المرأة الجزائرية المسلمة
اختي الكريمة نتشرف بزيارت لمنتدى الاسرة
ويزيدنا شرفا ان تسجلي معنا لتجدي كل ما تحتاج اليه المراة المسلمة
المرأة الجزائرية المسلمة

خاص بالمراة الجزائرية المسلمة وكل ما يهمها في حياتها وينفعها في آخرتها
 
الرئيسيةس .و .جالتسجيلدخول
المواضيع الأخيرة
» انشودة اني لمطرح ببابك
الخميس يونيو 30, 2016 3:44 pm من طرف ام صهيب

» غراتان البطاطا شحال بنين وساهل مممم من كوزينتي خاصة لام ريما لي طلباتو
الخميس مارس 03, 2016 11:28 am من طرف ميرال

» ملتقى عضوات المسلمة الجزائرية هنا يلتم الشمل
الأربعاء يناير 06, 2016 5:29 pm من طرف أم عبد الله87

» رسالة من القلب
الأربعاء ديسمبر 23, 2015 3:28 pm من طرف assia2007

» واخيراااااااااااااااااا اقدرت ندخل ونتلقى مع حبيباتي مرة اخرى
الثلاثاء ديسمبر 22, 2015 1:43 pm من طرف الغفران

» أكـــتب..كلمهـ للمشرفة العامة للمنتدى
الإثنين ديسمبر 21, 2015 12:45 pm من طرف awrassia

»  !!!! ويحكِ أمَّتي !!! إلى أين المسير ؟! !!!!!!!
الأحد ديسمبر 20, 2015 7:48 pm من طرف نورة الجزائرية

» سيدتي انستي المسلمة واش طيبتي اليوم
السبت ديسمبر 19, 2015 8:59 pm من طرف oum aymen

» وين راكم
الأربعاء ديسمبر 16, 2015 7:25 pm من طرف awrassia

» نداء للاخوات
الأربعاء ديسمبر 16, 2015 5:23 pm من طرف awrassia


شاطر | 
 

 مارايكن في مشكلتي ؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام توبة
عضو مميز
عضو مميز



مُساهمةموضوع: مارايكن في مشكلتي ؟؟؟؟؟   الخميس أبريل 22, 2010 7:26 pm

بعد التحية والسلام .......اكتب اليكن اخواتي الغاليات طارحة لكن مشكلتي عساني اجد حلا او اقتراحا عندكن



ولقد ترددت كثيرا قبل طرحها لكني عرفت واقتنعت انه ماخاب من استخار ولاندم من استشار ورايكن يفيدني اكيد ....وابدا بكن قبل غيركن من اخواتي ...حتى الحقيقيات لم اطرح عليهن سؤالي




مشكلتي بدات منذ ايام او اشهر ........وابدا من البداية

حيث كنت اعيش في بيتي مع زوجي وكانت شقة بسيطة F3 [b]وكان اخي يسكن في بيت اهلي والذي جميع فراده يقطنون بفرنسا ...زوجة اخي رفضت تواجدنا من الصيف للصيف عند عودة الاهل ومن ثم قرر اخي مغادرة البيت والرحيل بعيدا تزامن ذلك مع توفره لعمل ممتاز في العاصمة ....يعني بقى بيت اهلي فارغ ....عام كامل والجميع يحاولني ويتوسل الي السكن فيه وانا كنت ارفض ...وعام كراوه للناس والعام الماضي قررت انا وزوجي السكن فيه بحكم اني كنت الوحيدة المتواجدة في هذه الولاية والباقين في ولايات بعيدة او بالخارج ...وكنت انا يلي ترعاه من قبل يعني نظافة وتحضير قبل عودة الاهل ....المهم سكنا فيه عام كامل وكانت عندنا قطعة ارض بعنا الابرتمان وبدينا في البنية ...ونص العام هذا قرر فجاة اخي العودة ...وتخيلو رواحكم مكاني ...زوجتو صعيبة بزااااااااف بزاااااف تموت على المشاكل ...مش مشكل قلنا كل واحد وطابقو منين يوجدو دياري نروح على اساس انو في الصيف نمشي ويوجدو ...وترجي الرياح بما لاتشتهي السفن ....زادت السما في السومة وزادو العمال تاني يلي كانو ميسواوش ولاو طبا ضرك ....المهم خلاصة القول انو مستحيل يوجدو دياري ضرك


