@@@مجلس الأخوة في الله@@‏ ღاجتماع القلوبღ

[ندعوك للتسجيل في المنتدى أو التعريف بنفسك لمعاينة هذه الصورة]



أهلاً وسهلاً بكم في مجلس الأخوة في الله حيث اختصار المسافات وتصافح الأرواح واجتماع القلوب وتناصح المحبين...فيه رفقة في الخير وصحبة مفعمة بعبق الوطن...تفوح منه عطر الأخوة وطيب القول وروح المرح.

السلام عليكم اخواتي الحبيبات كيفكم
نوارة مشكورة على البيت جزاك الله خيرا اختي
والبقية بدون ذكر الاسماء باه ما ننسى حتى وحدة وينكم
وين رحتو يا الغزالات طلو نقصرو شوية

السلام عكيم
نوره شكرا لك علىالبيت
خوخه راكي هنا كيفك كاش تحواس هههه

اهلين زيزي حمد لله كي طليتي من قبيل وانا داخلة خارجة ما بانت حتى وحدة
واش من تحواس حتى نشري لوطو ان شاء الله
راني قاعدة على اعصابي تعرفي زوجي نهار الاثنين يعدولهم قائمة المطرودين مالخدمة
وراني نخمم كيفاه نديرو وواش نديرو ؟؟؟؟؟؟؟؟؟

مانهدرشعلى التحواس الكبير ههه راكي تخرجي مه مريومه نو لا كيفاه
الله يسمعك اخبار مليحه و تبقى بلاصه زوجك
و علاه يا خاه للدرجه هادي وصلت الازمه الله يستر، راكي خوفتيني لا يديروها هنا

واه يا زيزي راني نخرج انا وياها كل يوم تقريبا نمشي باه كرشي تدخل هههههههههه نخاف تبقى خارجة و زجي عنده عقدة من الكروش ههههههه
زيزي اختي شركة نوكيا اللي يخدم فيها هو كل مرة تحبس الخدامة و زيد قالي راني نروح نقعد ما ندير والو هو ما راهش خايف قالي الرزق على الله بصح انا راني موسوسة
ربي يستران شاء الله لثنين نسمع خبر مليح

يعطيك الصحه راكي تخرجي بصح علاه المشي يدخل الكرش هههه
انا مانكدبش عليك كي نكون نافس مانقدرش نخرج حتى 20 يوم هههه راني مسوسه لا يقيسني هواء هههههههههههه
صح يا خوخه الارزاق بيد الله لي فيه الخير يجيبوا ربي

اهلا نجود كيفك وين كنتي ماتقوليش زدتي خرجتي شريتي القش ههههههههههههه
انا خرجت القش تاع الصيف زيد درك عاودت دخلته هههه جاء الشتاء من جديد

زيزي ما تخافي ماالو دفي روحك واخرجي انا نخرج ندي عمر للبارك يلعب ساعة ونرجع للدار كا يوم الخرجة غدوة تانيك ان شاء الله نخرج نبقى في الدار نقنط

اهلين نجود كيفك اختي حنا مازال عندنا البرد يقتل والله غير تحيري في دا الجو

[ندعوك للتسجيل في المنتدى أو التعريف بنفسك لمعاينة هذه الصورة]



السلام عليكم ورحمة الله وبركاته

دعاء لفلسطين

(( اللهم يا سامع السر والنجوى يا كاشف الضر

والبلوى اللهم يا سامع السر والخفيه يا من حوائجنا عنده مقضيه

اللهم يا مسبب الاسباب يا قاهر الاعداء يا هازم الاحزاب يا منزل الشتاء يا
مخرج الاموات يا هاذم الذات

يا كاشف الكرب يا سميع يا عليم يا بانيه السماء بغير عمد ما مسير

الارض بغير عون اللهم انصر اهل فلسطين على من عاداهم اللهم صوب

رميهم اللهم ثبت الارض تحت اقدامهم اللهم اجعل نار اعدائهم برد وسلام
على المسلمين

اللهم اجعل نار المسلمين تحرق الاعداء اللهم احرس المسجد الاقصى من

مكر الماكرين اللهم اقتل من قتل المسلمين

اللهم انصر شعب فلسطين على اعدائك اعدائهم اليهود اللهم اجعل لاهل

فلسطين النصره والعزه والغلبه والقوه والهيبه في قلوب اعدائهم اللهم

اشفي جرحاهم واطلق اسر اسراهم اللهم انصر مجاهديهم في سبيلك في

برك وبحركوجوي يا رب العالمين امين امين امين))

اللهم يا مسبب الاسباب يا قاهر الاعداء يا هازم الاحزاب يا منزل الشتاء يا مخرج الاموات يا هاذم الذات
يا كاشف الكرب يا سميع يا عليم يا بانيه السماء بغير عمد ما مسير الارض بغير عون اللهم انصر اهل فلسطين على من عاداهم اللهم صوب رميهم اللهم ثبت الارض تحت اقدامهم اللهم اجعل نار اعدائهم برد وسلام على المسلمين
اللهم اجعل نار المسلمين تحرق الاعداء اللهم احرس المسجد الاقصى من مكر الماكرين اللهم اقتل من قتل المسلمين
اللهم انصر شعب فلسطين على اعدائك اعدائهم اليهود اللهم اجعل لاهل فلسطين النصره والعزه والغلبه والقوه والهيبه في قلوب اعدائهم اللهم اشفي جرحاهم واطلق اسر اسراهم اللهم انصر مجاهديهم في سبيلك في برك وبحركوجوي يا رب العالمين امين امين امين__________________

