ملتقى الاحبة

على فكرة انا اختكم ام هند عمري 42 سنة
بنتي هند يوم الخميس القادم خطوبتها ان شاء الله
راكم معروضين كامل
ومريم في الجامعة سنة ثانية على فكرة هند تخرجت منذ سنتين وهي استاذة الان
وهشام بالسنة الثالثة جامعي
وبقي زكريا وعصام مازالا يدرسان واحد بالمتوسط والصغير بالابتدائي

انا ماكثة بالبيت

يعطيك الصحة يا ام هند على كلامك الحلو لي زيك
صح هده هي الغربة صعيبة للاولاد
و الله يااختي ام هند كاين الخير كامل واش تطلبي تلقاي ،،نقصد ماديا المعيشة.الامن .اللبسة.القانون يطبق على الصح و كاين و كاين...........................
بصح ماكانش كيما اللمة تاع الفاميلا و الاصدقاء ،كي ضيق بيا الحال ،تعرفي نطل على الطاقة ونشوف جزائر بعييييييييييييييييييييدة و الدار تاعي ....
واش نقولك يااختي نحس بفراغ كبييير في قلبي ما يعلم به غير ربي
كرهت من الغربة
المهم ا ن شاء الله ربي يقدرني على تربية ولادي .. توحشت نخرج و نلقى مسلمين برا ،ناس يهدرو بالعربية،
العقلية الجزائرية احسن بكثير من الاوروبين
ماتقلقوش مني يا البنات ماعندي غير انتما

السلام عليكم اخواتي
ام هند تسلمي يا اختي
ام مصعب لاعكس فرغي قلبك
مستحيل نتقلقو منك
احنا كامل اخواتك
صح الغربة مرة
واش تحبي اختي هذا هو المكتوب
المهم الاوحد يشد في دينه حتى يفرج ربي

وكي تتوحشي ادخلي هنا نحكيو ونفرفشو مع بعضنا بعض
ام عبدو وين رحتي اليوم يا اختي
ان شاء الله تكوني بخير
والبقية سلام لكن من اعماق القلب

يعطيك الصحة يااوراسية كون جيت نفرغ قلبي الصفحة كاملة ماتكفيش هههههه
يصح ماتخفيش راني ديما هنا
تعرفي درت تارت هدية اليكن، باه نحطها لكم مانيش نفس راني قلقانة
كي تنحالي القلقة نهديهالكم هههههههههههههههه

السلام عليكم و رحمة الله و بركاته
أرجو أن تكونو قد قضيتم جمعة ممتعة و مليئة بالطاعات و الدّعاء
أختي أوراسية تعرفي من الصباح جاتني حالة الدوخة و الفشلة و كنت غير مكسلة و مين داك نضرب طلّة عليكم نشوف كاش موضوع جديد و كي راحت عليّا شوية نضت درت شغلي غير بلعقل
بارك الله فيك لي تفكّرتيني و ربّي يشفي عجوزتك و يحفظلك أولادك
أختي أم مصعب ربي يرقنا الصبر و يفرّج علينا و كيما قلتي اللي يحوّس على الدنيا يلقاها في بلاد الكفار بصّح الدين ما كاين والو العكس كاين غير الفتنة و الفسق و الواحد لازم يخاف على نفسو و أولادو
و أنا يغيضني الحال بزاف كي نشوف الناس عندهم الخير في البلاد و مازالهم قاعدين في فرنسا و يروحو غير في العطلة باش يزوخو على صحاب لبلاد
و في المقابل كاين ناس يحوسو على سكنة برك باش يخرجو من بلاد الشر فرنسا كيما حالتي

السلام عليكم اخواتي
ا[ولا نشكرك اوراسيةللسؤال عني بارك الله فيك
ثانيا ان شاء الله تكونو اليوم كامل بخير
نبدا بام فريد هدي غيبة يا اختي مانعرف انا اللي رحت بزاف والا انت اللي ماتبانيش المهم العجوز اللي حكيتي عليها ربي يهديها وما تزيديش اتكثري معاها وبالنسبة لعيد الميلاد اشري حاجة صغيرة قدرك غير اتفرحي بيها الطفل وماللي ماعجبوش الحال ربي يهديه
ام عبدو ربي يجيبلك الشفاء وباينة الغربة قتلاتك اصبري برك وبالشوية ربي يفرج ان شاء الله وتتهناي
ام مصعب اهلا بيك الغربة اصعيبة ورانا كامل فيها ولكن هكدا المكتوب وانا ايضا لم احضر عرس اخي ولا خطبة ولكن معليش غير ربي يهنيهم
ام هند متشرفة بمعرفتك اختي
ام شمس الدين ربي يخليلك بنتك اللي اسمها رائع عاشقة الفردوس
ام البنات وحمامة السلام متشرفة بيكم
[/color]

