بيت الاخوة يجمعنا بفرحة قدوم مريم

صباااااااااااااااح الأنوار عليكم بنات كيف أصبحتوا ؟

سلام راني جبتلكم مريومة تسلم عليكم بصح لازم ال نشوف الكادووات ههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

بسم الله ماشاء الله تبارك الرحمن
ربي يحفظها ويبارك فيها
اسيا والله غير تهبل ربي يحفظها من كل عين
بوسه ليك مريومتي امانة توصليها لها اسيا

اسيا والله ما نسيت الهدايا اصبري عليا برك

يا عمري يا عمري
راهي بوبية
باسم الله تبارك الرحمان
راني جاية بالهدايا

هايليك الهدايا يا لالة مريومة
نشاله ترضاي علينا برك ههههههه
[ندعوك للتسجيل في المنتدى أو التعريف بنفسك لمعاينة هذه الصورة]

يااااعمري ماشاء الله لا قوة إلا بالله
و الله حسيت بشي هزني بشوفتها و تشوقت لوكان قدامي نبوسها ياعمري تبارك الله عليها
وزيد ديك الرقدة
و الله الدراري هايلين وروعة رغم غبينتهم بصح حااااجة هبااااال
ربي يحفظهالك يارب و ردي بالك من عمر عليها
راكي ترضعيها خوخة كاين وصفات كثيرة باش يطيح فيك الحليب ستعمليها

[size=24السلام عليكم بنات كيفكم
ياعمري على مريومه بسم الله ماشاء الله ، اللهم احفظ بنتنا مريم بنت خديجه و بارك فيها و جعلها من الدريه الصالحة امين يا رب العالمين
الله يخليهالك خوخه ولالله تهبل ^كون جات قدامي راني شبعت فيها بوسان ، امانه بوسيهالي من هدوك الخدود.....
راكي سخفتيني يا خوخه انا وقيله رايحه نجيب بنوته هههههه لولاد يهبلوا ربي يحفظهم
ههههههههه يا سوسو راكي تمدي دروس للمراه المرضعة و الحامل هههه الله يسهلك في الولاده][/size]

شكرا حبيباتي والله غل فرحت بزاف
تيتومة هايلين اكيد مريومة ترضى عليك هههههههههه
سوسو حبيبتي الحمد لله ان شاء الله انت تاني بعد كم اسبوع راح تفرحي بشوفت انس ان شاء الله
الحليب راه فيا الحمد لله ان شاء الله يدوم برك

هههههههههههههههه يا زيزي والله غيل ضحكتيني يللا واش راكي تستناي نحي لا بيلول
باه تجيبي اخت لسلسبيل ههههههه صح يهبلو بصح يعجبو بزاف

هههه يا ام مريم هههه
كي نتفكر التعب تعهم نسنيي باصابعي العشر هههههههههه
خلي المره الجايه مع بعضنا نبداو ههههه
حابه نسقسيك ماقلقتيش ماتعبتيش هههههه
و الليل كيفاه تنوضي مريم تنوض بزاف
و عمر ينوض معها،، انا كان مصعب ينوض مع اخته ، ههههههه

هههههه يا زيزي انا مازال ما نبدا مشي ضرك خليني نبرا بعد ونخمم ههههههههههه
مريم كي تنوض ما تبكيش مسكينة تبقى تحل في فمها تستنى في الحليب يجيها
و زيد عمر ما يفيقش خاطرش يرقد وحدو في الغرفة الثانية ما يفطنش

سوفية ههههههههههه راهم خطبوها قبلك هههههههه لازم تتفاهمي انت وجيجي وشوفو شكون اللي راهي باغيها اكثر هههههههه

اهلا سوفيه هههههههههههههههههه الله يخليلك يوسف ر اهو يسوتي ههههه يا سعدها مريومه خوخه تشرط قالت لكم لازم سكنه في البلاد و في الغربه ههههه
الله يكون معاك خوخه راكي مازلت دايخه مباعد تكرزي هههههه بالك راكي فرحانه ببنتك .. آلله يخليهالك

ههههههههههههه يا زيزي والله ما راني نقدر نقعد راني دايرة مخدة قاعدة عليها والسطر داير فيا حالة
يا لبنات ضرك لقيت السرة نتاع مريم تنحات بصح ما زال السرة ما مشي مغلوقة عادي مفتوحة قلبي هرب ما تحملش وزيد تانيك كي ندير للسرة اللي طارت نرميها ولا نخبيها ؟؟؟؟؟؟؟؟؟؟؟؟؟؟

هههههههههههه يا خوخه زغرتي هههه طارت السره بالخف مليح
بصح ماتغطيهاش درتك ترتاح ليه ليه ، ماش كيما الدكر كيما الانثى
خبيها هههههه انا مخبيتهم بصح وين؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

يا يا زيزي نتاع البنت طير بالخف خاطرش نتاع عمر قعدت فايت 15 يوم باه طارت عليها خفت امالا مزية بصح كي نخبيها واش ندير بيها اللي عنده معلومة يخبرنا
انا نتاع عمر ارميتها بصح نتاع دي خبيتها

جيجي يا ريت تطلي دول اليامات في المسنجر راني حاباتك تخديميلي بدعيات
زكية راهي جاية لوهران في الشهر الداخل وراني حاباتك تخيطيلي 2 ولا 3 تبعيثيهملي وهي تخلصك ومن بعد نتفاهم انا ويايها

