اليوم جبتلكم طبق جزائري تقليدي ومشهور خاصة في منطقة الشرق الجزائري
وهو التليتلي
اليكم المقادير
بالنسبة للمرق
حبة بصل كبيرة او متوسطة حسب افراد الاسرة
ثلاث الى اربع سنينات ثوم
حبة طمامطم
شوية كسبر
راس الحانوت
فلفل احمر مرحي
مغرفة صغيرة ملح
خضر :جزر +قرعة او جرويات بطاطا ممكن
زيت
اللحم او دجاج
التحضير
ضعي اطراف اللحم في طنجرة وضيفي عليها نصف كاس زيت
خليه يتقلى مليح
قطعي البصل والثوم والطماطم
وضيفي التوابل والملح
ثم ضعيهم على اللحم
وزيدي كاس ماء وخلي الكل يتقلى فوق نار هادئة
من جهة قطعي الخضر طوليا
ومن بعد ما يتقلى اللحم مع التوابل والبصل ضيفي لتر ماء
وضيفي الخضر
نممكن تحطي شوية حمص يكون مشمخ من قبل
من جهة اخرى ضعي التليتلي في طوعاء كبير ضيفيله الزيت
ثم ضعيه على قدر بخار
فوريه ثلاث مرات الى اربع وفي كل مرة اسقيه بالمرق الي راه يطيب
من بعد ما تطيب الخضر واللحم
نحيهم بجيه
وضعي التليتلي في المرق حتى يتشرب
وعندد التقديم حطي فوقه الخضر +اللحم
الصورة جابتهالكم من منتدى اخر يعني ماشي من عندي لاني ما قدرتش نصور الطبق