المشكل وين انو خويا احكم الطابق التحتاني وانا صعدت للفوقاني منين كل اهلي يروحو لعندي ...الطابق الاخر ماشي مكمل ....راجلي صعيب في عقليتو ...مزير وميحبش الخلطة ...وخواتاتي فيهم الجلبابيات يلي ميحبوش يتلقاو معاه خلاص وفيهم يلي تحب حريتها تماما في الخرجة والدخلة منين جي وهو شوية يعلق ...وزيد الضياف ولاد عمامي وخوالي ...وهاكم تعرفو لازيميقري ....وفوق هذا كامل مرت خويا وولاتدها يلي دحسوني نتاع الصح من الصباح وهما عندي مبقالي سر مبقالي قعاد مبقاتلي راحة طول النهار طالعة نازلة وولادها كي العفرت والله ميخليو حاجة في بلاستها ...


ضرك دبرو علي عندي حلان لاثالث لهما

اما اني نكبر قلبي ونعفس عليه ونكمل عام وحداخر هنا ....وحسوا واش يصرى في


واما اننا نرجعو لواحد الدار كانت عندنا من بكري نتاع زوجي بصح في العرش مكان الانترنت مكان هاتف واقرب مدرسة تبعد الكيلومترات .... يعين واش تقولو ندي ولادي يسوفريو ولانسوفري انا ولا واش نعمل


والله غير راني في حيرة ميعلم بيها غير ربي سبحانو


هربت ليكم بعد ربي وقولولي واش نعمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
awrassia
ادارة المنتدى
ادارة المنتدى



مُساهمةموضوع: رد: مارايكن في مشكلتي ؟؟؟؟؟   الخميس أبريل 22, 2010 7:36 pm

اااااااااااه يا ام توبة يا اختي قطعتي قلبي وراني حاسة بيك
واش نقولك انا من رايي تكملي في بيت اهلك حتى تخلاص الدراسة وفالصيف تروحي لبيتكم حتى لو ان بعيد لقفار ولا الدمار يعني الزعاف
وان شاء الله ربي يسهل وتكملي بيتك في اقرب وقت واذا ما كملتيش بيتك تقدري ترجعي لبيت باباك في الدخول المدرسي الجاي ومن تم تكبري بالك حتى يوجدو ديارك يارب
يسهل عليك واتمنى اني افدتك برااي وان كان اخف الضررين
وان شاء الله لبنات يزيدو يشيرو عليك

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
oum mossab
مشرفة ركن الطبخ
مشرفة ركن الطبخ



مُساهمةموضوع: رد: مارايكن في مشكلتي ؟؟؟؟؟   الخميس أبريل 22, 2010 8:19 pm

شكرا ام توبه على ثقتك في المنتدى
عندي سؤال قولي هدا بيت اهلك هو بيت والديك ما فهمتش ام بيت الوراثة... مشكلتك لا تختلف عن مشكل في عائلتي،، لكن انا تاعي تكمل في دار الوراثه تاع جدي المهم .........
انا نصيحتي ليك اصبري يا اختي من اجل اولادك ،، على الاقل يكملوا دراستهم و ما تخربطش عليهم الاجواء،،، انت و زوجك كبار قادريين تصبروا معظم الناس عندها مشاكل كيما هده خاصه تاع العفيس هههه..
ادا كان هدا البيت تاع ابوك عندك حق تبقاي فيه و زوجه اخيك ماعندهاش حق تتكلم انت الاقرب لا هي ،،
اما من ناحية زوجك مايحبش الخلطه و قلتي راهو يعلق لازم تتكلمي معاه بهدوء حتى تحل مشكلتكم
ربي يفك كربك ، و يسهل لكم في تكمله الدار وتهناي فيها

