بيت المحبة و الاخوة من جديد

مشرفة ركن الطبخ

ههههههه يا اسيا
منشوفش مع الفليزات به مانتخلعش

اليوم الكلام الأخير هههههه من الخدمه تع زوجي

أم يونس كين من تحت في الجهة اليمني تع الصفحه يعني علي يمين وين مكتوبه دمري

فوق الساعه تلقاي مكتوبه ١٠٠/١٠٠
شوفي عندك واش مكتوبه

العضوة الشرفية

ام فريد انا سقسيت عليك ونسيتيني ماعليش راني زعفت علاش نسيتيني واللي غابو فكرتي فيهم

مراقبة عامة للمنتدى

ههههههههه ام مصعب تسما صايي قررتو باه تروحو
و انا راجلي راه غادي يقتلني مرة يقولي نروح ومرة يقولي ما نروحش روحي وحدك

راه يلعب باعصابي

مراقبة عامة للمنتدى

لبنات راكم ناعسين بين البارح و اليوم
راني جبتلكم شوية قهوة بالقاطو باه
تنشطوا شوية

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

إاذا صدع الآذان لكل وقت .
.وجلجل في الفضاء صوت المنادي .
.تذكرت أحبتي ورفعت يدي..
"أدعو الأله من عمق الفؤاد.
.عسى ربي يظلكن بعرش عظيم الشأن في التناد.
.ويجمع شملنا في دار سعد.
.مع الأحباب في كنف الجواد..

مراقبة عامة للمنتدى

assia2007 كتب:: لبنات راكم ناعسين بين البارح و اليوم
راني جبتلكم شوية قهوة بالقاطو باه
تنشطوا شوية

[
url=http://www.0zz0.com][ندعوك للتسجيل في المنتدى أو التعريف بنفسك لمعاينة هذه الصورة][/url]

شكراااااااااااااا لك
ولكن يارييييت تغيري لي الفنجان لانه صغييييير
هههههههههههههه
احب فنجان اكبر لانني تعبانة جدااا من شغل البيت وانتو عارفين
دهن البيت و و و و و و

مشرفة القسم الإسلامي

السلام عليكم و رحمة الله و بركاته

واش راكم حبيباتي

آسيا خلّيناك و حدك أسمحيلي و الله غير ظروف و زيد اليوم واحد الحالة يا لطيف غير نرد حاشاكم و حاجة ما حطّيتها في فمّي إن شاء الله برك ما نكونش عاملتها مارية مازال صغيرة Neutral

نورة نوّرتي أخيّة و ربّي يعينك و يوفقك

أم مصعب أم بثينة أم يونس أم فريد و بلا ما ننسى حبيبتي أوراسية نتمنّى تكونو ملاح و المورال لفووووووووووووووووووق

اسمحولي أخوات و الله غير الدوخة راهي تلعب بيّا راني مقصرة بزاف معاكم كنت راح نكتب لآسيا في المحاكمة و الله ما قدرت سلكك ربّي يا آسيا

مراقبة عامة للمنتدى

وفاء واش راكي حنونة
و ايلا راكي ترجعي بالك راكي مقلقة ولا حاجة وحد لخرى
انضحككمين كان عمر في عمره 4 اشهر تاخرت علي........... هبلت حسبت روحي درتها وليت نندب كفرت ي ديك الساعة
حكمتني خلعة ههههههههههه

ريحي روحك وما تعبيش روحك وربي يشفيك ان شاء الله

و المحاكمة خلاصت هههههههه اليوم التـــــــــــالية

المشرفة العامة للمنتدى

لا باس عليك اختي وفاء
ان شاء الله خير

ام عمر شكرا على القهوة والقاتو حلوين من اديكي

عضو مميز

السلام على احبتي في الله
كيفكم يا غاليات
تحياتي لكل واحدة باسمها
احبكن في الله

ادارة المنتدى

السلاام عليكن خالاتي الحبيبات

كيفكم ......

