بيت الاخوة والمحبة يجمعنا من جديد هلمواااااااااااااااا

مراقبة عامة للمنتدى

سلام واش راكمحبيبت قلبي
كي صبحتو ام عبدو وين راكي ما بنتيش
اوراسية كيفاش الحالة

مشرفة ركن الطبخ

السلام عليكم اخواتي يا رب تكونوا بخير
واش درتوا غدا اليوم ههههه أنا راني كل يوم حايرة

عضو مميز

سلااااااام آسيا أم مصعب كيف الحال؟
و كيفاش مع سخانة الغربة ؟

مراقبة عامة للمنتدى

و الله يا ام مصعب غيل رانا كيفكيف كل حايرة واش ندير
درت اليم مكرونة بالطماطم و النقانق وكور و عطي لعور

مراقبة عامة للمنتدى

أم يونس كتب:: سلااااااام آسيا أم مصعب كيف الحال؟
و كيفاش مع سخانة الغربة ؟

كيراكي ام يونس لاباس حنا اليوم راهي الامطار
الحال برد شويية غاية

عضو مميز

أم مصعب ديري في العشاء و زيدي للغذاء هاكا تريحي من تكسار الراس

عضو مميز

assia2007 كتب:

أم يونس كتب:: سلااااااام آسيا أم مصعب كيف الحال؟
و كيفاش مع سخانة الغربة ؟

كيراكي ام يونس لاباس حنا اليوم راهي الامطار
الحال برد شويية غاية

ماشاء الله الله يرزقكم فضلها و خيرها يارب
و الله احنا السخانة مانحكيلكش خصوصا بالليل
شيعتنا بحد البحر بصح بزاف ماتقدريش ترقدي
و بالنهار مانحسش نكون بالخدمة و عني كليماتيزار

مشرفة ركن الطبخ

بصحتك اسيا
حتي أنا بالك ندير مرقاز مع الفلفل في العشا
عندك ألحق يا أم يونس أنا تاني منديرش الغدا خاطر زوجي ميتغدش هنا نخم في الليل وش ندير
بصح نحير وش نغدي لولاد
راني قتلتهم بالسندويتش و السلاطه ههههههه ولا مصعب يهرب من الغدا ههههههه

مراقبة عامة للمنتدى

هههههههه ام يونس راكس حامتها مع الكليماتيزور
والفليل سلكيها بيلاما صبح الحال
راكم حدا البحر و لا فليل ضربي غطسة في البحر علامة

مراقبة عامة للمنتدى

ام مصعب هههههههه حتى انا راتجلي ما يفطرش فالدار بصح لازم نوجد الفطور كي يجي العشية مالخدمة وهو فالعشا قاع مهنيني يقولي ما تخميش في واش ناكل خمي على عمر و على روحك يدير خبز بالفرماج ويقول حمد لله
هههههههه مصعب غادي يهرب قاع مالدار مشي غيل ماساندويش
فكرتيني راجلي يقولي خديجة مرتي ساجية غيل فالقلي فالحة فيه هههههه

مشرفة ركن الطبخ

ههههه يا اسيا أنا كي جا خويا عندي
ولا يشكيلو قالو تعرف غير تقلي ههه
كل يوم نخمم وش نطيب

عضو مميز

ضحكتوني بنات ههههه
فكرتوني بيونس بالعكس أنا عندي بالدار ما يكلش خلاص
و لما نديه لدارنا كلش ياكله و يشتكيلهم مني ههههه
و هذا الأسبوع ختي حطتله سباقيتي انا نعملهله ماياكلش و هاذاك اليوم
قالتلي ختي كلى ما كلى منه و قالا زيديني قالها هاذيك ماما ماتعرفش طيب
غير تشكل هههه

مراقبة عامة للمنتدى

ههههههههههه ام مصعب ام يونس والله لا ضحكتوني
ام مصعب انت تاني راه يشتكي منك تسما رانا كيفميف
ام يونس يونس راه حاقرك

مشرفة ركن الطبخ

هههههه يا أم يونس ادي يونس لدركم وطيبيلو تما
ياخي جيل يخي
ههههه يا اسيا ملة راكي فنينه كيما أنا هه

مشرفة القسم الإسلامي

يا سلام على لفضايح تاع الطباخات الماهرات آسيا و أم مصعب راكم ديتوها للسيدة رزقي ههه