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
/



[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
أم عبدو
مشرفة القسم الإسلامي
مشرفة القسم الإسلامي



مُساهمةموضوع: رد: مارايكن في مشكلتي ؟؟؟؟؟   الخميس أبريل 22, 2010 8:31 pm

شكرا لثقتك في أخواتك يا أم توبة و رأيي مثل رأي الأوراسية أصبري أختي على جال الدراري حتى يكمل البنيان و عامليهم بالتي هي أحسن حتى و إن أساءو ليك لكي تكسبي ودهم و ربي يألف بيناتكم أختي و يطيح عليكم الرحمة

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
______
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
أم ريما
مشرفة الركن العلمي والشعر
مشرفة الركن العلمي والشعر



مُساهمةموضوع: رد: مارايكن في مشكلتي ؟؟؟؟؟   الخميس أبريل 22, 2010 8:48 pm

أم توبة حنونة عليك غير بالصبر
زوجة خوك ماتعمللهاش حساب كما خوك يسال أنت تسالي
لكن بدون عياط وشجار بالحكمة فهميهم أن الوضع مؤقت وراح تروحي
لدارك إن شاء الله يصبرو عليك حتي يخلاص الموسم الدراسي
وزوجك أكيد راح يفضل مصلحة الأولاد على مصلحة الأخرين
وعند ربي محلولة ربي معاك

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ام توبة
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   الجمعة أبريل 23, 2010 1:42 pm

بارك الله فيكم على الاهتمام وانا كنت متاكدة مراكمش رايحين تخيبو ظني .....

البيت يلي حكيتلكم عليه بيت بابا وماما ربي يطول في عمرهم ...وهما في فرنسا يهبطو ساعات برك ...معندهمش وقت محدد ساعات في الصيف ساعات في الربيع ...كيما هذا العام ميهبطوش في الصيف خاطر خويا عندو الباك ثما في فرنسا والنتيجة حتى اواخر جويلية ورمضان اوائل اوت وبابا امام في مسجد تماك سافي ميهبطوش ......بصح يهبطو في سبتمبر او نوفمبر ....المشكل كي يهبطو يتلايمو خواتاتي الخرين ...وخايفة من المشاكل خصوصا مع مرت خويا ....نحكيلكم البارح بنتي تهاوشت مع بنتها عادي كي كامل الولاد .....لوكان تشوفو واش عملت .....حق ربي تهربو ..انا واقفة وهي تسب في بنتي وتلعن في الراصة نتاعها ونتاعي ....والله العظيم منطقت بكلمة قلت عيب نضحك علنا الناس ويلوموني انا يقولولي وجه والديك ....فهمتوني ...هذىي قطرة من بحر غير البارح واش نحكيلكم على الباقي .....ولوكان نكمل للولادي صافي عام كامل خاطر مستحيل نبدلهم نص العام .....هيا واش ندير نصبر وانا الخاسرة الاولى خصوصا مع خويا ومرتو .....ولا نهرب ونرح نطيش ولادي في اخر الدنيا عرش يبهدل ....زيدو دبرو علي واسمحولي اذا قلقتكم معايا
الرجوع الى أعلى الصفحة اذهب الى الأسفل
awrassia
ادارة المنتدى
ادارة المنتدى



مُساهمةموضوع: رد: مارايكن في مشكلتي ؟؟؟؟؟   الجمعة أبريل 23, 2010 2:00 pm

ااااااااااه يا اختي ربي معاك والله حاجة تطلع الظغط صح وانا قلتلك رايي تكملي حتى العطلة وما بقاش بالزاف يا ربي شهر ونصف للاولاد
وتروحي للعرش تصيفي تماك ومن بعد اذا ما كملتيش بيتك ترجعي لبيت اهلك فالدخول المدرسي الجديد ساعتها يكون الهرج فات على ما اظن
حتى يفرج ربي

