ملتقى الاحبة

اهللللللللللللللللللللين ام عبدو حمعتك طيبة يا غالية
كنت شوية تعبانة
الم براسي شديد
والله الاوراق مرمية ما قدرت اكمل الشغل
الا الان شوية احسيت بتحسن
ودخلت اطمن عليكم

يا أختي أسأل الله أن يعينك و الله عملك ما هو بسهل خاصّة مع السخانة

طهورة إن شاء الله لا بأس عليك

بوركتي غاليتي واسال الله ان يشفيك ياااااااااااااارب
كيف عبدو ومارية طمنيني عنهم
واش راهم دايرين

يا أختي البارحة عبدو كان يجري و يقفز كالمجنون حتّى فتح رأسه مع الخزانة و الدم يسيل منو

حبّسلي قلبي الحمد لله ما شي حاجة خطيرة و بنتي بدات تمشي مع الحاجة و كلّ مرّة

تدّيلها خبطة ههه و الله الصغار يضحكو و أنا و زوجي مازال نفكرو إذا نروح للبلاد و نخلّيه و لّا

نبقى معاه ربّي يسهل لما فيه خير

هههههههههه الاولاد دايما هكذا يطيحو ويتجرحوا ويريتاحو بالخف
الحمد لله الي جات سلامات
اختي ام عبدو علابالك منلي نسمع تورحي للبلاد وتخلي زوجك قلبي يتهز
يا اختي استخيري الله واساليه ان يفرج عنكم من هم الغربة انت وزوجك اما وحدك فلا

وربي ييسر امرك لما فيه الخير
بالصح ما ديريش حاجة من بعد تندمي عليها اسمحيلي اذا دخلت في امورك
بالصح راني ننصحك من اخت كبرى تخاف على اختها

حمامة السلام ويينك يا اخية
وسناء
اليوم ما بنتيش
اسيا
ام مصعب ما طليتيش علينا ههه
ام فريد عارفة بلي راكي مشغولة ربي يعينك اختي

بارك الله فيك أخيّتي و لك أن تتدخّلي فأنت أختي و الله يا حبيبتي لا مفرّ من هذا لمصلحتي و

مصلحة أطفالي و ما هي إلّا بضعة أشهر و يلتحق بنا زوجي فأنا لا يهون عليّ تركه بمفرده مع

ما أرى من عجب و عجاب في هذا البلد ليس من كافرات و فاسقات و حسب لكن من بعض ا

لأخوات و الله المستعان

سلم عليكم اخوتي كيفاش راكم مع الحمّان
اوراسية ربي يشفيك اختي و زيد يحسن العون الخدمة برا و فالدار الله يعينك تعب تاع الصح
معليش راكم قراب تدو
عطلة و ترتاحي

ام عبدو اختي الحمد الله لي جات سلامات على وليدك انا البارح عمر كان راكب فوق طاولة الاكل وانا ندير في لاسبيراتور ونسمع الحية طراخ
جريت لقيت الدم يسيل قلبي حبس قلت سنيه تكسرو ساعة الحمد الله
جات سلامات
والله هاذو الدراري ربي يحفظهم

نوّرتي اللمّة عزيزتي آسيا و ربّي يحفظ جميع أولاد المسلمين


نقوللكم فيما بعد إن شاء أترككم في رعاية الله


السلام عليكم و رحمة الله

سلام الله عليكن احبتي
اختي ام عبدو اشكرك على الثقة وربي يسهلك طريق الخير والصواب
اختي اسيا الحمد لله الي جات سلامات لعمر
ربي يحفظو هكذا لولاد دايما يخلعونا
والحمد لله ربي يقدرنا على تربيتهم
سنماء وين رحتي
نورة
ام مصعب
ام فريد

اهليييين ام فريد ليك وحشة كبيرة

الله يسلمك اختي
عندك الحق المنكرات الي راهي في بلاد المسلمين اكثر من بلاد الغرب
والحمد لله الي راكم متغربين ومتمسكين بدينكم
ربي يهدينا ويثبتنا اجمعين

