بيت المحبة و الاخوة من جديد

مبروك البيت الجديد ام فريد البيت انفتح
وآذان العصر يأذن عندي
فال خير ان شاء الله

الله يسلمك حبيبتي خديجة
هذا بيتنا و الله العظيم نلقى روحي فيه اكثر من بيتي ههههههههههه

غير ندخل للمنتدى هو الاول

ربي يخلينا لبعضنا

[ندعوك للتسجيل في المنتدى أو التعريف بنفسك لمعاينة هذه الصورة]

،كلحتيني يا حنونه مرسي أم فريد
أنا نكتب في القديم هههه

اوراسية راني بعثتلك رسالة على الخاصة
ما نيش عارفة لكان وصلاتك او لا

allo wech rakoum ya akhawette

السلام عليكم حبيباتي
ام فريد جزاك الله كل خير على هذا البيت اخيتي
نجتمع فيه باذن الله في طاعة الله والمحبة فيه

نعم اسيا وصلتني ورديت عليك حبيبتي

ام مصعب راني هنا
واش كاش ماكلة راني نستنى

هههههه

اسعد الله قوبكن حبيباتي

اهلين ام عبدو ما تخافيش تجي وتوالفي بالسخانة ديري كليماتيزور


كيف عبودة ومارية اليوم ما شاء الله ربي يحفظهم

نورة نورتينا بكلام العسل يا اخية
لا تحرمينا منه ومن مشاركاتك القيمة

و الله كاين كليماتيزور في دارنا بصّح ما يشعلوهش أمّي تقولّي التريسيتي بزّاف ههه

قلتلها أنا كي نجي نشعلو و ما نطفيهش و الفاتورة أنا نخلّصها

تعرفي كي رحت الصيف لي فات كنت حامل بمارية أحيانا كنت نبكي من السخانة تالمون نفدّ و بابا الله يرحمو كان يقولّي واش بيك على بيها دار كليماتيزور على جالي

مارية و عبدو كي العادة دايما يضرب فيها و هي تصرخ و أنا خلاص كرهت نعيّط ولّيت نتفرّج و نسكت



كاش بحر أوراسية؟؟؟؟ :lol:

هههههههههههه علابالك عندنا ثللاث سنين منين شرينا كليماتيزور
وعجوزتي ما تخليناش نشعلوه
ههه تقولنا يوجعني راسي

هذا العام فتح ربي ورانا نمشيو فيه بالصح شوية ما كانش قد لبرود تاع ربي


لبحر عمري ما فكرت فيه
منين تزوجت ما شفتو
غير لولااد نبعتوهم
زوجحي ما يحبش
عندي سلفي في بومرداس دايما يعرض فينا لكن زوجي ما بغاش
وانا ما عندي حاجة فيه
غير علجال لولاد هبلوني حابين يروحو

أم عبدو كتب:

بومرداس!!!!!!!!!!!!!!!!!!!!!!!!!

ربّي يستر برك دربتهم هاديك الزلزلة تاع 2003 و مازالهم في فسادهم!!!

آخر شيء سمعتو دايرين مركز قدّام لبحر و الديسك جوكي خبّاط و الرجال و النساء مخلطين و النساء كاسيات عاريات و شطيح و رديح كلّ هذا أمر عادي بالطبع بصّح العجيب وسط هاد الخالوطة تاع الفسق حطّو مسابقة القرآن الكريم عجيب كيف لحق الإستهزاء بالدين لهذه الدرجة!!
بالاك راهم يستناو في زلزلة أخرى تقضي على الأخضر و اليابس ربّي يهدينا و يسترنا

صح ام عبدو يايمة هاكذا وصل الشئ ربي يسترنا

سلااااام بنات و الله العظيم من ندخل للبيت و نبدأ نقرا في الردود

نبقى نضحك وحدي كي المهبولة ههههههههههههههه ههههههههههههه

يقعد ايهاب يشوف فيا و في الجهاز يقولي ماما واش راكي تتفرجي باش تضحكي

الغمة راهي تزول من البيت الله يفرحكم

بنات اليوم ما فتحتش الحانوت السخانة راهي تقتل و انا

ما نملكش كليماتيزور ههههههههههههه

قلت مع 3 روح نفتح


[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم واش راكم يا لبنات توحشتكم موااااااااااه
ام عبدو كيراكي حبيبتي شفتي واش راه صاري في بلاد العزة و الكرامة
الفسق وما بعده فسق
راهم فاتو القور في افعالهم دروك راهم يروحو يزورو الولية القبب قالك سيدي فلان
مبروك و و و و.............