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
assia2007
مراقبة عامة للمنتدى
مراقبة عامة للمنتدى



مُساهمةموضوع: رد: مارايكن في مشكلتي ؟؟؟؟؟   الجمعة أبريل 23, 2010 2:23 pm

يا اختي ام توبة ربي معاك حاجة ترفع الضغط بصح اسمحيلي هذا بيت باباك ويماك
انت تسالي فيه اما مرت خوك اتجاهليها فقط هي راهي دير كيما هاك باه تكرهي انت وتخرجي من تماك
وما تغيريش سكنك كيما قلتي تروحي للعرش ما تلخبطيش دراسة ولادك وزيد قلت منطقة نائية ما فيها والو اصبري شوية في جال وليداتك بيلاما ربي فرج وخلصتي سكنتك

ربي يفرج عليك حبيبتي

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
الزهراء
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   الجمعة أبريل 23, 2010 2:45 pm

يا اختي ربي يصبركويفرج عليك والله راني حاسة بيك
بصح ديري كيما قالولك لبنات وبربي تفرج مابقى من الياسر غير لقليل
ولوكان عطى ربي هذيكبيت بابا وعندك حق فيها ومرت خوك
ربي يهديها كل الناس عندهم نوع منها صدقيني
لوكان نحكيلك واش صرا في امي حتى هي هك
18 سنة وهي في الضغط وهاوفرج ربي
الصبر مفتاح الفرج اختي
ربي يفرج عليك
الرجوع الى أعلى الصفحة اذهب الى الأسفل
ام توبة
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   السبت أبريل 24, 2010 2:57 pm

لله يفرج على الكل

بارك الله فيكن ويعطيكن الصحة والله خففتو علي بزاااااااف بزاااااف وكنتو عند حسن ظني


يعطيكم الصحة وان شاء الله ربي يكبرلي قلبي ويصبرني على كلشي يارب
الرجوع الى أعلى الصفحة اذهب الى الأسفل
الزهراء
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   السبت أبريل 24, 2010 4:35 pm

انشاء الله ان شاء الله اختي
وسعي بالك واستعيني بالله
وبربي تفرج عليك كيما الساعة هاذي
قلبي ودعواتي اليك
الرجوع الى أعلى الصفحة اذهب الى الأسفل
ام توبة
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   الأحد أبريل 25, 2010 6:01 pm

بارك الله فيكن والله غير راكن كيخواتاتي والعكس ارتحتلكن اكثر منهن خاطر خفت نفتح الموضوع لاي وحدة منهن ونولي في ادي وجيب الهدرة وانا منحبش المشاكل



يالله يعطيكم الصحة بزاااااف بزااااااف
الرجوع الى أعلى الصفحة اذهب الى الأسفل
oum mossab
مشرفة ركن الطبخ
مشرفة ركن الطبخ



مُساهمةموضوع: رد: مارايكن في مشكلتي ؟؟؟؟؟   الخميس أبريل 29, 2010 7:56 pm

الله يكون بعونك ام توبه
اصبري على جال اولادك اما زوجه اخوك خليها تهدر واش تحب انت عليك بالحسنى
ربي يفتح عليكم

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
/



[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ام توبة
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   الثلاثاء مايو 04, 2010 11:14 am

شكرا لكل من ردت لكني اطرح عليكم اليوم جديد وانتن لومكاني واش تعملي....

