بيت المحبة والاخوة يوم العيد*/*بيت خاص**

السلام عليكم حبيباتي
عيد مبارك وكل عام وانتن بخير
وعائلاتكم واولادكم واحبابكم
تقبل الله منا الصيام والقيام
واعاد العيد علينا بالخير والبركة
اتفظلو ليكن عيدنا مع الاسرة الجزائرية عيد خاص

جبتلكم السينية ويلا معي نشرب قهوة العيد


[ندعوك للتسجيل في المنتدى أو التعريف بنفسك لمعاينة هذه الصورة]

صححححح عيييييييييييييدكم وكل عاااااااااااااااااااااااااااااااااااااااااااااااااااام وعضوات منتدى الاسرةةةة الجزااااااااااااااااااااااااااااااائرية بخيييييييييييييييييييييير

عيدكم مبارك اخواتي وكل عام وانتم بخير
الله الله ما شاء الله لا قوة الا بالله
الله يخليك لينا مديرتنا لحبيبة وتتهلاي فينا

قهوة كاملة ما شاء الله
يعطيك الصحة وربي يجعلوا خير دايم
انا امالالا نقعد هنا نعيد ونتقهوة
بالصح وين راحو لبنات
نستغل الفرصة وندي كل شيء وحدي ههههههههههههههه
لالا نخليلكم شوية خوتاتي ونحبهم

[ندعوك للتسجيل في المنتدى أو التعريف بنفسك لمعاينة هذه الصورة]

اتفظلوا حلوياتي

صح عيدكم كل عام وانتم بخير ينعاد عليكم بالصحة حلويات ماشاء الله سخفتوني بالهبيط للبلاد كثر ااااااااااه

صح عيدكم صح عيدكم صح عيدكم

ياخاالات

اليوم توفى خالي
نعم اليوم صباحا توفي خالي والله ماما تبكي بناتو يبكون والعائلة تبكييييييييييي

العيد ساااااااااااااااااامط رهجججججججججججججججججج

دعواتكم له بالمغفرة وان يسكنه ربي فسيح جناته

آآآآآآآآآآآآآآآآآآآآآمييييييييين يااااااااااااااااااااااارب آآآآآآآآآآآآآآآآآآآآآآآآآآمييييييييييييييييييييييييييييييييييين

سلام يا لبنات صحا عيدكم جميعا و الله العظيم المورال راه هابط

بخبر وفاة اخونا اخو اختنا ميمي ربي يصبرهم و يغفر له و يسكنه فسيح جناته

اللهمّ تغمده برحمتك

مارانيش قادرة نقعد في المنتدى

ااااااااااااه يا ميمي لو كان جيتي قريبة نجي نواسي اختي [ندعوك للتسجيل في المنتدى أو التعريف بنفسك لمعاينة هذه الصورة]

ربي يصبركم ميمي الدعاء برك البقاء والدوام لله

صباح الخير حبيباتي واشراكم لاباس

ميمي توحشناك ارجوك ادخلي نطمنوا عليك و تنحي ضيقت الخاطر شوية

الحزن في القلب كنت حابة نتكلم معاك بصح للاسف ماعنديش رصيد

السلام عليكم
اهلا وفاء والله ربي ف عونهم وربي يرزقهم الصبر وان شاء الله ربي يخلف عليهم مصيبتهم خيرا امين
يا لبنات ارواحو نتونسو ونواسو اختنا اوراسية حتى ترجع بالسلامة وربي يقدرها واهلها على تجاوز المحنة وربي يبارك لها في اهلها

وفاء مازال سمانة الجاية روح مازالي 6 ايام
راني نرعد
اوراسية وين راكي حونتي المنتدى صامط بلا بيك

السلام عليكم اخواتي كيف حالكم
اشكركم جميعا وبارك الله فيكم
اخواتي راني دخلت البارح ورديت عليكم في موضوع التعزة
ربي يجازيكم كل خير
نعم انه قضاء الله وقدره
ولا نملك الا طلب المغفرة والرحمة له والصبر لوالدتي المسكينة وزوجته واولاده
جزاكن الله كل خير

السلام عليكم حبيباتي
نسال الله ان يتغمد فقيد اختنا اوراسية برحمته

والله جيت نقولكم عيدكم مبارك لقيت الخبر
واش نحبو هذه هي الدنيا
البقاء لله

الحمد لله اللي طليتي اوراسية اخوكي كبير ياحليل زوجتو واولادو يعني مات مريض ربي يرحمو يارب ويصبرو يماك ومرتو وولادو والله صعيبة
وفاء هادا الشئ اللي مقلقني ومانشبعش نضل نبكي

السلام عليكم ورحمة الله
واش حال الاحبة ؟؟؟
أوراسية الحمد لله على رجوعك لبيتك الثاني و يارب تكون آخر الأحزان
أين هي آسيا و أم مصعب ؟
أم بوثينة ربي يلاقيك باهلك بخير وعلى خير دايما
أم زينب كيف راكي مع الحمل ؟
أم عبدوا أم فريد أم هند و البقية كيف حااااالكن

السلام عليكم اخواتي
كيف حالكم
اتمنى ان الجكميع بخير
والحمد لله على عودتك لنا اوراسية

ربي يثبتكم ويصبر الوالدة الكريمة وكل الاهل
انا لله وانا اليه راجعون


كنا فرحانين بالعيد والحلوايت وووووووووو ولكن بعد نبا الوفاة
صماط كل شيء
هذا حال الدنيا كلنا لها وما حد راح يبقى فيها
كل من عليها فان وما يبقى الا وجه ربك ذو الجلال والاكرام

واش راكم اديرو يا لبنات
انا من لي فات رمضان ماعرفتش واش نطبخ
نسيت كل شيء
مازالت نفكر غير فالشربة وحوايج رمضان
درت الكسكسي بيوم العيد ومن بعد تخلطتلي دبرو عليا
ههههههههههه

صح أم البنات رمضان رحمة بكل شيئ تطبخي مرة وحدة و كل شيئ باين
بصح درك تخمي في الفطور و العشاء و مرات ماتلقايش واش ديري
بصح مثلنا أحنا يامات شوية ذخل البرد لازم الصوالح السخونين
شربة أو حريرة أو رز أو عدس أو كسكس او البركوكس .........الخ
قولولي بنات وينها آآآآآآآآآسيا ؟؟؟؟؟

السلام عليكم حبيباتي
اهلين ام البنات
اهلا ام بثينة ربي يوصلك على خير وتستمتعي مع اهلك
ام عبدو احبك الله يا حبيبة
ام انوس كيف وكيف يونس
اسيا راهي مسافرة فالبلاد هي وام مصعب راهم قريب يرجعو
ان شاء الله

السلام عليكم
اهلا اوراسية واش راكي اختي
ام يونس الحمد لله على سلامتك وتقبل الله منكم مناسككم درتي عمرة على ما اظن ربي يتقبل وانا الحمد لله مع الحمل راني دخلت للشهر الرابع وضرك الحمد لله كملت الوحم جاني صعيييييييب والان الحمد لله راني نتحسن خاصة كي رجعت لي الشهية كنت من قبل نشرب برك اللبن وناكل خبز الشعير
ام البناتربي يكون ف عوننا الكوزينة راها سجن مؤبد لينا ههههههههه ضرك كيما قلت ام يونس بقا حق العدس والبركوكس والعجائن
وفاء واش راكي اختي مازالك ف داركم ولا رجعت لدارك ربي ف عونك
ام هند واخواتي الاخريات لكم مني كل الاحترام والحب

اخواتي القلب يتقطع لفراقكم جيت نبقيكم على خير مازالي 3ايام والرابع نروح فيه ومع جا مع الويكاند ماشكيتش نقدر نطل المهم اسمحولي كاملين ودعواتكم ليا ربي يسهلي ونفرح وماانساكم من الدعاء يالله اللي تريزارفي بلاصة ههههههه يالله نخليكم في رعاية الله وحفظه وسلامي للغايبين ام مصعب واسيونتي والله خلاو فراغ رهيب
اوراسية تهلي في روحك حنونة والله كنت رايحة نطلب التيليفون ونعزيك والله ربي اللي عالم انس داير حالة لبكا والتخمال تهلاو في رواحكم
لحظة حنين ااااه كم ساشتاق لكي حنونة تهليلي فالمنتدى هههه
سلام
احبكن في ربي

صباح الخير بنات واشراكم لاباس

ميمي واشراكي اختي خبريني على خالتي راني ديما نخخم فيها ربي يعطيها الصبر

يعطيكم كامل الصبر و خاصة الزوجة و الاولاد

أصبحنا وأصبح الملك لله والحمد لله لا إله إلا الله وحده لاشريك له. له الملك وله الحمد وهو على كل شئ قدير.رب أسألك خير ما في هذا اليوم وخير ما بعده وأعوذ بك من شر ما في هذا اليوم وشر ما بعده. رب أعوذ بك من الكسل وسوء الكبر رب أعوذ بك من عذاب في النار وعذاب في القبر


اللهم أنت ربي, لا إله إلا أنت , خلقتني وأنا عبدك, وأنا على عهدك ووعدك ماستطعت, أعوذ بك من شر ما صنعت, أبوء لك بنعمتك علي و أبوء بذنبي فاغفر لي, فإنه لا يغفر الذنوب إلا أنت



اللهم إني اسألك العافية في الدنيا والآخرة. اللهم إني أسألك العفو والعافية في ديني ودنياي وأهلي ومالي, اللهم استر عوراتي وآمن روعاتي, اللهم احفظني من بين يدي ومن خلفي وعن يميني وعن شمالي ومن فوقي وأعوذ بعظمتك أن أغتال من تحتي


اللهم إني أصبحت أشهدك وأشهد حملة عرشك و ملائكتك وجميع خلقك أنك انت الله لا إله إلا أنت وحدك لا شريك لك و أن محمداً عبدك ورسولك

حبيبتي ام بثينة ربي يوصلكم في امان ان شاءالله

و تفرحي بوالديك و اخواتك و كل الي يحبوك و ينتاظروك

و احنا تاني ماتنسايناش من توصلي و تريحي طمنينا عليك

يوم طيب و مبارك لكل الغاليات احبكم في ربي
بدون استثناء

جمعة طيبة حبيباتي بارك الله فيكم جميعا
اختي ام زينب جزاك الله خيرا
اختي نجاة ربي يوصلك على خير وما قصرتو راكم قمتو بالواجب واكثر ربي يجازيكم كل خير اتهلاي في روحك وولادك وطمنينا كي توصلي راح تخليلنا فراغ كبير كما لبنات

جيجي اسعد الله صباحك يا اخية الله يطمن قلبك امي تسلم علسيك بلغتلها سلامك وسلام كل الي حملوني السلام لها تسلم عليكم وتقولكم ربي ما يوريكم الي شفتو وهذه ارادة الله راهي صابرة والحمد لله
والي فالقلب يعلم بيه ربي
هي تبان مدايرة الكوراج وصابرة بالصح وجهها يعطي لخبر ربي يكون معاها ومع بناته وزوجته وابنو الصغير يشف
هذا حال الدنيا ربي يرحمو ويوسع عليه
وبارك الله فيكم جميعا اخواتي

اهلين نور بارك الله فيك على التذكير يا اخية
خير جيجي شغلتي بالي عنك وما عندي رصيد اتصل بيك
كيفك واش كان غير الخير طمنيني عنننننننننك
اختي وفاء ويييييييييينك؟ ما ظهرتي طمنيني عنك وعن حال عبدو
ام زينب كيف الحال؟
زمردة بووركتي على اتصالك اسعدني كثيراا

ام يونس اكيد اليوم بالبيت
احنا الجو شتاء عندنا امطار كثيرة وبرد شديد
اسيا مريضة عندها الحمى راهي راقدة

لا حول ولا قوة الا بالله


انا لله وانا اليه راجعون
ما دخلت منيوم العيد
واسفة اني اجد هذا الخبر
ربي يصبركم اختي
عهذا قضاء الله وقدره
ولا نملك الا الدعاء له بالمغفرة ولاهله بالصبر

تحياتي لكل الاخوات الحبيبات
اشتقت لكن كثيرا
احبكن في الله

سلام عليكم صح عيدكم والله توحشتكم بزاف

توحشك الخير اختي مارية
احنا تاني توحشناك
هذه مدة ما شفناك
كيفاش فوتو العيد فالغربة ؟
نتمنى عودة بقية الاخوات

السلام عليكم اخواتي
تحية طيبة
اهلااوراسية ربي يثبتكم اخي ويصبركم
اهلا مومنة
مارية توحشناك كيفك حنونة
ام فريد ربي يفرج عليك اختي
ام بثينة تروحي وترجعيلنا بالسلامة سنفتقدك حبيبتي

نورة دايما تنورينا
تام عبدو فينك
والبقية لكن اجممل تحية

السلام عليكم
كيفكم حبيباتي
توحشتكم
يارب تكونوا بخير
تحياتي للكل

ربي يفرج همك ام فريد ويبدل عليك بساعة الخير
اهلا مؤمنة وام هند وماريا
اوراسية ربي يشفيها اسيا جا وقت الزكام ان شاء الله ربي يحفظلك وليداتك وليداتنا اجمعين

اهلا يا بنات نورتونتا
كيف حالكم
ان شاء الله اختي ام زينب