| بيت المحبة و الاخوة من جديد | |
|
+14zomorod زينب-162 ام البنات فتاة الدعوة ام هند أم يونس ام بثينة awrassia أم عبدو نورة الجزائرية أوراسية oum mossab assia2007 ام فريد 18 مشترك |
|
كاتب الموضوع | رسالة |
---|
ام فريد مشرفة ركن الأشغال اليدوية والديكور
| موضوع: بيت المحبة و الاخوة من جديد الجمعة يوليو 24, 2009 4:01 pm | |
| السلام عليكم و رحمة الله تعالى و بركاته يسعدني اخواتي ان افتتح معكم بيت جديد لن تتفرق قلوب جمعها الحب في الله و إن تفرقت الأجساد في هذه الحياة يظل النبض الصادق يذكر بالوفاء فيلهج اللسان بطيب الدعاء [ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
assia2007 مراقبة عامة للمنتدى
| موضوع: رد: بيت المحبة و الاخوة من جديد الجمعة يوليو 24, 2009 4:07 pm | |
| مبروك البيت الجديد ام فريد البيت انفتح وآذان العصر يأذن عندي فال خير ان شاء الله | |
|
| |
ام فريد مشرفة ركن الأشغال اليدوية والديكور
| موضوع: رد: بيت المحبة و الاخوة من جديد الجمعة يوليو 24, 2009 4:21 pm | |
| الله يسلمك حبيبتي خديجة هذا بيتنا و الله العظيم نلقى روحي فيه اكثر من بيتي ههههههههههه غير ندخل للمنتدى هو الاول ربي يخلينا لبعضنا [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
oum mossab مشرفة ركن الطبخ
| موضوع: رد: بيت المحبة و الاخوة من جديد الجمعة يوليو 24, 2009 4:56 pm | |
| ،كلحتيني يا حنونه مرسي أم فريد أنا نكتب في القديم هههه | |
|
| |
assia2007 مراقبة عامة للمنتدى
| موضوع: رد: بيت المحبة و الاخوة من جديد الجمعة يوليو 24, 2009 5:31 pm | |
| اوراسية راني بعثتلك رسالة على الخاصة ما نيش عارفة لكان وصلاتك او لا | |
|
| |
oum mossab مشرفة ركن الطبخ
| موضوع: رد: بيت المحبة و الاخوة من جديد الجمعة يوليو 24, 2009 7:10 pm | |
| allo wech rakoum ya akhawette | |
|
| |
أوراسية المشرفة العامة للمنتدى
| موضوع: رد: بيت المحبة و الاخوة من جديد الجمعة يوليو 24, 2009 7:28 pm | |
| السلام عليكم حبيباتي ام فريد جزاك الله كل خير على هذا البيت اخيتي نجتمع فيه باذن الله في طاعة الله والمحبة فيه
نعم اسيا وصلتني ورديت عليك حبيبتي
ام مصعب راني هنا واش كاش ماكلة راني نستنى
هههههه | |
|
| |
نورة الجزائرية مراقبة عامة للمنتدى
| موضوع: رد: بيت المحبة و الاخوة من جديد السبت يوليو 25, 2009 1:11 am | |
| لمن يذكروننا بالخير .. يا رب بالخير اذكرهم .. وبالحب ارعاهم .. واملأ قلوبهم نورا .. وامسح ذنوبهم .. وكفكف دموعهم .. وبدّل خطاياهم .. وسدّد خطاهم .. وحقّق مقاصدهم .. وارفع اللهم مراتبهم .. وفي جنة الخلد اللهم اجمعنا بهم .. | |
|
| |
أم عبدو مشرفة القسم الإسلامي
| موضوع: رد: بيت المحبة و الاخوة من جديد السبت يوليو 25, 2009 10:01 am | |
| السلام عليكم و رحمة الله و بركاته
واش راكم أخوات إن شاء الله بخير