مرت اخي كيما قلتلكن نكدية وتموت على المشاكل والله العظيم غير كل يوم تخلق مشكل من العدم وانا نطنش ...عندنا دخلة وحدة كل يوم تاكل ولادي علاه متنحوش صبابطكم برا.....تخيلو برا.....ولانتوراج فيه كيلو متر ...والدرج والكولوا وعندها دخلتها كسع وحدها ويطلعو لي ولادي من بعد قلتلتها الف مرة انا نسيق والله غير بهدلت بيا قدام راجلي


البهرة الكبيرة عادت تخلي حتان يقرب وقت مجي راجلي واش تعمل ؟؟؟؟؟ تخرج تعمل روحها تسيق والله غير عريانة ...بالفيزو فوق الركبة وكل مرة تعهمل عذر باش تنكشف على راجلي وتفضحنا وفعلا ضرك الف مرة صرات حتى هز راجلي قرار انو بمجرد ميخلصو الاولاد الامتحانات نرجعو للعرش ...دارك دارك تستر عارك ....والله غير راني في حالة ميعلم بيها غير ربي
الرجوع الى أعلى الصفحة اذهب الى الأسفل
assia2007
مراقبة عامة للمنتدى
مراقبة عامة للمنتدى



مُساهمةموضوع: رد: مارايكن في مشكلتي ؟؟؟؟؟   الثلاثاء مايو 04, 2010 11:26 am

يا اختي ام توبة راكي عايشة مع عوْد كيما حنا نقولو وهذي المرا ما يهدرش معاها خوك اللي هو راجلها وينهيها ويحطها عند حدها
والله اول مرة نسمع بلي مرت الاخ تعمل في حماتها هاك
ربي يهديها وتكملي سكنتك بسرعة ان شاء الله وتريحي منها

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
نخيل
عضو نشيط
عضو نشيط



مُساهمةموضوع: رد: مارايكن في مشكلتي ؟؟؟؟؟   الثلاثاء مايو 04, 2010 12:55 pm

السلام عليكم
ربي يهون عليك يا أختي بصح من عندي المشاكل ألي من هذا النوع تضر بالدين أولا و انسانيتك انت وأسرتك والحل نضن عند خوك يدير حل لزوجته يقوللها هذا رزقي أنا وخاوتي لأنها للأسف قاعدة تقطع علاقة رحم وكيما نعرفو صعيبة بزاف عند ربي أنا متفكرة نهار مرت خويا حبت تدير مشاكل مع مرت خويا الاخرى قاللها خويا هذه حاجة بيني بين خويا مادام ما اتضريتيش ما عندك ما دخلك
نضن لازم تعرف مرت خوك بلي ربي فوق الجميع وتفهموها بكل لين وقوة شخصية تبقى مراة وهمها الاول أولادها وزوجها وربي يهدي الجميع ويجعل آخر صبرك فرج يا أختي
الرجوع الى أعلى الصفحة اذهب الى الأسفل
أم عبدو
مشرفة القسم الإسلامي
مشرفة القسم الإسلامي



مُساهمةموضوع: رد: مارايكن في مشكلتي ؟؟؟؟؟   الثلاثاء مايو 04, 2010 1:10 pm

السلام عليكم أم توبة ربي يفرج عليك أختي و زوجة خوك راهي فاقت الحدود الله يهديها و يهدي خوك اللي لازم يشد في مرتو و يديرلها قانون

وسعي خاطرك أختي و تجنبي المشاكل قدر المستطاع و خليها هي برك اللي تربح العيب

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
______
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
TAWBA
عضو مبتدىء
عضو مبتدىء



مُساهمةموضوع: رد: مارايكن في مشكلتي ؟؟؟؟؟   الثلاثاء مايو 04, 2010 4:04 pm

السلام عليكم....
أختي أم توبة عليك بهذا الدعاء:
اللهم إني أشكو إليك ضعف قوتي و قلة حيلتي و هواني على الناس ، أنت رب المستضعفين و أنت ربي لا إله الا أنت، الى من تكلني إلى عدو يتجهمني أم الى عدو ملكته أمري، ان لم يكن بك سخط علي فلا أبالي غير أن عافيتك هي أوسع لي ، أعوذ بنور وجهك الكريم الذي أضاءت له السماوات و الأرض و أشرقت له الظلمات ، و صلح عليه أمر الدنيا و الاخرة من أن يحل علي غضبك أو ينزل علي سخطك ، لك العتبى حتى ترضى و لا حول و لا قوة لنا إلا بك
الرجوع الى أعلى الصفحة اذهب الى الأسفل
ام توبة
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   الأربعاء مايو 05, 2010 11:09 am