رانا كامل كيفكيف أنا وحدة راني داخلة عليها غير قليان ربي يستر برك على خاطر نورمالمون ما ناكلش كامل المقلي يضرني
ولّا وليدي ساهل نديرلو سباغيتي بلفرماج هاداك ما يحب
الله غالب ما ياكلوش الخضرة كي هو كي باباه
يحبّو ياكلو غير اللحم قلتلو لزوجي رانا ولّينا سبوعة خلّينا ناكلو شوية خضرة
أم يونس المشكل ماشي فيك اللي ما تعرفيش طيبي بصّح الواحد كي يبدّل اليد اللي طيبلو تجيه بنينة

مراقبة عامة للمنتدى

ههههههههه ام عبدو انا زوجي عكس زوجك ما يحبش اللحم كل يوم
يبغي يبدل خضرة وبيض اصلا احنا اللحم نشوفوه وين وين
ما عندناش الحلال هنا رانا مغبونين تاع الصح
ناكل غيل الدجاج كاش نهار ندخل عليكم نقطقط كي الحاجة
هههههههه

مشرفة ركن الطبخ

هههههه والله ضحكتوني
أم عبدو عندك طولي توكلي زوجك هه سبوعه تاع ليون
دبرتيهة اسيا زوجك يحب الخضر
أنا زوجي كرهنا في اللحم كل سمنا نشريو لحم ونخبيه في الكنجيلتور هه . أنا نطيب حق عايلة كي نشوف اللحم نتخلع هههه

مشرفة القسم الإسلامي

و هادي هيّا الحاجة اللي ماشي مليحة في صحاب فرنسا إذا الماكلة ماشي طايبة باللحم ما ياكلوهاش قلتلو لزوجي و كي نروحو نعيشو في لبلاد واش دير ؟؟؟

كي نروحو للبلاد نطيّبلهم غير السلق هههه الربطة ب10 دينار :D

مراقبة عامة للمنتدى

هههههههه ضحكتوني حنا و الله غيل مشتاقيلنه
غادي توليو سبعة تاع الصح ماكانش الي يقربكم ههههههههه
الجاج خرجلي مالعينين

مشرفة ركن الطبخ

ya assia kifeh derti sgnature te3k
te3i mehebech yokhroj

مراقبة عامة للمنتدى

حملي الصورة في موقع التحميل
و بعدين كوبي اللينك وحطيه في التوقيع
راح يخرجلك

مشرفة ركن الطبخ

j'ai fait
mehebetch tji rani ne3ref ndir les photo

مراقبة عامة للمنتدى

[ندعوك للتسجيل في المنتدى أو التعريف بنفسك لمعاينة هذه الصورة]
جربي هادي حطيها في التوقيع و شوفي

[size=29]صباح الخير يالحبيبات واه راكم غير مع اللحم و الدجاج

و احنا واش نقواوا غير مع الكونجولي الفري غير في العيد

ههههههههههههههههههههه كاش نهار نولو ا بلاستيك من داخل

على خاطر من نطيبوه تحسبي بلاستيك ما فيه حتى بنة

و زيد باش نشريو السمك غالي الخضرة كيفكيف الله يستر

كلش غالي في بلاد العرب

نضحكم من نكون نتكلم مع اختي على المسن تقولي لو كان

غير جينا نقدروا نفوتولكم الماكلة عبر النت هههههههههه

ام مصعب ام عبدو اسيا في البلاد الي راكم فيها كلش موجود و باسعار

في متناول الجميع

الله يهني الجميع[/size]

مراقبة عامة للمنتدى

و الله يا ام فريد لكان نقولك بلي راني نشري غير في الكونجلي
خاطرش هنا ما كنش الجزارين كاشي كونجلي حتى الجاج
في فرنسا واه في الشتاء مين رحت عجبتني المعيشة تما كلشي
كاين و رخيص بصح البلاد الي راني فيها راني كارهة من

مشرفة ركن الطبخ

merci assia
mehebech

مشرفة القسم الإسلامي

لالا يا أمّ فريد صحّ في فرنسا كلّ شيء رخيس بصّح ماشي هاداك هو المهم

و الله نفظّل نعيش في بلادي و ناكل السلق و الماقارون و نربّي ولادي تربية دينية و لا نقعد هنا و نلقى روحي في الأخير خرجت بولد عاق و مش مربّي
يا أم فريد فرنسا ما تخلّيكش تربّي ولدك كيما تحبّي و الحديث يطول و الله نحبّ نزهد في هاد الدنيا و نحب ولادي يزهدو و ماشي واش يطلبو يلقاو!!!