و الله الواحد يكون حزين و متضايق و كي يدخل معاكم تصفى نفسو كرهنا من ظلم الناس لينا نعاملهم
بالإحسان و لا نجد إلّا الإساءة!!! راني قاعدة نهدر وحدي تخلطو لخيوط في راسي أم مصعب آسيا الثنائي المرح وين راكم
أوراسية واش راكي دايرة في السخانة تاع لبلاد الناس قاعدين غير يخلعو فيا و يقولولي ما تروحيش ما كانش
لهوا في لبلاد!!قلتلهم معليش نروح و ندير أكسجين أصطناعي ههه
أم فريد كيفاش مع الخدمة ربّي يعينك و حلّي عينك مليح ههه | |
|
| |
awrassia ادارة المنتدى
| موضوع: رد: بيت المحبة و الاخوة من جديد السبت يوليو 25, 2009 10:12 am | |
| اسعد الله قوبكن حبيباتي
اهلين ام عبدو ما تخافيش تجي وتوالفي بالسخانة ديري كليماتيزور
كيف عبودة ومارية اليوم ما شاء الله ربي يحفظهم
نورة نورتينا بكلام العسل يا اخية لا تحرمينا منه ومن مشاركاتك القيمة | |
|
| |
أم عبدو مشرفة القسم الإسلامي
| موضوع: رد: بيت المحبة و الاخوة من جديد السبت يوليو 25, 2009 10:21 am | |
| و الله كاين كليماتيزور في دارنا بصّح ما يشعلوهش أمّي تقولّي التريسيتي بزّاف ههه
قلتلها أنا كي نجي نشعلو و ما نطفيهش و الفاتورة أنا نخلّصها
تعرفي كي رحت الصيف لي فات كنت حامل بمارية أحيانا كنت نبكي من السخانة تالمون نفدّ و بابا الله يرحمو كان يقولّي واش بيك على بيها دار كليماتيزور على جالي
مارية و عبدو كي العادة دايما يضرب فيها و هي تصرخ و أنا خلاص كرهت نعيّط ولّيت نتفرّج و نسكت
كاش بحر أوراسية؟؟؟؟ :lol: | |
|
| |
awrassia ادارة المنتدى
| موضوع: رد: بيت المحبة و الاخوة من جديد السبت يوليو 25, 2009 10:43 am | |
| هههههههههههه علابالك عندنا ثللاث سنين منين شرينا كليماتيزور وعجوزتي ما تخليناش نشعلوه ههه تقولنا يوجعني راسي
هذا العام فتح ربي ورانا نمشيو فيه بالصح شوية ما كانش قد لبرود تاع ربي
لبحر عمري ما فكرت فيه منين تزوجت ما شفتو غير لولااد نبعتوهم زوجحي ما يحبش عندي سلفي في بومرداس دايما يعرض فينا لكن زوجي ما بغاش وانا ما عندي حاجة فيه غير علجال لولاد هبلوني حابين يروحو | |
|
| |
أم عبدو مشرفة القسم الإسلامي
| موضوع: رد: بيت المحبة و الاخوة من جديد السبت يوليو 25, 2009 12:51 pm | |
| بومرداس!!!!!!!!!!!!!!!!!!!!!!!!!
ربّي يستر برك دربتهم هاديك الزلزلة تاع 2003 و مازالهم في فسادهم!!!
آخر شيء سمعتو دايرين مركز قدّام لبحر و الديسك جوكي خبّاط و الرجال و النساء مخلطين و النساء كاسيات عاريات و شطيح و رديح كلّ هذا أمر عادي بالطبع بصّح العجيب وسط هاد الخالوطة تاع الفسق حطّو مسابقة القرآن الكريم عجيب كيف لحق الإستهزاء بالدين لهذه الدرجة!! بالاك راهم يستناو في زلزلة أخرى تقضي على الأخضر و اليابس ربّي يهدينا و يسترنا | |
|
| |
ام بثينة العضوة الشرفية
| موضوع: رد: بيت المحبة و الاخوة من جديد السبت يوليو 25, 2009 2:23 pm | |
| - أم عبدو كتب:
- بومرداس!!!!!!!!!!!!!!!!!!!!!!!!!
ربّي يستر برك دربتهم هاديك الزلزلة تاع 2003 و مازالهم في فسادهم!!!