أنتظر تطبيقاتكن

العضوة الشرفية

لاباس عليك ام عبدو خير اللي يجي من عند ربي خير والا حاملة ربي يكتبلك الخير ويسهلك وحم والولادة
انا المرة اللي فاتت حابة نتقيا والحمى قريب 39 وقلبي مغموم على الماكلة ماقدرتش وكنت عارؤفة
بلي راه الجو عيان ربما فيروس لاني مانعة للحمل
Rolling Eyes

وليدي بعد غدوة 4شهور ماشاء الله

مراقبة عامة للمنتدى

صــــباحكم طيب واش راكم راكم راقدين افطنو شوية
اوراسية ما بانتش هي و ام فريد

نورة المرة الجاية انكبر لختي الكاس وربي يعاونك

ام بثينة ربي يشفيك حبيبة قلبي
ام مصعب وين راكي
ام البنات راكي تغيبي بزاف
ام زينب وين راكي يا درا برا وليدك مالطهارة
و البقية وينم راكم ؟؟؟؟؟؟؟؟؟

العضوة الشرفية

صباح الخير اسيا حنونتي واشراكي انا الحمد لله مبصح اليوم كرهانة وليدي غير يبكي ومع الرفود ورقبتي بسيف ندورها كي نرضعو ربي ياجرنا يارب والله بنتي عادت تغيضني مش كي بكري لاهية بيها وساعات تضربو نعيط عليها المهم مورال هابط

العضوة الشرفية

assia2007 كتب:: لبنات راكم ناعسين بين البارح و اليوم
راني جبتلكم شوية قهوة بالقاطو باه
تنشطوا شوية

[ندعوك للتسجيل في المنتدى أو التعريف بنفسك لمعاينة هذه الصورة]

مبصح يااسيا كهوتك شحال كحلتيها ههههههههههههههه ماتقوليليش وليدك يشرب كيفك ولا هاديك نتي وراجلك راني نوقب ههههههههه

عضو مميز

السلام عليكم و رحمة الله
مساكم الله بالخيرات
ربي يحفظك آسيا انا مدمنة على القهوة و خصوصا مع الحلوى
أم مصعب ربي يحفظك درك نروح نحاول و يارب خير

المشرفة العامة للمنتدى

السلام عليكم حبيباتي كيفكم
انا اليوم نهار كامل مع الميناج طاحو كتافي ونحس روحي كل بولون وحدو

ام بثينة ربي معاك اختي ساعدي روحك وسيسي بنتك هكذا انا كي جبتهم ورا بعضهم الاول دايما يروح فيها

ام عبدو ويينك اليوم

ام يونس اهلا راكي طلي وتروحي شاركينا شوية يا اخية

اسيا نضتبي من الكرسي واش تحسي روحك تحررتي ههههه

نورة الله ينتورها عليك يا اختي ادخلي هنا شوية نحكيو

ام فريد وين رحتي

ام مصعب يا اختي قبل ما تسارفي بديتي تغيبي غير ارواحي

زينب وين راكي رحتي ما وليتي
حمامة طولتيها علينا

ام البنات
ام هند
تظهرو كي لهلال ههههه

مراقبة عامة للمنتدى

هههههههههه يا اوراسية الكرسي مشوك

اليوم ارتاحيت وشفتي لبنات واش دارو فيا
ما طلقونيش حتى الدقيقة التالية
ههههه ام عبدو سلكت بصح البقية داك نفرحك فيهم
ههههه

المشرفة العامة للمنتدى

ههههههههههه

ديري فيهم رايك كما دارو فيك يا اسيا
**بالصح انا لالا ** ياك ما كثرتش عليك هههههه

مشرفة القسم الإسلامي

السلام عليكن خيّاتي واش أحوالكم طيّبات بإذن الله

المشرفة العامة للمنتدى

اهليييييييييييييييييييييييييييييييين حبيبتيوين كنتي؟؟؟؟؟؟؟؟؟؟؟

يا بنات زمرد مابات من مدة يارب تكو نبخير

مشرفة القسم الإسلامي

و الله يا أوراسية تعبانة هاد الأيام و الدراري مين نقعد قدّام النت وحدا تنوض تبكي و لاخر يبدى يدير في رايو حتّى كرهوني في النت و ما ولّيتش نصبر معاهم الله المستعان

