| | @@ثمار الأرض تجنى كل موسم ...لكن ثمار صداقتنا تجنى كل يوم @@ |  |
|
+19ام فريد ام البنات أوراسية أم ريما zakia soufya مسلمة زينب-162 ام هند فتاة الدعوة الزهراء njoudz حفيظة haiat أم يونس assia2007 oum mossab awrassia نورة الجزائرية 23 مشترك |
|
| كاتب الموضوع | رسالة |
|---|
awrassia
ادارة المنتدى
 |  موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@  الثلاثاء مارس 16, 2010 7:31 pm | |
| ربي معاكم اخواتي
زكية ربي يشفيك امالة حساسية
ام ريما ما تخافيش حنونة الاحلام هذه من الوحش برك | |
|
 | |
zakia
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 8:03 pm | |
| أمين يا رب، شكرا أوراسية ،لا لا ماقالش حساسية ، قال فيريس راه ينتقل، خديج متنسيش لي قلتلك ، يا بنات تصبحون على خير ، أنا راني شوية عيانة | |
|
| | |
أم ريما
مشرفة الركن العلمي والشعر
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 8:21 pm | |
| zakia حنونة والله الغربة هي غربة مافيهاش شوية قريبة
ولا بعيدة تقعدي عام ماتشوفيش الغالين عليك
أنا نخاف يجي يوم وأولادي ينساو العربية وفي الدار نتكلم
معاهم بالعربية لكن أحيانا الأولاد بينتهم يتكلمو بالإسباني
zakia أنت وين عايشة؟
إدارة المنتدى يعطيك الصحة على لكلام الزين اللى يريح
البال والقلب | |
|
| | |
الزهراء
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 9:31 pm | |
| السلام يا حباباتي وشراكم
نجود ربي يحفظك صار انا الكتكوتة نتاع المنتدى وانتي نور عيني يا لعوينة
ومورالي اتعدل بفضلكم عليا
حبيبتي ام ريما فرحني ردك وربي يسعدك في دنيتك
يا زكية يا لعوينة انشاء اللهه سلمات
ربي يشفيك
ام مصعب لكبيدة وشراكي حنونتي انت و الاولاد
البقية احبكن في الله حبيباتي | |
|
| | |
oum mossab
مشرفة ركن الطبخ
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 9:32 pm | |
| kifkoum yabnet
zakia rabi yechfik oukhti elghourba s333333333333333iba
oum rima , mimi , kifkoum | |
|
| | |
oum mossab
مشرفة ركن الطبخ
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 9:35 pm | |
| كيفك تيتومه حنونه
و الله دمك عسل يا اختي الصغيره
ان شا ء الله تكون القلقه راحت عليك | |
|
| | |
الزهراء
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 9:42 pm | |
| الشرف غرقني با الغالية كي قلتي اختي الصغيرة
صدقيني راني حنينة بزاف ودمعتي ساهلة
راكي بكتيني من الفرحة
انا دي عسل بصح انتي العسل في حد ذاتو
ربي يعطيك في وليداتك يا رب | |
|
| | |
oum mossab
مشرفة ركن الطبخ
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 10:01 pm | |
| الله يحفظك حبيبتي تيتومه علي الدعوه الجميله
و يرزقك ربي بزوج صالح يمسح دمعتك ، كيف احوالك و احوال امك كيف ناس ام البواقي راني رحت لها مره ههههههه | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 11:55 pm | |
| | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 11:56 pm | |
| | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الثلاثاء مارس 16, 2010 11:57 pm | |
| | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:01 am | |
| السلاااااااام عليكم يا لبنات
والله غير لييييكم وحشة كبيرة
ولجلستكم الطيبة
سااامحونننني كعادتي راني داخلة في نص الليل
الله غالب
هذا وين القيت الوقت اليوم
راني انحضر مع اختي في الحلويات
ورحت شريت لها اليوم حلوة ادراجي
وكل هذا
زوجي يدهن في غرفتي
خليته المسكين وخرجت من منتصف النهار
نزلت لباريس
من محلات انا وصديقتي رحنا معا
وربي يثبتكم ويغفرلي ولكن
دعواااتكن لي والله راهي الدنيا انشوف فيها .............غير ربي يستر
وتعبت ياااسر اليوم .....ما عدت زي الاول الله غالب عن امره
والحمممممممد لله عن كل حال | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:03 am | |
| ياربِ هذي ذنوبي في الورى كثُرت
وليس لي عملٌ في الحشر يُنجيني
وقد أتيتك بالتوحيد يصحبه
حبُ النبي وهذا القدرُ يكفيني | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:04 am | |
| | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:05 am | |
| | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:08 am | |
| ربي ارزق ذريتي صحبة الاخيار وتوكل الاطيار ربي وبلغني فيهم غاية املي ومناي بحولك وقوتك ربي متعني ببرهم في حياتي واسعدني بدعائهم بعدمماتي
| |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:09 am | |
| هــي الدنيـا فلا تحـزن عليهـــا وابشر إن تراخت في وصـالك فمافيها مهــان عند ربي ومافيها يجر إلى المهــــــــــــالك تذكر جنة الفردوس واعمـــــــل ولاتنسى نصيبك من حـــــــــــلالك ولاتنسى جهنم حين تلهـــو تذكر خــــازن النيران مالك الله | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:14 am | |
| | |
|
| | |
نورة الجزائرية
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:20 am | |
| استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله | |
|
| | |
أم يونس
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 8:11 am | |
| السلام عليكم
أسعد الله صباح الجميع
أم زينب ربي يجيبلك ساعة خير بكلامك راكي زدت قلقتيني كثر وكثر و تعرفي
ختك ماكانش المخوافة فوق لرض قدها بصح الوحدة تسلم أمرها لله قادر سبحانه
و ربي يفرحنا باولادنا كامل
زكية ربي يشفيك بصح ميمي نسات بأنك حامل و بالشهر 6 أو 7 مالازمكش
الزعتر و الشيح كما قالت خاطر حاميين بزاف و يأثرو عليك و على الجنين أشربي الحليب
و زيت الزيتون إذا تنجميه
تيتومة ربي يفرحك بزوج صالح الي يفرحك و يعوضك و هاذوك مهما كانوا داركم ماعندك ماتعملي | |
|
| | |
njoudz
مشرفة ركن الأزياء
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 9:52 am | |
| السلام عليكم ورحمة الله وبركاته
صباح النور والانوار عليكم يا اغلى الحبايب وشراكم حبيباتي والله غير توحشتكم
انا اليوم عندي ضياف البارح كي خرجت عديت على مرت خويا جبتها عندي تقعد يومين راني متونسا بالامورة تاعها وحد الطفيلة تشوفوها تاكلوها الله يبارك ومبعد انصورها ونعتلكم صورتها
تحياتي وقبلاتي للجميع [ندعوك للتسجيل في المنتدى أو التعريف بنفسك لمعاينة هذه الصورة] | |
|
| | |
oum mossab
مشرفة ركن الطبخ
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 10:12 am | |
| السلام عليكم بنات
واش راكم
نجود رانا نسناو في الكتكوته هههههههههه
نيره ربي يقدركم ، كلش مبروك مسبقا ، صورينا الحلويات هههههه
سوسو كيفك و كيفه يونس ،، انا تاني بنتي عندها لحمات بالاك نحيهوملها ، وكتاه تولدي
البقيه وين رحتوآآآآآآا | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 10:33 am | |
| سلام عليكم حبيباتي كيفكم هذا وين راني داخلة من عند الطبيبة نجود كيفك حبيبتي سلميلنا على الامورة تعرفي نموت على لبنات هيا خفي الحقي بينا باهت تجيبلنا عروسة انت تانيك زيزي كيفك اختي وحد البرد راه عندنا ما تشوفيش كرته نتاع الصح سوسو كيراهي مستغانم توحشتها وكيراه يونس كاش غيرة ميمي كيفك يا لحبيبة نورة نوارتنا كيفك فيفي وينك تيتومة الحمد للله كي المورال طلع ان شاء الله تلقاي العريس اللي يهنيك ويفرحك زكية ربي يشفيك اختي شوفي الفوندون تلقايها في بريزما تلقايها من جهة نتاع الحلويات وين كاين لفني ودوك لحوايج ها هي صورتها [ندعوك للتسجيل في المنتدى أو التعريف بنفسك لمعاينة هذه الصورة]و البقية كيفكم احلى تحية ليكم كامل | |
|
| | |
oum mossab
مشرفة ركن الطبخ
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 10:51 am | |
| اهلا خوخه كيفك ، واش قالت لك الطبيبه ،
وعلاه مابنتيش البارح درتلك بحث ههههههههههههههه
هنا الجو روووعه وصلت حتى10د شميسه و الجو شباب
انا النيت عندي تقيل تقول راني في البلادههههه | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 11:00 am | |
| ههههههههه يا زيزي قاتلي حاجة طيحتلي المورال
قاتلي حبسي السكر حتى تولدي قلتلها انا نحب القاطو و لي تارت قاتلي حبسي كلشي
البارح كنت عاية نتاع الصح قلبي بغا يحبس منعرت وعلاه
سعدكم الشميسة راهي عندكم حنا البرد قتلنا والله | |
|
| | |
oum mossab
مشرفة ركن الطبخ
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 11:09 am | |
| ههههه يا خوخه انت حبسي الحلويات كي تولدي بردي قلبك فيها ههههه
انا نفضل القاطو علىالفاكهه
عندنا الشمس بصح راني مربوطه راني نسنا في الخدامه تاع العماره جايين يفيريفيو العيون ههههه
هبلونا نهار كامل و هم يخدموا ،
مباعد ماديه مصعب للمكتبه عندم اعمال تما يعلموهم كيفاه يغسلو القش ههههههههههههههههههههه | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 11:20 am | |
| ههههههه يا زيزي يعلموهم يغسلو القش هذية حاجة مليحة
حنا الخدامة كي يقولك وقتاه نجي يجي عندهم المواعيد مضبوطة 100/100
كنت ناوية ندير بسكوتة نتاع اليوورت لعشية ايا شوفي غادي نقلبها خبز اسود نهار كامل
وخلاص | |
|
| | |
أم ريما
مشرفة الركن العلمي والشعر
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 11:28 am | |
| صباحكم فل وورد وياسمين
واش راكم لبنات؟ إن شاء الله تكونو ملاح
اليوم نهار شباب وسخون عندنا في إسبانيا كرهنا من البرد
الأولاد وزوجي عندهم عطلة تاع 4 أيام كاين واحد المهرجان
يقام سنويا تاع الدمى الظخمة في كل حي يحطو دمى وبعد أسبوع يحرقوها مع الألعاب النارية
راح نصورهم ونحط الصور
سلالالالالالام كبيييييير لكل وحدة فيكم | |
|
| | |
oum mossab
مشرفة ركن الطبخ
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 11:32 am | |
| ههههههههههههههههه يا خوخه ضحكتيني هكدا باه مصعب كي نهبط للبلاد يغسل قشه وحده . ندي حتى سلسبيل هههههه
هنا تاني مواعيدهم 100/100 كاتبين في الورقه من 8 تاع الصباح ،، يعني العماره كامل يخدموا فيها ،، نصبر حتي تجي دالتي ههههه
ههههه سيري خبز او بريوش هههه او خبز تاع الشعير ههه ندبر عليك
ام ريما كيفك
دبرتوها علي الاقل يديك زوجك تحوسي
ههههه واش هدا المهرجان ههههه رانا نسناو في الصور | |
|
| | |
الزهراء
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 11:38 am | |
| صباح الانوار على حباباتي الغاليات
الزينونات البوقوسات الكبيدات الحنونات
لعوينات توحشتكم كاااااامل
ام يونس ربي يعطيك على قد قلبك الطيب
حبيبتي آسيا وشراكي ياميمة راني نموت عليك
ام مصعب الكبدة تاعي ممممموووح بوسة على خدودك وللاولاد
نجود الزينونة نتاعي واشراكي
راكم دعيتولي كامل ببلاك راح نتجوز السنة ههههه
نورة اختي آمـــــيــن | |
|
| | |
الزهراء
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 11:43 am | |
| ام ريما وشراكي اخيتي
تحياتي للحبيبات الاخريات | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 12:54 pm | |
| تيتومة لحبيبة كلامك عسل يا عسل والله غيل تدخلي للقلب بدون استئذان ربي يحفظك ويعطيك ما تتمناي
ام ريما سعدكم الحال شباب عندكم انا كنت حابة نخرج بعد للفطور نروح للسنتر خصني شوية حوايج وبطلت البرد والريح قتلونا | |
|
| | |
awrassia
ادارة المنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 1:09 pm | |
| مرحبا حبيباتي
كيفكم
حبيت نطل عليكم وراني راجعة للخدمة
تهلاو في رواحكم
وفالمنتدى ههههههههههههههههههههه | |
|
| | |
زينب-162
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 1:15 pm | |
| السلام عليكم
لبنات انا اتليوم رحت للطبيبة ف الصبح وقالت لي الطفل كبر بزاف وتان المشيمة هبطت بزاف ولازم نولد قيصري
والله فرحت وخفت
ضرك للعشية نروح ليها باش نجيب البرية لي تبعتني بيها للسبيطار
ف الكلينيك يديروها غالية كون دخلت اليوم يديروها ب5ملاين وانا والله مانقدر حتى راجلي مسكين راه مقبوض بالديون الله يسلك
قلت نديرها ف السبيطار وخلاص نشوف برك وينت تكون لاقارد تاع الطبيب وندخل
دعواتكم واي جديد نقلكم | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 1:21 pm | |
| اهلين اختي سامية كيفك انت تاني كبر البيبي قوليلي اختي شعال راه حجم البطن ناتعك من سنتيمتر
انا الاسبوع اللي فات كان 29 ودي لمرة زاد ب 4 سم
وقاتلي حبسي السكر وما نكذبش عليك من قبيل وان نبكي ران يخايفة لا لبيبي راه كبير بزاف | |
|
| | |
زينب-162
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 1:26 pm | |
| اسيا ماتخفيش انا هاد الاسبوع كبر بصورة غير طبيعية تقول راني نضل ناكل
وتان انا مانكلش بزاف الحلو وراكي تشوفي
للعشية تاطيني ليكوغرافي ونقلك وشعال راني من سم
والله يا اسيا غير راني خايفة بعد 4 ولادات هاذي جات معجبة
الله يعين برك | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 1:28 pm | |
| ربي يسهل عليك اختي ويجيبلك ساعة ساهلة
تعرفي انا اللي راهي مقلقتني في عمر حجم نتاع بطني في دا الوقت كان 28
وكي وصلت للاسبوع 40 وصلت 33 سم
بصح ضرك راني في 35 ما زال باقيلي 5 اسابيع والله وحد الخوف راه فيا ربي يستر
وتسلك | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 1:41 pm | |
| | |
|
| | |
الزهراء
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 2:19 pm | |
| صحا غداكم يا لبنات
اختي زينب بربي ما يكون غير الخير
حنونتي آسيا وشراكي
انتوما تهدرو على لولادة انا نخلع
كيما هداك النها ر قريت الردود على الولادة الخياطة حاجة مادجي بالساهل
كلش فالمرة مسكينة
لوحم لوجاعات الخياطة الرضاعة
الراجل والله علكيف نضيف رهيف | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 2:27 pm | |
| هههههههه يا تيتومة والله غيل ضحكتيني صح الراجل نضيف ومنين تقوليله راني خايفة يقولك ساهل ساهل ما كان والو | |
|
| | |
الزهراء
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 2:43 pm | |
| لوكان جا هو راهو خرجو عينيه
معلبالهم بوالو يحساب تروحي ديري هك تحطيه
انا امي كي ولدت باختي كان في عمري 12 سنة كينضنا الصباح مالقينهاش سقسيت نانا (جداتي ) قالتلي راحت تولد ودجيبلك اختك مموشة جبتها نهار كامل وانا نسنا
تروح حتى غراب المغرب دورتها بالبكا
كيجا بابا قتلو وعلاه ماجبتيش امي واختي
قالي غدوا تلرح راهي مريضة ضرك
قتلو ياخي تروح تنيحولها الطبيبة من كرشها فرات وتروح
ماتت نانا بالضحك عليا
معلباليش بلي راهو عداب | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 3:11 pm | |
| ههههههههههه يا تيتومة اختي الوحدة ما تحسش حتى تجرب | |
|
| | |
njoudz
مشرفة ركن الأزياء
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 3:14 pm | |
| اهلين بنات وشراكم حبيباتي
اسيوية وزينب حبايبي متقلقوش رواحتيكم انشاء الله تجي سلمات
تيتومة ضحكتيني هدا مزال مجربتيش وتقولي هكدا امالا نهار تجربي واش تقولي هههههه
حبيباتي راني جبتلكم الصورة تاع الغزالة تعنا شوفو وقولو الله يبارك هههههههه[ندعوك للتسجيل في المنتدى أو التعريف بنفسك لمعاينة هذه الصورة] | |
|
| | |
assia2007
مراقبة عامة للمنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 3:16 pm | |
| يا عمري ربي يحفظ الخنفوسة الله يبارك
خمس وخموس عليها راهي طارت يا نجود عمر هو الاول
فهمي يماها وقوليلها راه جاها خاطب من فلندا | |
|
| | |
njoudz
مشرفة ركن الأزياء
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 3:21 pm | |
| | |
|
| | |
الزهراء
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 3:31 pm | |
| لالا راني هدرت واش راني نشوف يا حبوبة
انا كي يجي سطر تاع العادة برك راني نموت فما بالك يخرج عبد منك | |
|
| | |
أم يونس
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 4:18 pm | |
| سلاااام لبنات أم زينب و الله صدقيني فرحت في مكانك و قلت يارب انا ثاني يقولولي لازمك قيصري [ندعوك للتسجيل في المنتدى أو التعريف بنفسك لمعاينة هذه الصورة] ماتقولوش مهبولة لا بالعكس في ولادتي الأولى بغيت القيصري بصح راجلي ماحبش بصح نهار الولادة الله لاشوفكم حجم البيبي كان كبير بزااف و خصوصا راسه وهذا المرة حتى الطبيب قالي ولدك الاول كيفاش كان حجمه و راسه كبير ولا عادي حسيت حتى هذا كيف الأول ( حتى فتحوني هم و بداو يخيطوا كالعصبان ) أمالا قيصري أحسن مليون مرة خوخة كيفاش تعرفي شعال من سم ضرك نشوف في إيكوغرافي نتاعي جابلي ربي من مدة طويلة 32 هههه يعني في 9 نكون 50 سم ههههههههه | |
|
| | |
awrassia
ادارة المنتدى
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 5:49 pm | |
| هههههههههههههههههههه يا لبنات نقرا في ردودكم ونضحجك ربي يحفظكم ويخليكم سامية اختي ربي يسلكم وحلك على خير ان شاء الله وما تخافيش سوسو راكي حابة قيصري والله تضحكي نينومة قتلتيني بالضحك راكي حاسة واش يصير بالمرة نونو هذا الفلوسة ما شاء الله ربي يحفظها تهبل [ندعوك للتسجيل في المنتدى أو التعريف بنفسك لمعاينة هذه الصورة] زيزي جيجي نورة ام ريما امة الله توحشناك والبقية لكن ارق واعذب تحية | |
|
| | |
njoudz
مشرفة ركن الأزياء
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 7:00 pm | |
| اهلين يا صبايا وينكم راكو هجرتو المنتدى اليوم واش بيكم
اوراسية حبيبتي ربي يخليك عيونك الي حلوة
ام يونس تيتومة مشفتوش الزين الي قدامكم هههههههههه | |
|
| | |
soufya
عضو مميز
| | موضوع: رد: @@ثمار الأرض تجنى كل موسم ...لكن ثمار صداقتنا تجنى كل يوم @@ الأربعاء مارس 17, 2010 7:06 pm | |
| السلام عليكوم بنات بلادي توحشتكمممممممم
نجود ماشاء الله على البنوته عقبالك يا رب
| |
|
| | |
| | @@ثمار الأرض تجنى كل موسم ...لكن ثمار صداقتنا تجنى كل يوم @@ | |
|