آخر شيء سمعتو دايرين مركز قدّام لبحر و الديسك جوكي خبّاط و الرجال و النساء مخلطين و النساء كاسيات عاريات و شطيح و رديح كلّ هذا أمر عادي بالطبع بصّح العجيب وسط هاد الخالوطة تاع الفسق حطّو مسابقة القرآن الكريم عجيب كيف لحق الإستهزاء بالدين لهذه الدرجة!! بالاك راهم يستناو في زلزلة أخرى تقضي على الأخضر و اليابس ربّي يهدينا و يسترنا صح ام عبدو يايمة هاكذا وصل الشئ ربي يسترنا | |
|
| |
أم عبدو مشرفة القسم الإسلامي
| موضوع: رد: بيت المحبة و الاخوة من جديد السبت يوليو 25, 2009 2:29 pm | |
| إيه يا أم بثينة و هذا قليل
بومرداس صاري فيها المنكر
و فيها بزاف مراكز اللهو و الفسق
في الزلزال تاع 2003 يحكيلنا خويا كان مع الشباب اللي يعاونو باش يسلكو الناس قاللنا لقاو بعض الناس ميتين قدّام أحد الملاهي و عريانين و فيهم رجال و نسا و ولّاو الإخوة ينحّو في الأقمصة تاعهم و يسترو فيهم
و الفاهم يفهم | |
|
| |
ام فريد مشرفة ركن الأشغال اليدوية والديكور
| موضوع: رد: بيت المحبة و الاخوة من جديد السبت يوليو 25, 2009 2:36 pm | |
| سلااااام بنات و الله العظيم من ندخل للبيت و نبدأ نقرا في الردود نبقى نضحك وحدي كي المهبولة ههههههههههههههه ههههههههههههه يقعد ايهاب يشوف فيا و في الجهاز يقولي ماما واش راكي تتفرجي باش تضحكي الغمة راهي تزول من البيت الله يفرحكم بنات اليوم ما فتحتش الحانوت السخانة راهي تقتل و انا ما نملكش كليماتيزور ههههههههههههه قلت مع 3 روح نفتح [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
assia2007 مراقبة عامة للمنتدى
| موضوع: رد: بيت المحبة و الاخوة من جديد السبت يوليو 25, 2009 2:40 pm | |
| السلام عليكم واش راكم يا لبنات توحشتكم موااااااااااه ام عبدو كيراكي حبيبتي شفتي واش راه صاري في بلاد العزة و الكرامة الفسق وما بعده فسق راهم فاتو القور في افعالهم دروك راهم يروحو يزورو الولية القبب قالك سيدي فلان مبروك و و و و.............
اوراسية واش راكي ان شاء الله بخير امالا كليمتتزور فدار وما تنشعلش ههههههههه
ام بثينة كي صبحتي اليوم ريحتي شوية ام فريد كيراكي يادرا بردت الحلة شوية عندكم قالولي وهران وصلت حتى 46 درجة ربي يلطف
ام مصعب حنونتي وين راكي ما شفتكش خير ان شاء الله | |
|
| |
ام فريد مشرفة ركن الأشغال اليدوية والديكور
| موضوع: رد: بيت المحبة و الاخوة من جديد السبت يوليو 25, 2009 2:41 pm | |
| - نورة الجزائرية كتب:
- لمن يذكروننا بالخير ..
يا رب بالخير اذكرهم .. وبالحب ارعاهم .. واملأ قلوبهم نورا .. وامسح ذنوبهم .. وكفكف دموعهم .. وبدّل خطاياهم .. وسدّد خطاهم .. وحقّق مقاصدهم .. وارفع اللهم مراتبهم .. وفي جنة الخلد اللهم اجمعنا بهم .. نورتي المنتدى نورة عودة ميمونة حبيبة قلبي واش راكي واش راهم الاولاد و الزوج لاباس و انت راكي لاباس في صحتك الحمدالله على كل الاحوال [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
ام بثينة العضوة الشرفية
| موضوع: رد: بيت المحبة و الاخوة من جديد السبت يوليو 25, 2009 2:45 pm | |
| والله الحمد لله ختي اسيا ريحت بفضل ربي ثم بدعاءكم يالطيف فو جاست رقبتي قريب تكسرت ههههههه نضت نصلي لفجر وانا واقفة كسلت رحي علابالك كيفاش ههههههه اااااااااااااااااا وحسيت كخ حاجة تقطعت تصوري وهاذاك الصباح رايحة نعقب البارمي ربي ستر ورحت نعقب حتى ماقدرت ندير الريفارس فور علا جال رقبتي والبارح ماقدرتش نرقد نعيط منها وليدي ماقدرتش نرضعو المهم حالة وربي ستر | |
