&&& بيت جديد في خاطر التليتلي تاع فيفي .......جوزوا يا لبنات ههههههه&&&

المشرفة العامة للمنتدى

ربي يشفيك اختي وفاء
لا باس عليك طهور ان شاء الله
ريحي روحك شوية
زيزي نونو(نجود) وينكم
وفاء راني عدلت صورة التليتلي وحطيت اسمك فيه

مشرفة القسم الإسلامي

آمين يا أوراسية بارك الله فيك

مشرفة ركن الطبخ

hahahhhhhhhhhhhh yafifi ena teni rani kessla fi frechi
hahaha wech houwa toukous

المشرفة العامة للمنتدى

هه دبرتوها يا بنات اتكسلوا انا راني نحلم بالسرير عييت نلقالو الفرصة
زيد راني نبات هذليامات مع عجوزتي توحشت سريري وفراشي
نحس روحي مارانيش فالدار ههههههههههههههههه

مشرفة ركن الأزياء

ربي يشفيك حبيبتي ام عبدو متقلقيش روحك ما ايكون غير الخير

مشرفة القسم الإسلامي

[ندعوك للتسجيل في المنتدى أو التعريف بنفسك لمعاينة هذه الصورة]

أم مصعب هذا هو التاكوس في باريس يعملوه هكذا مفتوح أما في ليون يديروه بشكل آخر كي يلحق نصورهولك و هو لذيذ جدا جدا

أوراسية قلبي معك أختي ربي يجازيك خير على ما تتحملين من متاعب
نجود أهلا بك حنونة راكي منورة المنتدى

سلاااااااااااااام لبنات واشراكم و الله العظيم كتبت صفحة كاملة و ما تسجلتش

فيفي لاباس عليك حنونة و الله عين و صابتك هذاك التليتلي خرجك

ميمي بارك الله فيك و ان شاءالله كامل الخير الي راكي ديريه لعجوزتك ربي يرده لك

في اولادك

نجود واشراكي لاباس راني نستنى في المقادير تاع السفيرية

خوخة اكيد راكي في سابع نومة هههههههه

زيزي راكي غير مع الثلج كاش تزحلق ؟؟؟؟؟

مشرفة القسم الإسلامي

أهلا أم فريد ههههههههه ضحكتيني و شكون فيكم ظربتني بعين ؟؟؟ هيا أعترفو هههه

لا يا أم فريد هاد الحالة راهي متواصلة معي أحيانا تروح و نوليen formeو أحيانا تجي و طيحني فراش الله غالب ربي مقدر عليا هذا الضعف في صحتي

و كيف حالك انت و عجوزتك واش اخبارها

مشرفة ركن الأزياء

ما اعليهش حبيبتي اوراسية اتحملي ماكانش قد عمل الخير راهم جايين الايام انشاء الله و تشبعي من سريرك

هههههههههههههه يا ام مصعب والله غير حنونة

بصح اسمحيلي والله ما افهمت والو
درك ايجي راجلي وايفهمني
الله غالب اختك فهمها موش اثقيل حابس

حبيبتي ام مصعب ربي راهو شاهد كل يوم حبك في قلبي ايزيد
والله غير راكي هايلة

مشرفة ركن الأزياء

اهلين حبيبتي ام فريد وشراكي حنونة

راكي حابة تعرفي مقادير السفيرية

المشرفة العامة للمنتدى

اااااااااه يا لبنات بديت نغير هههههههههههههههههههههه
نجود راني غرت من زيزي
فيفي لقاتها جيجي التليتلي الي تعبك لبارح بتي تجري مابين الكوزينة والنت هههههههههههههه

مشرفة الركن العلمي والشعر

سلالالالالالام كبيييير للبيت الكبيييير
بنات واش راكم؟ حبيت نعرف علاش ماحبش يخرج توقيعي
هادي هي الصورة ماقدرتش نحطها
[ندعوك للتسجيل في المنتدى أو التعريف بنفسك لمعاينة هذه الصورة]