بارك الله فيكن كامل وفيك يااختي توبة والله اني اعرف ان لاملجا ولامنجا من كل مشكل الا الى الله وهو ملاذي في كل شيء لكن فعلا مايحدث معي فاق قدرتي على الاحتمال


ويااخواتي على اخي المسكين المغلوب فعلا على امره ...والله هو عيى معاها قبلنا ومانيش حابة نعاودلوا يرتاكب فيها كاش جريمة خاطر شحال من مرة حذرها وضربها على تصرفاتها معاه ومع كل الناس خصوصا فاميلتو واكثر شيء حذرها منو خروجها من بيتها بالسروال والله العظيم واحد المرة تصادف هو وياها طالعة لي بالسروال قريب قتلها نوليت نحجز ونقولو راجلي في ولاية اخرى ...بالكذب باش نتفادى المشاكل ومنكونش انا السبة

ضرك معندوش بزاف ملي غضبها ونوى يطلقها رغم انو عندها زوج ولاد ....ومنين قلبتهالو يما وبابا وحتى والديهخا ناس ملاح حلف بلي مازالتلها غلطة ويطلقها وقالهالها قدام الرجال والجماعة ...ومنين قدر ربي ورجع قالهالي ليا اسمحيلي المكتوب يلي رجعني بصح نوصيك كبري قلبك مع مرتي خاطر والله غير راني على الشعرة ونتلفها ...قالهالي بالحرف الواحد شبعت مرار

صافي انا مانيش حابة نكون انا السبة ...هو ماشي متهني معاها بلا بي بصح لوكان نعاودلو واش راهي تعمل معايا وقدام راجلي كيفاه تنكشف والله مبقات تزيد عندو يوم .....وفي المستقبل الناس والفاميلا يلوموني انا صح ؟؟؟؟

يقولولي سباب خراب بيت خوك ....معندوشوين يروح بصح انا لاشتات العرش ...المهم ندرق راسي وخفت من حوايج اكبر ....والله غير قادرة تقلوا تبلاني راجل اختك ...ونوليو في القطيعة نتاع الصح والقتيلة


ياربي متنساونيش بدعوة الخير واذا انقطعت عليكن فلسبب واحد هاو معروف واسمحولي
الرجوع الى أعلى الصفحة اذهب الى الأسفل
ام هند
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   الأربعاء مايو 05, 2010 11:42 am

الله معاكي حبيبتي ام توبة وربي يفرج عليك اختي
الرجوع الى أعلى الصفحة اذهب الى الأسفل
assia2007
مراقبة عامة للمنتدى
مراقبة عامة للمنتدى



مُساهمةموضوع: رد: مارايكن في مشكلتي ؟؟؟؟؟   الأربعاء مايو 05, 2010 1:29 pm

ربي معاك اختي ام توبة ما عندي واش نقولك حببيتي

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
awrassia
ادارة المنتدى
ادارة المنتدى



مُساهمةموضوع: رد: مارايكن في مشكلتي ؟؟؟؟؟   الأربعاء مايو 05, 2010 1:39 pm

ربي يفرجها عنك حبيبتي
صح صعيب الموقف جدااااااااا
الله يفوتها بالسلامة حتى تروحي لبيتك

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
TAWBA
عضو مبتدىء
عضو مبتدىء



مُساهمةموضوع: رد: مارايكن في مشكلتي ؟؟؟؟؟   الأربعاء مايو 05, 2010 1:55 pm

حسب ما فهمت هذي مرت خوك ماتخاف ربي ما تحترم زوجها ربي يهديها و يفرج عليك ، و يعطيك الصحة لي راكي متحملتها على جال خوك أنت بنت أصل و ان شاء الله ربي يعطيك على حساب نيتك
الرجوع الى أعلى الصفحة اذهب الى الأسفل
oum mossab
مشرفة ركن الطبخ
مشرفة ركن الطبخ



مُساهمةموضوع: رد: مارايكن في مشكلتي ؟؟؟؟؟   الأربعاء مايو 05, 2010 2:17 pm

اه يا ام توبه الله يكون بعونك
راكي عايه في مشكل كبير
ربي يهدي زوجه اخيك
و انت يا ام توبه علاه ماتحكيش مع زوجه اخيك صاحبيها و كل مره ديري لها سبه باه تحكي معاها في اجابيات تاعها ،،صح الموقف صعيب من جهتك ، و النيف كاين في كل امراه ، بصح ديري هكدا من اجلك و اجل اخيك ،
بالاك هدي زوجه اخيك نفسيتها تعبانه للغايه و عاشت طفوله صعيبه ، و.ووووو
بالاك ماهيش مرتاحه مع اخوك و الله اعلم انت قلتي يضربها ، راهي تحاول تنتقم من عايلته بطريقه غير مباشره، انت تعبتي معاها و عالابالي بلي راكي تتفادايها في كل وقت ، بصح حاولي تتقربي منها المره الاولى احكي بالشويه تجيك صعيبه صح كي توالفي تكوني انت الرابحه ماديريش هدا الشيء لوجهها تفكري اولادك و نفسك .........
يا رب طمنينا عنك و ربي يفرجها عليك اختي

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
/



[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ام توبة
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   الأحد مايو 09, 2010 2:46 pm

مساء الخير عليكن كامل ويعطيكن الف صحة وعافية وبركة وجزاكن الله عني كل خير لدعواتكن الصادقة وتفاعلكن معي


ومشكورة ياام مصعب على الاهتمام والنصيحة وصدقيني والله غير هاذاك واش راني نعمل معاها ...راني نسلتلها باش متخلقليش مشاكل وكيما تقول ننعملها وديما عندي متهبط غير ساعات وانا مكبرة قلبي ونقول وجه والديا وراه يجي النهار يلي نتفرقو ونخلي عرضي زين

اما عن كونها ماهيش متهنية مع خويا والله العظيم ماهو كيعاد خويا بصح غير دايرلها الجنة في صحن وميطلب منها والو غير القدر والسترة وهذا الشي صعيب عليها ....خاطر بصراحة راه يسلك في الغلطة نتاعو ...الرسول عليه الصلاة والسلام حذرنا من خضراء الدمن وخويا غواه الزين خليه يسلك ورانا كامل نسلكو معاه رغم انو والديا عارضوه بصح صحح وجهو وجابها وقال نغير فيها بصح المسكين هو يلي تغير ...المهم خلاصة القول انا مرت خويا معندهاش بزاف ملي لبست الحجاب ....وبالقوة وزيدي عندها 3 خاوتها مهابل ...يعني من عيلة ميعلم بيها غير ربي بصح المكتوب يلي يمشي في الناس ووالديها الحق ناس ملاح بزاف بزاف بصح هي حتى هوما ضاغطينها ومقدرولهاش ...حبيتو اختكم ام توبة تقدرلها خخخخ


واش نقول ربي يهدي مخلق برك ....

المهم اخر قرار خرجا ليه انا وراجلي اننا نروحو للعؤش نكملوا واش كتبلنا ربي ثماك ....والسترة ولا التبهدايل والمشاكل ويعطيكم الصحة بزاف بزاف واسمحولي عمرتلكم ريسانكم بمشكيلتي ...
الرجوع الى أعلى الصفحة اذهب الى الأسفل
ام هند
عضو مميز
عضو مميز



مُساهمةموضوع: رد: مارايكن في مشكلتي ؟؟؟؟؟   الأحد مايو 09, 2010 3:04 pm

ربي يهنيبك اختي ام توبة ويفرج عليك وزين ما اخترتي
الرجوع الى أعلى الصفحة اذهب الى الأسفل
 
مارايكن في مشكلتي ؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المرأة الجزائرية المسلمة :: الاخوة والتعارف :: ملتقى الاحبة في الله-
انتقل الى: