فرحة الاسرة الجزائرية وبناتها مع العيد*** كل عام وانتم بخير*

السلام عليكم
صبااح الأنوار علي الجميع مازلتوا راقدات

السلام عليكم ورحمة الله وبركاته

اهلاااااااااااااااااااااااااااااااااا اخواتي الحبيبات كيراكم لباس عليكم


سامحوني راني غير مع الرحيل البارح نهار كله وانا مع اثاث البيت نقلوه الدار جديدة

راني مازال ما كملت الاثاث كله

الى ما دخلتش تعرفو اني مع الرحيل


احبكن في خالقي

فييييييييييييييييييييييييييييييييييييييييييييييييييييييييين ميمي توحشتها وباقي الاخوات

السلام عليكن أخوات أسعد اللله صباحكن

يا أم البراء ري يعينك أختي الرحيل ما راهوش سهل أنا حتى الآن مازال ما سقمتش كلّش في داري الجديدة

أم مصعب واش راكي تهنيتي من مصعب أكيد راه في المدرسة ههه أنا عبد الرحمان ما راحش اليوم و ديجا راه خرجني من عقلي

أم يونس راكي في العمل ربي يعينك أخية و يوفقك

أوراسية مازال ما بانت أكيد عندها مشكل في النت

الله ينورك اختي ام عبدو والله شيء مو سهل امبارح نقلت اغراض المطبخ ورتبته كله هههههه راني حادكة هههههههههههههه والاصعب مازال ربي يسهل والله تعبت

كيف حالك اختي ام عبدو والاولاد لباس عليهم

ميمي توحشتها واش ما دخلاتش امبارح

و الله الحمد لله أختي الواحد يطلب من ربي الصحة و السلامة في الدين و ما عدا هاد الزوج كلش يهون

الأولاد لاباس عليهم برك مارية مهبلتني بزاف في الليل تبات ترضع و ما تحبش ترقد في فراشها و أنا عييت خلاص

ربي يفرحنا بيك و نسمعو بخبر حملك عن قريب إن شاء الله

أنا خملت كلش بصح بقالي الصالون ما راني فاهمة فيه والو و المكتب تاع زوجي الكتب عمرو كامل الدار ما نيش عارفة وين نحطهملو

الله يحفظ لك ماريا اختي ام عبدووووووووو


يوووووووووووووه لا تفكريني في كتب زوجي استاذ وعنده كتب كثيرة كنت نسيتهم ملي جمعتهم فكرتيني بهم هههههههههههههههههه فين نعملهم

يا أم البراء أنا زوجي درتلو غرفة وحدو يحط فيها المكتب تاع الكمبيوتر و عمل ثلاث مكتبات للكتب و ما كفاتش و مازال كاين كتب في الكارطون هههههه قالي نحطهم في الصالون ههههه استفرد بغرفة ليه وحدو و ما زال ما شبع ههههههههههه
على كلّ ما كانش أحسن من الكتاب يقولون خير جليس في الأنام كتاب

بارك الله فيك طمنتينا على الأوراسية ربي يرجعها لينا بالسلامة

وفيك بارك الرحمن اختي


والله عندك الحق نخاف حتى انا يقولي نحط الكتب في صالون هههههههههه

انا بحب كتب البخاري وكتب الدين هي اللي نحطها في الصالون كتب قيمة

وخا ديري متكب وغرفة لوحده فيها غير كتب يجيبهم لك في الصالون هههههههههههههه

وش راكم بنات
ميمي سلامه كمبيوتر
ماتخفيش المنتدي راح بخير في أيدي امينه ههههه
دوسه وفيفي سخفتوني
نخر ج من هذ الدار معليش نحمل كلش وحدي ههه
أنا عندي ٤ سنين مين حولت درك راني كرهت من هنا
أدعولي بالله عليكن

اهلا ام مصعب كيف حال مصعب حبيبي

الله يسر لك ان شاءالله وقريب تبدلي حتى انتي الدار

كيف حالك اختي ان شاءا الله بخير

أهلا أختي الحبيبه

والله تعرفي راني قلت لمصعب وش قلت
ههههه تعرفي قالي اسمها دوجه؟؟؟؟ ههههه
قال لك أني بخير والله
راهو مهبلني كان في المدرسه ،، يرجع علي ١٣ سا و ٣٠ د
يا رب أنا تاني ارحل
ربي يرزقك بنوته أو ولد يملي عليك الدار الجديده أن شاء الله -