مشرفة القسم الإسلامي

يا أخوات اسمحولي و الله مشغولة بزاف راني نطل عليكم و نروح

ربي يحفظكم يا رب

المشرفة العامة للمنتدى

السلام عليكم واش هذا الحكي كله

هههههههههه من الصبح وانا نقرا
انا اليوم زوجي ملك الميكرو ما خلاليش الدالة
اليوم روبو تاعو

قلبي راح يخرج
هذاوين خرج مع لولاد برة

راكم مع الطياب والمكالة هبلونا كامل

ربي يعين

مبدعة المنتدى

السلام عليكم ورحمة الله وبركاته

كيراكم يا بنات ماشاء الله عليكن على الدردشة الحلوة
لكن لم استطيع ان اقرأ كل الردود بسبب صغر حجم الخط
مسكينة اوراستي اكيد منتي راح تطقي لانك زوجك احتل الميكرو اليوم
راني حتلى انا اليوم طليت مرتين فقط و خرجت كانت حرارتي مرتفعة و ما قدرت نكتب حاجة في المنتدى
ام عبدو كيراكي اختي ربي يعينك و يحفظ لك اولادك و ان شاء الله تربيهم تربية حسنة
ام مصعب ام فريد اسيا ام يونس ان بثينة الفتاة المسلمة عساكم بخير دائما يارب
سلامي لجميع الاخوات

مشرفة ركن الطبخ

سلامتك من الحراره أختي حمامه
الله يخليك ،،نحن بخير مدام أنت بخير

ادارة المنتدى

سلاااااامتك حبيبتي سامية الف سلامة عليكي

بنااااااااااااات مساءالخير عليكم
ام مصعب & اسيا & ام عبدو & ام بثينة &

اوراسية & حمامة & ام هند & ام يونس &

ام البنات & ام زينب & و الغائبات ربي يردهم بخير

في بالي حتا واحدة ماراهي ؟؟؟؟

مشرفة القسم الإسلامي

السلام عليكن و رحمة الله و بركاته
أسعد الله صباحكن يا حبيباتي
حمامة طهورة إن شاء الله
أصبحنا و أصبح الملك للّه
الحمد للّه الذي أحيانا بعد مماتنا و إليه النشور

مشرفة ركن الطبخ

selem ya bnet wech rakoum
ena belek nghib 3elikoum ramadan
koulouh biidni allah

مراقبة عامة للمنتدى

سلامعليكم واش راكم
حمامتي الغالية ربي يشفيك معافات ان شاء الله

ام مصعب وين حبيتي تروحي وتخليني نتوجشك والله ياللحبيبة

المشرفة العامة للمنتدى

السلام عليكم حبيباتي
كيفكم وكيف اصبحتن
ام عبدو منورة يا غالية
اسيا اسعد الله صباحك يا اخية

ام مصعب وين راح تروحي وتخلينا في رمضان بلا طياب
وانت مشرفة الطبخ واش ناكلوا ههههههههههههههه

مشرفة ركن الطبخ

ههههه يا اسيا يا حنونه
يتوحشك الخير
رايحه نغيب عليكم كي توحشوني عيطولي هههههه
وكلش بيد ربي سبحانه

مشرفة ركن الطبخ

ههههههه يا اوراسيه
زوجي قالي نهبطو للبلاد
أنا راني مخلوعه راهي السخنه في البلاد ومع لولاد كل ما نهبط
يمرضوا . ومع الصيام والسخنه
ربي يستر
أنا قلت له أهبط وحدك راك مسامح دنيا واخره
وبالك منهبطوش
عندكم وش تكلوا يا اوراسيه
راني منخمش عليكم ههه

مراقبة عامة للمنتدى

راكي خايفة ام مصعب بصح تصومي في البلاد خير
انا تاني بالك ان شاء الله نسافرو في النصف الاخير تاع رمضان

مشرفة ركن الطبخ

شكون لي عدل التوقيع تاعي
بارك الله فيه
يا اسيا وش نقولك أنا كون جيت نصوم في دارنا مدبيا

بصح زوجي يشيطني به يديني لدارنا
قلي نسومو عند يما ههه قلتله أنت صوم مع أمك وأنا حرام عليا
زيد دارهم كبييييييييره نتخلع به نخدم فيها ههههه أنا فنينه
التسيق برك نقعد فيه يوم ههههه
ولسخانه
أنا هنا في داري البرود روعه

مشرفة ركن الطبخ

je vais a la cuisine les filles
a+++++

مراقبة عامة للمنتدى

هههههههه ام مصعب ضحكتيني
قوليله كيما انت تحب تقعد مع يماك انا تاني نحب نقعد عند
يما لازم العدل اثنناتكم متغربين لازم تاني هو يتفهمك
ولا اقسمو 15 يوم في دارهم و 15يوم في داركم
و القضيان زيري روحك فوتي الخدمة العسكرية عند عجوزتك
كي تروحي لداركم ريحي هههههههههه
حتى انا راني كيفك ههههههه