مراقبة عامة للمنتدى

اهلين ام عبدو وين كنتي لحبيبة هاد اليامات ما راكمش تدخلو بزاف

ام مصعب هربت حسبت المحاكمة تاعها اليوم خافت ما دخلتش ههههههههه

ارواحي مازال ما تجي نوبتك geek

المشرفة العامة للمنتدى

يا ام بدو خليكي معن قبل ما تسارفي
اختي راح نتوحشوك ونفتقدوك
هذا راكي في بيتك ومليتي كي تروحي تشوفي داركمتنساينا
الاولاد هكذ يديرو لازم توالفي

شفتياسيا ام مصعب هربت اليوم حسبت راح نبدا بيها اليوم
راه جاي التور تاعها نخليها حى تدير لمان ونحكمها هههههههههههههههههه

مشرفة القسم الإسلامي

ما تكسريش راسك أوراسية بالاك كي نكون في دارنا نكون مرتاحة أكثر و يكون عندي وقت ليكم بإذن الله

مشرفة ركن الطبخ

وش راكم يا أخواتي
وش يا أم عبدو ماركيش حامل ههههه به نديرلك الكاتو

اسيا ههههه شبعت عليك ضحك في المحكمة تاعك
بصح غطيني
اوراسيه أن شا الله ماتحكمينيش هههه
ولا استقيل من الخدمه معاك هههههه

أم فريد وش المورال
البقيه لباس

ادارة المنتدى

هههههههه ام مصعب ما بيناش الهربة
لازم تتحاكمي كما صحابات

وين روح نجيبك

مشرفة ركن الطبخ

[b]هههه يا اوراسيه ربي معايا

كنت قاعده نكتب في تكمله سوره النازعات ،مصعب هبلني نجي اكتب كلمه يدير رايو في الكوزينه علي جال لحلوى والشينقوم هههه
تغششت محيط كلش ههه
زيد المفتاح تع الكوزينه تيشتو بنتي تحت البيبيوتيك ههه
رنا عايله هايله

ادارة المنتدى

ههههههههههههه والله ضحكتيني

كون طلي عليا

ما نريح غير كي يخرجو مع باباهم

اكتبلي كي يكونوا راقدين

مشرفة ركن الطبخ

طمني بربي يا اوراسيه
ميرقدوش خلاص
مصعب كل ليله يدي طريحه هههههه يحب يسهر يرقد علي 23 ولا 00
بنتي حدة وين رقدت

ادارة المنتدى

الله يكون في عونك
مصعب يصعب هههههههههههه
كان وحد طفل صغير ولدت جارتهم طفل سماتو مصعب
قالها مصعب يصعب
بقيت شافية عليها هههههههههه
وظرك تفكرتها

مراقبة عامة للمنتدى

هههههههههه هدا وين طليتي صييي اطمنتي بلي ما شي نوبتك

و انت ولادك ما يرقدوش هههههههه
راكم عايلة هايلة تاع الصح مصعب يبغي يسهر
ديريلو براد اتاي وشوية بيستاش وكوكاو وخليه يسهر
ومن بعد يرفد المكحلة ويطلع يعسكم ههههههههه

ما نيش عارفة حنا العرب علاه ولادنا ما يرقدوش بكري كيما ولاد
القور عندي جارتي كي نطل من التقة نلقاها حطت الايزار ورقدت ولادها على 8.30
وسي عمر يبغي يسهر كل يوم دبزة معاه ههههههه فشلني

