سوب نتاع خضر صحية بزاف والله تحبوها وخاصة الاولاد من مطبخي ومن اختراعي

اخواتي السلام عليكم حبيت نعطيكم سوب جديد روعة فالبنة ولي بنتها ماتاكلش رايحة تحبها بنتي كلاتها وحنا دخلنا عليها مابقا فيها والو سبتها رحت مرة فطرت برا وعجبتني سوب بزا ف مت عليها واسريت على اني نديرها وزوجي سقسا الرجل لانو هو صاحب السوستورو وهو هندي مسلم قالو علابالكم مايحبوشش يعطو التفاصيل او ربما ماعلابالوش العلم عند الله قال زوجي برك بالخضر بطاطا وبروكلي اخضر وpumkinوخلاص جيت لدار من غدوا هاديك قلت نديرها بمعريفتي ويارب تخرجلي جات ابن والحمد لله واش درت خرجلي
شوفو انا لازم نطيب بالبصل مانيش استرالية انا جزائرية ههههههه المهم وزدت درت 2 حبات بطاطا وذرى كانت عندي حطيت قيمة حبة طويلة نحيتلها ذرى ودرت طرف كبير كابوية اي بامكان ودرت قعدت غير نفكر ودرت البروكلي الشيفلور ماكانش عندي اخذر لي قال عليه رجل قعدت ندير من راسي وملح وكروية والزيت وقليت ودرت 3كيسان ماء ونص وخليت يطيب كلشئ نحيتها وحطيتها فوق كسكاس رقيق كيما عملية الحريرة لي وضعتها وتدعكي بالغراف ووتجيبي مرق من تحت وترجعي فوق وتدعكي حتى يبقى غير ديشي حاشاكم ارموه ونتحصل على سوف لونو تقريب برتقالي جبت كريمة عادي سائلة وحطيتها وخلطت تبدل لونها اصفر واش نقولكم عالبنة والله نتمنى واحدة فيكم جربها والله ماتندم وصحة ليكم عشايا البارح واش نقولكم والله اختراع من راسي لاني كرهت حبيت نبدل بشئ جديد والله ياخواتاني ماقدرنا نوضو من البنة ههههه سوب تهبل فالبنة وصحية بزاف لانها بالخضر
ودرت خبز يومي علابالكم نتاع فرينة ودرتلو من فوق شرائح بصل رايحة نحط كل حاجة بركنها للاستفادة ودرت قراتان ماكاش اسهل منو اكتشاف واش رايكم

[ندعوك للتسجيل في المنتدى أو التعريف بنفسك لمعاينة هذه الصورة]

الله يسلنمك اختيب ام بثينة
ربي يجازيك كل خير
ان شاء الله نجربها

الله يسلمكم والله ماتندمو وتقولو كل يوم نديروها من البنة

شكرا ام بثينه
راكي فحله
انا اولادي اقتليهم و ما يكلوش السوب

جربيها ام مصعب وقوليلي بنتي ماتت عليها ورغم ماعندها حاجة فالماكلة