| ملتقى الاحبة | |
|
+12نورة الجزائرية أم يونس ام هند ام فريد oum mossab ام البنات sana5783 أوراسية أمة الله حمامة السلام أم عبدو awrassia 16 مشترك |
|
كاتب الموضوع | رسالة |
---|
ام هند عضو مميز
| موضوع: رد: ملتقى الاحبة الجمعة مايو 22, 2009 1:33 pm | |
| على فكرة انا اختكم ام هند عمري 42 سنة بنتي هند يوم الخميس القادم خطوبتها ان شاء الله راكم معروضين كامل ومريم في الجامعة سنة ثانية على فكرة هند تخرجت منذ سنتين وهي استاذة الان وهشام بالسنة الثالثة جامعي وبقي زكريا وعصام مازالا يدرسان واحد بالمتوسط والصغير بالابتدائي انا ماكثة بالبيت | |
|
| |
oum mossab مشرفة ركن الطبخ
| موضوع: رد: ملتقى الاحبة الجمعة مايو 22, 2009 3:05 pm | |
| يعطيك الصحة يا ام هند على كلامك الحلو لي زيك صح هده هي الغربة صعيبة للاولاد و الله يااختي ام هند كاين الخير كامل واش تطلبي تلقاي ،،نقصد ماديا المعيشة.الامن .اللبسة.القانون يطبق على الصح و كاين و كاين........................... بصح ماكانش كيما اللمة تاع الفاميلا و الاصدقاء ،كي ضيق بيا الحال ،تعرفي نطل على الطاقة ونشوف جزائر بعييييييييييييييييييييدة و الدار تاعي .... واش نقولك يااختي نحس بفراغ كبييير في قلبي ما يعلم به غير ربي كرهت من الغربة المهم ا ن شاء الله ربي يقدرني على تربية ولادي .. توحشت نخرج و نلقى مسلمين برا ،ناس يهدرو بالعربية، العقلية الجزائرية احسن بكثير من الاوروبين ماتقلقوش مني يا البنات ماعندي غير انتما | |
|
| |
أوراسية المشرفة العامة للمنتدى
| موضوع: رد: ملتقى الاحبة الجمعة مايو 22, 2009 3:13 pm | |
| السلام عليكم اخواتي ام هند تسلمي يا اختي ام مصعب لاعكس فرغي قلبك مستحيل نتقلقو منك احنا كامل اخواتك صح الغربة مرة واش تحبي اختي هذا هو المكتوب المهم الاوحد يشد في دينه حتى يفرج ربي وكي تتوحشي ادخلي هنا نحكيو ونفرفشو مع بعضنا بعض ام عبدو وين رحتي اليوم يا اختي ان شاء الله تكوني بخير والبقية سلام لكن من اعماق القلب | |
|
| |
oum mossab مشرفة ركن الطبخ
| موضوع: رد: ملتقى الاحبة الجمعة مايو 22, 2009 3:20 pm | |
| يعطيك الصحة يااوراسية كون جيت نفرغ قلبي الصفحة كاملة ماتكفيش هههههه يصح ماتخفيش راني ديما هنا تعرفي درت تارت هدية اليكن، باه نحطها لكم مانيش نفس راني قلقانة كي تنحالي القلقة نهديهالكم هههههههههههههههه | |
|
| |
ام فريد مشرفة ركن الأشغال اليدوية والديكور
| موضوع: رد: ملتقى الاحبة الجمعة مايو 22, 2009 6:19 pm | |
| سلااااااااااام لاحلى العضوات واش راكم ام مصعب >>اوراسية >>ام شمس الدين اختنا الجديدة ام هند واش راكم الكل لاباس عليكم شوفي اختي ام مصعب الواحدة منا تحمد ربي على الصحة و الهنا و الا عندك هادو زوج صوالح راكي في عيشة هنية لابغة راكي في الغربة و لا في البلاد كاين الي في بلادها و بين فاميليتها و غريبة اكثر و اكثر لا حد يسول عليها و لا يعرفوها كيراهي عايشة و لو كان تقولك كون غير جيت بعيدة و الحمدالله يا رب الواجدة تعيا و تقنط { كيما حالتي اليوم } بصح الكمال لله حتى واحدة ما كاملتلها و لا ايش بنات كلامي صح و لا لالا ؟؟؟؟ و رانا خواتات انا راني نفضفض لكم بحوايج الي ما نقولهمش حتى لخواتاتي و لا امي و الله العظيم كل واحدة تفرغ قلبها و رانا هنا باش نسمعوا و نمدوا النصائح بلي ربي يقدرنا عليه فعل الخير و يا رب كل واحدة تتهنى في بيتها يا رب | |