خوخة السرة تاع اولادي مدة5 ايام طير وف السرة ديري قطرات تاع زيت الزيتون وحطي فوقها قطن ولفي بشاش كرشها فوق من السرة باش تحكم القطن ومايدخلهاش الهوا كي تفوت 4 ايام بداي تقطريلها الزيت بلا ما تغطيها وتبرا ليه ليه بالزيت واسال مجرب اختك راها تمد لزيتود ف الولادة والتربية هههههههه
والسرات تاع اولادي دفنتهم ف البستان تاعنا وعلاش نخبيها انا نخبيلهم فقط اول لباس تاع كل طفل نشريهلو نصورهم بيه ونخبيه ضرك راهم كامل عندهم تصاور تاع الولادة بلباس ومخبياتهم

خوخة كاش ما كليتي بركوكس ولا حساء سخون
يا عمري عليك والله غير راكي غايضتني تعرفي المراة كي تنفس تغيضني
نقلك ديري شوي طمينة وكليها ديرلك الحليب
كون جيتي بحدايا ننفس انا وانت والله مانحلي عليك
اسيونة لبسي مليح وماتستهزايش بروحك وما تعريش روحك وبالاك التدواش بزاف راكي عظامك متباعدين من الزحمة وساهل باش يدخلك الهواء
شوفي جوزي برك بالقون والماء
وان شاء الله تبراي بلخف وتهلاي ف روحك يا عمري عليك

سامية اختي نخاف كاش ما يصرالها لكان نديرلها زيت زيتون اختك خوافة في حوايج كيما هذو وزيد نها الجمعة عندي الطبيبة لكان تشوفها تقولسي واش هذا هههه

اختي راني درت البركوكس وكليت حتى انفقست وراني دايرة تانيك الطمينة هههه وكل يوم ناكل هههههه
واله تكرهي حياتك في الغربة كي تكوني مريضة ولا نفساء ما تلقي شكون اللي يساعدك ولا يفرحك بطبسي نتاع بركوكس معليش
وبالنسبة للتدواش دوشت مرتين بصح تعرفي راه يخرج مني الهوا من التحت وراه مديرونجيني نتاع الصح

وهادو تاني ليك
وراني نسنا في ام يونس وزكية
باش نديرلهم
[ندعوك للتسجيل في المنتدى أو التعريف بنفسك لمعاينة هذه الصورة]

خوخة والله اختي انا ربي شاهد راني اولادي نديرلهم برك الزيت لذا قلت لك وحتى البيبي راني نديرلو فيه تحت ابطيه ورقبته وبين افخاذو يعني انا نربي اولادي بالزيت وانت شوفي لتم واش يقولو ليك وديريلها وكيما قالت ليك اختي ام عبدو ماتقلقيش روحك وكلش يجوز وضرك تكبر مريومة
والتدواش هبلتي عندك اسبوع دوشتي مرتين يا اختي والله النقا والنضافة مليحة والدين تاعنا يحتنا بالنضافة لكن ما نلقوش برواحنا للتهلكة ياك
راكي نافسة وكما يقولو الزحمة تبعد العظام والهواء ساهل باش يدخل النافس
انا نتعرق بزاف في النفاس تقول تدواش بصح كي ينشف العرق نحكم سربيتة ولا قون وندير الماء في بسينة يكون دافىء ونحكم الصابون ونرغوي السربيتة ونغسل اطرافي وصدري وندير ستيك والريحة وما ندوشش الا بعد اسبوعين في اولادي الاوائل كانت الولادة نورمال
اما هاذ المرة دوشت كي كملت 24 يوم كنت نقي روحي غير كما قلت لك خفت على الخيط والجرح
وضرك دوشت يعني في شهر دوشت2مرات هههه
وكلش يجوز

ادارتنا واش راكي
ماتتضحكيش انت تلحقي هههههههههههه
واش احوالك ميمي والاولاد لاباس
تيتو واش راكي وربي يبارك فيك

يعيشك يا امعبدو راني تعافيت يا حبيبتي
ربي يحفظك
اسيا والله لوكان جينا ساكنين في فرد بلاد راني جيتك ونحيت عليك
الهم راكي عيانة ويحبلك تستحفظي بروحك مدة
والله غضتيني
نونو حنونة وشراكي
زيزي واش لحوال
اوراسية وينك
توحشتكم كامل وحدة وحدة
وينك يا نور الامان راني نسقسي عليك باش متحسيش راكي غريبة

هيه يا لالة القعدة تكمل بيك لازم انسقسي راكي انتي اساس المنتدى
رينب حبيبتي وشراكي وشراه المموش
والله حتى هنا النوافس يديرو قيما قلتي
يدوشو ولا يروحو للحمام بعد شهر
حافظي على روحك يا خوخة

kifek zakiya
mebrouk 3lik bled hhh jibina m3ek chwya foul hhhhhh

هههههههه يا زكيه بصحتك الفول مسبقا
نجود يمممممممم حرام عليك نموت عليه هدرت البارح مع الدار قالو لي رانا كونجلينالك الجلبانه و القرنون و الفول هههههههههههههه

اهلا نونو بصحتك الفول
زكية ربي يتمملك على خير
زيزي هذاوين جيتي [ندعوك للتسجيل في المنتدى أو التعريف بنفسك لمعاينة هذه الصورة]

ههههههههه يا نجود حرام عليك و الله نموت عليه المره لي فات شريتو يابس في ساشي ، كي طيبتو ماحبش يطيب ماجاش مليح ، طيشتوا كامل للاسف
اهلا ميمي هههه لالا راني هنا ، قبيل ديت مصعب للمسجد سجلتو باه يقرا القران ، خليتو يقرا و جيت ، كي رجعت جبتوا ديت الاولاد يحوسو في البارك راني كارهه من الدار و من الكوزينا

assia2007 كتب:

سلام راني جبتلكم مريومة تسلم عليكم بصح لازم ال نشوف الكادووات ههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

اتمنى ان الكادوات يعجبوووووووها الانسة مريم

[ندعوك للتسجيل في المنتدى أو التعريف بنفسك لمعاينة هذه الصورة]