اوراسية كتب:

اين انتن حبيباتي
كيف حالكن
واش راكي اختي ام عبدو
وما رية وعبد الرحمن كيفهم
اختي ام فريد طمنينا عن اخبارك
ام مصعب
حمامتي
سناء وينك اشتقنالك
اسيا
نتمنى الجميع يكونوا بخير

اهليييييييييييييييييين حبييباتي منورين
والله فرحانة بيكم بزاااااااااااااف
حمامتي منورة والله
سناء الحمد لله على طلتك هذه غيبة
ام عبدو لا باس طهور ان شاء الله
ام فريد
ام مصعب
تحية طيبة

اوراسية الله لا يغيبك علينا ولكن ديما ظروف ماتسمحش للواحد يدخل ياك من قبل قلتلك بالي كنت في السبيطار ومبعد جا دور زوجي دار براسيون والضياف وشوية العمل وشوية المرض وديما نجريو ورا الدنيا والوقت مكانش المهم الحمد لله

و أخييييييييييييييييييييييييييييييييررا ضهرت أوراسيّتنا الحبيبة كنت أنتظرك أختي هادا وين دخلت ولّا الرشتة دارت فيك حالة هههههه

حبيباتي الغالييين
والله شوفتكم بالدنيا
سناء الف سلامة لزوجك اختي ربي يشفيه


ام عبدو يا غالية المنتدى منور بيكم

selem ya bnet ,rakoum ca va???
oum hind henouna allah ykhelik wa y3aywchlek wledek.allah yberek fihoum ,wallah nehsseb 3endek ghir les petits,
mabrouk 3ela bentek .rabi ykemel
ena nji rani twehecht le3resse
wledek elbakiya nchallah rabi yferhek bihoum..............
oum 3abdou, sana ,rabi yssaberna 3ela ghorba
awrassya oum farid rakoum mleh
et les autres ya rab tkounou bikhayr

سلام الله عليكم
كيفكم حبيباتي
راني طليت برك نطمن عليكم ومن بعد نرجع
سناء يعطيك الصحة على الرشتة تلميذة نجيبة ما شاء الله هههههههه
ام عبدو مواضيعك رايعين
ام مصعب حنونة نورتي الملتقى

الى الملتقى فيما بعد ان شاء الله

السلام عليكم و حمة الله
كيف أحوالكم حبيباتي إن شاء الله بخير

بارك الله فيك يا أم شمس الدين على الترقية

تعّرفو راني ميتة بالتعب و المعنويّات تاعي راهي في الصفر أستغفر الله يا ربي نحس صدري ضيّق و السخانة زادت قتلتني ما تنساونيش بالدعاء يا أخوات و الله راني محتاجاتو بزاف بزاف

ام عبدو واش السخانة حكمت فيك
معليش ربي يصلح امورك وينولك اللي في بالك وينحي عليك الضيقة امين
اوراسية وينك راهي ناقصة حاجة كي ماتكونيش

نرجع نسالك ام عبدو واش بيك الغربة اللي ماثرة فيك والا بعيد الشر المرض اسمحيلي ابغيت نعرف باش ندعيلك والا نخفف عليك بالكلام

في زوج يا سنا ختي في زوج و الدراري خرجوني من عقلي و إلى الله المشتكى بارك الله فيك على السؤال


يا أوراااااااااااااااااااااااااااااااااااسية وين هربتي اليوم ولّا راكي عيانة حنونة

أنا نقوللكم ليلة سعيدة و تصبحون على خير لعلّو غدا إن شاء الله يكون خير من اليوم

اسعد الله مساءكن بكل خير حبيباتي
الله يخليكم ليا يا رب
سناء القعدة معاكم تحلى
ام عبدو ربي يكشف ما بيك من هم وغم وتعب ييا اختي هوني على نفسك
وما تنسايش السيت تاع الطب البديل الي مديتلك