هههههههههههههههههه الله يحفظه لك يارب

احلى بوسة مني له حبيبي مصعب


اللهم امين حبيبتي اللي فيها الخير يجيبو ربنا بس بتمنى انه قبل ما اولد اروح للحج والعمرة ان شاءالله

بارك الله فيك حبيبتي ويارب عقبالك الدار حتى انت

البوسه وصلت يا دوسه
أن شاء الله يتحق حلمك وتروحي الحج
حتي الأولاد ملاح في ألغربه
أنا لو لا أولادي ماقدرت أقعد هنا دقيقه واحده

السلام عليكم حبيباتي كيفكم
راكم مع الرحيل هههههههههه
البارح قالي زوجي ما تخميش في الرحيل ضرك حتى تولدي
وانا راني باغية ضرك نرحل باه نعدل روحي هههههههههه

دوسة ربي يعاونك راكي وحدك الله يكون معاك الرحيل صعيب كيما قالت فيفي
ميمي توحشناها والفت كل يوم طل عليا في المسنجر هي سوسو ما علاباليش علاش ماركيش تتكوناكتي خير

الحمد لله حبيبتي دوسة والله دايما تعبانة ربي يسلكني على خير راني مقهورة
مكانش اهلي حذايا

عمر يسلم عليك حبيتي ان شاء الله عتبة خير على بيتك ويكون مربوح ان شاء الله

وتشوفي اولادك فيه يـــــــــــــــــــــــــــارب

الله يكون معاك اختي اسيا ويسهل لك في ولادتك حبيبتي

السلام عليكم
لبنات واش راتكم كل وحدة باسمها
وصح عيدكم واهلا بالغائبات وربي يرد المتغيبات
انا كنت شوي مشغولة مع اختي مع الحلوى تاعها و مع الملابس تعرفو خرجتني واحد اليوم باش تشري ربة تاع سواري تعرفو كرهت حياتي من التدوار معاها ذوقها صعيب وانا كي كرهت الربة لي نشوفها نقلها هادي هايلة تجيك ههههههههههه باش ندخل لدار وف الاخير شرات وحدا
المهم غدا يكون الخاتم تاعها ودفوع المهر جاتها بالزربة
وانا راني رايحا اليوم للدار يلا كتب ربي
وسلامي ليكم كامل
وربي يخليكم

سلااااام بنات واش راكم
كنت اليوم شوية مشغوولة
خداوج يسال عليك الخير
مبروووك على ختك أم زينب ربي يتمملها على خير يارب
تحياتي للجميع

كلشي مبروك على اختك سامية
ان شاء الله الطيب والهنا يا رب

كلشي مبروك أختي زينب ربي يتمملها بخير و ديريلنا الخطوبة على المباشر ههههههه

آسيا كولي مليح حنونة يروحلك التعب هاذي هي حال الحمل

سهاد ألف سلامة عليكي حبيبتي

ان شاء الله يكون بسيط وما يكون من القلب وانتي ما تسكتي على حالك روحو الدكتور وان شاء الله بتطمئني

معاافاه يا رب

صباح الخير

جمعه مباركه للجميع

جزاكي الله كل خير أم مصعب

بارك الله فيكي

السلام عليكم كيف حالك أم مصعب إن شاء الله بخير أنا النت راه متعبني من البارح في الليل و هو مهبلني اليوم زوجي راح يشتكي قالولو راح نبعتولك برية فيها لي مو دو باس عاودهم و راح تتسقم

أوراسية توحشناك أختي البيت بلا بيك فيه نقص كبير

ان شاء الله يكون بسيط وما يكون من القلب وانتي ما تسكتي على حالك روحو الدكتور وان شاء الله بتطمئني

معاافاه يا رب

يسم الله ماشاء الله شهيتونا الله يعطيكم صح عيد كم مبارك
الله يعيده علينا بصح والعافية بثواب والاجرى

السلام عليكم واش أحوالكم أخواتي
سهاد أختي ربي يشافيك و ما يكون غير الخير و الله الصحة نعمة كبيرة من رب العالمين و أنا تان كلّ ما نخرج من مشكل في صحتي ندخل في مشكل آخر و الأطباء ولّاو جزء من حياتي
ربي يشافينا و يعافينا

أم فريد ربي يفتح عليك أختي واش راكي مازالك في الحانوت و كاش جديد؟؟؟
أم مصعب واش بيها آسيا ما بانتش خير إن شاء الله