* تحبني ولا لالا**

مشرفة الركن العلمي والشعر

بنات شكون فينا ما تسألش زوجها *** تحبني ولا لالا****؟كل يوم
كتبت هاد لكلام ليكم كلكم إن شا ء الله يعجبكم

*مرة سألت زوجي تحبني ولا لالا
*رد عليا وقال كما يحب عنتر عبلة
*وكما تجنن إمرؤ القيس على ليلى
*نحبك كما الورد يمد لعسل للنحلة
*أنت الورد أنت الياسمين أنت قرنفلة
*كفاش مانحبكش وأنت معيا فحلة
*إيه نحبك ونموت عليك يا لالة
*خلا ريحتي روحي خليني نقرا لمجلة
*** تحبني ولا لالا**** 231705

ادارة المنتدى

ههههههههههههههههههههههههههههه يا ام ريما والله ضحكتيني
لو كان يقولي هذا لكلام كامل نطيح يغمى عليا
صح نسال هذا السؤال بالصح الجواب مقتضب جدا واعلاش ما نحبكش واش راكي تشوفي فيا نديرلك طبعا نحبك وخلااااااااااااااااااص
يعني يخرجهم بالسيف
بالصح انت ما شاء الله عنتر وعبلة وقيس وليلى هههههههههههههههههه

مشرفة الركن العلمي والشعر

هههههههههاوالله عندك الحق غالبية الأزاج مايعرفوش
يعبرو لكن قلبهم كبير وحنين شكراا إدارة على تعليقك
اللطيف

مشرفة ركن الطبخ

روعه يا ام ريما اليوم نبات نحلم بهده الكلمات هههه بالاك نشوف زوجي يقولهالي في المنام
كون جيت اسمعها راني نسيت هم الغربه ههههههه
هههه ياميمي ضحكتيني ازواجنا معقديين ههههه
قولي ام ريما زوجك يقولك هكدا صح و لا انت تاني تحلمي هههههههههههههههههههههههههههههههه

مشرفة الركن العلمي والشعر

om mossab والله قتلتيني بالضحك دمك خفيف
زوجي يقولي أكثر من هاد لكلام بصح أنا زوقتو باش
لكلام يجي في جمل مفيدة هههههها
يقولي الدار بلابيك سامطة ويقولي بلا بيك نضيع ههههها

مراقبة عامة للمنتدى

هههههههههههههههههههه يا ام ريما يا ربي ما يحرمنا من اشعارك والله غيل تعجبني بزاف
اذا زوجك راه يقولك هذا الكلام فاكيد ما راهش جزايري هههههههههه
نبعث زوجي لعنده يعلمو شوية
انا يقولي كلام بصح مشي كيما هاك
مثلا الدار بلابيك سامطة انت الرقم واحد في ذا البيت
شكون اللي غادي تجي احسن من مرتي وغيرها
بصح يقولي نحبك ههههههههههه نادرا ما وين يقولها وكي نعصره مليح

دمتي وفية بكتاباتك حبيبتي

مشرفة الركن العلمي والشعر

حببتيassaia والله شعور متبادل
المهم أنو يعترفك بحبو ههههها كيفاش قالها مايهمش
المهم أنك مصباح الدار والباقي ظلمة ههههها
مرورك روعة وتعليقك أروع

مشرفة ركن الطبخ

هههههه يا ام ريما
ربي يخليكم لبعض
خوخه ههههههههههه كيفاه تعصريه باه نعصره انا تاني هههههههههههه
تعرفوا انا كان العام الاول و التاني يقولي كلام جميل ، و كي يجبلي النوار يقولي هههه و الريحه درك والو جاو لولاد داو بلاصتي
مره سافر زوجي قعدت وحدي 15 يوم اعترف بلي يحبني هههههه بصح قالي هده هي طريقتي هههه
زيدي يا ام ريما امتعينا بالكلمات الجميله

المشرفة العامة للمنتدى

هههههههههههههههههههههه يا زيزي والله دمك خفيف وتتحبي يا بخت زوجك بيك

مراقبة عامة للمنتدى

ههههههههههههه يا زيزي قتلتيني بالضحك
كيفه نعصره نبقى ندلع عليه ونقول تحبني ولا لا ويا ويله اذا قال اللا ههههههه
نمزح برك شوفي مش شرط يقول لزوجته نحبك يبينلك بحوايج وحد لخرين
مانيش عارف كل زوج و طريقته

عضو مميز

والله يا لبنات قتلتوني بالضحك ربي يسعدكم مع اولادكم و ازواجكم
انا تاني كي نتزوج نديرلو نظام الشناوا كل صباح يقولي كلام الحب و
مش كل يوم فرد كلام نحب كل يوم كلام وحداخر يعني يألف ههههههههههه
si no نعصرو بصح قلولي كيفاه يتعصر من ضرك لا تتفر فيا وتتعكس
هههههههه
ربي يهنيكم

مشرفة الركن العلمي والشعر

ههههههها الله يخليكم يالبنات
اللي يحب يحب بقلبو ماشي بالسانو هذا كلام زوجي
وأفعالو هي دليل حبو ليك
شكرا بنات على تعليقاتكن الرائعة
titoma تعلمي من الأن باش تشديه من لسانو

عضو مميز

هههه يا لبنات قتلتوني بالضحك ، يعطيك الصحة أم ريما ، على الموضوع ، و الله كاين بعض المواضيع تطرح تقتل بالضحك و تفاجي على القلب ، أم مصعب ، أوراسية خدوج رانا كامل كفكيف ، ميقدروش يقولوا لينا نحبوكم ، مانيش عارفة علاش ، المهم يبينو بالتصرفات ، أنا متلا نهار مرضت مسكين جاني و قبلني و بقي يتكلم معايا ، تعرفوا واش قالي ، ههههه

قالي حفيظة مليح ليك غير المرض باه تسكتي عليا شوية و ما تحوسيش عليا كيلجدرمي ،gendarme هههههة، بصح يا لبنات هديك الكلمة تع الدار بلا بيك سامطة ، أنا لوكان تخطيني نت كي يصرلي ، كامل يقولها ، بصح باه يقول نحبك ب 66, كشفة حتى نصمط عليه يقولي إيه إيه نحبك غير روحي عليا ههههه

تيتوم تعلمي كما قالت أم ريما ، من درك ، hhhhhh

مشرفة الركن العلمي والشعر

zakia والله كلام عسل ياعسل قتلتيني بالضحك نقرا ونضحك
ههههههها أنا تعود على السوؤال ومن غير مانسألو يسبق
يقولهالي ويضحك ويقولي على بالي رايحا تسأليني كلعادة
ربي يخليلك اللي تحبيهم أختي zakia ما قالهاش هو قوليها
أنت

عضو مميز

والله قتلتونني بالضحك
انا راجلي اذا قالي نحبك نتخلغ ههههههههههه
يعني كيفاش حتى تعب روحو وطلع هاذ الكلمة

مشرفة القسم الإسلامي

ههههههههههه ربي يهنيكم يا لبنات

أم ريما أبياتك رائعة أختي و كلامك حلو ربي يحفظك
سبحان الله و الله مقبيل برك كان زوجي خارج قلتلو إذا تحبني قالي طبعا قلتلو علاش ما تقولهاليش مالا قالي علاش شرط نظل نقولك قلتلو إيه لازم كي قبل ما تخرج تقولهالي و كي تدخل تقولها هههههه قالي هايلة هاذي قانون جديد
بصح كيما قالو لبنات الحب يظهر بالأفعال مش بالأقوال بصح مليح أحيانا الزوج يفحشش مرتو هههه

مشرفة ركن الأزياء

هههههههههههههههه يالبنات قتلتوني بضحك

كلمات رائعة حبيبتي ام ريما صح لسانك

مشرفة الركن العلمي والشعر

شكرا حبيباتي haiat /أم عبدو /njoudz
ومثل ماقلتو الحب بالأفعال والكلام هو الملح أي يعطي
نكهة للأكل والكلام في الحب يعطي معنى للحياة
الله يديم علينا حب أزواجنا واللي مش متزوجة يرزقها
بالزوج الصالح قولو آمييييييين

مشرفة ركن الطبخ

ههههههههههههههههههههههههههههههه قتلتوني بالضحك يا بنات هههههههههه
هدا الشعر تاع ام ريما رجع الصفحه تاع الدردشه في حب ازواجنا
ههههههههه يا خوخه تعرفي انا تاني مره عصرتو تعرفي قالهالي و اهرب ههههههههههههههه
ههههههههههه حياه و الله ضحكتيني كيفاه تخلعي هههههههههه
زكيه هههههههههههههههههه تعرفي واش قالي مصعب درك قالي واشبيك تضحكي ههههه
ازواجنا معقديين زعمه عايشين مع القور ههه
ام ريما هدا راجلك واقيله مخالط المصريين ههههههه
البارح انا و زوجي نحكيو على الكلام الجميل ، جبتلوا الحكايه تاع ام البنات
وهي
المراه الجزايريه سخفت على الكلام الحلو وحبت تعاند المصريه
المصريه قالت لزوجها شفت القمر يا حبيبي ، قالها انت القمر كله
لما الجزائريه سخفت على الكلام الحلو قالتها لزوجها قالها شفتوا مانيش عور ههههههههههه
تعرفوا واش قالي زوجي ، ههههههههههههههههه
قالي عندها الزهر كيماقالهاش كلام اخشن من هدا هههههههههههه،

مشرفة الركن العلمي والشعر

هههههههههاهههههههههها خلاص عيت من الضحك
أنا راني وحدي أولادي رقدو وزوجي يخدم في الليل
راني نضحك على كلامك لحلو ياom mossab ههههها
أنا زوجي مايحبش الأفلام المصرية وعمرو ماشاف أفلامهم
وميفهمش لهجتهم راجلي يعرف غير الجزيرة والأخبار
ويحب الشعر بزاف وهاد الشعر يقولو غير ليا ههههههها

مراقبة عامة للمنتدى

هههههههههههههههه يا زيزي قتلتيني بالضحك وجك حب يبينلك قالك غير ما شقاش تسناي نقولك كلام حلو هذا معناها

غادي كي يجي زوجي نقولهاله ونشوف واش يقول هههههههههه

» أطباق جزائرية خطيرة و مجربة ادخلوا يلالا.لالا....................