حمامة السلام في اي عش انت يا غالية
ام مصعب وينك يا اخية
ام فريد
نورة
وكل الحبيبات
احبكن في الله

اوراسية كتب:

اسعد الله مساءكن بكل خير حبيباتي
الله يخليكم ليا يا رب
سناء القعدة معاكم تحلى
ام عبدو ربي يكشف ما بيك من هم وغم وتعب ييا اختي هوني على نفسك
وما تنسايش السيت تاع الطب البديل الي مديتلك

حمامة السلام في اي عش انت يا غالية
ام مصعب وينك يا اخية
ام فريد
نورة
وكل الحبيبات
احبكن في الله

الله يعز مقدارك اختي حمامة
وانا تاني نعزك بزاف
وربي يعلم

السلاااااام عليكم ورحمة الله تعالى و بركاته
سعيدة انا لإلتحاقي بركبكم الطيب
و كما قيل و إن تاتي متاخر خير من أن لن تأتي أبداا
بارك الله في صاحبة الفكرة و اللمة جمعنا الله و إياكم على حوض النبي المصطفي صلى الله عليه و سلم
أمعكن عزيزاتي أختكن أم يونس من مستغانم
ثلاثون سنة متزوجة منذ ستة سنوات و أم ليونس حفظه الله أربع سنوات
عاملة بمؤسسة حكومية محاسبة

السلام عليكم و رحمة الله و بركاته

حيّاك الله يا أم يونس شرّفتي منتدانا و نوّرتي لمّتنا الحلوة و ربّي يحفظلك يونس و يخلّيه

أم عبدو كتب:

السلام عليكم و رحمة الله و بركاته

حيّاك الله يا أم يونس شرّفتي منتدانا و نوّرتي لمّتنا الحلوة و ربّي يحفظلك يونس و يخلّيه

و عليكم السلام ورحمة الله
أختي الغالية أم عبدوا ربي يحفظك و يحفظلك عبوا و مايريا وزوجك و الوالدة
و ربي يرحم والدك و يسكنه فسيح جناته
و يعينك على الغربة

مرحبا اخواتي
اهلين ام يونس اسعدنا انظمامك لكوكبت اخواتنا
ام عبدو كيف حالك يا اختي
ان شاء الله تكوني بخير

مرحبا بك أم شمس الدين إن شاء الله تكونو ملاح أنا بخير و الحمد لله السخانة راهي دايرة حالة ربّي يجنّبنا حرّ جهنّم

الأخوات اليوم راهم غايبين إن شاء الله خير

السلام عليكم
اهلييييييييييييين حبيبتي ام عبدو

ام يونس منورة اسعدني وجودك معنا
احنا تاني السخانة دارت فينا حالة

كيفك اختي ام عبدو واش الصحة والاولاد والزوج الكريم

بارك الله فيك أوراسية على السؤال الحمد لله على كلّ حال يا أختي اليوم من كترة السخانة ما طيّبتش خلّيتهم بالجوع هههه و أنت كيف أحوال العمل إن شاء الله قريب العطلة و ترتاحي

يا خسارة لو كنتي قيربة اختي ام عبدو
والله رانا مع الامتحانات والتصحيح والحراسة قتلونا

ربي يشفيك اختي
زعم في فرنسا مش سخانة كيفناوالا ظرك تبدل كل شيء
ربي يكون معانا احنا تاني لهبنا




وهذا طبق كسكسي لعيونكم اختي ام عبدو والله اني اتحسر انك ما تقدريش تذوقي منو

[ندعوك للتسجيل في المنتدى أو التعريف بنفسك لمعاينة هذه الصورة]

ام عبدو زرتي الموقغ الي اعطيتك للطب البديل؟

يعطيك الصّحة حنّونة و بارك الله فيك أحّسبي كلّي كليتو ختي و الله هاذي أوّل مرّة نشوف سخانة هكّا ملّي جيت لهاد لبلاد و الألبسة الفاضحة هنا ما نحكيلكش راهم قريب يخرجو عرايا الحمد لله ما نخرجوش أنا و زوجي حتّى القضيان يروح يقضي في الليل.