اوراسية واش راكي ان شاء الله بخير امالا كليمتتزور فدار وما تنشعلش ههههههههه

ام بثينة كي صبحتي اليوم ريحتي شوية
ام فريد كيراكي يادرا بردت الحلة شوية عندكم قالولي وهران وصلت حتى 46 درجة ربي يلطف

ام مصعب حنونتي وين راكي ما شفتكش خير ان شاء الله

نورة الجزائرية كتب:

لمن يذكروننا بالخير ..
يا رب بالخير اذكرهم ..
وبالحب ارعاهم ..
واملأ قلوبهم نورا ..
وامسح ذنوبهم ..
وكفكف دموعهم ..
وبدّل خطاياهم ..
وسدّد خطاهم ..
وحقّق مقاصدهم ..
وارفع اللهم مراتبهم ..
وفي جنة الخلد اللهم اجمعنا بهم ..

نورتي المنتدى نورة عودة ميمونة حبيبة قلبي واش راكي

واش راهم الاولاد و الزوج لاباس

و انت راكي لاباس في صحتك الحمدالله على كل الاحوال

[ندعوك للتسجيل في المنتدى أو التعريف بنفسك لمعاينة هذه الصورة]

والله الحمد لله ختي اسيا ريحت بفضل ربي ثم بدعاءكم يالطيف فو جاست رقبتي قريب تكسرت ههههههه نضت نصلي لفجر وانا واقفة كسلت رحي علابالك كيفاش ههههههه اااااااااااااااااا وحسيت كخ حاجة تقطعت تصوري وهاذاك الصباح رايحة نعقب البارمي ربي ستر ورحت نعقب حتى ماقدرت ندير الريفارس فور علا جال رقبتي والبارح ماقدرتش نرقد نعيط منها وليدي ماقدرتش نرضعو المهم حالة وربي ستر

ام فريد ربي يعينكم على السخانة حنى البرد راني بالكوفيرطا هههههههههه

الله يبارك راكم كامل اونلاين

اسيا شحال الساعة عندكم
حتى راهي 11و48 نتاع الليل راني رايحة نرقد ولادي راهم كاو وانا رقبتي عييت منها

الحمد لله الي ريحتي اختي ام بثينة

راكم نص الليل احنا رانا ثلاثة تاع لعشية


ام عبدو انا ما نروح لا لبومرداس ولا غيرها

من هنا من نزيدش


وحالة لبلاد راهي الكل هكذا ماشي غير بومرداس الي يروح للبحر يجي مفجوع ربي يسترنا ولاو قور كامل

الحمد لله ربي شاف فيك اختي ام بثينة


حنا راهي عنا 17.52 يعني فايتين البلاد بساعين برك
انت راكي بعييييييييييييييييييدة بزاف ربي يعينك على الغربة