|
| |
أم عبدو مشرفة القسم الإسلامي
| موضوع: رد: ملتقى الاحبة الجمعة مايو 22, 2009 7:46 pm | |
| السلام عليكم و رحمة الله و بركاته أرجو أن تكونو قد قضيتم جمعة ممتعة و مليئة بالطاعات و الدّعاء أختي أوراسية تعرفي من الصباح جاتني حالة الدوخة و الفشلة و كنت غير مكسلة و مين داك نضرب طلّة عليكم نشوف كاش موضوع جديد و كي راحت عليّا شوية نضت درت شغلي غير بلعقل بارك الله فيك لي تفكّرتيني و ربّي يشفي عجوزتك و يحفظلك أولادك أختي أم مصعب ربي يرقنا الصبر و يفرّج علينا و كيما قلتي اللي يحوّس على الدنيا يلقاها في بلاد الكفار بصّح الدين ما كاين والو العكس كاين غير الفتنة و الفسق و الواحد لازم يخاف على نفسو و أولادو و أنا يغيضني الحال بزاف كي نشوف الناس عندهم الخير في البلاد و مازالهم قاعدين في فرنسا و يروحو غير في العطلة باش يزوخو على صحاب لبلاد و في المقابل كاين ناس يحوسو على سكنة برك باش يخرجو من بلاد الشر فرنسا كيما حالتي | |
|
| |
sana5783 عضو مميز
| موضوع: رد: ملتقى الاحبة الجمعة مايو 22, 2009 9:04 pm | |
| السلام عليكم اخواتي ا[ولا نشكرك اوراسيةللسؤال عني بارك الله فيك ثانيا ان شاء الله تكونو اليوم كامل بخير نبدا بام فريد هدي غيبة يا اختي مانعرف انا اللي رحت بزاف والا انت اللي ماتبانيش المهم العجوز اللي حكيتي عليها ربي يهديها وما تزيديش اتكثري معاها وبالنسبة لعيد الميلاد اشري حاجة صغيرة قدرك غير اتفرحي بيها الطفل وماللي ماعجبوش الحال ربي يهديه ام عبدو ربي يجيبلك الشفاء وباينة الغربة قتلاتك اصبري برك وبالشوية ربي يفرج ان شاء الله وتتهناي ام مصعب اهلا بيك الغربة اصعيبة ورانا كامل فيها ولكن هكدا المكتوب وانا ايضا لم احضر عرس اخي ولا خطبة ولكن معليش غير ربي يهنيهم ام هند متشرفة بمعرفتك اختي ام شمس الدين ربي يخليلك بنتك اللي اسمها رائع عاشقة الفردوس ام البنات وحمامة السلام متشرفة بيكم [/color] | |
|
| |
حمامة السلام مبدعة المنتدى
| موضوع: رد: ملتقى الاحبة الجمعة مايو 22, 2009 9:23 pm | |
| - اوراسية كتب:
- اين انتن حبيباتي
كيف حالكن واش راكي اختي ام عبدو وما رية وعبد الرحمن كيفهم اختي ام فريد طمنينا عن اخبارك ام مصعب حمامتي سناء وينك اشتقنالك اسيا نتمنى الجميع يكونوا بخير الحمد لله حبيبتي انا بخير اوراستي و انتي كيدايرة لاباس عليك و انا دائما اشتاق لك و انتي عارفة معزتك عندي ربي يخليكي لي و انتن يا بنات كيفكن ياغاليات ان شاء الله بخير يلا شدو حيلكن نريد نشاط يا بنات بلا كسل هههههههههه ربي يوفقكن جميعا تحياتي للجميع | |
|
| |
أوراسية المشرفة العامة للمنتدى
| موضوع: رد: ملتقى الاحبة الجمعة مايو 22, 2009 9:25 pm | |
| اهليييييييييييييييييين حبييباتي منورين والله فرحانة بيكم بزاااااااااااااف حمامتي منورة والله سناء الحمد لله على طلتك هذه غيبة ام عبدو لا باس طهور ان شاء الله ام فريد ام مصعب تحية طيبة | |
|
| |
sana5783 عضو مميز
| موضوع: رد: ملتقى الاحبة الجمعة مايو 22, 2009 9:31 pm | |
| اوراسية الله لا يغيبك علينا ولكن ديما ظروف ماتسمحش للواحد يدخل ياك من قبل قلتلك بالي كنت في السبيطار ومبعد جا دور زوجي دار براسيون والضياف وشوية العمل وشوية المرض وديما نجريو ورا الدنيا والوقت مكانش المهم الحمد لله | |
|
| |
أم عبدو مشرفة القسم الإسلامي
| موضوع: رد: ملتقى الاحبة الجمعة مايو 22, 2009 9:32 pm | |
| و أخييييييييييييييييييييييييييييييييررا ضهرت أوراسيّتنا الحبيبة كنت أنتظرك أختي هادا وين دخلت ولّا الرشتة دارت فيك حالة هههههه | |
|
| |
أوراسية المشرفة العامة للمنتدى
| موضوع: رد: ملتقى الاحبة الجمعة مايو 22, 2009 9:39 pm | |
| حبيباتي الغالييين والله شوفتكم بالدنيا سناء الف سلامة لزوجك اختي ربي يشفيه ام عبدو يا غالية المنتدى منور بيكم | |
|
| |
oum mossab مشرفة ركن الطبخ
| موضوع: رد: ملتقى الاحبة السبت مايو 23, 2009 12:58 pm | |
| selem ya bnet ,rakoum ca va??? oum hind henouna allah ykhelik wa y3aywchlek wledek.allah yberek fihoum ,wallah nehsseb 3endek ghir les petits, mabrouk 3ela bentek .rabi ykemel ena nji rani twehecht le3resse wledek elbakiya nchallah rabi yferhek bihoum.............. oum 3abdou, sana ,rabi yssaberna 3ela ghorba awrassya oum farid rakoum mleh et les autres ya rab tkounou bikhayr | |
|
| |
أوراسية المشرفة العامة للمنتدى
| موضوع: رد: ملتقى الاحبة السبت مايو 23, 2009 4:28 pm | |
| سلام الله عليكم كيفكم حبيباتي راني طليت برك نطمن عليكم ومن بعد نرجع سناء يعطيك الصحة على الرشتة تلميذة نجيبة ما شاء الله هههههههه ام عبدو مواضيعك رايعين ام مصعب حنونة نورتي الملتقى الى الملتقى فيما بعد ان شاء الله | |
|
| |
أم عبدو مشرفة القسم الإسلامي
| موضوع: رد: ملتقى الاحبة السبت مايو 23, 2009 10:24 pm | |
| السلام عليكم و حمة الله كيف أحوالكم حبيباتي إن شاء الله بخير
بارك الله فيك يا أم شمس الدين على الترقية
تعّرفو راني ميتة بالتعب و المعنويّات تاعي راهي في الصفر أستغفر الله يا ربي نحس صدري ضيّق و السخانة زادت قتلتني ما تنساونيش بالدعاء يا أخوات و الله راني محتاجاتو بزاف بزاف | |
|
| |
sana5783 عضو مميز
| موضوع: رد: ملتقى الاحبة السبت مايو 23, 2009 10:31 pm | |
| ام عبدو واش السخانة حكمت فيك معليش ربي يصلح امورك وينولك اللي في بالك وينحي عليك الضيقة امين اوراسية وينك راهي ناقصة حاجة كي ماتكونيش | |
|
| |
sana5783 عضو مميز
| موضوع: رد: ملتقى الاحبة السبت مايو 23, 2009 10:35 pm | |
| نرجع نسالك ام عبدو واش بيك الغربة اللي ماثرة فيك والا بعيد الشر المرض اسمحيلي ابغيت نعرف باش ندعيلك والا نخفف عليك بالكلام | |
|
| |
أم عبدو مشرفة القسم الإسلامي
| موضوع: رد: ملتقى الاحبة السبت مايو 23, 2009 10:44 pm | |
| في زوج يا سنا ختي في زوج و الدراري خرجوني من عقلي و إلى الله المشتكى بارك الله فيك على السؤال
يا أوراااااااااااااااااااااااااااااااااااسية وين هربتي اليوم ولّا راكي عيانة حنونة
أنا نقوللكم ليلة سعيدة و تصبحون على خير لعلّو غدا إن شاء الله يكون خير من اليوم | |
|
| |
أوراسية المشرفة العامة للمنتدى
| موضوع: رد: ملتقى الاحبة السبت مايو 23, 2009 10:54 pm | |
| اسعد الله مساءكن بكل خير حبيباتي الله يخليكم ليا يا رب سناء القعدة معاكم تحلى ام عبدو ربي يكشف ما بيك من هم وغم وتعب ييا اختي هوني على نفسك وما تنسايش السيت تاع الطب البديل الي مديتلك حمامة السلام في اي عش انت يا غالية ام مصعب وينك يا اخية ام فريد نورة وكل الحبيبات احبكن في الله | |
|
| |
حمامة السلام مبدعة المنتدى
| موضوع: رد: ملتقى الاحبة السبت مايو 23, 2009 11:02 pm | |
| - اوراسية كتب:
- اسعد الله مساءكن بكل خير حبيباتي
الله يخليكم ليا يا رب سناء القعدة معاكم تحلى ام عبدو ربي يكشف ما بيك من هم وغم وتعب ييا اختي هوني على نفسك وما تنسايش السيت تاع الطب البديل الي مديتلك
حمامة السلام في اي عش انت يا غالية ام مصعب وينك يا اخية ام فريد نورة وكل الحبيبات احبكن في الله انا هنا حبيبتي اوراسية شكرا على سؤالك ربي يخليكي لي و انتي كيفك ان شاء الله بخير و الاهل بخير كيفكن يا بنات ان شاء الله بخير اتمنلى لكي الشفاء اختي ام عبدو الله يفرج همك و هم الجميع و يشفي كل مريض الله معكن | |
|
| |
أوراسية المشرفة العامة للمنتدى
| موضوع: رد: ملتقى الاحبة السبت مايو 23, 2009 11:22 pm | |
| مرحبا بيك حمامتي وان نقول النتدى منور ربي يخليكم وما يحرمني من اي وحدة فيكم | |
|
| |
حمامة السلام مبدعة المنتدى
| موضوع: رد: ملتقى الاحبة السبت مايو 23, 2009 11:24 pm | |
| و يخليكي لنا اوراستي الغالية نعزززززززززك بزااف | |
|
| |
أوراسية المشرفة العامة للمنتدى
| موضوع: رد: ملتقى الاحبة الأحد مايو 24, 2009 8:29 am | |
| الله يعز مقدارك اختي حمامة وانا تاني نعزك بزاف وربي يعلم | |
|
| |
أم يونس عضو مميز
| موضوع: رد: ملتقى الاحبة الأحد مايو 24, 2009 3:05 pm | |
| السلاااااام عليكم ورحمة الله تعالى و بركاته سعيدة انا لإلتحاقي بركبكم الطيب و كما قيل و إن تاتي متاخر خير من أن لن تأتي أبداا بارك الله في صاحبة الفكرة و اللمة جمعنا الله و إياكم على حوض النبي المصطفي صلى الله عليه و سلم أمعكن عزيزاتي أختكن أم يونس من مستغانم ثلاثون سنة متزوجة منذ ستة سنوات و أم ليونس حفظه الله أربع سنوات عاملة بمؤسسة حكومية محاسبة | |
|
| |
أم عبدو مشرفة القسم الإسلامي
| موضوع: رد: ملتقى الاحبة الأحد مايو 24, 2009 3:39 pm | |
| السلام عليكم و رحمة الله و بركاته
حيّاك الله يا أم يونس شرّفتي منتدانا و نوّرتي لمّتنا الحلوة و ربّي يحفظلك يونس و يخلّيه | |
|
| |
أم يونس عضو مميز
| موضوع: رد: ملتقى الاحبة الأحد مايو 24, 2009 3:47 pm | |
| - أم عبدو كتب:
- السلام عليكم و رحمة الله و بركاته
حيّاك الله يا أم يونس شرّفتي منتدانا و نوّرتي لمّتنا الحلوة و ربّي يحفظلك يونس و يخلّيه و عليكم السلام ورحمة الله أختي الغالية أم عبدوا ربي يحفظك و يحفظلك عبوا و مايريا وزوجك و الوالدة و ربي يرحم والدك و يسكنه فسيح جناته و يعينك على الغربة | |
|
| |
awrassia ادارة المنتدى
| موضوع: رد: ملتقى الاحبة الأحد مايو 24, 2009 5:30 pm | |
| مرحبا اخواتي اهلين ام يونس اسعدنا انظمامك لكوكبت اخواتنا ام عبدو كيف حالك يا اختي ان شاء الله تكوني بخير | |
|
| |
أم عبدو مشرفة القسم الإسلامي
| موضوع: رد: ملتقى الاحبة الأحد مايو 24, 2009 5:39 pm | |
| مرحبا بك أم شمس الدين إن شاء الله تكونو ملاح أنا بخير و الحمد لله السخانة راهي دايرة حالة ربّي يجنّبنا حرّ جهنّم
الأخوات اليوم راهم غايبين إن شاء الله خير | |
|
| |
أوراسية المشرفة العامة للمنتدى
| موضوع: رد: ملتقى الاحبة الأحد مايو 24, 2009 5:57 pm | |
| السلام عليكم اهلييييييييييييين حبيبتي ام عبدو ام يونس منورة اسعدني وجودك معنا احنا تاني السخانة دارت فينا حالة كيفك اختي ام عبدو واش الصحة والاولاد والزوج الكريم | |
|
| |
أم عبدو مشرفة القسم الإسلامي
| موضوع: رد: ملتقى الاحبة الأحد مايو 24, 2009 6:09 pm | |
| بارك الله فيك أوراسية على السؤال الحمد لله على كلّ حال يا أختي اليوم من كترة السخانة ما طيّبتش خلّيتهم بالجوع هههه و أنت كيف أحوال العمل إن شاء الله قريب العطلة و ترتاحي | |
|
| |
أوراسية المشرفة العامة للمنتدى
| موضوع: رد: ملتقى الاحبة الأحد مايو 24, 2009 6:15 pm | |
| يا خسارة لو كنتي قيربة اختي ام عبدو والله رانا مع الامتحانات والتصحيح والحراسة قتلونا ربي يشفيك اختي زعم في فرنسا مش سخانة كيفناوالا ظرك تبدل كل شيء ربي يكون معانا احنا تاني لهبنا وهذا طبق كسكسي لعيونكم اختي ام عبدو والله اني اتحسر انك ما تقدريش تذوقي منو [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
أوراسية المشرفة العامة للمنتدى
| موضوع: رد: ملتقى الاحبة الأحد مايو 24, 2009 6:16 pm | |
| ام عبدو زرتي الموقغ الي اعطيتك للطب البديل؟ | |
|
| |
أم عبدو مشرفة القسم الإسلامي
| موضوع: رد: ملتقى الاحبة الأحد مايو 24, 2009 6:28 pm | |
| يعطيك الصّحة حنّونة و بارك الله فيك أحّسبي كلّي كليتو ختي و الله هاذي أوّل مرّة نشوف سخانة هكّا ملّي جيت لهاد لبلاد و الألبسة الفاضحة هنا ما نحكيلكش راهم قريب يخرجو عرايا الحمد لله ما نخرجوش أنا و زوجي حتّى القضيان يروح يقضي في الليل.
نعم أختي زرت الموقع و قريت على المشكل تاعي و بعثت سؤال و أنا أنتظر الجواب | |
|
| |
أوراسية المشرفة العامة للمنتدى
| موضوع: رد: ملتقى الاحبة الأحد مايو 24, 2009 6:36 pm | |
| اسال الله ان تجدي الجواب الشافي اختي انصحك ان ترسلي للدكتور ابو العلاء مباشرة طلب في المنتدى فهو خبير وكثير ممن استشاروه وجدوا الحل والعاقبة لك ان شاء الله | |
|
| |
أم عبدو مشرفة القسم الإسلامي
| موضوع: رد: ملتقى الاحبة الأحد مايو 24, 2009 6:56 pm | |
| جزاك الله خيرا على اهتمامك أختي | |
|
| |
oum mossab مشرفة ركن الطبخ
| موضوع: رد: ملتقى الاحبة الأحد مايو 24, 2009 7:40 pm | |
| selem ya bnet wech rakoum koul wahda bismiha heta hna la chaleur et en plus degoutage ,wa ntouma kifeh mdeyrin m3a SKHENA | |
|
| |
ام فريد مشرفة ركن الأشغال اليدوية والديكور
| موضوع: رد: ملتقى الاحبة الأحد مايو 24, 2009 9:02 pm | |
| سلام الله عليكم حبيباتي كيييييييييفكم توحششششششششششتكم بزااااااااااااااااااف بزااااااااااااااااااااااف ان شاءالله تكونوا كامل بخير اوراسية ربي يعينك في شغلك ام عبدوا ربي يهون عليك في الغربة و يشافيك و يعافيك سناء واش راكي حبيبة لاباس توحشتك ام شمس الدين كيفك اختي لاباس حمامة تحياتي الخالصة ام هند معرفة خير حبيبتي ام يونس واش هذه الغيبة ارجو ان تكوني بالف الف خير مع الكتكوت يونس ام مصعب واش احوالك و مصعب و الكتكوتة الصغيرة ربي يخليهم لك عاشقة الفردوس ارجو ان تكوني بالف خير ارجو ان تكونوا جميعا بالف خير و صحة و سلامة و ربي يخلينا دائما ملمومين ان شاءالله في هدى الرحمن | |
|
| |
sana5783 عضو مميز
| موضوع: رد: ملتقى الاحبة الأحد مايو 24, 2009 9:18 pm | |
| السلام عليكم ان شاء اللهتكونو كامل لاباس وشكرا على اللي سال عليا احنا السخانة ايضا ولكن اليوم على السابعة اتلمينا اخوات عربيات مسلمات مع اولادنا ودرنا باربيكيو يعني طيبنا برا واحكينا واضحكنا ولعبو اولادنا والله فاتت هايلة خاصة انو الواحد مايروحش هاد العام ودخلت الدار على 10 ولوكان القيت راني قعدت برا فرحت بزاف لاننا اتلمينا بغض النظر على اننا من مناطق مختلفة من الوطن او حتى من تونس والمغرب وكنا نهدرو بالعربية يا سلام تمنيت هاديك القعدة لكل المغتربات | |
|
| |
أوراسية المشرفة العامة للمنتدى
| موضوع: رد: ملتقى الاحبة الأحد مايو 24, 2009 9:21 pm | |
| اهلييييييييييييييييييييييييييييييييييييييييييييييييييييييييين ام مصعب ام فريد الله يسلمك على المساج سنااااااااء بالصحة اختي ربي يدومها وتعاوديها ان شاء الله والجميع مساءكن فل وياسمين | |
|
| |
ام فريد مشرفة ركن الأشغال اليدوية والديكور
| موضوع: رد: ملتقى الاحبة الأحد مايو 24, 2009 9:32 pm | |
| بصحتك سناء ام اسامة واش احوالك و كيف هي عجوزتك و كل الاهل ان شاءالله يكونوا كامل بصحتهم | |
|
| |
sana5783 عضو مميز
| موضوع: رد: ملتقى الاحبة الأحد مايو 24, 2009 9:41 pm | |
| اهلا بيك اوراسيةالله يعينك مع الامتحانات ام فريد امس اشتريت مشينة انتاع خياطة قلت نتعلم فيها يعني نخيط غير حوايج داري نقدر انجيك اديريلي ليكور اوراسية راهي اتقول عليا تلميدة نجيبة يعني ماتتعدبيش | |
|
| |
أوراسية المشرفة العامة للمنتدى
| موضوع: رد: ملتقى الاحبة الأحد مايو 24, 2009 9:57 pm | |
| - ام فريد كتب:
- بصحتك سناء
ام اسامة واش احوالك و كيف هي عجوزتك و كل الاهل ان شاءالله يكونوا كامل بصحتهم الحمد لله اختي ام فريد عجوزتي شوية بين وبين والبقية رانا مع حال الدنيا | |
|
| |
أوراسية المشرفة العامة للمنتدى
| موضوع: رد: ملتقى الاحبة الأحد مايو 24, 2009 10:00 pm | |
| - sana5783 كتب:
- اهلا بيك اوراسيةالله يعينك مع الامتحانات
ام فريد امس اشتريت مشينة انتاع خياطة قلت نتعلم فيها يعني نخيط غير حوايج داري نقدر انجيك اديريلي ليكور اوراسية راهي اتقول عليا تلميدة نجيبة يعني ماتتعدبيش مبروك عليك يا سناء هههههههههه صح تلميذة نجيبة وان شاء الله تتعلمي بالخف | |
|
| |
أم عبدو مشرفة القسم الإسلامي
| موضوع: رد: ملتقى الاحبة الأحد مايو 24, 2009 10:22 pm | |
| السلام عليكن أخوات كيف أحوالكن أم فريد بارك الله فيك على الدعاء و السوال سناء بصحتك الخرجة و الباربيكيو أنا تان أحيانا نديرو بصّح مع زوجي و راني جاية نزاحمك في الخياطة بعد إذن أم فريد طبعا أوراسية عزيزتي هربتيلي مقبيل بصّح معليش نعاود نحكمك | |
|
| |
أم يونس عضو مميز
| موضوع: رد: ملتقى الاحبة الإثنين مايو 25, 2009 11:19 am | |
| السلااام عليكم ورحمة الله صباااح الأنوار بنات واش راكم أما المغتربات ربي يكون في عونكم إن شاء الله الغربة مرة و الواحد في بلادي و أمام ناسوا و مرات تكرهي فما بالك في بلااد غير المسلمين أوراسية الله يعطيك الصحة على الكسكسي | |
|
| |
oum mossab مشرفة ركن الطبخ
| موضوع: رد: ملتقى الاحبة الإثنين مايو 25, 2009 8:36 pm | |
| wech rakoum ya bnett oum farid henouna ysekssi 3elik elkhi,louled ca va meykhemouch 3ela ghorba hna rana m3a skhena et toi j'espere que tu va bien, et ton mari rabi yechfih ou ykhelih louledou ou likkkkkkk awressya rabi ykoun fi 3awnek wech raki oum hind,sanna rakoum ca va oum abdou rabi yechfik oum youness wech rahou youness rahou mheblek walla la oum chamss edin ,,,,,,,,, et les autres rakoum mleh | |
|
| |
ام فريد مشرفة ركن الأشغال اليدوية والديكور
| موضوع: رد: ملتقى الاحبة الإثنين مايو 25, 2009 9:53 pm | |
| ام مصعب واش راكي حبيبة لاباس رايحة نصلي العشاء راهي تأذن و نولي ............ | |
|
| |
أوراسية المشرفة العامة للمنتدى
| موضوع: رد: ملتقى الاحبة الإثنين مايو 25, 2009 10:26 pm | |
| السلام عليكم اخواتي الحبيبات كيفكم اسمحولي اليوم جيت متاخرة كنت مشغولة ههههههه حمامتي الغالية وييييييييييييينك؟ ام عبدو هههههههههه ما هربتش كنت مظطرة للخروج وينك اليوم؟ ام مصعب شكرا على الضيافة الكيكة هايلة ام يونس نورتينا بطلتك ام فريد تقبل الله منك يا اخية سناء زدتي خرجتي اليوم والبقية تحياتي القلبية لكن | |
|
| |
نورة الجزائرية مراقبة عامة للمنتدى
| موضوع: رد: ملتقى الاحبة الإثنين مايو 25, 2009 11:50 pm | |
| السلااااااااااااام عليكم ورحمة ربي وبركااااااااته يا غاليات
:flower: :flower: :flower: :lol!: | |
|
| |
نورة الجزائرية مراقبة عامة للمنتدى
| موضوع: رد: ملتقى الاحبة الإثنين مايو 25, 2009 11:57 pm | |
| | |
|
| |
| ملتقى الاحبة | |
|