نعم أختي زرت الموقع و قريت على المشكل تاعي و بعثت سؤال و أنا أنتظر الجواب

اسال الله ان تجدي الجواب الشافي اختي
انصحك ان ترسلي للدكتور ابو العلاء مباشرة
طلب في المنتدى فهو خبير وكثير ممن استشاروه وجدوا الحل
والعاقبة لك ان شاء الله

جزاك الله خيرا على اهتمامك أختي

selem ya bnet wech rakoum koul wahda bismiha
heta hna la chaleur et en plus degoutage
,wa ntouma kifeh mdeyrin m3a SKHENA

السلام عليكم
ان شاء اللهتكونو كامل لاباس
وشكرا على اللي سال عليا
احنا السخانة ايضا ولكن اليوم على السابعة اتلمينا اخوات عربيات مسلمات مع اولادنا ودرنا باربيكيو يعني طيبنا برا واحكينا واضحكنا ولعبو اولادنا والله فاتت هايلة خاصة انو الواحد مايروحش هاد العام ودخلت الدار على 10 ولوكان القيت راني قعدت برا
فرحت بزاف لاننا اتلمينا بغض النظر على اننا من مناطق مختلفة من الوطن او حتى من تونس والمغرب وكنا نهدرو بالعربية يا سلام تمنيت هاديك القعدة لكل المغتربات

اهلييييييييييييييييييييييييييييييييييييييييييييييييييييييييين
ام مصعب
ام فريد الله يسلمك على المساج
سنااااااااء بالصحة اختي
ربي يدومها وتعاوديها ان شاء الله
والجميع مساءكن فل وياسمين

اهلا بيك اوراسيةالله يعينك مع الامتحانات
ام فريد امس اشتريت مشينة انتاع خياطة قلت نتعلم فيها يعني نخيط غير حوايج داري نقدر انجيك اديريلي ليكور اوراسية راهي اتقول عليا تلميدة نجيبة يعني ماتتعدبيش

ام فريد كتب:

بصحتك سناء


ام اسامة واش احوالك و كيف هي عجوزتك و كل الاهل ان شاءالله يكونوا كامل بصحتهم

الحمد لله اختي ام فريد
عجوزتي شوية بين وبين
والبقية رانا مع حال الدنيا

sana5783 كتب:

اهلا بيك اوراسيةالله يعينك مع الامتحانات
ام فريد امس اشتريت مشينة انتاع خياطة قلت نتعلم فيها يعني نخيط غير حوايج داري نقدر انجيك اديريلي ليكور اوراسية راهي اتقول عليا تلميدة نجيبة يعني ماتتعدبيش

مبروك عليك يا سناء
هههههههههه
صح تلميذة نجيبة وان شاء الله تتعلمي بالخف

السلام عليكن أخوات
كيف أحوالكن
أم فريد بارك الله فيك على الدعاء و السوال
سناء بصحتك الخرجة و الباربيكيو أنا تان أحيانا نديرو بصّح مع زوجي و راني جاية نزاحمك في الخياطة بعد إذن أم فريد طبعا
أوراسية عزيزتي هربتيلي مقبيل بصّح معليش نعاود نحكمك

السلااام عليكم ورحمة الله
صباااح الأنوار بنات واش راكم
أما المغتربات ربي يكون في عونكم إن شاء الله الغربة مرة
و الواحد في بلادي و أمام ناسوا و مرات تكرهي فما بالك في بلااد غير المسلمين
أوراسية الله يعطيك الصحة على الكسكسي

wech rakoum ya bnett
oum farid henouna ysekssi 3elik elkhi,louled ca va meykhemouch 3ela ghorba
hna rana m3a skhena
et toi j'espere que tu va bien, et ton mari rabi yechfih ou ykhelih louledou ou likkkkkkk
awressya rabi ykoun fi 3awnek wech raki
oum hind,sanna rakoum ca va
oum abdou rabi yechfik
oum youness wech rahou youness rahou mheblek walla la
oum chamss edin ,,,,,,,,, et les autres rakoum mleh

السلام عليكم اخواتي الحبيبات كيفكم
اسمحولي اليوم جيت متاخرة
كنت مشغولة ههههههه
حمامتي الغالية وييييييييييييينك؟
ام عبدو هههههههههه ما هربتش كنت مظطرة للخروج وينك اليوم؟
ام مصعب شكرا على الضيافة الكيكة هايلة
ام يونس نورتينا بطلتك
ام فريد تقبل الله منك يا اخية
سناء زدتي خرجتي اليوم
والبقية تحياتي القلبية لكن

السلااااااااااااام عليكم ورحمة ربي وبركااااااااته يا غاليات

:flower: :flower: :flower: :lol!: