رمضان في الغربة

salam aalikoum wramadan mobarak warabi inchaallah yatkabel mina aseyam walkyam wa yo3ina aala dalik
ana djazairya a3ich fi london wach nkoulek khti manhassouch bramdan ghir ki yalhak krib laftour wndirou lcanat taa dzayar bach nhasou chwiya bsah elhamdoulillah aala kol hal rana nhawlou ndirou l embiance taa bladna nchallah rabi ykaderna wnkoulkoum saha ftourkoum wsalamaalikoum

صح رمضانكم بنات بلادي
ربي يقدركم على الغربة
المهم تشدو في دينكم
صح رمضان هنا تحسي بيه في كل مكان فالبيت في برة كي تخرجي فالمساجد
وانتم الحمد لله الي كاين وسائل تتواصلو بيها مع الاهل
ربي يثبتكم
وكل عام وانتم بخير

mbe3d nerje3
nferegh qalbi hhhhh

كل عام وانتم بخير
الحمد لله
كاين منتديات كما هك تتلقاو مع اخواتكم وتحكيو وتديرو جو خاص برمضان
اهلا بيك اخت ام تسنيم

صح رمضانكم
الحمد لله على كل حال انا في الغربة كيما يعلم البعض منكن ونحس دايما بشعور النقص انتاع العائلة كيما اي وحدة ولكن النهار يفوت بسرعة انحاول نخلق في بيتي جو تلقايني نقضي الحوايج الخاصة برمضان لما يقرب وانطيبو كيما البلاد حتى الكسرة والمطلوع الشربة والبوراك والطاجين كيما انتوما اخواتي المغتربات وعندي في التلفاز القنوات العربية والجزاير ونسمعو فيهم الادان وكاين حصص دينية رائعة وزوجي يروح تراويح ونقراو القران وبدون ماننسى لمتنا الرائعة على النت اللي نحكيو فيه على كل شيء يعني الواحدة فينا لازم تقنع نفسها فقط وتحاول اتوالف والحمد لله وسائل الاتصال متنوعة والاهل ارجعنا نحكيو امعاهم ونشوفوهم عبر النت والهاتف الان عند الناس كامل المهم نقول هكدا باش نصبر وانصبركم

ربي يعينكم اخواتي
وكما قالت اختي سناء
رانا هنا عبر النت نتلموا من كل مكان
ونحكيو وننصحو بعضنا ونذكرو بعضنا ونفرفشو مع بعض

تقبل الله منكم

رمضان هنا في اسبانيا سامط والله بس واش ندير يفرج ربي

اهلين مارية ربي يفرجها عنكم
المهم تشدو في دينكم
وراكم خير من هنا
غير الاهل الي ماكانش

اوراسيه اختي واش راكي انتي وين ساكنه عرفني علي روحك

اختي مارية انا من ولاية باتنة
متزوجة وعندي اربع اولاد
واعمل استاذة ثانوي

اوراسيه اختي مشاء الله ربنا يحميهم انا عندي ولد عمره عامين وولدت من 28 يوم جبت ملاك انا اهلي يسكنون في العاصمه

السلام عليكم حبيباتي واش من رمضان صامط بلا الاهل والله تعياي طيبي وتخلقي اجواء صامط والحمد لله على كل حال اختي ماريا راني فايتة لاسبانيا واقيلا نضرب عندك دورة هههه

ام بتيعرفيني عنكنه ارواحي عندي حنونتي مرحبا بيك والله نفرح بزاف انتي وين عايشه

ام بتينه مرحبا بيكي والله نحطك فوق راسي اروحي اختي انتي وين ساكنه عرفيني عليك

ربي يكون معاكم اخواتي والحمد لله رانا معاكم لحظة بلحظة وان شاء الله نقصو عليكم شوي حرقة تاع الوحش
برك ربي يتقبل ورانا هنا معاكم اخواتكم وننقلو لكم البت المباشر من السوق الى لاكوكوت الى اذان المغرب الى التراويح برك كونو معانا

اختي ماريا ميمي انا ساكنة في طرف الدنيا في استراليا وراني هابطة للبلاد ومنها نفوت على اسبانيا نقعد حوالي 8ساعات قالي راجلي نريحو فالمطار قتلو والو ربي بعثلي نشوف لبلاد خرى يالوكان نخرج ساعة ههههه انتي قريبة لمطار اسبانيا

ماريا ميمي كلي جيت عندك ربي يحفظك حنونة كريمة

ام بتينه حنونتي مرحبا بيك ولله نفرح بيك اختي شوفي انا عايشه في zaragoza هي شابه بزاف فيها لزاف ناس لي تحوس انتي تحبطي في مطار مدريد وبرشلونه

ام بتينه شحال عندك غربه وشحال عندك دراريه وانتي من وين من جزاير

وبن راكم راكم مشغولين انا نروح نرقدشويه نتلقو من بعد صح فطوركم

ماريا انا في مطار مدريد الا كتب ربي وعندي بثينة 3سنين ونص وانس الصغيور عندو يزيد 3 ايام يكون عمرو 5شهور والغربة راني في 4 سنين كرهت

حنونتي والله مطار بعيد عليا 3ساعات طريق في سياره بسح لكان تحبي جي تريحي والله انجي نديك

ماريا ميمي 2009 كتب:

حنونتي والله مطار بعيد عليا 3ساعات طريق في سياره بسح لكان تحبي جي تريحي والله انجي نديك

ياعمري ياماريا والله كريمة ربي يحفظك حنونة علابالك 7سوايع ماشي حاجة نريحو فالمطار حتى تجي دالة الطيارة لخرى ربي يحفظك ويعيشك والله فرحتيني