مراقبة عامة للمنتدى

يا لبنات تصبحو بخير نروح نرقد عمر
راهي 9.40 هداك ما ندير شوية دبزة وعياط وهو رقد

سلااااااااااااااااااااااااااااااااااااااااام

مشرفة ركن الطبخ

hhhhhhhhhh ya assia

mezel osbri ki yekber
tchoufi elkhir

مشرفة القسم الإسلامي

أم مصعب لالا ما رانيش حامل درت التاست البارح في الليل هههه خرجت سلامات ربي يعاونك مع مصعب و ما نضنش بلّي يغلب عبدو في طوايش تاعو واحد الأخت خطرة شافاتو قالتلي و الله غير عييت في بلاصتك

أوراسية نتي ولادك كبار كيفاش مازال متعبينك نورمالمون يفهمو!!!

آسيا ختي روحي بشوية مع عمر لا تنفخيلو عينو بدبازي تاوعك و عندك الحق ولادنا عندهم مشكل في الرقاد ماشي كيما ولاد لقور بصّح تعرفي المشكل فينا حنا لوكان كنّا مزيرين معاهم و كلّ يوم 8 يروحو لفراشهم لوكان يكونو كيما همّا منظمين

أم فريد وين راكي توحشناختي ك

ادارة المنتدى

اصبري تشوفي كي يكبار ولدك

مشرفة ركن الطبخ

هههههه يا أم عبد و- يا خوافه

لا لا المشكل ماش فينا حنا

مصعب مكان حتي واحد زيو ا
في لكريش يشكو منو

الفاميلة كي يهبط مره في العام يتخلعو ههههه

أنا زوجي صعيب متصوريش كيفاه مصعب يخاف منه

مش غير مصعب حتي الكبار هههه

يكتفو قدامو يبقي مغمض عينيه بالساعة ميتنفسش قدامو

كي نروح نطل عليه نلقاه نايض

درلي لينار

سلاااام للحبيبات كيراكم لاباس
اوراسية كيراكي لاباس و الاولاد و زوجك و عجوزتك و خالتي ام اوراسية ههههههههه

شابة هادي

ام بثينة ريحتي شوية حنونة واشراهم الاولاد تهلاي فيهم

ام يونس كيراكي لاباس راكي تغيبي علينا بزاف

خديجة >ام مصعب راكم تفاجوها علينا حبيباتي

ام عبدو ربي يحفظلك اولادك

ام البنات > ام هند >زمرد > نورة >ابقوا زورونا توحشناكم

و الي نسيت اسمها تسمحلي

ادارة المنتدى

كيفك اختي ام فريد

احنا الحمد لله
عجوزتي راهي في بومرداس نهار الجمعة تجي
وخالتك امي راهي لباس تسلم عليك

الله يسلمك اختي الحمدالله على كل الاحوال

عضو مميز

السلام عليكم واش راكم
يا لبنات
الله على اللمة سخفتوني
لوكان جيت متفرغة
نقعد غير نحكي معاكم

سلااااااااااام ام هند واش راكي

لاباس ما زلتي مع التحضيرات

وقتاش العرس قبل رمضان و لا بعد ؟

عضو مميز

السلام عليكم
بنات اولا سامحوني اوراسية حبيبتي واش راكي والله راني زيرو كريدي كنت حابة نعيطلك ولا نبعتلك مساج والله ما بقالي دورو فيه وعيطتيلي ديك نهار كنت دايراتو سيلونسيو وكنت ف البليدة ف لاكلينيك تاع الولادة لوستي ولدت يوم التلاتاء يعني نهار بعد ختانة ولدي عبد الهادي ورحت ليها وكي خرجت بالاربعاء جات عندي راني رافدتها والله ماراني نقعد دقيقة راني كي نرقد تقول ميتة وتان الرقاد راني مخلطة فيه نبات سهرانة مع المولود يماه هدا الاول تاعها وما تعرفش حتى ترضعو يعني راني انا والدة ف بلاصتها المهم الله المستعان
نوارة حبيبتي الله يبارك فيك اختي وانت تان والله ماعندي باش نرجعلك بصح هاد اليوم رايحا نفليكسي ونتواصل معاكم
وماتستغربوش يلا قلتلكم رني نكتبلكم على 6 والله ماهي شطارة راني ميتة نعاس برك راجلي دا الدراري للبحر نوضتهم على5 وقلت هادي فرصتي الوحيدة لي نقدر نكتبلكم ومن بعد نرقد هههههههههههه تقلبت حياتي كامل
والله راني تعبانة والله راني جاهدة روحي فوق اللازم
المهم ربي يشوف لينا وخلاص
وكي تروح لوستي وضيافها نتريقل هههههههههههههههههههههههه