جزاكماالله خيرا أخواتي على الإهتمام و لكن يا أخوات زعفت منكم مين قلتو هاذاك الكلام

هاذا الكلام ما ينبغي أن يقال فبلادنا رغم كلّ شيء تبقى بلاد اسلامية تستطيعين أن تؤدّي فيها

شعائر دينك و تلبسي لباسك الشرعي دون أن يتكلّم معك أحد صحيح أنّ الفساد انتشر و لكن

هذا الفساد يا أختاه تجدينه في كلّ مكان

و والله يكفيني حديث النبي عليه الصلاة و السلام حين قال:{إنّي بريء من كلّ من يقيم بين

ظهراني الكافرين} أو بالمعنى أنا لا أحفظه جيّدا

و والله ثمّ و الله مهما تحدّثت عن فرنسا و ما فيها من طامّات كبرى فلن أوفّيها حقّها

selem bnet,wech rakoum
awrassya yssekssi 3elik elkhir
oum farid ca va
assia selemet 3ela omar
3endekelhak oum aboud bled koufar mehma hkina ,fiha la3jeb
rabi yehfedna wa ykeberna fi ta3atahou
et les autres wech hwelkoum

السلام على الاحبة ورحمة الله وبركاته
اهلا حبيباتي كيفكم اليوم
ام عبدو يا اخية واش نقولك ربي ينويلك الي في بالك وييسر امورك
وما تزعفيش علينا من قهري ومن الي راني نشوف فيه في بلاد الاسلام نقول هكذا الكافر يبقى كافر مهما كان
ولكن المسلم الي يتعدى على حرمات الله يحرق القلب
ربي يهدينا ويثبتنا اجمعين


ام مصعب اسعد الله يومك وكل ايامك
كيف احوال مصعب الصغير واخته
ربي يحفظ اولادنا جميعا ويهديهم الى طريق السداد



حمامة مرحبا بيك
نورة وينك
ام فريد رؤبي يعاونك
سناء,اسيا,والبقية لكم مني اعطر تحية

وين راكم أخواااااااااااااااااااااااااااااااااااااااات؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]







لكم مني اجمل الورو

[ندعوك للتسجيل في المنتدى أو التعريف بنفسك لمعاينة هذه الصورة]

د

السلام عليكم حبيباتي

وين رحتو اليوم
ام عبدو الظاهر اننا لم يكتب لنا اللقاء اليوم
طمنيني عن صحتك يا اخية

وبقية الاخوات ارجو من الله ان تكن بخير

السلام عليكم
اوراسية واش راكي ان شاء الله يتنحى عليك التعب وترتاحي لما تجي العطلة
ام عبدو يا اختي متزعفيش من كلام الاخوات ولكن عندهم حق والله الشيء اللي صاري في بعض البلاد الاسلامية تحيري فيه والله لما كنت في الجامعة والاقامة الجامعية اصراو حوايج قدام الواحد يحشم كي يدكرها والا تشمئز لها النفس والا في مدن صغيرة اللي زعمة مازالت شوية الحشمة فيها تسمعي على انتهاك الحرمات الله يسترنا والاالسرقة والكدب والرشوةوالخمر والمخدرات و و و وو..........واش نقولك واش نحكيلك يا اختي هدا لايمنع انه كاين حوايج املاح والا رمضان والجو انتاعو والادان كي تسمعيه من الجامع و لما الواحد يمرض يلقى بعض الاحباب دايرة بيه وووووووونزيد نقولك ادا اسمحتيلي ماتخليش راجلك وحدو الغربة اصعيبة راكم مع بعض وماحملتوهاش فما بالك كي يكون الواحد وحدو وربي يشفيك ويصلح امورك ويشفيلك ابنك