|
| |
ام بثينة العضوة الشرفية
| موضوع: رد: بيت المحبة و الاخوة من جديد السبت يوليو 25, 2009 2:46 pm | |
| ام فريد ربي يعينكم على السخانة حنى البرد راني بالكوفيرطا هههههههههه | |
|
| |
ام بثينة العضوة الشرفية
| موضوع: رد: بيت المحبة و الاخوة من جديد السبت يوليو 25, 2009 2:47 pm | |
| الله يبارك راكم كامل اونلاين | |
|
| |
ام بثينة العضوة الشرفية
| موضوع: رد: بيت المحبة و الاخوة من جديد السبت يوليو 25, 2009 2:48 pm | |
| اسيا شحال الساعة عندكم حتى راهي 11و48 نتاع الليل راني رايحة نرقد ولادي راهم كاو وانا رقبتي عييت منها | |
|
| |
أوراسية المشرفة العامة للمنتدى
| موضوع: رد: بيت المحبة و الاخوة من جديد السبت يوليو 25, 2009 3:38 pm | |
| الحمد لله الي ريحتي اختي ام بثينة راكم نص الليل احنا رانا ثلاثة تاع لعشية ام عبدو انا ما نروح لا لبومرداس ولا غيرها من هنا من نزيدش وحالة لبلاد راهي الكل هكذا ماشي غير بومرداس الي يروح للبحر يجي مفجوع ربي يسترنا ولاو قور كامل | |
|
| |
assia2007 مراقبة عامة للمنتدى
| موضوع: رد: بيت المحبة و الاخوة من جديد السبت يوليو 25, 2009 3:53 pm | |
| الحمد لله ربي شاف فيك اختي ام بثينة
حنا راهي عنا 17.52 يعني فايتين البلاد بساعين برك انت راكي بعييييييييييييييييييدة بزاف ربي يعينك على الغربة | |
|
| |
assia2007 مراقبة عامة للمنتدى
| موضوع: رد: بيت المحبة و الاخوة من جديد السبت يوليو 25, 2009 5:12 pm | |
| ام مصعب وين راكي حنونة كيما شفتكش اليوم طليتي تقلقت عليك خير ان شاء الله | |
|
| |
oum mossab مشرفة ركن الطبخ
| موضوع: رد: بيت المحبة و الاخوة من جديد السبت يوليو 25, 2009 5:27 pm | |
| rani hna assia ,rani mdiqoutia j'ai pas envie meme pas ecrire un mot | |
|
| |
ام فريد مشرفة ركن الأشغال اليدوية والديكور
| موضوع: رد: بيت المحبة و الاخوة من جديد السبت يوليو 25, 2009 9:37 pm | |
| سلاااااااااااام للغاليات واش راكم لاباس ام بثينة و الله الا حسيت بيك مرة صراتلي هبت باش نشوف حاجة تحت السرير و رقبتي تطرطق قعدت عوجة شحال من يوم و الحمدالله خديجة واشراكي شفتي السحانة و الله العظيم طبنا في الدار ديجة لاسيتي وين ساكنة سخونة بلا ارتفاع درجة الحرارة الهواء و ما لقيناش الله يستر و ما نقولكش على المستشفى قالك الي عندهم لازم { الربو } ما نقولكش واش صرا فيهم ام مصعب توحشتك تسمى راكي مديقوتيا كيفي ؟؟ واش نعملوا هادي هي الدنيا ماتكونش كاملة و الحمدالله يا ربي اوراسية مازال ما دخلتيش للبيت هاذي سير راكي تاكلي في المثلجات ههههههه ام عبدو واش راكي ريحتي شوية واش راهم الاولاد خموس عليهم نورة واش راكي توحشناك اخية ربي يخليك وين راهم باقي البنات الله يردهم بخير | |
|
| |
أوراسية المشرفة العامة للمنتدى
| موضوع: رد: بيت المحبة و الاخوة من جديد السبت يوليو 25, 2009 9:47 pm | |
| هههههههههه ام فريد راني هنا لا مثلجات لا والو هذاوين دخلت من عند يما راني جيت طول هنا ام مصعب اختي غير الخير واش بيك مديقوتي وين راح الضحك تاع هذليام ظربناك بعين هههه | |
|
| |
أم عبدو مشرفة القسم الإسلامي
| موضوع: رد: بيت المحبة و الاخوة من جديد السبت يوليو 25, 2009 10:13 pm | |
