&& one/two/thre viva l'algerie بيت جديد في خاطر كل الجزائريات &&

مشرفة ركن الأزياء

ربي يشفيك حبيبتي ام عبدو ويكون في عون زوجك

مشرفة القسم الإسلامي

يا آسيا في الغربة شكون راح يرفدك من غير زوجك لازم الله غالب

كيما أنا كي رحت نزيد بمارية خلّا عبد الرحمان عند صاحبو و جا قعد معايا حتى جات مارية و من بعد قعدت 3 أيام في المستشفى هو اللي كان شادو بصح نتي المشكل زوجك يخدم حاولي تولدي في الويكاند هههه

مشرفة القسم الإسلامي

بارك الله فيك نجود و الله هو اللي ما يحبش كي نوض من الفراش سينو راني في الكوزينة دركا ولّا كاش ما راني نخمل و على كلّ حال أنا ما دابيا هههههههههه

مراقبة عامة للمنتدى

ههههههههههههههههه يا وفاء ضحكتيني هو راه داير عطلة اسبوع في الموعد اللي راهم
دايرينهلي ههههههههههههه وراه خايف لا نتاخر وما نولدش في داك الاسبوع

وقالي روحي للمستشفى وحدك كي تولدي قتله ندخل نتكسل عليهم وحدي
ونقولهم راني جاية نولد هههههههههه اموا وصلني
قالي ما عنديش عمر كي نديرله
و زيد خايفة يحكمني الضر في وسط الليل
و لدي مسكين نغبنه
اهههههههههههه والله غيل راني حايرة تاع الصح
ربي يسهل برك

مشرفة القسم الإسلامي

آسيا ختي كل مشكل و عندو حل و هاداك اليوم ربي و رحمتو أنا مارية جات على 00 تاع الليل و عبدو كان راقد داه باباه عند صاحبو يسكن حذانا و رقد عندهم

و كي قلتي يدي كونجي هاديك السمانة مالا نتي عليك و على التيزانة تاع القرفة و الله سييتها في الحمل تاع عبدو خرج يجري

مراقبة عامة للمنتدى

يا وفاء اختي انت زوجك عنده صحابه انا هنا ما عنده حد مسكين كيفي كيفه
ما كانش اللي يشدلك

و قوليلي التيزانة كيفاش نديرها ما دابيك
وتانيك قالولي اشري زيت زيتون والولادة تجي ساهلة وبالخف
خاطرش راني ناوية ان شاء الله ما نديرش ليبيرادول

مشرفة القسم الإسلامي

خوخة ختي هاد الأمر فكريلو من درك ما عندكش جارتك مسلمة ديري فيها ثقة علا خاطر هو ماشي راح يخليه وقت طويل قيس ما تولدي برك

التيزان تشري أعواد قرفة و تغلي زوج في الماء و تشربي أنا نشفى شربت كاس واحد كبير رحت نجري للمستشفى طبعا تحسي لألم المخاض و كلّ شيء بصح في الولادة ما تعذبتش زلق وحدو و كلّش بتوفيق الله كثري من الدعاء ختي
أما الزيت زيتون والله ما علابالي

ياه على طريقة ومنكم نستفيد ههههههههههههههههههه

كيفاش اعواد قرفة يشربوها قبل ما تمشي تولدي سبحان الله لازم لي دروس في هادشي ههههههههههههههههه واخا راني ماحملاش لكن لازم نعرف

عضو مميز

أوراسية لاحول ولا قوة إلا بالله كنت نحسابة غير عند الغرب هذا الشئ ميش في بلادنا الله يسترنا
فيفي ربي يشفيك وآسيا متقلقيش كلنا في الغربة والحمدلله دايما ربي يفرجها يييه كون نحكيلك
نجود الله يسلمك على البوسة وصوارتي فسدت ما نقدرشي أنصورو وعندي غير الكاميرا بالاك فرصة أخرى

مراقبة عامة للمنتدى

وين راهم المسلمات هنا
انا ما نعرف حتى وحدة راني وحيييييييييدة [ندعوك للتسجيل في المنتدى أو التعريف بنفسك لمعاينة هذه الصورة]
ان شاء اله ربي يهلها وخلاص

