المرأة الجزائرية المسلمة
اختي الكريمة نتشرف بزيارت لمنتدى الاسرة
ويزيدنا شرفا ان تسجلي معنا لتجدي كل ما تحتاج اليه المراة المسلمة
المرأة الجزائرية المسلمة

خاص بالمراة الجزائرية المسلمة وكل ما يهمها في حياتها وينفعها في آخرتها
 
الرئيسيةس .و .جالتسجيلدخول
المواضيع الأخيرة
» انشودة اني لمطرح ببابك
الخميس يونيو 30, 2016 3:44 pm من طرف ام صهيب

» غراتان البطاطا شحال بنين وساهل مممم من كوزينتي خاصة لام ريما لي طلباتو
الخميس مارس 03, 2016 11:28 am من طرف ميرال

» ملتقى عضوات المسلمة الجزائرية هنا يلتم الشمل
الأربعاء يناير 06, 2016 5:29 pm من طرف أم عبد الله87

» رسالة من القلب
الأربعاء ديسمبر 23, 2015 3:28 pm من طرف assia2007

» واخيراااااااااااااااااا اقدرت ندخل ونتلقى مع حبيباتي مرة اخرى
الثلاثاء ديسمبر 22, 2015 1:43 pm من طرف الغفران

» أكـــتب..كلمهـ للمشرفة العامة للمنتدى
الإثنين ديسمبر 21, 2015 12:45 pm من طرف awrassia

»  !!!! ويحكِ أمَّتي !!! إلى أين المسير ؟! !!!!!!!
الأحد ديسمبر 20, 2015 7:48 pm من طرف نورة الجزائرية

» سيدتي انستي المسلمة واش طيبتي اليوم
السبت ديسمبر 19, 2015 8:59 pm من طرف oum aymen

» وين راكم
الأربعاء ديسمبر 16, 2015 7:25 pm من طرف awrassia

» نداء للاخوات
الأربعاء ديسمبر 16, 2015 5:23 pm من طرف awrassia


شاطر | 
 

 يا بابا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أم عبدو
مشرفة القسم الإسلامي
مشرفة القسم الإسلامي