ام مصعب وين راكي حنونة كيما شفتكش اليوم طليتي
تقلقت عليك خير ان شاء الله

rani hna assia ,rani mdiqoutia
j'ai pas envie meme pas ecrire un mot

سلاااااااااااام للغاليات واش راكم لاباس

ام بثينة و الله الا حسيت بيك مرة صراتلي هبت باش نشوف حاجة تحت السرير

و رقبتي تطرطق قعدت عوجة شحال من يوم و الحمدالله

خديجة واشراكي شفتي السحانة و الله العظيم طبنا في الدار

ديجة لاسيتي وين ساكنة سخونة بلا ارتفاع درجة الحرارة

الهواء و ما لقيناش الله يستر و ما نقولكش على المستشفى

قالك الي عندهم لازم { الربو } ما نقولكش واش صرا فيهم

ام مصعب توحشتك تسمى راكي مديقوتيا كيفي ؟؟

واش نعملوا هادي هي الدنيا ماتكونش كاملة و الحمدالله يا ربي

اوراسية مازال ما دخلتيش للبيت هاذي سير راكي تاكلي في المثلجات ههههههه

ام عبدو واش راكي ريحتي شوية واش راهم الاولاد خموس عليهم

نورة واش راكي توحشناك اخية ربي يخليك

وين راهم باقي البنات الله يردهم بخير

هههههههههه ام فريد راني هنا لا مثلجات لا والو

هذاوين دخلت من عند يما

راني جيت طول هنا

ام مصعب اختي غير الخير واش بيك مديقوتي

وين راح الضحك تاع هذليام ظربناك بعين
هههه

اوراسية امالي ما كليتيش مثلجات

خسارة واش راهي خالتي لاباس

تعشيتي عندها و لا لالا ؟؟

نسقسي بزاف ماعليش درك رانا اخوات

هههههههههه ربي يخلينا لبعضنا

دائما فرحانة اختي ام عبدو

و اجرك كبير ان شاءالله الي فرحتي النفساء

ربي يحفظك و يخليلك اولادك

هههههههههههههههه ام عبدو جاو بعد ما صلاو مع باباهم المغرب

ديت اسيا معايا

ام فريد لباس راهي تسلم عليكم

تعشيت عندها الكسكي باللحم

تاكلي بصحتك بصح راني عاتبة عليك ؟؟

وين راهي صورة الكسكسي ؟؟؟

الف شكر اخيتي لقد قراتها عسى الله ان يتقبل مني الدعاء

و للمسلمين اجمعين ربي يحفظك

تصبحون على خير الى الغذ ان شاءالله

في امان الله

ام فريد كتب:

تاكلي بصحتك بصح راني عاتبة عليك ؟؟

وين راهي صورة الكسكسي ؟؟؟

هههههههههههههههههههههه اااه يا ام فريد هذه راحتلي
ما نعرف كيفاه نسيتها
المرة الجاية ان شاء الله

نورة الجزائرية كتب:

مساء الخير وااااش حااااالكم يا لبنات
راني داخلة الا الان لاني طواااال اليوم وانا اجري من مغازة لاخرى راني ندهن في داري وانعاود في المطبخ والحمام
وربي يكووووووون في عوني وعون الجميع والله راني تعبانة عن الاخر ولاكني حبيت ادخل اسلم عليكم

الله يعينك يا حبيبة قلبي
ويفرحك باولادك يااااااااااااااااااااااااااااااارب

الله يسلمك من كل شر
لازم تطلي علينا انت غالية وتوحشينا

أدعية مأثورة


اللَّهُمَّ إني أسألك النعيم المقيم
اللَّهُمَّ إني أسألك النعيم المقيم الذي لا يحول ولا يزول.

اللَّهُمَّ إني أسألك النعيم يوم القيامة والأمن يوم الخوف .
اللَّهُمَّ إني أسألك الصحة
اللَّهُمَّ إني أسألك الصحة والعفة والأمانة وحسن الخلق والرضا بالقدر .

اللَّهُمَّ إني أسألك العفو والعافية في ديني ودنياي وأهلي ومالي .
اللَّهُمَّ إني أسألك الطيبات
اللَّهُمَّ إني أسألك الطيبات وترك المنكرات وحب المساكين وأن تتوب علي وتغفر لي وترحمني
اللَّهُمَّ إني أسألك الرضا
اللَّهُمَّ إني أسألك الرضا بالقضاء والقدر وبرد العيش بعد الموت ولذة النظر إلى وجهك
اللَّهُمَّ إني أسألك الثبات في الأمر
اللَّهُمَّ إني أسألك الثبات في الأمر والعزيمة على الرشد وأسألك شكر نعمتك وأسألك حسن عبادتك وأسألك قلبا سليما