هنا ساكنين حدايا غيل القور ما كانش عربي يمشي عليا نشوف من التاقة

عضو مميز

أم البراء شفتي خلوني ما ولدت وتعذبت بالسيزاريان وبدو يحطووو في الدروس [ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

ربي ايسهلك الولادة حبيبتي اسيا
زيت الزيتون تاني مليح بزاف اشربيه وادهني بيه كرشك
احنا هنا كيما انروحو نولدو ايقلولنا ولا جبتو الزيت كيما خلاص انعودو فوق الطابلة تدهنلنا بيه القابلة ايجي البيبي يجري

والله انت ولدتي بسيزاريان ياك ما تعدبتيش اختي سوفية

وقتاش ولدتي والله هادشي راه يخوف تعرفي نعرف ناس يحبون يولدو بسيزاريان

عضو مميز

أنا عادلي شهرين ولدت بسيزاريان وماحبيتهاش غير الله غالب بقى راس ولدي الفوق وما دارش

ادارة المنتدى

الله يسلمكم حبيباتي
راني كنت ندير فالتورتنة
درتولي القلب هههههههههههههههههههه

راهي خرجت هايلة
كي نقعد نحط الصور
ماشي كما تعاكم بالصح ماعليش تشبه هههههههههههههه

ادارة المنتدى

ايا لبنات ما تفكرونيش فالزيادة
ربي يهل على كل اخت

سوفية الله يكون في عونك والحمدلله انك بخير والطفل بخير الحمدلله رب العالمين

ميمي بصحة طورطا اختي ابعثيلي بحقي فينه هههههههههه

ادارة المنتدى

الله يسلمك يا دوسة
من عيوني ياريت تقدر توصلك

مشرفة ركن الأزياء

بصحتك اوراسيتي واش ايجي من يدك عسل
متنسايش الصور
والله سخفتوني انا تاني انديرها

مشرفة القسم الإسلامي

ولّيتو كامل ديرو في الطورطات مالا أنا تان راح نديرها هاد السمانة ان شاء الله واشبيكم تقعدو تشهو فينا و حنا نتفرجو

مشرفة القسم الإسلامي

أخواتي أنا نخليكم و الله ما راني مليحة و الحما نحسلها غير تزيد أدعولي
السلام عليكم

ام عبدو حبيبتي الله يشفيك ويعافيك طهور ان شاء الله

عضو مميز

أنا البارح عملت تارتة كيف هادي [ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

الله يشفيك حبيبتي ام عبدو اتهلاي في روحك
مع الف سلامة [ندعوك للتسجيل في المنتدى أو التعريف بنفسك لمعاينة هذه الصورة]

بالشفاء عليك فيفي لابي يرفد عليك

ما تنسايش ديري النوخة و معاها شوية زعتر غلي الماء و عمليهم infusion

10 دقايق مع عصير ليمونة و من بعد صفيهم و ديري معها aspegic 1000

ou 1 doliprane 1000 و رقدي تصبحي عرقانا و تريحي و دعيلي انا عملتها

الاسبوع الي فات و عملتها لابني كمان ريح

ميمي و الله غير اقشعر جسمي و حكمتني البردة من الخبر الي سمعته على المدرس

يا ربي درك هو الله يرحمه و زيد داك الولد راح في شربة ماء و خصوصا الوالدين الي

رايحين ينغبنوا يا ربي اجعل اولادنا من الصالحين و اهديهم يا رب

خوخة ما تخميش بزاف انا فريد خويا تاع فرنسا يوم الي ولدت زوجنه و بالسيزاريان

قعدة اكثر من اسبوع و قعد معاه ابنه كان صغير في عمره 18 شهر و نزيد نقولك خويا صغير

كان في عمره 23 سنة و قام بولده المسكين حتى الي خرجت زوجته من المستشفى

خوخة شربي زيت الزيتون كل يوم و كولي التمر بزاف قالك مليح و من بعد نقولك

واش تعملي نهار الي يجيك الطلق

ادارة المنتدى

اهلا جيجي كيفك حبيبتي
الله يسلامك نجود حبيبتي كلامك لعسل
فيفي ربي يشفيك حنونة
ما تنسايش تطمنينا عنك

مشرفة القسم الإسلامي

شكرا لكن أخواتي ربي يستجيب منكن

بارك الله فيك جيجي على الوصفة بصح واشنو هي النوخة أسمها يضحك يتشبه لخوخة {آسيا} هههه

و الله ما زال ما حبطت الحمى و أنا كي نولي في هاد الحالة نحب بزاف نتمهبل هههههه نعيط نسوطي ههههههه زوجي قالي باين عليك صح بلي راكي بالحمى هههههه و زيد جاتني على البركوكس واقيلة راني نتوحم هههه راني ندير فيه حبيت ناكل حاجة تاع عجين سخوووووووووووووووونة

مشرفة ركن الطبخ

ماسمعتش بلي مريضه يا فيفي

ربي يشفيك أختي

هههه ضحكتيني على النوخةههه

واش هيا ياجيجي هه

ملة راكي توحمي كل شي مبروك

ههه بركوكس

خوخة ارواحي تنفسي عندي نحكملك عمر

ونريد نديرلك رفيس وزريره ،،،،،،،،،هههههه

مراقبة عامة للمنتدى

ههههههههه يا فيفي راكي تزعقي عليا ههههههههههههههه
ربي شفيك اختي والله غيل غضتيني بصح سخفتيني كي قلتيلي بلي راكي دايرة البركوكس نمووووووووووووووووت عليه

زيزي والله راني غيل نخمم من قبيلة ونا نهدر مع زوجي في هدا الموضوع هبلته هههههههههه لكان جات عندي اخت كيما انت تسكن حدايا
واش يخصني
راني نفكر باه نجيب اختي عندي ومنعرت

خوخة ما تخميش خلي شوية راجلك يدي المسؤولية ههههههههه

خديجة لبنات ما عرفو ش واش هي النوخة ههههههه راهم يطنزوا عليك قالك تشبه اسمك

خوخة ههههههههههههه

شوفي فيفي عملي تيزان الي عندك في الدار و ديري عليها عصير الليمون و دوليبران

و تبربري في لاكويت و رقدي هههههههههه

مشرفة القسم الإسلامي

يا حسرة على التبربير مع الدراري ما شكيتش زوجي خرج من مقبيل ما حبش يفهم روحو و يولي حتى لعشا واقيل درتو في باطل

معليش آسيا خوخة و نوخة ما بيناتهمش بزاف بصح قوليلي جيجي واش هي النوخة

زيزي وينك

مشرفة ركن الأزياء

اهلين ام عبدو وشراكي تحسنتي شوية
ياختي خلي الراجل يتنفس اشوية هههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

مشرفة القسم الإسلامي

هههههههههه علاش غاضك نونو ههههه أنا نضت من لفراش غير باش نديرلو الماكلة و الله غير بالسيف لا وقفت و كي شافني وقفت هرب هههههه راح يصلي ما ولاش هههههه

و الله ما تحسنت و نيفي راهو en diré روبيني و تفتح ههههه و لمشاور ما نقلكش الحمد لله على كل حال

عضو مميز

أم فريد وشبيكي عملتيلنا الدوخة من النوخة ههههههههه حتى أنا حبيت نعرفها وشي ؟ راه عندي البرد والكحة [ندعوك للتسجيل في المنتدى أو التعريف بنفسك لمعاينة هذه الصورة]
فيفي طهور إن شاء الله بروفيتي برك ودلي مليح على راجلك [ندعوك للتسجيل في المنتدى أو التعريف بنفسك لمعاينة هذه الصورة]
آسيا قلت لراجلي هيا نروحو نسكنو في فلندا قالو مليحة ويخلوك تقري وتخدمي بالحجاب ...قالي ça va pas [ندعوك للتسجيل في المنتدى أو التعريف بنفسك لمعاينة هذه الصورة] راهو تقتل بالبرد هههههه

مشرفة ركن الأزياء

وانت شكون قالك نوضي حتان هربت الراجل هههههههههه
ربي يشفيك حبيبتي متعبيش روحك

مشرفة القسم الإسلامي

آمين يا سوفية ختي بارك الله فيك و ربي يشفيك و راني نحاول نخليه ما يتنفسش هههه

شفتي نجود تلعبتلي أنا قلت نوض و نوريلو بلي مالقري المرض نوقف في الكوزينة باش يقول مرتي فحلة شوية هو راح يبروفيتي ههههه