سلااام ام ريما و الله راني غير مع ايهاب ولدي كان غير يتقيأ

و راهي فيه الكحة و الحمة البارح كان مريض و الصباح كان لاباس بيه بصح العشية

اخدته عند الطبيب و كتبله دواء للكحة و الحمى بصح نسيت نقوله على القيىء

و الله غير شفني و ما عرفت واش نعمله ؟؟؟؟

المشرفة العامة للمنتدى

اختي ام ريما روحي لتفضيلات وديري .اضع توقيعي في مساهماتي.
هكذا باش يخرجلك الت.وقيع

جيجي ربي يشفيه حنونة
رانا غير مع المرض.....

مشرفة الركن العلمي والشعر

أختي أم فريد إن شاء الله غير الخير على وليدك
ماتتقلقيش هو موسم تاع الأمراض بنتي تاني كيف كيف
جاها فيروس وقالولي لازم رجيم خاص وهي تتقيا وكرشها
جاريا الله يحفظ أولادنا

اختي ام ريما هاكي رابط الصورة الي حبيتيها تكون في التوقيع ديريله كوبي

و حطيه في نافذة الكتابة تاع التوقيع

[ندعوك للتسجيل في المنتدى أو التعريف بنفسك لمعاينة هذه الصورة]

و راه كاين موضوع على التوقيع عملاته ميمي الا ما فهمتيش روحي شوفيه

مشرفة ركن الطبخ

يا فيفي حنا نشروه من فرنسا نسموه كباب يمممممممم تع الترك توكوس هههه

ميمي ربي يرجعك لسريرك هههه

ربي يشفي ويخف علي عجوذتك

جيجي وش من تزحلق ههه راني خايفه لا نطيح معنديش سباط تع التلج ههه

أم ريماهههههه هدا هو التوقيع لي شيطينا عليه ههه، ربي يعينك حنونه

نجود اكتبي تقليقك في موضوع هههه كي يجي رجلك لازم يفهمك هههه

ميمي وعلاه تغيري هههه

يا بنات راني كنت نخيط في veste تع رجلي طارت القفله شطت معها ههه

الله يسلمكم اخواتي فيفي و ميمي و ام ريما و الله المرض ما ترك حد

و على عجوزتي واش نقولكم راهي تبان مايحة في وجها بصح الداخل راهي مفوتيا

ربي يشفيها و يشفي جميع المرضى

[ندعوك للتسجيل في المنتدى أو التعريف بنفسك لمعاينة هذه الصورة]

google_protectAndRun("render_ads.js::google_render_ad", google_handleError, google_render_ad);

google_protectAndRun("ads_core.google_render_ad", google_handleError, google_render_ad);

[ندعوك للتسجيل في المنتدى أو التعريف بنفسك لمعاينة هذه الصورة]

رابط المباشر :
رابط من موقعنا :
كود للمنتديات :
كود للمنتديات مع مصغرة :
كود HTML :

شوفي ام ريما راه الرابط ما حبش يخرج لازم انت تخرجيه

روحي لهاذ مركز التحميل خرجي صورتك بعد ما تكوني حطيتيها في سطح المكتب باش

تجيك ساهلة من تخرج في المركز تلقاي 5 روابط كل واحد واش يقول انت روحي

للرابط 3 الي يقول رابط المنتديات عمليله كوبي و ديريه في النافدة تاع التوقيع و تلقاي

الصورة خرجت وحدها بعد ما تعملي اوكي
http://khazn.com/upload.php

العضوة الشرفية

مساء الخير عليكم وشراكم لباس
بالشفا عليك وفاء وان شاء الله سلامات وماشاء الله جاك هايل وزيد انا عملت التليتلي وكنت منزلة الوصفة هنا وفي مدونتي علاه ماشفتيهاش وكنتي اديريه بسهولة لانو مراحل عملو كانت بالتفصيل

اهلا اختي ميمي وكيفاش النتيجة انتاع امتحانك الشفهي رانا دعينالك وبالنجاح يا رب تستاهلي كل خير

واختي ام فريد نشكرك على هاد البيت الحلو راهو يهدر على الاكل وخاصة التليتلي ههههههههه خيرتي الموضوع اللي يساعد كل وحدة فينا الطبخ وكل امراة فينا تخمم كل يوم واش اطيب لولادها ولمولا بيتها الله يكون معانا كامل

ونجود درتي سفيرية اممممممم اكيد بنينة علبالي طيابك بنين بصحتكم وبالنسبة للصور يخي قلتلك كيفاه تنزليهم بصح انت حابة ام مصعب اللي تعلمك وتفهمي عليها امليح ربي يسهل والله معاك ام مصعب تهلاي فيها وعلى فكرة مخها خفيف بلعادة معلباليش علاه في الصور ماقدرتش تفهم بلخف

مشرفة ركن الأزياء

اهلين سهاد اهلين حبيبتي
يا اختي انا نفهم غير من عند العزيزة ام مصعب
راني جربت واش قالتلي عملت غير تجربة والحمدلله صلحتلي نزلت لها صورة باقة من الورد في خاطرها

تصبحو على الف خير حبيباتي و ليلة سعيدة

العضوة الشرفية

السلام عليكم ورحمة الله وبركاته

كيفكم يا اخواتي

الرجاء الدخول الى هذا الرابط

دعواتكم لنا يا اخوات الحال من سيء لاسوء ....

https://al-osra.forumalgerie.net/montada-f51/topic-t2151.htm#19540

عضو مميز

السلام عليكم ورحمة الله
صباااح الخيرات
فيفي ربي يشفيك و يعافيك طهور بإذن الله
ميمي الله يقاويك من الخدمة لشغل الدار والضياف ووقافك مع عجوزتك مأجورة بإذن الله
كما قالوا الأوائل راكي تبني في جانك ربي يعطيك كل خير ويفرحك بأولادك
جيجي ربي يشفي إيهاب ردي بالك غير من الحمى ولازم تنقصيله الخرجة راكي عارفة موسم صعيب ربي يجيب الخير
نجود أولا الصور لازم تكون بجهازك يعني حوليها إلى سطح الجهاز بيروا
ولما تذخلي على الرابط نتاع زيزي روحيلها مباشرة وحمليها سهل وعارفاتك ذكية ماشاء الله
و االبقية أحلى تحية صباحية

مراقبة عامة للمنتدى

صباحكم سعيد حبيباتي كي صبحتوا اليوم

درتو قصرة كبيرة الامس
فيفي هذي غيل عين تاع التليلتلي اللي درتيه وفتحنا بيت على جاله
ربي يشفيك حبيبتي طهور ان شاء الله

زيزي وعلاش ما تزحلقتيش في الثلج اشري كيما هدي واتزحلقي انت ولولاد هههههههه
انا كنت نلعب مع عمر فيها بصح ضرك راني حامل نخاف

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

جيجي ريب يشفي عجوزتك ويشفي ايهاب يمكن غيل لا قريب

ميمي ربي يجازيك على اللي راكي تعمليه مع عجوزتك وربي يشفيها ان شاء الله و يخفف عليها

نجود حنونة راكي منورة ما شاء الله
سهاد كيفك وكيفها هبة راني كل يوم ندخل للمدونة نتاعك ونشوف جديدك
ام ريما كيفك اختي و كيفهم الاولاد
صوفيا يا درا راه يخليك البيبي ترقدي ولا راكي تسوفري هههههههههه
سوسو ما زال وينك ولا راكي ديري في البركوكس

و البقية كيرااك وينكم

عضو مميز

بنات جاتني فكرة على قول سهااااد
كل وحدة فينا تخمم واش تطيب وماعدنا وين نهربوا منه
ومرات يكون كل شيئ كاين و تبحرنا
رايحة نفتح بركن الطبخ موضوع عن دبارة اليوم
يعني واش طيبت سواء بالفطور أو بالعشاء ومنها ناخذ أفكار على بعضنا ونتعلم
أشياء جديدة ومن جهة نحوا شوية تخمام تاع واش نطيب اليوم
إذا كانت بالصور تكون أحسن و إن لم يوجد صور فلاباس
راني نسنا في رايك باش نفتحوا الموضوع واش رايكم نسموه واش دبارتك اليوم ؟

مراقبة عامة للمنتدى

فكرة مليحة سوسو نخلو زيزي واش تقول هي مشرقة ركن الطبخ
والله غيل ملينا من التخمام كل يوم واش طيبي

المشرفة العامة للمنتدى

السلام عليكم حبيباتي
كيف حالكم حديجة حنونة واش راكي ما عدتش نشوفك بزاف فالبيت توحشتك واش حال عمر والضيقة الجاية باذن الله

سوسو منورة حبيبتي يوم موفق باذن الله واش اخبار يونس راه يغير والا لا ههههههههه

والبقية احلى تحية صباحية
سوسو فكرتك هايلة وانا معاكي روحي افتحي الموضوع ظرك تشوفي الافكار وهكذا الكل يستقيد

عضو مميز

ميمي الله ينورك عزيزتي و يونس كما يقولوا زين وزاد
راه يرقد معنقني وزاد لزلي بزااف و يوقلي ماما بغيت نقولك
ماتجيبيناش بنات جيبينا أولاد وكل يوم يجيبلي إسم ولد زي هههه ربي يحفظه يارب
وكل اولادكم
خوخة صح راكي تغيبي كثير على قبل ضرك لازم الي تغيب لازمها تبرير مقنع
و إلا ... ههه

ادارة المنتدى

هههههههههههههه ربي يخليهولك حبيبتي
لازم يغير كان وحدو وظرك راح يجيه منافس
ما عليش من بعد يتعود

مشرفة ركن الطبخ

[

السلام عليكن يا بنات

يارب تكونو كامل بخير

خوخه ههههه خايفه لنركب فيهي تع التزحلق نهرب مع البابور ههه

سوسو والله ناويه نزل موضوع كيما لي حضرتي عليه

أنا تعي على شكل مسابقه لي تجيب طبخه مليحه من يديها مصوره طولي هي طباخة الشهر هه

ونديرلها امضاء هايل ،، خويا لي يديرو ههههه

وش رايكم يا بنات size=24][/size]

عضو مميز

زيزي خلاص نزلته الموضوع من قبيل
بصح فكرتك مليحة يظهرلي كل شهر
نعملوا فهرس للوصفات المصورة الي نزلوها البنات في موضوعي
ومن تم نختار كما قلت طبخة مصورة مليحة و تكون الفائزة
هكذا ثاني باش نتشجع

مشرفة ركن الأزياء

صباح النور و الانوار عليكم يل احلى بنات
انشاء الله اتكونو كامل بخير وعافية
قبلة حارة لكل وحدة فيكم [ندعوك للتسجيل في المنتدى أو التعريف بنفسك لمعاينة هذه الصورة]
الله عليكم وعلى افكاركم يا بنات

مشرفة ركن الطبخ

مكان حتى مشكل سوسو

المهم كل العضوات تشارك

نجود كيف حالك

أنا نخليكم رايحه نتغدى

مراقبة عامة للمنتدى

سلام زيزي ونجود كيف حالكم

يا لبنات راني خايفة اليوم تظهر نتائج التحليل تاع الحمل
بالمس درتهم وقالو لي اليوم نتصلو بيك بصح لحد الان ما اتصلوش

ادعيولي ان شاء الله تطلع ايجابية والله راني خايفة

مشرفة ركن الأزياء

الله ايسلمك حبيبتي و الله الحمدلله
بصحتك الغداء حنونه مطرح ما يسري يمري كيما ايقولو المصريين
الف صحة وعافية على قلوبكم

مشرفة ركن الأزياء

متقلقيش روحك حبيبتي اسيا ما ايكون غير الخير انشاء الله
انشاء الله اتكون النتيجة ايجابية ربي ايكون معاك

مشرفة القسم الإسلامي

السلام عليكم

يا أوراسية لوكان برك تغلقي هاذ البيت لأنو يفكرني بالأكل و أنا من الصباح و القيء داير فيا حالة

أدعو معايا ما نكونش حامل برك راني نستنى في الموعد تاع الطبيب

سلامي لكن وحدة وحدة

مراقبة عامة للمنتدى

ههههههههههههههههه يا فييفي واقيلا راكي تتوحمي
ان شاء اللخ خير حبيبتي

مشرفة القسم الإسلامي

إيه يا آسيا هاداك واش راني خايفة و حتى زوجي راه خايف هههه

مشرفة ركن الأزياء

اهلين حبيبتي ام عبدو
اخسارة اعليك حنونة هدا البيت اتحل في خاطرك
بلاكش موش حمل اتكون المعدة تاعك امريضة شوية وقيلة من كثر ما اكليت تليتلي
ولا كان حمل اهلا وسهلا بيه
ايعود هدا المنتدى اسمه منتدى الحوامل الله ايبارك

مشرفة القسم الإسلامي

هههههه يا نجود على خاطر ما تعرفيش واش يصرالي في الحمل أنا تقريبا كيما انت منين نطيح بالحمل نولي عايشة في سبيطار الله المستعان

إن شاء الله خير واش خبارك انتي ولادك راهم في المدرسة؟؟

مراقبة عامة للمنتدى

فيفي ما يكون غيل خير
واللي جابها ربي مرحبا بيها

كيراكي حاسة روحك ضرك مليحة
نجود رانني نشوف فيك هنا يا درا لولاد ماراهمش في اببيت

مشرفة القسم الإسلامي

الحمد لله يا آسيا أنا أحسن و لكن الجوع قتلني ما كليت والو من الصباح و ما راهيش جايتني كامل على الماكلة

واش راكي دايرة مع عمر هو ما يروحش للمدرسة

أنا الصباح عبدو داه باباه و رجعو معاه هههه قالي دار حالة بالبكاء و بقى يتمرّغ في الأرض

و كي رجعو عاقبتو حطيتو في شامبرتو و قلتلو ما راكش خارج منها حتى تفهم هبلني ...هبلني

مراقبة عامة للمنتدى

هههههههههههههه يا وفاء ربي يخفف عليك
وكيفاش عبدو ما زال ما تعود على المدرسة
انا عمر ولدي لكان نطلقوا مع لولاد ينساني

لا عمؤر راه مرافقني في اببيت وزيد هنا ندخلو للروضة نخلص اكثر من 200 اورو

وزيد يعلموهلي يرقص ويغني خليه مازال صغير

وتانيك يتعلم اللغة نتاعهم ونحصل فيه في العربية

مشرفة القسم الإسلامي

الله غالب يا آسيا هو يحب غير يلعب و علابالو كي يولي للبيت راح نخليه يلعب كي عاقبتو ولّا يقولي ماما نروح ليكول قلتلو غدوة ان شاء الله و الله يا آسيا لوكان وليدي كان يهدر نورمال ما كنتش نحطو في المدرسة الآن لأنو مش واجب في القانون حتى 6 سنين و لكن قالولي لازم يخالط الدراري باش يبدا يهدر مليح

نصطعرف بيك آسيا ما تخليهمش يعلمو وليدك هاذ الأمور أنا عبدو في وقت النويل تاعهم ما كنتش نخليه يروح على خاطر يجيبو السابان الشجرة تاعهم و يديرو حفلة و يعلموهم العادات تاعهم و يكذبو عليهم مع بابا نويل تاعهم الخبثاء

خطرة واحد الأخ عايش هنا راح يتفاهم مع المديرة على واحد الأمر يخص ولدو و كي تقلق معاها قالتلو ولدك راهو 80 بالمئة وليدنا و 20 بالمئة ولدك أتخايلي دايرين في حسابهم كلش و منها باش يخسرو العقيدة و الت بية تاع ولاد لعرب ربي يخرجنا من هاد لبلاد