| و الله الحمد لله يا أمّ فريد اليوم بالذات راني فرحانة عكس أم مصعب هههه
كنت في المستشفى زرت أخت مسكينة ما تعرف حتى واحد هنا و زيدت البارح طيبتلها البركوكس و ديتلها المقروط اللي قعد و قعدت معاها و الله فرحت مسكينة
أوراسية واش راهي يمّاك ياك ما ديتيش معاك الدراري باش ما يهبلوهاش :D | |
|
| |
ام فريد مشرفة ركن الأشغال اليدوية والديكور
| موضوع: رد: بيت المحبة و الاخوة من جديد السبت يوليو 25, 2009 10:21 pm | |
| اوراسية امالي ما كليتيش مثلجات خسارة واش راهي خالتي لاباس تعشيتي عندها و لا لالا ؟؟ نسقسي بزاف ماعليش درك رانا اخوات هههههههههه ربي يخلينا لبعضنا دائما فرحانة اختي ام عبدو و اجرك كبير ان شاءالله الي فرحتي النفساء ربي يحفظك و يخليلك اولادك
| |
|
| |
أوراسية المشرفة العامة للمنتدى
| موضوع: رد: بيت المحبة و الاخوة من جديد السبت يوليو 25, 2009 10:34 pm | |
| هههههههههههههههه ام عبدو جاو بعد ما صلاو مع باباهم المغرب ديت اسيا معايا ام فريد لباس راهي تسلم عليكم تعشيت عندها الكسكي باللحم | |
|
| |
ام فريد مشرفة ركن الأشغال اليدوية والديكور
| موضوع: رد: بيت المحبة و الاخوة من جديد السبت يوليو 25, 2009 10:41 pm | |
| تاكلي بصحتك بصح راني عاتبة عليك ؟؟ وين راهي صورة الكسكسي ؟؟؟ | |
|
| |
نورة الجزائرية مراقبة عامة للمنتدى
| موضوع: رد: بيت المحبة و الاخوة من جديد السبت يوليو 25, 2009 11:01 pm | |
| مساء الخير وااااش حااااالكم يا لبنات راني داخلة الا الان لاني طواااال اليوم وانا اجري من مغازة لاخرى راني ندهن في داري وانعاود في المطبخ والحمام وربي يكووووووون في عوني وعون الجميع والله راني تعبانة عن الاخر ولاكني حبيت ادخل اسلم عليكم | |
|
| |
نورة الجزائرية مراقبة عامة للمنتدى
| موضوع: رد: بيت المحبة و الاخوة من جديد السبت يوليو 25, 2009 11:03 pm | |
| سبحـٍـٍـٍـآن الله وبحمـٍـٍـٍـدهـ ,, سبحـٍـٍـآن الله الـ ع ـظيــٍـٍــمـ
اقرؤا الاستغفار هذا ونصيحه احفظوه في ملف وكل يوم اول ماتفتح الكمبيوتر اقرئه وربي ماياخذ منك دقايق وادعوولي
تقريبا شامل لكل المعاصي والذنوب الي نسويها في حياتنا
سبحان الله وبحمده سبحان الله العظيم
أروع إستغفار قرأته
استغفر الله العظيم من كل ذنب اذنــبــــتـــه ... استغفر الله العظيم من كل فرض تركـــــتــه استغفر الله العظيم من كل انسان ظلـمـتــــه ... استغفر الله العظيم من كل صالح جـفــوتــــه استغفر الله العظيم من كل ظالم صاحـــبتــه ... استغفر الله العظيم من كل بـــر أجـــــلتـــــه استغفر الله العظيم من كل ناصح أهنــتـــــه ... استغفر الله العظيم من كل محمود سئـمــتـــه استغفر الله العظيم من كل زور نطقت بــــه ... استغفر الله العظيم من كل حق أضــعــتـــــه استغفر الله العظيم من كل باطل إتبعــتـــــه ... استغفر الله العظيم من كل وقت أهــــدرتــــه استغفر الله العظيم من كل ضمير قـــتلــــته ... استغفر الله العظيم من كل سر أفشـــيـــــتـــه استغفر الله العظيم من كل أمين خدعــتـــــه ... استغفر الله العظيم من كل وعد أخلــفـــــتـــه استغفر الله العظيم من كل عهد خــــــنتــــه ... استغفر الله العظيم من كل امرئ خذلــــــتـــه استغفر الله العظيم من كل صواب كتمــــته .... استغفر الله العظيم من كل خطأ تفوهــت بـــه استغفر الله العظيم من كل عرض هتكتــــه ... استغفر الله العظيم من كل ستر فضــــحـــتــه استغفر الله العظيم من كل لغو سمعــــتــــه ... استغفر الله العظيم من كل حرام نظرت إليـــه استغفر الله العظيم من كل كلام لهوت بـــه .... استغفر الله العظيم من كل إثــم فـعـــــلتــــــــه استغفر الله العظيم من كل نصح خالفتـــــه ... استغفر الله العظيم من كل علم نـســيــتـــــــــه استغفر الله العظيم من كل شك أطعـــــتـــه ... استغفر الله العظيم من كل ظن لازمــــتــــــــه استغفر الله العظيم من كل ضلال عرفتـــه ... استغفر الله العظيم من كل ديــن أهمــلــتـــــــه استغفر الله العظيم من كل ذنب تبت لك به ... استغفر الله العظيم من كل ما وعــدتـــك بـــــه ثم عدت فيه من نفسى ولم أوفى به استغفر الله العظيم من كل عمل أردت به وجهك فخالطنى به غيرك استغفر الله العظيم من كل نعمة أنعمت على بها فاستعنت بها على معصيتك استغفر الله العظيم من كل ذنب أذنبته فى ضياء النهار أو سواد الليل او فى ملأ أو خلا أو سراً أو علانية استغفر الله العظيم من كل مال إكتسبته بغير حق استغفر الله العظيم من كل علم سُـئـلـت عنه فكتمته استغفر الله العظيم من كل قول لم أعمل به و خالفته استغفر الله العظيم من كل فرض خالفته ومن كل بدعه إتبعتها استغفر الله العظيم من جميع الذنوب كبائرها وصغائرها استغفر الله الذي لا اله الا هو الحي القيوم واتوب اليه استغفر الله العظيم على النعم التي انعم علي بها ولم اشكره استغفر الله العظيم من الرياء والمجاهره بالذنب وعقوق الوالدين وقطع الرحم استغفر الله العظيم لي وللوالدي وللمؤمنين والمؤمنات والمسلمين والمسلمات الاحياء منهم والاموات وصلي اللهم على محمد وعلى آله وصحبه الى يوم الدين (...لا تتردد في نشرها عسى انها تتسبب في مغفره او رزق لمسلم...) | |
|
| |
ام فريد مشرفة ركن الأشغال اليدوية والديكور
| موضوع: رد: بيت المحبة و الاخوة من جديد السبت يوليو 25, 2009 11:24 pm | |
| الف شكر اخيتي لقد قراتها عسى الله ان يتقبل مني الدعاء و للمسلمين اجمعين ربي يحفظك تصبحون على خير الى الغذ ان شاءالله في امان الله | |
|
| |
أوراسية المشرفة العامة للمنتدى
| موضوع: رد: بيت المحبة و الاخوة من جديد الأحد يوليو 26, 2009 7:43 am | |
| - ام فريد كتب:
- تاكلي بصحتك بصح راني عاتبة عليك ؟؟
وين راهي صورة الكسكسي ؟؟؟ هههههههههههههههههههههه اااه يا ام فريد هذه راحتليما نعرف كيفاه نسيتهاالمرة الجاية ان شاء الله | |
|
| |
أوراسية المشرفة العامة للمنتدى
| موضوع: رد: بيت المحبة و الاخوة من جديد الأحد يوليو 26, 2009 7:46 am | |
| - نورة الجزائرية كتب:
- مساء الخير وااااش حااااالكم يا لبنات
راني داخلة الا الان لاني طواااال اليوم وانا اجري من مغازة لاخرى راني ندهن في داري وانعاود في المطبخ والحمام وربي يكووووووون في عوني وعون الجميع والله راني تعبانة عن الاخر ولاكني حبيت ادخل اسلم عليكم الله يعينك يا حبيبة قلبي ويفرحك باولادك يااااااااااااااااااااااااااااااارب الله يسلمك من كل شر لازم تطلي علينا انت غالية وتوحشينا | |
|
| |
awrassia ادارة المنتدى
| موضوع: رد: بيت المحبة و الاخوة من جديد الأحد يوليو 26, 2009 8:22 am | |
| أدعية مأثورة
اللَّهُمَّ إني أسألك النعيم المقيم اللَّهُمَّ إني أسألك النعيم المقيم الذي لا يحول ولا يزول.