يا فيفي يا فيييفي ماعلاباليش النوخة واسمها ؟؟؟

رايحة نحوس عليها و نقولكم

مشرفة القسم الإسلامي

معليش أم فريد عندك الوقت حوسي بعقلك [ندعوك للتسجيل في المنتدى أو التعريف بنفسك لمعاينة هذه الصورة]

تصبحون على خير يا أحلى أخوات نروح نرقد الدراري و نستنى السبع يجي باش نتفاهم معاه [ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

هدا الي ايدير لمان في الرجار ههههههههههه
شوفي لكان رجع ليه ليه معليهش سامحيه بصح لكان طول بزاف عاقبيه 3 ايام متنوضيش من لفراش مام تكوني رتحت هههههههههه
انقولك حاجة تخذي بكلامي متعياي مروحة لداركم هههههههههه

عضو مميز

فيفي جامي تنوضي من لفراش وأنت مريضة قدام راجلك أنا كيف نكون مريضة يعمل روحو يعاوني وكيف يشوفني نضت حتى للمرحاض برك (حشاكم) يروح يجري هههههههه معاش نلقاه[ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الطبخ

hahhhhhhhhh ya bnet dahektouni
jiji wech hiya noukha hhhhhhh
noujoud soufya kifkoum
fifi raki thewssi 3la dlel hhhhhh
khoukha 3eleh metjikech 3jouztek hhhhhhh
et bebeh aussi hhhhhhhhh
oukhtek messkina wech tefhem hhhhhhhhh

مشرفة ركن الأزياء

اهلين حبيبتي ام مصعب وشراكي حبيبتي
وين راهم الصور تاع الاولاد منسيتش راني نستنا

مشرفة ركن الطبخ

wech raki nounou wech rahi 3jouztek
hhhhhh 3ela tssawerrani hotithoum kbel metkouni enti keyna hhhhhhhhh
wech rahou ness guelma
bassah megoultich win toussekni hahhhhhhhhhhhhhh

مشرفة ركن الأزياء

هههههههههههههههههههههه والله اقتلتيني بضحك
ياويلي منستيش ههههههههههههههه ربي ايخليك والله انموت علبك
والله عجوزتي الحمدلله راهي بايتة عند اختها
علبيها انا راني معاكم
خسارة مشفتش صور الاولاد بصح معليهش زيدي حطيهم في خاطري
سينو انهبلك بالهدرة عليكم ههههههههه
احبببببببببببببببببببببببببببببببببببببببببببببببببببببببك

مشرفة ركن الطبخ

هههه يا نجود

هبلي على روحك

كي تقولي لي وين تسكني نبعتلك تصاور حتى من تاعي هههه

ملة وقيله نبقاو نهبلو في بعضنا هههه

مشرفة ركن الطبخ

noujoud meqoutlich beli souhad asslha men guelma hhhh
arwa7i hna ya souhad

نجود علاش راكي تهبلي في زيزي المسكينة قوليلعا وين تسكني

باش كي تهبط للبلاد تجي نزورك و لا ماراكيش حابة هههههههههههههههه

مشرفة ركن الأزياء

صار هكدا حبيبتي ام مصعب امالا انا معنديش خاطر عندك [ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

لالا حبيبتي ام مصعب عجوزتي راحت عند ختها في قسنطينة
سهاد لصلها من قسنطينة

مشرفة ركن الطبخ

[size=18][/

هاي جات لي دافع عليا

شفتي يجيجي عندي قريب شهرين نحاول فيها ههه

لا يا نجو د خاطرك كبير عندي size]

» &&& بيت جديد في خاطر التليتلي تاع فيفي .......جوزوا يا لبنات ههههههه&&&
» بيت الاخوة والمحبة يجمعنا من جديد هلمواااااااااااااااا
» البوم *فارتق* للمنشد ابو خاطر
» && بيت المحبة من جديد .......اجيو تشعبنوا معانا &&
» && بيت المحبة من جديد ........مضت عشرون يوما من رمضان &&