اللَّهُمَّ إني أسألك أن ترفع ذكري
اللَّهُمَّ إني أسألك أن ترفع ذكري وتضع وزري وتصلح أمري وتطهر قلبي وتغفر ذنبي وتُحصِّن فرجي وتُنوِّر قلبي
اللَّهُمَّ إني أسألك الجنة
اللَّهُمَّ إني أسألك الجنة وما قرب إليها من قول أو عمل
اللَّهُمَّ إني أسألك أن تبارك لي
اللَّهُمَّ إني أسألك أن تبارك لي في نفسي وفي سمعي وفي بصري وفي روحي المزيد

السلام عليكم لبنات واشراكم

السلام عليكم ورحمة الله&
كيف حااااااااكن بنات يا رب بصحة و سلام

سلام عليكم
واش راكم ان شاء الله بخير ام بثينة كيراكي حنونة وكيراهم لولاد
ام مصعب واقيلا توحشتي على بيها راكي مديقوتيا اصبري راكي قريبة تروحي

ام عبدو درتي خير كبير و ربي يجازيك عليه فرحتي نافسة

اوراسيه ام فريد ام يونس سناء حمامة السلام نورة
واش راكم ؟؟؟؟؟؟؟؟؟؟ظظظ

السلام عليكم حيباتي
اهلييين ام يونس كيفك وكيف يونس

ام بثينة كيفك اختي وبثينة وانس كبار شوية؟

اسيا اهلا حبيبتي انا اليوم راني تعبانة شوية نحس في السخانة تطلع من وجهي
راه يفور ومانيش قادرة نخدم والو


ام مصعب ارواحي اختي نحي على بالك
رانا عيلة واحدة هنا

ام فريد الله يعينك
نورة ربي معاك اختي في خدمة تاع الدار

سناااء توحشناك

مسلمة فينك

حمامة السلام راهم فاتو خمسة ايام انا بانتظارك حبيبتي

ام عبدو وين راكي اليوم وقيلة ما زالكي راقدة
ههههههههه

ربي يعينكم اوراسية حبيبتي
السخانة راهي قاع فالبلاد ربي يستر
برك كتر الفساد و الفسق
هاكي راني رسلت لبحر تاع مستغانم بردي روحك غير منّا
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه الله يخليك اسيا
راني تبحرت ارواحي معايا وجيبي ام مصعبباش تنحي الزعاف

آآآآآآآآه يا آسيا على لبحر قلبي راه محروق عليه دايما مقول لزوجي كي نروحو للبلاد تدّيني نشوفو و نشم ريحتو برك يقولي دوك نجيبلك شوية في طاسة مع شوية رميلة و تشمّي ريحتو ههه بصّح راني معولة هاد الخطرة إن شاء الله نروح و نرجّعلكم لخبر :D

أوراسية ما كنت راقدة ما والو و اليوم بالذات من الفجر و أنا نايضة و دورك راني مصروعة :drunken:


أم مصعب مازال ما تنحّاش عليك عندي وصفة مليحة طلّع المورال نقولهالك:









زيدي احبطي










زييييدي لتحت










اخبطي راسك في الحيط 20 مرّة ههههههه


لالا ختي و الله ما كاين كيما القرآن كي نقراه نحس بانشراح الصدر ربي يفرّج عليك و علينا يا حنونة

allou wech rkoum ya habibeti
ki welit ena mdigoutya :twisted:
elghechi kemel yad7ek hahhaha
oum adou rabi yfe7ek dima :bball:
mezelti hna
assia 3endek 7ak rani metwhcha ,menech hebtin fi ramdan :rendeer:

oum farid wech raki henouna :P
awrassia 3endek 7ak belek bher ynehi les ners hhhhh :affraid:
oum younech wech raki henouna :lol:
noura oumhind oum benet .....et les atres wech rakoum :lol:

hahahaaha yaoum 3abdou dahektini
ena hebla 3la bher

hhhhhhhhh dahektini oum abdou

rahi skhena bezef f bled qrib tousol 50 hhhh
belek metrouhouch khir
sinon adi m3k bouteil d'oxigen

oui hamdoulek en ndigouti wa nwli ki bekri hhh