ام مصعب ام فريد ام شمس واسيا الاخوات الاخريات طلو علينا طمنونا على اخباركم

الله يسلمك اختي سناء
انا الحمد لله كي كملت التصحيح ورصد النقاط في الكشوف
الليلة نرقد وانا هانية
ما زالت حراسة الاهلية يوم 2جوان
والباك يوم7 جوان
وبعدها تخلاص الخدمة ا

تحياتي لكن
احبكن في الله
راني نطل ونروح مشغولة شوية

حيّاكنّ الله أخواتي


شكرا لك على الإهتمام عزيزتي سنا ربي يوفقنا للخير

يا أوراسية كي تخلصي الخدمة نولّي نحاسبك على الغياب...هههههه


ربّي يعينك و يسهّل أمورك

أم فريد و انت وقتاش العطلة تاعك حنّونة؟؟؟ههه باش ما تولّيش تغيبي

هههههههههههههههه ام عبدو ضحكتيني
ان شاء الله تكرهي مني من كثر الي تلقايني هنا

سنرى يا عزيزتي أوراسية ;) و الأيام بيننا


يا أم فريد رانا نشوفو بلي راكي هنا و هل يخفى القمر بصح ما قلتيليش وقتاش تحطّي خدّام

في الحانوت و تقعدي معانا؟؟؟؟ هههه

اهلا ام فريد
منورة الملتقى واش راكي
والولاد وزوجك
ان شاء الله يكون ريح شوية
وانت والخياطة واش اخباركم
كاش جديد
رانا نستناو

أم عبدو كتب:

سنرى يا عزيزتي أوراسية ;) و الأيام بيننا


يا أم فريد رانا نشوفو بلي راكي هنا و هل يخفى القمر بصح ما قلتيليش وقتاش تحطّي خدّام

في الحانوت و تقعدي معانا؟؟؟؟ هههه

ان شاء الله يا غاليتي

حبيباتي أنا نقوللكم طابت ليلتكن و أترككنّ في أمان الله

راهي 00:00 عندنا و بنتي مازالت ساهرة معايا


ارقدو مليح و ما تحلموش بزاف....هههههه


و ما تنساوش الفجر الفجر الفجر

السلام عليكم و رحمة الله و بركاته

وعليكم السلام ورحمة الله وبركاته
حتى انا عيوني راني عييت نفتحهم
وحمارو من كثر الشوف في الاوراق
وزيد النت
تصبحو على خير اخواتي

السلام عليكم كيفكم ان شاء الله كامل راكم بخير و بصحة وعافية
اوراسية &ام فريد&ام عبدو&سناءام يونس &ام شمس الدين&عاشقة الفردوس&حمامة&ام مصعب&ام هندمسلمة
ان شاء الله نكون ما نسيت حتى وحدة ماشاء الله راكم بزاف اسمحولي اذا نسيت وحدة فيكم

ام فريد حتى انا كنت حابة نسقسيك على كاش موديل جديد تاع بدعيات
و الجمايع تاع العجايز قاع ما يكملوش ههههه قاع ونهار هما الكنة دارت الكنة راهي غابنتني هههه
بنت الاوراس الحمد الله لي راكي بخير حتى انا عندي خالي و خالتي اساتذة في علوم الشريعة الاسلامية
ام عبدو كيما قالولك لبنات ما تخلش زوجك وحده الغربة راهي صعيبة
انا زوجي عيا فيا قالي لا راكي متوحشة نكريلك التيكي باه تهبطي قلتله مستحيل نخليك وحدكو زيد هو موالف البيت معمر يجي مالخدمة يلقاه فارغ هههه ما يقدرش على فراقي

السلام عليكم حبيباتي
اهلين مسلمة وفق الله أبنائك وكل أبناء المسلمين
ورزقهم النجاح في الدراسة والحياة يارب


مرحبا اسيا
كيفو عمر اليوم
ماشاء الله عندك اساتذة في نفس تخصصي الله يبارك

ام عبدو وين رحتي اليوم راني جيت وما لقيتكش ههههههههه

حمامة السلام وينك يا غالية
نورة
سناء
ام مصعب طولتي الغيبة وين رحتي
ام فريد ربي يعاونك ما تعطيش فرصة للعجائز باش يدروك محل للشكاوى هههههههههههه

wech rakoum ya bnet
koul wehdeha bismiha
.chkoun li hna??????????????????????????




ya oum farid hhhhhhhhhhhhhhhhhhhhhhh dahekni weldek
wallah sekheftina hna f suisse mekenech khlass heda tajamou3 hahah
ngoulek 3ela 3ela camera brenché le cable fi ordinateur
bla metnehi la carte
jibi cable te3 camer wa bronchiha,fhemti
et apres selectionné 3ela importer les images
la mefhemtich dit moi

مررررحبا يا بنات
اهلييييييين زمردة اكيد نقبلوك انت صاحبة البيت مش ضيفة
واخيرا ظهرتي يا ام مصعب
واش راكي كاش كادو جديد من عندك راني جوعانة هههههههههههه

hahahaaaaaaaaaaaaaaaaa
ya hanouna awrassiya
waalh 3endi bezef les recette nchalah tchoufihoum ou dirihoum f l'3id
tu sais koul manahbet le bled nechri des livre hhhh

ahli zomrod wallah nawrtina
wech raki...............
ya awrassiya tnehelek t3eb te3 loules wa tessheh

الحمد لله اختي ام مصعب
كملت التصحيح مازال الحراسة

راني نستى في لروسات انتاعك
ان شاء الله نجربهم في العطلة
هذيك التورتة راح نجربها قريب ان شاء الله
يعطيك الصحة

allah y3ewnek ya awrassiya
ngoulek essah ena khdemte mara remplassente 20 jour heblouni louled men tema hlefte 3ela te3lim

rabi y3inek


jerbi hedi k tarte akid t3ejbek ena hezitha men wehed blog ra3ra
thebi nmedlkoum l'adresse te3 blog???

السلام عليم أخوات إن شاء الله كلكم طيّبين ؟؟؟

مرحبا ام عبدو منورة اللمة كيف اليوم يا اخية

ام مصعب التعليم ممتع ومتعب في نفس الوقت
مهمة صعبة
ان شاء الله نجربها اولادي عجبتهم بزاف
حابين ياكلوها من المنتدى هههههههه
هي هدية اصلا

oum abdou ahlin



sah ya awrassya ta3lim kima tgouli



wallah koun jiti griba ndirelkoum wahda kbiiiiiiiiiiiiiiira heta ena nmout 3ela chocolat

ena nkhalikoum baterie rah ytih rayha nhotou yetchargea
haya bonnr journeé

الى الملقتى اختي ام مصعب

سلام شكون لي هنا
اوؤاسية رانا الحمد الله عمر راه غيل مع طبايعو كل يوم يجبدلي حاجة جديدة
وزيد وحد الحمّان راه هنا اوف كي تاع البلاد واكتر
اول مرة ترتفع درجة الحرارة كيما اليوم
30°

ربي يكون معاكم اختي اسيا

عمر هو الي يزهي الدار بالطوايش الي يديرهم
غير اتحملي كي راهو وحدو ماعليش
انا الله يبارك راهم قريب العطلة راني شادة راسي منن الخلعة
كل يوم دواس

هههههههههه والله عمر يساوي 10 انا راني مقابلة الكمبيوتر و هو يخرب
ويزيد زقا مالفوق الهربة برك
هاد لا راني نقول حان الوقت باه نجيبله اخ ولا اخت
ساعة واحد وما طقتش عليه
وانت ربي يعينك عليهم شدّي راسك مليح
ههههههههههههههههه

هههه أوراسية ختي أدّخلي معاهم في الدواس و شوفو شكون يغلب ههه

آسيا كي تكتر عليك السخانة عمري لا بينوار و ادخلي فيه و الّعبي مع وليدك بالماء ههه

و الله أنا ندير هكّا

راني حابّة نشارك في المنتدى و بنتي لاصقة فيّا كي الباتكس ما خلّاتنيش نكتب