مُساهمةموضوع: يا بابا   الجمعة فبراير 05, 2010 12:31 pm





يــــــا بــــــــــابـــــــ ــا
هاذ الدنيا حـوالها غــــــريبــة * * مــــا نعملوش قيــمة للحاضر
ونهار تــروح الحاجة وتتخـبى * * لتم الي نعملولها قــيمة وقدر
كم من واحد عاش في غربـة * * كان مشتاق مع ولادو يهـــدر
مشـتــاق يسـمـــع كـــلــمة بابا * * ويقعد في مايدة معاهم ويڤصر
بعد مـــا شــقى وتعب أو ربى * * وعطـــالهم كامل واش قدر
بعد ما حمل شحال من ضربة * * ورفد كلشي في قلبو وصبر
خدم والخدمة كانت صعيـــبة * * وكان كي يلحق راس الشهر
يروح يجــيــب هـاذيك الكاتبة * * ويجي يمدهالهم ليهم فاللاخر
الي يطلبــــوها كـــانت تتـلبـى * * وكان عليهم عمــرو ما يتأخر
رافد في يدو ورقة مكتــوبة * * ويدبر راسو منيــــن يدبر
كان يعطيــــهم وبلا محاسبة * * وســـاعات حــتى هو ما يفطر
غير باش ذاك الدورو يتخبى * * وولادو برك ما يباتوش للشـر
هات يلبسوا الحـــاجة الشابة * * وهات المحفظة ديالهم تتعمر
وهات ما تخصهم حتى لعبــة ** والحاجة الي يطلبوها تحضر
ولا كاش ما تكون كاش سبــة ** ولاّ مـــرض لا ربــــــي قدّر
ولا كاش ما تلـــحق منـــاسبة * * كــــان باباهم دايما حـــــاضر
المهــــم برك وليــــدو يتربـى * * فالعز وفالخير باش كي يكبر
يتكل عليـــــه عنــد العقــوبة * * ويصيبو كيما رباه فـــالصغر
المهم ربـــاهم حبــــة بحبــــة * * عمللـــهم كــــــامل واش قدر
زرع فيـــهم لحنـــان والمحبة * * لكن حصد شي وحـداخر
ولادو كبروا وطلعولو ذيوبا ** وهذاك الخيــر ردوهــولو شر
بيـــن يديـــهم ولا لعــــــبة * * ولا وليــــدو بيــــه يتمسخر
ولا قافز ويقـــــــــولك بابا * * عبد قـــــديم مزال متــاخر
ولا لما يشــــوفو يتــــخبى * * ويحشم بيــه قدام وحدوخر
يقوللو يا شيخ في عوض بابا* * هذا ايلا كان معـــاه يهدر
ولوخر ولا صحـيـح أو ربّى * * الرقبة والــذراعتين والصدر
رفد يدو وضــــــربو ضربة * * صعيبة بزاف بــاش تتنغفر
ولوخرا كبرت ولات شــابة ** ولات تضرب باباها فالظهر
في غيابو تعمل ما راهي حـابة ** ولا ساعـــــات قدامو تجهر
ووليدو لاخر راح للغــربة * * عجبوا لزين نتــــــاع لقور
عجبو الزهو نتاع أوروبا * ** وما زادش بـــــان عليه خبر
ونسى حتى كيفاش تربى * * عمبالو وحدو هكذا... كبر
وستخسر في باباه كـــتيبة * * * كلمة يطمنو بيها ويصـــــبّر
وخوهم لاخر صاب السبة * ** قـــــالك الديق وبــابانا كبر
راح رفـــــــدو يـا عجابة * * * لدار العجزة بعد الـــعمر
لما قالـــوا أرواح يــابابا * * * * باباه تبعو وما جـابش خبر
عمبالو رايح يديــه للكعبــة * * * * ولا يـــديه بــــاش يعتامر
هاذ الدنيا حوالــها غــــريبة ** ** مـــانعملوش قيــمة للحاضر
ونهار تروح الحاجة وتتخبى * * * لتم الي نعملــولها قيمة وقدر
واحد النهار صرات مصيبة ** * باباهم مات وجــاهم لخبر
جاو وتلايمو كامل في رحبة * * * وتعاونوا باش حفرولوا قبر
قـــدام النـــاس بناولوا قبة * * * وعمروهالو كامل بالنواور
كان حي كان مشتـــــاق حبة * * * كي مات علقولو عرجون تمر
عليها حبيت نقولك يــابابا * * * أنك مــاراكش جــــايب خبر
بلـــي نكنــــلك واحد المحبة *** * مانكنهاش لانسان واحـــد آخر
حبيت نقعد معاك في رحـبة * * * حبيت نضمك لهـــــاذ الصدر
حبيت نقولك كلمة شـــــابة * * * دركا يا بابا قدامك حاضر
كلمة جاتني شويا صعـــيبة ** * بـــلاك حشـــــمة وبالاك قدر
ولا بـــالاك ولات غريـــبة * * * ولات كلـــمة عيب تتنهدر
ولا بـــالاك ولات لمـــحبة * * * حـــاجة تتمد بلا ما تظهر
كيما لهديـــــة لمّـــا تتخبى * * * أو تتغلّف أو تتمـــد فالستر
ولا بــــالاك لازم يتــــربى * * * أو يتعود عليــــها مالصغر
المهم ديــر في بــالك يا بابا * * * ما عرفتش برك كيفاش نعبّر
وفاتت كــــــم من منـــاسبة * * * كم من عام وكم من شهر
كم من شمعة وكم شيـــــــبة * * * كم من مرة ما قدرتش نهدر
هاذ الكلمة جـــاتني صعيبة ** * من صاب نولي لأيام الصغر
كنت نقولها ضحكة ولعبــــة ** * نقولها وبلا ما نجيب خبر
نشفى لــــما كــــــنت نتربى ** * يسقسوني شكون تحب كثر
دايما نحصل فـــــالإجــــابة ** * ما بين الشمس أو بين القمر
يما ونتايا شويا صعيــــبة ** * نفكر ونفكر من بعد نـهدر
يما قد السمـــــا ويــــا بابا ** * نتــــايا نحبـــــــك قد لبحر
يا بابا دعوتك مستجــــــابة ** * * عند ربي ما عندهاش ستر
لما نكون في وسط الغابـة ** * * فالليل دعوتك عليا تنور
ولما نكون في وسط الذيابا *** * بدعوتك يا بابا الأمور تتيسر
مادمت حي ما تزيدش تتخبى ** نحبك ونقولهالك قد ما نقـدر
ويلا كان قدّر ومتت يا بابا ** نجي ونجيبهالك حتى للــــقبر


ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
______


الرجوع الى أعلى الصفحة اذهب الى الأسفل
awrassia
ادارة المنتدى
ادارة المنتدى



مُساهمةموضوع: رد: يا بابا   السبت فبراير 06, 2010 10:12 am

بارك لله فيك اختي وفاء
يا ترى هذا من تاليفك؟

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
الرجوع الى أعلى الصفحة اذهب الى الأسفل
أم ريما
مشرفة الركن العلمي والشعر
مشرفة الركن العلمي والشعر



مُساهمةموضوع: رد: يا بابا   السبت فبراير 06, 2010 10:24 am

الله الله عليك يا أم عبدو فعلا قصيدة رووووعة وذكرتني
بوالدي رحمة الله عليه


يما قد السمـــــا ويــــا بابا ** * نتــــايا نحبـــــــك قد لبحر

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
أم عبدو
مشرفة القسم الإسلامي
مشرفة القسم الإسلامي



مُساهمةموضوع: رد: يا بابا   السبت فبراير 06, 2010 11:17 am

لا ميمي هي منقولة و نسيت كتابة منقول
أم ريما أسعدني مرورك

ــــــــــــــــــــــــــــــــــــــالأسرة الجزائرية المسلمةـــــــــــــــــــــــــــــــــــــــــــــــــ
______


الرجوع الى أعلى الصفحة اذهب الى الأسفل
ام البراء
مشرفة ركن الصوتيات والمرئيات والسياحة والسفر
مشرفة  ركن الصوتيات والمرئيات والسياحة والسفر



مُساهمةموضوع: رد: يا بابا   السبت فبراير 06, 2010 10:33 pm

بارك الله فيك اختي ام عبدو على النقل
الرجوع الى أعلى الصفحة اذهب الى الأسفل
 
يا بابا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المرأة الجزائرية المسلمة :: الركن الادبي-
انتقل الى: