&& one/two/thre viva l'algerie بيت جديد في خاطر كل الجزائريات &&

ادارة المنتدى

اااااااااااااااه صحيح مانيش كروية بالصح غاضوني الخضر
ان شاء الله تتغير النتيجة ما نحبش الحقرة

داو ظربة جزاء وخرجو لاعب

ادارة المنتدى

بلادي أحبك فوق الظنــون

وأشدو بحبـك في كــل نـادي
عشقت لأجلك كل جميــــل

وهمـت لأجــلك في كل واد
ومن هـام فيك أحب الجمـال

وإن لامه الغشم قال: بـــلادي
لأجل بلادي عصرت النجــوم

وأقرعت كأسي وصغت الشوادي
وأرسلت شعري يسوق الخطــى

بساح الفدا يوم نادى المنـــادي

عضو مميز

السلام عليكمادعوا ربي يكون مع المنتخب وان شاء الله يبان الحق

مشرفة القسم الإسلامي

وعلاش واش صرى ما عنديش تلفزيون

[ندعوك للتسجيل في المنتدى أو التعريف بنفسك لمعاينة هذه الصورة] ربحونا المصريين 4 ب 0 اااااااااااااااااااااه على الخضرة صابتها عين

الناس برا راهم كي الي مات لهم ميت

بنات تصبحوا على خير

العضوة الشرفية

هارد لك يا صبايا
بصراحه زوجي معصب ومو عارف ينام وبحكي انو الحكم ندل ..

ادارة المنتدى

اهلا سناء ماعليش حبيبتي هذه هي الكرة

وانا ما غاضنيش كي ربحو المصريين بقدر ما غاضني حقرة الحكم للجزائريين
المهم صفحة وطويناها

وينكم يا لبنات
راكم زعفاتنيين
ارواحو ما عليش يوم لك ويوم عليك

مشرفة ركن الطبخ

selemou 3laykoum les filles
ena raki tnervit bereh
ghadoun les vert
allah la trebeh lalbitre
kherj 3
messriin goulou dina 7aqna hhhhh
ya rab ndiw mondial

المشرفة العامة للمنتدى

ههههههههههههههههههه يا زيزي المونديال صعيب

ماعليش خيرها في غيرها

جمعتكن طيبة يا بنات

عضو مميز

السلام عليكم و رحمة الله و بركاته

أذكركم و نفسي بقراءة سورة الكهف اليوم ..

لكي يتذكرها من نسيها و لكي لا يفوته أجرها و كذا فائدتها .. -باذن الله-

قال صلى الله عليه و سلم :

"من قرأ سورة الكهف في يوم الجمعة أضاء له النور ما بين الجمعتين"

رواه النسائي والحاكم.

كما لاتنسوا : الصلاة على النبي صلى الله عليه وسلم
الدعاء للأحياء والأموات

مراقبة عامة للمنتدى

صبحكن الله بالخير ،، ورزقكن كما يرزق الطير ،، ووسع لكن جسر الصراط فلا تتعسرن في السير ،، واجعل أول ما ترينه في الجنة وجهه الكريم ،، ونهنئ بعضنا فنقول: فزنا ورب الكعبة ،، فهل بعد ذلك نعمة إلا أن نجتهد في الدعاء لا غير؟؟!!

مراقبة عامة للمنتدى

السلام عليكم ورحمة الله تعالى وبركاته
جمعة مباركة وجعلها بداية أسبوع حافل مليء بالأفراح للأمة العربية جمعاء

مراقبة عامة للمنتدى

كم هو عظيم شعب الجزائر
وكم هو عظيم منتخب الجزائر
وكم أنت كبيرة يا جزائر
أبتهجت كثيرا في هذه الاثناء وأنا أرى الشعب الجزائري يخرج للاحتفال في كل ولايات الوطن .. من يرى هذه الصور سيعتقد أن الجزائر فازت بكاس إفريقيا .. لم يحدث في تاريخ كرة القدم أن خرج انصار منتخب للاحتفال بعد خسارة ثقيلة 4/0 .
الجماهير الجزائرية خرجت للاحتفال لأنها تعلم أن منتخبنا لم يخسر .. لعبة كرة القدم تلعب 11 ضد 11 لكننا لعبنا اليوم 11 ضد 8، أو 12 ضد 8 لان الحكم كان يلعب مع المنافس .
حكم اليوم كان ينقصه أن يلبس قميصا احمرا وشورتا ابيضا ويذهب لأخذ صورة تذكارية مع الفريق المنافس في بداية المباراة .
منافسنا اليوم لم يكن يستحق مساعدة من أحد، وكان بامكاننا أن نشاهد مباراة أخرى مغايرة لو تحلى هذا الحكم بالقليل فقط من النزاهة .
كوفي كودجيا جاء لتنفيذ مهمة قذرة وقد نجح في تنفيذها .. الجمهور الجزائري فهم اللعبة .. والجزائريون لا يبكون عند الخسارة مثلما يفعل البعض، لكنهم يبكون فقط عند الانتصارات .. نحن لن نبكي اليوم ، ولن نندب حظنا ولن نتخلى عن منتخبنا الذي نعتبره الاحسن في إفريقيا وسيتسيد القارة السمراء لسنوات طويلة .
الشعب الجزائري سعيد جدا اليوم ويفتخر بهؤلاء الرجال الذين شرفوه ورفعوا رأسه طيلة سنوات خلت، وسيحملون آماله وآمال كل العرب لمونديال جنوب إفريقيا

مشرفة القسم الإسلامي

السلام عليكم و رحمة الله

كيف حالكم يا أخوات إن شاء الله لاباس

ميمي كاش شخشوخة راني نتشهى

جيجي ويتك طمنيني عليك

نورة زيزي خوخة دوسة أم ريما سوفية مومنة و باقي الأخوات لكم مني أحلى سلام طيب الله أوقاتكن

المشرفة العامة للمنتدى

اهلين نورة كيفك حبيبتي

يا فيفي يا عمري لا شخشوخة لا والو راسي راه مشخشخ هههههههههههههه ما رقدتش خلاص
الله المستعان

عضو مميز

[ندعوك للتسجيل في المنتدى أو التعريف بنفسك لمعاينة هذه الصورة]

مهما كان
اخواتي جمعتكن طيبة مباركة
لا تحزنوا لاننا لم نخسر بسبب ضعفنا ولكن بسبب ضعف التحكيم

فينكم يا لبنات؟؟؟؟؟؟؟؟؟؟؟؟؟

مراقبة عامة للمنتدى

السلام عليكم اخواتي واش راكم اليوم
راني نشوف فيكم راقدات واش بيكم
طلو اليوم الجمعة
جمعتكن طيبة ومباركة

مشرفة القسم الإسلامي

و عليك السلام آسيا كيف حالك واش تحكي ختي كاش جديد....؟؟؟

مراقبة عامة للمنتدى

السلام عليكم حبيبتي فاء كيراكي اختي ريحتي شوية
كيراكي تحسي روحك اليوم
انا الحمد لله رحمة ربي اليوم

مشرفة القسم الإسلامي

و الله الحمد لله يا خوخة راني نتحسن اليوم خير من البارح كنت حابة نخرج بصح الحال راه مقلب عندنا و عبدو راه يهبل فيا صافي 3 أيام ما راحش للمدرسة راه مقلق
كيف حال عمر و شريتي للبيبي ولّا ما زال

مراقبة عامة للمنتدى

الحمد لله كي رتحتي وفاء عبدو مسيف يتقلق حتى انا عمر
اليوم الصباح هبلني والله حتى خرجته وكان الجو -20 السم برا ما قدرتش
نقعد رحت تقضيت شوية حوايج ودخلت

البيبي ما زال ما شريت حاجة راهي مخلطة ما عرفت منين نبدا خلي حتى كي نولد ونشوف واشخصني ونشري
هههههههه

لبنات واش بيكم اليوم هجرتو المنتدى الجزاير خسرت ما راهيش نهاية العالم
مرة نربحو ومرة نخسرو معليش

العضوة الشرفية

اهلا يا حلوات وكيفكم اليوم لباس
ولا زعفانين على خسارتنا معليش خيرها في غيرها بصح ربعة بصفر بزززاااااف علينا [ندعوك للتسجيل في المنتدى أو التعريف بنفسك لمعاينة هذه الصورة]
ما تصورتش هكدا بعدا المهم مبروك على اللي ربحو خلي روحنا تكون رياضية
ونتقبلوا الهزيمة والفشل كيما النجاح والانتصار وربي معانا وما نتبهدلوش في المونديال
المهم كيفكم انا كنت في هاد اليومين تعبانة شوية واليوم الحمد لله خرجت ونحيت علبالي شوية بصح كانت واحد الشتا ما تخليكش اتشوفي الطريق خرجت الصباح وليت لعشية ههههههههه قاللي راجلي واش راكي خدامة وما علباليش يمعنيللي راني بطيت ربي معاه ومعايا
ليكم وحشة وحتى نجود عندي يومين ما هدرتش معاها هي اللي موالفة تقولي اخباركم وطمني عليكم

العضوة الشرفية

آسيا حنونتي علاه ما تشريش حوايج البيبي درك خير من امبعد علبالك حوايج لولاد اصغار بزاف غاللين تخلي الصولد وتشري في لغلا؟ اشري اللي كتب ربي واذا كنت ما تعرفيش جنس المولود اشري الالوان المحايدة ماهي ولادي ولا بناتي لاثنينهم والله يسهل حملك وتولديلنا بالف سلامة يا رب

العضوة الشرفية

أم عبدو كتب:: و الله الحمد لله يا خوخة راني نتحسن اليوم خير من البارح كنت حابة نخرج بصح الحال راه مقلب عندنا و عبدو راه يهبل فيا صافي 3 أيام ما راحش للمدرسة راه مقلق
كيف حال عمر و شريتي للبيبي ولّا ما زال

اهلا ام عبدو وشراكي حبيبتي غير الخير وشبيك كنت مريضة سلامتك حنونتي ومعليش وليدك مازالو صغير كيمايروحش لاماترنال ماشي مشكل ماراح ينقصو والو كيكون تعبان مش شرط يروح

مراقبة عامة للمنتدى

اهلين سهاد حبيبتي كيفك والله غيل قبيل كنت في المطبخ تفكرتك
قلت عندها مدة ما باتش
والله يا اختي راجلي هو اللي قالي خلي من بعد وعلاش راكي مقلقة
سكتني راني عارفة الجنس بصح خفت الطبيبة تكون غالطة
قلت بلاك ما شافتش مليح هههههه

المهم غيل كي نولد بالسلامة هداك هو الصح
وزيد عندي وشية قش تاع بيبي مازالو جديد
من عمر ولدي

عضو مميز

اهلا يا بنات كيف حالكم
اهلين خوخة
فيفي
سهاد
والبقية فينكم
صح حنا نتقبلوا الخسارة بالصح لما تكون خسارة عادية مافيهاش حقرة
ربي على الظالم

مراقبة عامة للمنتدى

اهلين بالهلال نتاعنا واش راكي اختي ام البنات لباس
وكيفهم بناتك راكي طولي في الغيبة هههههههههه

صح اختي خسارة كبيرة والله اليوم زوجي في الشغل هبلوه القور
قالولو الحكم هو السبب المهم ربي يدي الحق

عضو مميز

اهليييييين خوخة البنات بخير حبيبتي
صح الكل هنا حزين ليس من اجل الخسارة ولكن من اجل الطريقة التي خسرنا بها

المهم انت واش اخبارك مع الحمل وعمر والبيت
كاش طبخ جديد ههههههههههههههههههه
زيزي وينك يا شمس

العضوة الشرفية

ان شاء الله تولدي بالسلامة اختي اسيا وتفرحي وتفرحينا معاك

اهلا اختي ام البنات انا علبالي الخسارة راهي فادحة لانو صفر بربعة ضربة كبيرة كاننا عمرنا ما لعبنا يا سيدي ياريت لوكان بيت واحد برك وزيد حتى لوكان تحقرنا من المفروض يكون حافز لينا باش نغلبوهم ماشي نهتزو ونخلوهم ينالو مرادهم بان يربكونا ونخسرو اللعبين القادرين من المفروض ما يهتزوش يكون دمهم بارد وزيد لوكان بدلو سيستام لعبهم كيشافوهم يتصرفو بهاديك الطريقة
المهم ربي معانا وخلاص,,,,,,,,,, انا عمري ما حبيت كرة القدم ولكن هاد المرة الكل يتكلم عليها اهلي وهنا في المنتدي وحسيتها قضية شرف لانهم اخوانا المصريين كانو متاكدين من الانتصار علينا [ندعوك للتسجيل في المنتدى أو التعريف بنفسك لمعاينة هذه الصورة] ربي معانا

العضوة الشرفية

اوراسيتنا وينك توحشناك اسيدي طلي علينا
وينها ام فريد او وينها ام مصعب واختي نورا نوارة منتدانا
وكل البنات الغاليات عليا بزاف اليوم كيحبيت نقسر شوية ما دخلتوش [ندعوك للتسجيل في المنتدى أو التعريف بنفسك لمعاينة هذه الصورة]

عضو مميز

صح اختي سهاد حتى انا مانييش متبعة الكرة
لكن هذا المرة غاضوني بزاف
كما قلتي حسيت باهانة كبيرة منين الاعبين تاعنا يخرجو واحد ورا خوه
اذا كان الحكم ولا ضدنا مية بالمية والعالم يتفرج
المهم عييت ننسى منظر اللعبين وهم خارجين من الملعب والمصريين يفرحجوا ويسجدوا يا اختي مارانش اعداء نورمالمون اخوة بالصح هم حسبونا عديانهم وكانهم فازو في امر مهم ماشي كرة قدم

المشرفة العامة للمنتدى

اهليييييييييييييييييييييين بالحبيبات
سهاد حنونة ليك وحشة كبيرة
اهلين ام البنات
خدوجة كيفك
وفاء
زيزي
نجود
وكل القمرات فينكم
اكيد زعفانين
ماعليش الجزائر حرة وابية واصيلة والكل يعرفها

العضوة الشرفية

يا اختي لوراسية وشراكي لباس واش انقوللكم راني مع نجود واش انقوللكم راهي زعفانة انتاع الصح على البارح كيخسرنا ههههههههههه والله راهي مقلقة بزاف راني نكالمي فيها

المشرفة العامة للمنتدى

ههههههههه يا سهى قوليلها ادخلي نحي على بالك هنا
صح رانا كامل زعفانين بالصح ماشي لهذا الدرجة
سلمي عليها
وانت ربي يشفيك حبيبتي

العضوة الشرفية

قالتلي نجود من الصباح وهي تحاول تدخل وما قدرتش عندها النت ضعيف بزاف قالتلي ولا صفحة حبت تتفتحلها اول ما ترجعلها النت راهي اكيد تدخل وراهي تسلم عليكم كامل

العضوة الشرفية

الله يسلمك اختي لوراسية راني دايما تعبانة الله يشفيني ويشفي جميع المومنين راهي درك تدخل نجود قدرت تدخل للمنتدي

العضوة الشرفية

وينك نجود اهدري معانا اسيدي الا دخلتي

مشرفة ركن الأزياء

السلام عليكم و رحمة الله و بركاته
وشراكم حبيباتي
انا اليوم راني زعفانة بزاف على المنتخب الجزائري مسكين وعلى الحقرة تاع الحاكم و الظلم الله لا يتربحه
من الصباح وانا حابة ندخل للمنتدى بصح الله غالب مقدرتش النت عندنا ضعيف بزاف

المشرفة العامة للمنتدى

اهلا نجود مرحبا بيك
اسيبدي الحمد لله كي دخلتي
اليوم المنتدى ظل مهجور
كامل زعفانات
ههههههههههههههههههه
ماعليش الجزائري يبقى قلبو قوي

المشرفة العامة للمنتدى

نجود راني بعتلك رسالة خاصة ردي عليا

سلاااااااااااااام بنات واشراكم لاباس الحمدالله على كل الاحوال المنتخب

راه رابح في عيون كل العرب و الاجانب و كلهم علابالهم بلي الحكم شاريينه ماعليش

بصح عمر حاجة ما تطلع بالغش

انا اليوم كامل و انا عند عجوزتي عملت معروف { الكسكسي } لكل العائلة بناتها و اولادهم

و احنا الكناين و اولادنا

فيفي شكرا الي سقسيتي عليا

مشرفة القسم الإسلامي

اهلا ام عبدو وشراكي حبيبتي غير الخير وشبيك كنت مريضة سلامتك حنونتي ومعليش وليدك مازالو صغير كيمايروحش لاماترنال ماشي مشكل ماراح ينقصو والو كيكون تعبان مش شرط يروح[/quote]

أهلا بيك سهاد الحمد لله خير إن شاء الله راكي تعرفي وقت الزكام و les angines ربي يشفي الجميع
يا ختي عبدو أنا ما حبيتوش يروح على العفسة اللي راهم دايرينها قلت لباباه يا يروح نهار كامل كيما الدراري و إلا يقعد معاي في البيت ما كانش فايدة يحكموه زوج سواع الصباح و يولي ياخي تمسخير
ربي يشفيك و يقويك و يعينك في تحمل أعباء الحياة يا رب
ميمي واش تحكي و قوليلنا شكون اللي شخشخلك راسك هههه
خوخة معليش ختي إذا عندك حوايج عمر غير ما تخسريش دراهم و تشري لأنو البيبي في الاشهر الأولى يكبر بسرعة و واش شريتي ما يولوش يجوها أنا كي يكونو في الأشهر الأولى ما نشريش طرف قماش صغيرة دير 10 أورو ولّا كتر واشنو هادا
جيجي وينك أختي
زيزي وين راكي أكيد راكي غالقة على روحك الغرفة و تبكي و زوجك يجيبلك في لمشاور ههههه معليش ياك بلادنا في لا كوب دو موند هههه و هما خلوهم في أفريقيا ههههه

نونو ما تزعفيش حنونة نشد هاداك الحكم اللي ظلمهم نتفاهم معاه و نقولو يعترف شحال عطاولو من دولار !!

مشرفة القسم الإسلامي

العفو جيجي و لو ,,, واشنو مناسبة الكسكس يا جيجي ولّا هكاك برك

بصحتكم حنونة واش أخبار المحل؟؟

فيفي الكسكسي بمناسبة خروجها من المستشفى و ريحت

المحل حاله هو حاله ماعرفت واش ندير و الحمدالله

بنات راح نخليكم لانه راه يوجعني راسي و مارانيش قادرة عملت عصابة

و مارانيش قادرة

تصبحوا على خير غدا ان شاءالله

مشرفة ركن الأزياء

مع الف سلامة حبيبتي ام فريد
يا بنات وين رحتو مكانش قصرة اليوم يخي غدا مكانش قراية

المشرفة العامة للمنتدى

هههه يا فيفي وينك راسي تشخشخ من السهرات الله المعين ربي يستر الليلة برك وترقد عجوزتي
مسكينة تبات قاعدة

جيجي علا واش درتي كسكسي واحنا ما خليتلناش ؟
نجود وينك راني هنا بالسيف ناض زوجي منا

عضو مميز

كيفكم يا حلوين الله يهديكم واشبيكم إلّي تبكي وإلّي تشكي خلاص بدلو الصفحة وقولولي كاش كاس شاي ولّا تقصيرة!!هههههههه

المشرفة العامة للمنتدى

هههههههههههه يا سوفية ارواحي تسهري
كيف راه يوسف
لتاي راه على النار ظرك يجي
وياريت نورة تلحق وتجيبلنا تاي سوفي

مشرفة ركن الأزياء

اهلين بالحبايب
راني هنا حبيبتي
اهلين سوفية وشراكي حنونة [ندعوك للتسجيل في المنتدى أو التعريف بنفسك لمعاينة هذه الصورة]

» &&& بيت جديد في خاطر التليتلي تاع فيفي .......جوزوا يا لبنات ههههههه&&&
» بيت الاخوة والمحبة يجمعنا من جديد هلمواااااااااااااااا
» && بيت المحبة من جديد .......اجيو تشعبنوا معانا &&
» && بيت المحبة من جديد ........مضت عشرون يوما من رمضان &&
» **متميز**مودال جديد