في الصيف وصيت واحد الخياطة الله يستر ،،،،،،،،،،،،
عجبني الخضراء بزآآف و الاخريين هايلين
الله يحفظك و يوسع في رزقك

عضو مميز

جيجي، ماشي مجاملة هادي حقيقة ، تعرفي تخيطي ، ما شاء الله، حبيت نسقسيك ، تخيطي سور كوماند، ول من راسك، و تبيعي ول لزوج، هههه ، أنا خطيني الخياطة ، شريت مشينة نهار كامل و أنا نخيط غي سرابيت الكوزينة، ول في طبليات ، هاد ألي فلحت فيه، هههة،

زيزي هنا في فلندا قليل ألي عندو الفيكس في داره البورتابل و سايي ، رهو رخيص داخل فنلندا المكالمات ، تسمى ، نمرو تع خوخة ، بورتابل ، أما المستشفى ، هههههة غير مكان لاه عندهم وحد الهدرة الله لا تسمعيها ، مشقلبة، أنا وحدة دجيب لي راس ههههة

عضو مميز

صباح الافراح يا غاليات مبروك البيت الجديد
المرال راهو طلع راني نشوف فالمنتدى زاهى ربي بارك
راني مع شغل البيت امباعد

عضو مميز

طمطم جيتي ، وين كنت توحشتك مركيش تباني، كيفهم حوالك، والعايلة ديالك

عضو مميز

وشراكي يا زكية لحبيبة تاعي وشراهم الاولاد ولازوج الكريم انشاء الله تكوني متهنية يسقسي عليك الخير رانا كامل لاباس
راني هنا برك بصح هذ ليام الميكرو تاعنا دخل فيهفيروس
حتي فرمتاه بابا
حتى انا توحشتك يا الغاليا وديما نتوحشكم Cool

امي مريضة شوية راحت الصباح بكري دارت التعيرات
وروحت وانا تخنقت مع الخدمة تاع الدار
اكل

عضو مميز

مسمس على سلامتك حبيبتي وشراكي وشراها اسيا صحبتي
Cool

عضو مميز

راني جيت نكتب ميمي كتبت مسمس هههههه غلط
وينكم يا لبنات راني وحدي في المنتدى ندور كي الزربوط

عضو مميز

ماشاء الله عليكم راكم مزهين القعده بلمتكم
ام فريد اعطيك الصحه كون جيتي احدايا راني شريت من عندك الحمره والخضراء وأعطيتك أتزيدي تخيطيلي خاصة بلاك أنروح لبلاد هدا الصيف ربي يخليلك صحيحتك فحله
تيتومه ونجود وأم مصعب توحشت قعدتكم و حكاياتكم كيف أحوالكم
زكيه قداش مزالك مع الحمل تهنينا على آسيا درك نبدو نحسبولك وللا مازلتي ؟
أوراسيه ربي معاك حبيبتي
والبقيه كامل أنحبكم [ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

يسعد مساكم يا اغلى الحبايب كيفكم [ندعوك للتسجيل في المنتدى أو التعريف بنفسك لمعاينة هذه الصورة]

عضو مميز

سلام عليكم

سفسف راني في شهر 7 عندي الولادة إن شاء الله في 30 جوان ، و الله عالم ، بصح كي تشوفيني تقولي راني في 03 أشهر ، مرات نتوسوس ، ، غير يخرج سليم معافي و درية صالحة ، يا ربي ،

نجود أهلين حبيبتي ، واش راكي

طمطم ، عندي وليد واحد برك ، و على ما أضن التاني رهو فالطريق ،

زيزي وينك ، ما بنتيش ،

أوراسية حبيبتي ، فرحت مين شفتك طليتي ، دعيت لك من قلبي ربي يفرج عليكم و يعوضكم يا رب

سلااااااااااام لبنات كيراكم لاباس

صوفي * ميمي * زيزي * تيتومة * زكية * و البقية احلى سلام

زيزي علابالك عندي جارتي من عندكم في قسنطينة و كل عطلة تفوتها تم و راها في اسبوع ملي

جات شوفي عجباتك الخضراء ساهل اعطيني المقاييس نتاعك و في الصيف نشوفوا كي

تقدروا تتلاقاو

زكية انا الخياطة عندي 24 سنة فيها من الي كان في سني 15 سنة ماشي حاجة ساهلة

و كل مرة نزيد نتعلم حوايج الي ما كنتش نعرفهم و هي ماشية

و على البدعيات نخيط و نخليهم ايشونيو في الحانوت مثلا تجي واحدة و تعجبها و تجي

قدها و تحب تشريها نبيعها لها و الا تحب نخيط لها واحدرى على قدها و لون اخر تاني

كيكيف

مشرفة ركن الطبخ

اهلين يا بنات
كيفكم
انا ندور و ندور و نطل على القنادر تاع جيجي هبلوني يا ريت جيتي قدامي ياجيجي ندي عليك البرتقالي و الخضراء، مالقيت حتى حل حتى من فاميلا ماكانش في وهران ههههههههه
تيتومه كيفك الله يشفي امك
سوفيه يتوحشك الخير حنونه انا تاني توحشت القصرات تاعك و تاع يوسف بوسيهولي
نجود واشبيك مزروبه ولا خرجتي تحوسي هههههه
زكيه يسما غدوا تخرج خوخه سلمي علياه كي ولا البورتابل رخيس ههههههههههه
مافهمتينيش واش قلت لك ،،،، خاطر كي هدرت مع خوخه قالت لي مابانيش الرقم تاعك
قولي ليها هدا الهاتف تاعي تاع الدار مدايرينو ماسكي ( افي القائمه السوداء) قولي لها درك نبعتلك ميساج بالبورتابل تاعي باه تعرف الرقم تاعي هههههههههههههه درتلك خدمه
بصح كيفاه انت في الشهر 7 ماتعرفيش واش عندك ههههه المهم الله يسهلك
فيفي وين رحتي راكي تبدلتي تاع الصح ههههههههههه
جيجي نوره ام زينب ،ميمي ، مومنه، ام هند ،ام البنات ،، نور الامان ، ام بلال ، و البقيه وينكم

مشرفة ركن الطبخ

اه يا جيجي تعرفي و الله ماكملت الرد تاعك ههههههههه كي قلتي جارتي فرحت ، اكيد الخضراء تجيني ،لازم نتفاهموا قبل ما يطيروا بيها ههههه
انا هابطه في اوت ان شاءلله واش من وسيله وفي جارتك

» بيت الاخوة والمحبة يجمعنا من جديد هلمواااااااااااااااا
» لنحتفل سويا بعام من العطاء في ظل الاخوة في الله
» بيت المحبة و الاخوة من جديد
» ઊઇبيت الاخوة والمحبة لكل الاخواتઊઇ
» ***في بيت دفئه الاخوة في الله نستقبلكن اخواتي***