باركوا لاختكن نجود لارتدائها الجلباب

مشرفة ركن الأزياء

السلام عليكم ورحمة الله وبركاته

يا بنات باركولي راني لبست الجلباب بعد صراع كبير بيني وبين نفسي
بحمد الله راني تغلبت عليها ولبست الجلباب اللباس اللذي امرنا الله بارتدائه
راني جد فرحانة وبالي مطمان لاني حاسة اني رضيت ربي
طبعا لا انسى تشجيعات حبيباتي وخاصة الحبيبة ام عبدو
ربي يثبتنا على طاعتوا

مشرفة القسم الإسلامي

ما شاء الله يا نجود أكيد زاد فيك النص و الله فرحتلك بزاف و أكيد فرحتي زوجك أيضا و ليس لي إلّا الدعاء لك حبيبتي فأقول

إلبسي جديدا و عيشي حميدة و موتي شهيدة
ألبسك الله لباس التقوى...آمين

هيا أحكيلي نجود كيفاش لقيتيه أول مرة تلبسيه و هل وجدتي صعوبة في المشي بيه هههه على خاطر أختك طاحت شحال من خطرة بيه قبل ما نوالفو و يظل يزلقلي ههههه

مشرفة ركن الأزياء

ربي يخليك حبيبتي ام عبدو
هههههههههه والله غير جاني هايل ولي يشوفني بيه نعجبو ولقيت راحتي فيه بزاف
اول ما لبستوا رجع راسي للوراء حاني ثقيل بزاف ودرك راني بديت نوالف بيه
وكاينين وحايد شافوني بيه قالولي وعلاش عليك هادي الغبنة كونتي لباس عليك
ربي يهدي الجميع

مبروك الف الف مبروك حبيبتي نجود ربي يبارك لك ان شاءالله لعقوبة ليا قولي

أميييييييييييييييييييييين يا رب العالمين بصح لازم تحكيلي كيفاش قررتي انا راني من سنتين

حابة و مزال ربي ما أذنش و الله غير فرحتيني و هل عملتي النقاب و الستار ؟ و لا لالا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

مشرفة ركن الأزياء

ربي يخليك حبيبتي ام فريد
امييييييييييييييييييييييين يارب العالمين
والله واش نقلك حبيبتي ام فريد انا تاني عندي شحال وانا حابة نلبسو ومكتبش ربي والايام الي فاتو خلاص كبر الموضوع في راسي قلت مدام حبيتو نزرب نلبسو مدام الايمان طالع لايدور بيا الشيطان ونزيد نحبس الفكرة هههههههههههه لاخاطر ولا لبستو يدور بيا 100 شيطان منحيهش هههههههه
والحمد لله وفقني ربي وراجلي مات بلفرحة قالي اطلبي واش تحبي طلباتك اوامر
بروفيتت انا وقتلو نسبغ شعري لانو كان رافض الفكرة تماما وخلاني سبغت شعري وجاني هايل
اما بخصوص النقاب والستار مزال ملبستهمش انشاء الله في القريب العاجل

مشرفة ركن الطبخ

الف مبروك يانجود
مبروك من قلبي و الله فرحت كانك قريبه ليا
ان شاء الله المره الجايه دالتي قولوا امييييييييين بصح انا بلانقاب ههههه
يانجود انا تاني واقيله نديروا باه زوجي يخليني نصبغ شعري هههه
قولي لي كيفاه صبغتيه

مشرفة القسم الإسلامي

ههههههههه يا نجود و الله غير قتلتيني بالضحك انتي وحدك لوكان أنا ندوموندي حاجة كبييييييرة هههههه بصحتك الصبيغة و ما تسمعيش للناس اللي يقولو غبنتي روحك تعرفي أنا كي درت الجلباب كاينين صحابات جبدو عليا و ما ولاوش يهدرو معايا على كل حال كل واحد يختار طريقو

العاقبة لجيجي و زيزي ربي يوفق

العضوة الشرفية

اهلا نجود ومبروك عليك حنونتي الجلباب درك خويا راهو ميت من الفرحة بالهنا والسعادة ليكم
ويا واحد الستوتة اهدرت معاك من يومين وما قلتيليش هدرتيلي غير على سبيغة شعرك وماما وبابا تاني ما قالوليش وعلاه؟ واليوم صدفة اللي عرفت كيدخلت هنايا ,,,,,,,,, ان شاء الله يسعدك ربي دنيا وآخرة يا رب وما تنساونيش اتصلو بيا

مراقبة عامة للمنتدى

الف الف الف مبروك حبيبتي نجود الله يبارك والله صدقيني غير لحمي تشوك منين قريت الخبر وكاني نعرفك من قبل الله يبارك ربي يدومه ان شاء الله ولعقوبة ليا انا تاني
وللبقية

عضو مميز

الف الف الف مبروك حبيبتي نجود

المشرفة العامة للمنتدى

الوووووووف مبروك اختي نجود الله يتمملك بعقلك ويثبتك ويجازيك يااارب
بيانة عليك مؤمنة ربي يكملك

عضو مميز

ألف ألف ألف مبروك عليك ما تعرفيش قداش فرحتلك حسيت بجلدي شوك أول ما قريت الخبر بصحتك حبيبتي حبيتك في الله والآن زادت تضاعفت المحبه وعقبالي يارب

مشرفة ركن الأزياء

بارك الله فيكم حبيباتي والله يجازيكم خير
ربي يخليكم اخواتي والعاقبة ليكم انشاء الله [ندعوك للتسجيل في المنتدى أو التعريف بنفسك لمعاينة هذه الصورة]

عضو مميز

نجودالف الف الف مبروك حبيبتي
تلبسيه الصحة والهناء
[ندعوك للتسجيل في المنتدى أو التعريف بنفسك لمعاينة هذه الصورة]

عضو مميز

الف الف الف مبروك على الجلباب
لعقوبة ليا

مشرفة ركن الأزياء

امين يارب العالمين
الله ايخليكم يا اغلى الحبايب [ندعوك للتسجيل في المنتدى أو التعريف بنفسك لمعاينة هذه الصورة]

عضو مبتدىء

الف مبروك البسك الله لباس التقوى
وسترك الله في الدنيا والآخرة
عجبي لمن ينتقد شرع ربي،('لمن قال لك غبينة )استغفر الله

مشرفة ركن الأزياء

شكرا حبيبتي غزال بارك الله فيك ومتشرفا بمعرفتك
شفتي يا اختي ربي يهدي العباد

» && بنات باركوا معي لاختنا ام زينب بالمولود الجديد .....يتربى في عزهم ان شاءالله &&