شخشوخة الرزام

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]



عملت شخشوخة تقليدية تاع الكسرة ونهرسوها بالرزام
جات بنينة روعة
بالصح عييت نحمل الصور
جبتلكم الرابط شوفو وقولولي رايكم

[ندعوك للتسجيل في المنتدى أو التعريف بنفسك لمعاينة هذه الصورة]





thebel bassah awel marh nssme3 biha

ya3tik assha

الله يسلمك بالصح راهي بنينة بزاااف
كانت يما اديرها
ولبارح حرت واش ندير للغدا تفكرتها ودرتها
كي رجع زوجي من الخدمة عجباتو بزاف
قالي هذي خير من تاع الظفر

الله يعطيك الصحة اوراسية راهي تبان بنينة

يا ريت المقادير و الكيفية

BARAK ALLAHO FIK RAKI CHATRA

MADABIK TJIBILNA ALMAKADIR
RANI BARYA NAHBAL 3LA LA CHAKHCHOUKHA

هههه اسيا بالاكي تتوحمي وانا ماعلاباليش

ام فريد راهي ساهلة وتجي باللحم والا بلا لحم بنينة كيف كيف
جربو وردولي
نعطيكم المقادير
بالنسبة للعجين كلغ سميد مغرفة ملح صغيرة ماء
تخلطي الكل وتخليها ترتاح شوية
ومن بعد تعجنيها بدون تقطيع وتسقي بالماء حتى تتحصلي على عجينة طرية وماشي جارية بزاف

طيبيها وهي سخون اهرسيها اذا عندك المهراس واذا ما عندكش تقدري بالقنوط
ومن بعد عاودي فتتيها بيدك


بالنسبة للمرق كما تاع الشخشوخة الاخرىة بالصح كثرلاي الخضرة زرودية بطاطا جريوات وحمص
وديريها حبة طماطم زايد طماطم مصبرة
طبعا اللحم اذا موجود انا كان عندي طرف درتو وجات هايلة

راني صورتها بالزربة باش ما يشوفنيش زوجي هه
عليها ما عدلتهاش مليح

هههههههههههه راني باسم اسيا وما علاباليش حتى شفت الرد

ههههههههههه يا اوراسية مين قريت الرد قلت اسيا قالتلي هاك

راهي تعرف كلشي انخلعت ههههههه

بصح الخبز كي نطيبه راسي شوية تقيل نبغي نفهم مليح

قوليلي الاوراسية كيفاش العجينة نحلها كيما المسمن ولا كي الخبز فهميني

حبيباتي اسيا وام بثينة

العجينة حليها بالقنوط ورققيها شوية تكون كي كسرة الرخسيس بالصح رقيقة عليها
شوفيها فالصورة بعدما تعجني العجين كما قلتلك قسميه الى كويرات صغار وحليهم بيدك او بالقنوط
انا حليتهم بالقنوط

[ندعوك للتسجيل في المنتدى أو التعريف بنفسك لمعاينة هذه الصورة]

واش هو القنوط اول مرة نسمع بيه تقصدي الحلال

ههههههه نعم اسيا هو الحلال

راني نقول واش هاد القنوط تعيشي حنونة ومنبعد نطيبها وباش نقطعها نفتتها بيدي

اوراسية واشهو الرزام

هههههههههههههههههه ضحكتوني يا بنات
ياك راكم جزائريات
الرزام هو المهراس يا ام بثينة والا ما تعرفيهش تاني هههههه
هذا الي يهرسو بيه بكري مصنوع من النحاس
انا عندي واحد تاع عجوزتي
والا ما عرفتوهش نصورهولكم


تفتتيها بيدك نجاة نعم
اي اسئلة انا هنا

اممممممممممممممممممممممم

شحال بنينة انا تاني نديرها ساعات

شكرا اوراسية على الشخشوخة الهااااااااااااايلة

الله يبارك فيك وفي يماك اختي وفاء

الله الله
يعطيك الصحة انموت عليها
والله قافزة ما شاء الله

الله يخليكي يا سناء

رايحة نديرها اليوم والا ماجاتش بنينة ناكلك نتي هههههههههه

[ندعوك للتسجيل في المنتدى أو التعريف بنفسك لمعاينة هذه الصورة]


كي خفت من ام بثينة لتاكلني راني عاودتها وصورت الخطوات

ya3tik assaha
echri limehresse ya awrassya

الله يسلمك اختي سهاد
ههههههههههههههههههههههه نعرفو البطوط احنا نديروه يما ديرولنا قبل ما نتزوج ومن بعد خليتو
بالكسرة والفلل الحار والطماطم ويهرسوه بالمهراس صح ويكثرو فيه الدواوت ياحسراه ماكلة تاع بكري كانت بنينة بزاف

انت تانبيي الله يبارك عليك كل يوم ندخل المدونة تاعك نلقى الابداع ما شاء الله

روعة فعلا والجزائر تعرف اكثر من نوع من الشخشوخة كل منطقة بنوعها بصح انا شخصيا تعجبني شخشوخة البسكرين يعني نتاع الصحراء رووووووووووعة

يعطيك الصحة اختي على المجهود والنقل

أول مرة نسمع بهذي الطبخة يعطيك الصحة أوراسية قلتهالك ونعاودها راكي مرا ونص ربي يحفضك ان شاء الله
كاشي نهار نجربها ونردلك الخبر فزوجي يموت في العجائن خصوصا الاطباق التقليدية
امافيما يخص اكلة البطوط فنحن في منطقتنا نقلول سلاطة مهراس والبعض يقولو الزفيطي
كاشي نهار نعملو ونصورو ونبعثولكم تشفوه

ماشاء الله عليك اوراسية والله روعة
وان شاء الله راح نجربها ف هاد اليومين ويلا قدرت نصورها ليكم التطبيق
بصح وانا نقرا ف الردود تعرفو متت بالضحك من الاسئلة والجوبة المرحة تاع ميمي والله ضحكت من قلبي على خفت دمكم
ربي يخليكم