والله نوره راهي رياضيه كبيره هههههه انا مانيش حابه نتخلع درك بالماتش هههه
نونو راكي هنا
راكي تسناي كاش وحده طل ههههههههه ،،هنا تاني البرد حكمني اكتئاب

هههههههههه يانونو هنا الفورنو تاع العماره هم لي شعلوه درك راهم زادو فيه
اما السريرههههههههههه راني درتلوا كارط تحته ههههههههههه انا تاعي ماعندوش 4 ارجل فهمتيني راهو جاي مستطيل من تحت هههه بالاك ترخف المسمار لي فيه ههههه

هههههههههه يا نونو راهي هنا
عندك لا تروحي و تخليني ههههههههههههههههه عاودتهالك ههههه
سقسي حنونه راني نسنا في السؤال

السلام عليكم مبروك البيت الجديد
حنا النت مهبلنا راه يتقطع على طووووووول

انا نحساب رايحه تقول لي وين تسكني ههههههههههههههههههههههههههههه
واش تقصدي بالجلباب كيما العبايه
شوفي بصراحه انا البس حاجه مستوره و عريضه نلبس lesjupes etpulle
نلبس الالوان خاصه الخمار ههههههههه بصح الحمد لله كلش مستور
زوجي قالي مره ديري الجلباب نمدلك واش تحبي ، بقا يحاول فيا انا مانيش مقتنعه و ربي يهديني
انا مانقدرش نقولك شوفي نفسيتك وراحه بالاك هده الحاجه لازم انت تكوني مقتنعه بيها ماش زوجك
كون تشوفي للرجاله يحبوا يغموا ههههههههه...........
و دايما الحجاب الشرعي هو الافضل و الارقى
زيدي شوفي البنات يساعدوك ههههه

oum hind jiti retard
kifek henouna

السلام عليكم
تسجيل حضووووووور

...[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم اسعد الله صباحكم احبت يكيفكم يا غاليات
البارح ما بان حتى حد من غير زيزي ونجود ونورة خير ان شاء الله واش بيكم
ام هند طلت وراحت
حبيبتي نجود شوفي اختي ديري الجلباب وانت مقتنعة بيه ما ديريش حاجة وانت مترددة فيها لانه هذا مشي زعاقة الا درتيه لازم تلتزمي فيه مشي بعد شوية وتنحيه لا
هذا رايي اختي
اما برا انا كنت نلبس لي كوستيم بصح ضرك الجلاليب خباطين تاع المغرب ولا جلابة تكون عريضة المهم مستورة

والله عندي زوج سلفاتي دايرين جلباب و ازواجهم فرضو عليهم باه يديروه ولكنهم في قلبهم مشي حابين يعني دايرين بالبسيف

السلام عليكم كيفكم
خوخه كيفك واش احوال كرشك ههههههههه
سوفيه ههههههه اسكتي برك على الجو و على المورال و على كل شيء ههههو السرير درك نولي كل مره نبدل حتى زوجي يكره و يقول لي هيا نحولوا من هده الدار ههههههههه
نجود كيفك وكيف احوالك مع الجلباب اسنيا فيفي تمدلك الخبر ههه
ان شاء الله ديريلنآلكوراج و نلبسوا حجاب شرعي
ميمي هدا النيت هبلك و هبلنا هههه

السلام عليكم
واش راكم
انا ميتةة بالتعب من الصبح وانا نجري مع الشغل والله نجري موش هدرة برك خايفة من عبدو والبكا تاعو والشغل متراكم
دوشت للذراري وسيقت وغسلت ملابس بيدي الغسالة حبست وكويت شوي ملابس والفطور مادرتش شريت لبن وخبز وقليت بيض ههههه اغتنمت فرصة غياب زوجي وطفرتها ف الاولاد
المهم وضرك صليت ودخلت
الله المستعان

ادخلو نحيو عليا العيا قصرو معايا

السلام عليكم كيفكم
نجود حبيبتي ربي يسهلك راكي ناوية على حاجة تاع خير وان شاء الله تكوني مرتاحة في قرارك
اختي سامية الحال من بعضه والله اللي يشوفني نجري من ومن يقول هذي ماراهيش قاع والدة
سفسف حبيبتي كيفك انت وكيفه يوسف
زيزي واشراكي ما خرجتيش تحوسي
ميمي اكيد النت راه مقطوع عندك الله يعطيك الصبر

انا راه في خاطري نروح نحوس للسويد كيما السنة الي فاتت بصح التفكير كيفش ندير لمريم وكيش نرضعها خايفة لا تغبني وهي صغيرة

السلام عليكم ورحة الله وبركاته


كيف حالكن اخواتي اشتقت اليكن

اهلين البنات
هههههههههه يا ام زينب بالشويه على روحك راني نتخيل فيك هههههههههالله يعينك
خوخه تخرج درك ههههههههههه عندك كوراج يا امره خلي تكبر مريومه شويه و روحي حوسي مع زوجك ههه
انا زوجي وعدني قالي نروحوا للحدود تاع المانيا ههههه راني نسنا
فيفي كيفك حنونتي . توحشناه هدا المورال لازم لوا طريحه زرقه ههه انا تاني راهو مهبلني يلعب بيا كيما يحب اليوم راني مفدوده
نجود كيفك حبيبيتي هادو الضياف غايرين من المنتدى علياه ديما يطلوا عليك ههههههههه

سلام يا لبنات كيفكم وكيف حوالكم
توحشتكم كامل
بصح راني علبالي متوحشتونيش على خاطر مسقسي توش عليا هههههه
ربي يحفظكم