مراقبة عامة للمنتدى

والله صح كلش اللي قلتيه صح وفاء
هنا تاني والله لكان قولك واش يديرو
يرقدوهم مع لبنات يقلولك باه نقلعوله الحشمة

وزيد المتخبي اكثر
ذكرتيني بصديق زوجي دخل بنته للروة العشية جات تغنيله تاع النويل وتعلم في خوها الصغير هههههههه

من داك نهار ما زادش رسلها عياو ما يتصلو بيه باه ترجع وما حبش

كيما قلتي ربي يخرجنا من بلاد الكفر وبلادنا تتسقم ونرجعو ليها

مشرفة ركن الأزياء

يا بنات ازربو روحو الي واش هو اطيابك اليوم اتشوفو راني حطيت صورة تاع الشخشوخة

والله راني طايرة من الفرحة [ندعوك للتسجيل في المنتدى أو التعريف بنفسك لمعاينة هذه الصورة]

عضو مميز

السلام عليكم حبيباتيييييي توحشتكم غير الله غالب ما نقدرش ندخل بالزاف وزدت جتني الغيرة [ندعوك للتسجيل في المنتدى أو التعريف بنفسك لمعاينة هذه الصورة] من شفتكم عملتو سهرة البارح قربت نبكي [ندعوك للتسجيل في المنتدى أو التعريف بنفسك لمعاينة هذه الصورة] حبيت راني معاكم ماتنسونيش على خاطر عدتو ديما في بالي حتى كيف ما نشاركشي معاكم راكم معايا في الكوزينة والصالة والشومبرة وحتى في....... [ندعوك للتسجيل في المنتدى أو التعريف بنفسك لمعاينة هذه الصورة] (حشاكم) هههههههههه
أختي أم عبدو سامحيني وقيلة هذي عيني [ندعوك للتسجيل في المنتدى أو التعريف بنفسك لمعاينة هذه الصورة] إلي حاسداتك على التليتلي ههههههه طهور إن شاء الله
أم فريد ربي يشفيلك وليدك [ندعوك للتسجيل في المنتدى أو التعريف بنفسك لمعاينة هذه الصورة]
آسيا أضحكي علي أنا أن بات قاعدة [ندعوك للتسجيل في المنتدى أو التعريف بنفسك لمعاينة هذه الصورة] وانتي تشخري [ندعوك للتسجيل في المنتدى أو التعريف بنفسك لمعاينة هذه الصورة] ههههههه ربي يسهل عليك وتشوفي بالصح الحمد لله بدا واليدي يشد ريتم مليح ويخليني نرقد
أم يونس عارفة راكي خطفتي مني الفكرة [ندعوك للتسجيل في المنتدى أو التعريف بنفسك لمعاينة هذه الصورة] كنت أنفكر فيها لأني راني تو دايخة مش عارفة واش أنطيب أعطيك الصحة [ندعوك للتسجيل في المنتدى أو التعريف بنفسك لمعاينة هذه الصورة]
والأخريات أهديكم أحلى سلااااااااااام [ندعوك للتسجيل في المنتدى أو التعريف بنفسك لمعاينة هذه الصورة]

مراقبة عامة للمنتدى

اهلا اختي صوفيا واش راكي لباس
وكيفه الولد لباس كيف سميتيه
راني عارفة بلي راكي تسوفري معاه في الرقاد بصح من بعد داك يحكم الريتم نتاعه
ويخليك ترقدي ههههههههههه
انا كنت نسوفري مع عمر وضرك راني نبروفيتي في الرقاد
راني عارفة من بعد غادي نخلص

عضو مميز

الحمدلله أختي آسيا سميتو يوسف وعقبالك إن شاء الله

» && one/two/thre viva l'algerie بيت جديد في خاطر كل الجزائريات &&
» ***تطبيق مميز**تطبيقي لطبق فيفي تاع المسابقة
» && استقبالنا لسنة الهجرية الجديدة و فرحتنا بالمولودة الجديدة { جود } مرحبا يا لبنات &&
» التليتلي من عند اختكن سهاد بالصور طبعااااااااا
» صور في خاطر زيزي الغالية...