السلام عليكم اخواتي اليامات لي فاتو درت الشيفلور وكل واحد وطريقتو احنا في دارنا نديرو هادا وساعات يما ديرو بالدرسة مممم
انا نحب هادا وبنين بزاف
لمرق الاحمر
بصلة مرحية نقلو مليح مع لحم والبهارات ونضيفو طماطم مرحية ونقلو كمليح ونديرو كاس ماء ونخلو اللحم يطيب كي يطيب نحوه نحمروه فالكوشة وضيفي الحمص والبطاطا للمرق ويفضل يكون حار مممم ومنبعد ضيفي ملعقة طماطم وخليه شوية يطيب والا خص ماء زيدي شوي
للخلطة نجيبب بول نحط فيه شوية حليب وبيضة جبن مبشور زعفران راس حانوت وملح معدنوس شوية خميرة ونحط الفرينة حتى يعقد شوية وخلاص
طريقة تحظير الشيفلور
اخواتي نجيبو شيفلور نقوه ونغسلوه ونقسموه مرسوات ملاح منش صغار بزاف نغلوه فالماء ربع ساعة مالازمش يعود طري زبدة راه يتكسرلكم نجيبو خلطتنا نغمسوه فيه ونحوه بشوكة ونحطوه في زيت ساخن وكي يحمار من جهتين نحوه
ونحطوه فوق المرق وندير لحم المحمر وهاهو
[ندعوك للتسجيل في المنتدى أو التعريف بنفسك لمعاينة هذه الصورة]