عضو مميز

السلام عللى حبيباتي في الله ورحمة الله وبركاته

تحية خالصة مع قهوة الصاح لاحل واغلى اخوات

ام زينب راكي ماجورة اختي باذن الله
وربي يجازيك على ما تقدمينه للنافس

ام فريد كيفك اختي
ام مصب
اسيا
ام بثينة
ام هند

اوراسيتنا

ام يونس

سناء
ام عبدو

تحية خالصة لكن

مشرفة ركن الطبخ

واش راكم بنات
يا رب تكونو كامل بخير

مراقبة عامة للمنتدى

سلام عليكم
صباحكم سعيد واش راكم
راني نشوف المورال راه طلعلكم كامل

انا اليوم راني صايمة ربي يقدرني ونكمل النهار

نصومو 25 ساعة المغرب حتى 10.15 هههههههههه
الحية طويلة ادعولي ان شاء الله نكمله

عضو مميز

اهلا ام مصعب كيراكي وكيراهم الاولاد

اسيا يعطيك الصحة يا اختي
انا من السخانة ما قدرت نصوم
ادعيلنا معاك اختي
وربي يتقبل منك

صباح الخير اخواتي واشراكم واش احوالكم لاباس

سامية ربي يعينك على التعب و ربي يجازيك الجنة ان شاءالله

ام البنات واشراكي واشراهم البنات ربي يحفظهم لك

ام مصعب سلام توحشتك واش راهم الاولاد لاباس قلت نصبح عليكم و نروح

راني فاتحة الحانوت غير شباح ما كانش الي راهي تدخل

هههههههههههه راني نقعد وحدي كيل المهبولة ربي يرزقني و يرزق الجميع ان شاءالله

اوراسية مادخلتيش اليوم غير الخير

خديجة وين راكي

ام بثينة راكي لاباس

ام يونس > ام هند >راكم ملاح

زمرد بنات شكون عنده خبر عليها ؟

نورة كملتي البنتورة و لا مازال ؟

و كل الي نسيتهم راهم في القلب بصح الراس ما بقاليش راني ننسى كثيييير الله يستر

سلام من بعد ان شاءالله

[ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

واش راكي ام البنات قولينا اسمك باه ناديوك بيه
جاتني ثقيلة ام البنات ههههههههه
حنونة انتم عندكم السخانة حنا هنا كاينة بصح ما تحسيش بالعطش

بصح النهار طويــــــــــــــــــــــــــــــــــــــــــــــــــــــــل في يومين

مراقبة عامة للمنتدى

ام فريد واش راكي يا لحبيبة ما عليش حلي الحانوت ما تنسيش بلي راكي جديدة

ما زال ما عرفوكش ان شاء الله ربي يرزقك من بابه الاوسع

اطلبيلي ربي برك نهبط ونجي عندك وهذا وعد من عندي

سلميلي على ايهاب شبوبة تاعي

» && بيت المحبة من جديد .......اجيو تشعبنوا معانا &&
» && بيت المحبة من جديد ........مضت عشرون يوما من رمضان &&
» بيت الاخوة والمحبة يجمعنا من جديد هلمواااااااااااااااا
» بيت المحبة والاخوة يوم العيد*/*بيت خاص**
» && بيت المحبة و الدفء الي تنحي فيه على خاطرك ............&&