اللَّهُمَّ إني أسألك النعيم يوم القيامة والأمن يوم الخوف . اللَّهُمَّ إني أسألك الصحة اللَّهُمَّ إني أسألك الصحة والعفة والأمانة وحسن الخلق والرضا بالقدر .
اللَّهُمَّ إني أسألك العفو والعافية في ديني ودنياي وأهلي ومالي . اللَّهُمَّ إني أسألك الطيبات اللَّهُمَّ إني أسألك الطيبات وترك المنكرات وحب المساكين وأن تتوب علي وتغفر لي وترحمني اللَّهُمَّ إني أسألك الرضا اللَّهُمَّ إني أسألك الرضا بالقضاء والقدر وبرد العيش بعد الموت ولذة النظر إلى وجهك اللَّهُمَّ إني أسألك الثبات في الأمر اللَّهُمَّ إني أسألك الثبات في الأمر والعزيمة على الرشد وأسألك شكر نعمتك وأسألك حسن عبادتك وأسألك قلبا سليما
اللَّهُمَّ إني أسألك أن ترفع ذكري اللَّهُمَّ إني أسألك أن ترفع ذكري وتضع وزري وتصلح أمري وتطهر قلبي وتغفر ذنبي وتُحصِّن فرجي وتُنوِّر قلبي اللَّهُمَّ إني أسألك الجنة اللَّهُمَّ إني أسألك الجنة وما قرب إليها من قول أو عمل اللَّهُمَّ إني أسألك أن تبارك لي اللَّهُمَّ إني أسألك أن تبارك لي في نفسي وفي سمعي وفي بصري وفي روحي المزيد اللهم آميين | |
|
| |
ام بثينة العضوة الشرفية
| موضوع: رد: بيت المحبة و الاخوة من جديد الأحد يوليو 26, 2009 9:40 am | |
| السلام عليكم لبنات واشراكم | |
|
| |
أم يونس عضو مميز
| موضوع: رد: بيت المحبة و الاخوة من جديد الأحد يوليو 26, 2009 10:04 am | |
| السلام عليكم ورحمة الله& كيف حااااااااكن بنات يا رب بصحة و سلام | |
|
| |
assia2007 مراقبة عامة للمنتدى
| موضوع: رد: بيت المحبة و الاخوة من جديد الأحد يوليو 26, 2009 12:14 pm | |
| سلام عليكم واش راكم ان شاء الله بخير ام بثينة كيراكي حنونة وكيراهم لولاد ام مصعب واقيلا توحشتي على بيها راكي مديقوتيا اصبري راكي قريبة تروحي
ام عبدو درتي خير كبير و ربي يجازيك عليه فرحتي نافسة
اوراسيه ام فريد ام يونس سناء حمامة السلام نورة واش راكم ؟؟؟؟؟؟؟؟؟؟ظظظ | |
|
| |
أوراسية المشرفة العامة للمنتدى
| موضوع: رد: بيت المحبة و الاخوة من جديد الأحد يوليو 26, 2009 12:21 pm | |
| السلام عليكم حيباتي اهلييين ام يونس كيفك وكيف يونس
ام بثينة كيفك اختي وبثينة وانس كبار شوية؟
اسيا اهلا حبيبتي انا اليوم راني تعبانة شوية نحس في السخانة تطلع من وجهي راه يفور ومانيش قادرة نخدم والو
ام مصعب ارواحي اختي نحي على بالك رانا عيلة واحدة هنا
ام فريد الله يعينك نورة ربي معاك اختي في خدمة تاع الدار
سناااء توحشناك
مسلمة فينك
حمامة السلام راهم فاتو خمسة ايام انا بانتظارك حبيبتي
ام عبدو وين راكي اليوم وقيلة ما زالكي راقدة ههههههههه | |
|
| |
assia2007 مراقبة عامة للمنتدى
| موضوع: رد: بيت المحبة و الاخوة من جديد الأحد يوليو 26, 2009 12:47 pm | |
| ربي يعينكم اوراسية حبيبتي السخانة راهي قاع فالبلاد ربي يستر برك كتر الفساد و الفسق هاكي راني رسلت لبحر تاع مستغانم بردي روحك غير منّا [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
أوراسية المشرفة العامة للمنتدى
| موضوع: رد: بيت المحبة و الاخوة من جديد الأحد يوليو 26, 2009 1:14 pm | |