عضو مميز

السلام عليكم
بنات تقول ربي شاف ليا ختنت ولدي البارح نهار الاحد وجدتو ولكن زوجي قعد بزاف ف الكورتاج تاع صاحبو يعني خرج الطريق على الطبيب وانا اغتنمت الفرصة وخرجت شريت بيجامة تاع حرير زرقا وبرنوس بالبرودري لولدي وعاودت درتلو الحنة في الليل قلتلهم هدا راح يتزوج 2 مرات دار الحنة 2 مرات ههههههههههههههه
والبارح قضالي ودرت كسكس بالجاج وقلت لدارنا جاو نخلعو قالولي عمبالنا راكي تقصري حتى حلفتلهم
وداه البارح ختنو وجاو خاوتو مش كامل ودارنا برك بابا وطاطا
المهم خير ما كون داه نهار الاحد
ايه صورت الحنة تاع ولديس ورولي كيفاش نحطلكم تشوفو حوايجو
اوراسية الله يبارك فيك
راني درتلك ترونسفار لمساج تاع نورة بعتاتو لي وسقساتني عليك وصلك

عضو مميز

السلام عليكم
سامية ألف مبروك ختانة وليدك و عقبال لزواجه إن شاء الله
و ربي يفرحك بيهم كامل
أم مصعب و آسيا الله يعينكم
صح على قولكم الواحدة منا تلقى روحها غير في بيتها و خصوصا برمضان
و مع السخانة بصح ماننكروش رمضان بالبلاد له طعم آخير أما بالبلا الغير إسلامية
ماعنده حتى نكهة
الله يعينكم على الغربة و ربي يبلغنا رمضان سنين عديدة و أزمنة مديدة

مراقبة عامة للمنتدى

مبروك الختانة شفتي كي ربي سهلهالك
وردي بالك تخليه يتزوج 2 مرات ههههههههه وصيه من دروك

ام يونس كيراكي حنونتي لاباس ان شاء الله نجو نصومو تما رمضان

المشرفة العامة للمنتدى

السلام عليكم حبيباتي
اهليييييين حبيبتي ام يونس طلتك غالية يا غالية

ام زينب حبيبتي الحمد لله انك طهرؤتيه كما حبيتي وحضرو اهلك وعملتيلو الحنة
وانت شاء الله تقدري تحطيلنا الصور راه وصلني مساج تاعك الي من عند نورة وراني حاولت اتصل بيك وما قدرت بعتلك مساج اخر

ام مصعب لالا في رمضان ما نتفاهموش المطبخ محتاجك عندنا
وكي تطيبي عند عجوزتك ما تقدريش تصوري يا ب لكملتي وقعدتي ه

روحي عند يماك نص نص

وفاء وين راكي حنونة بالاكي كي تروحي للبلاد ما تدخليش هنا

اسيا انت تاني راح تخليني وحدي :(

مراقبة عامة للمنتدى

اوراسيتي راني هنا لكان نسافر نقدر ندخل للنت من دارنا

بصح كي نروح ند عجوزتي دبريها ههههههههه

المشرفة العامة للمنتدى

ههههههههههه الله يخليك اسيونتي هكذا نقول لبنتي ههههههههه

مشرفة القسم الإسلامي

السلام عليكم و رحمة الله و بركاته

كيف الحال
ربّي يسهّل برك في رمضان و السخانة تاع لبلاد إن شاء الله نحسن الصيام و القيام هذا هو المهم

أوراسية قلتلك ما نروحش بدون ما نودّعكم ما تخافيش
آسيا أم مصعب كاش ضحك ليوم
زينب الحمد لله شفتي كيفاش ربّي سهّلها عليك مبروك عليمكم الطهارة
أم يونس ما زال ما تدّيش العطلة و أم فريد وين راكي؟؟
إن شاء الله كامل تكونو ملاح

» بيت الاخوة يجمعنا بفرحة قدوم مريم
» ઊઇبيت الاخوة والمحبة لكل الاخواتઊઇ
» خيمة الاخوة والمحبة تستقبلكن حبيباتي يلاااااااااااااااااااااا
» بيت الاخوة والمحبة عندي في خيمة استرالية اتفضلو تلمكم الضيق فالقلوب هههههههه
» بيت المحبة و الاخوة من جديد