| ههههههههههه الله يخليك اسيا راني تبحرت ارواحي معايا وجيبي ام مصعبباش تنحي الزعاف | |
|
| |
أم عبدو مشرفة القسم الإسلامي
| موضوع: رد: بيت المحبة و الاخوة من جديد الأحد يوليو 26, 2009 1:25 pm | |
| آآآآآآآآه يا آسيا على لبحر قلبي راه محروق عليه دايما مقول لزوجي كي نروحو للبلاد تدّيني نشوفو و نشم ريحتو برك يقولي دوك نجيبلك شوية في طاسة مع شوية رميلة و تشمّي ريحتو ههه بصّح راني معولة هاد الخطرة إن شاء الله نروح و نرجّعلكم لخبر :D
أوراسية ما كنت راقدة ما والو و اليوم بالذات من الفجر و أنا نايضة و دورك راني مصروعة :drunken:
أم مصعب مازال ما تنحّاش عليك عندي وصفة مليحة طلّع المورال نقولهالك:
زيدي احبطي
زييييدي لتحت
اخبطي راسك في الحيط 20 مرّة ههههههه
لالا ختي و الله ما كاين كيما القرآن كي نقراه نحس بانشراح الصدر ربي يفرّج عليك و علينا يا حنونة | |
|
| |
oum mossab مشرفة ركن الطبخ
| موضوع: رد: بيت المحبة و الاخوة من جديد الأحد يوليو 26, 2009 1:26 pm | |
| allou wech rkoum ya habibeti ki welit ena mdigoutya :twisted: elghechi kemel yad7ek hahhaha oum adou rabi yfe7ek dima :bball: mezelti hna assia 3endek 7ak rani metwhcha ,menech hebtin fi ramdan :rendeer: oum farid wech raki henouna :P awrassia 3endek 7ak belek bher ynehi les ners hhhhh :affraid: oum younech wech raki henouna :lol: noura oumhind oum benet .....et les atres wech rakoum :lol: | |
|
| |
oum mossab مشرفة ركن الطبخ
| موضوع: رد: بيت المحبة و الاخوة من جديد الأحد يوليو 26, 2009 1:27 pm | |
| hahahaaha yaoum 3abdou dahektini ena hebla 3la bher | |
|
| |
أم عبدو مشرفة القسم الإسلامي
| موضوع: رد: بيت المحبة و الاخوة من جديد الأحد يوليو 26, 2009 1:38 pm | |
| هههه يا أم مصعب مازالني هنا و الله كلّ ما تفرى حاجة تجي ختها قلتلو لزوجي واقيلة لمرواح تاعي للبلاد ما فيهش خير بالاك راح تعاود الزواج ههه
لبارح راح باش يجيب الفيزا عطاوهالو بصّح تبدا من 5 أوت يعني مازال 10 أيام إن شاء الله
كلّ عطلة فيها خير هههه
قوليلنا راكي مليحة شويّة ليوم ختي أم مصعب؟؟؟؟ | |
|
| |
oum mossab مشرفة ركن الطبخ
| موضوع: رد: بيت المحبة و الاخوة من جديد الأحد يوليو 26, 2009 1:41 pm | |
| hhhhhhhhh dahektini oum abdou rahi skhena bezef f bled qrib tousol 50 hhhh belek metrouhouch khir sinon adi m3k bouteil d'oxigen oui hamdoulek en ndigouti wa nwli ki bekri hhh | |
|
| |
أم عبدو مشرفة القسم الإسلامي
| موضوع: رد: بيت المحبة و الاخوة من جديد الأحد يوليو 26, 2009 1:46 pm | |
| الحمد لله خلّيك رايقة هكّا مليح و الله أنا تان كي نديقوتا نكره كلّش بصّح و الله ما كاين فايدة دورك ولّيت كي نشوف المورال حابط ندير أي حاجة باش ننسى نولّي نسوطي مع وليدي و نلعب معاه و نغنو و نضحكو حتّى زوجي يقول عندي مهبولة في الدار ماشي مرة هههه
ربي يحفظك ختي و الله كي نشوف وحدة فيكم مش مليحة نحزن | |
|
| |
| بيت المحبة و الاخوة من جديد | |
|